Christina Lackmann, e cila jetonte në Melbourne, telefonoi shërbimet e emergjencës në orën 19:49, duke raportuar marramendje dhe mpirje në të gjithë trupin. Megjithatë, ajo u klasifikua si një rast “jo-urgjent”, dhe nuk mori ndihmën e nevojshme në kohë.

Për shkak të mbingarkesës në sistem, askush nga personeli mjekësor i disponueshëm nuk mund ta merrte përsipër rastin. U bënë 14 përpjekje për ta kontaktuar sërish, por Christina nuk u përgjigj. Kur ambulanca mbërriti më në fund në orën 2:23 të mëngjesit, ajo u gjet e vdekur në banjën e apartamentit të saj, së bashku me qenin që po lehte pranë trupit të saj.

Hetimi zbuloi se atë ditë, Christina kishte marrë një pako me tableta kafeine, ndonëse gjatë telefonatës me urgjencën nuk përmendi se kishte konsumuar ndonjë medikament. Mjekësia ligjore konfirmoi përqendrime të larta të kafeinës në gjak dhe në stomak.

Mjekja ligjore Catherine Fitzgerald deklaroi se nëse do t’i ishte ofruar ndihmë më herët, Christina kishte shumë të ngjarë të mbijetonte. Edhe eksperti toksikolog, prof. Narendra Gunja, theksoi se nëse do të ishte marrë informacioni i duhur gjatë telefonatës, pacientja mund të kishte përfituar nga trajtime jetike si hemodializa ose antidotë specifikë për mbidozën.

The post Ndërroi jetë nga mbidozë kafeine pasi priti 7 orë për ambulancë, tragjedia që tronditi Australinë appeared first on Albeu.com.

Dy ditë më parë, vajzat kanë shkuar në një farmaci ku kanë kërkuar Xanax.

Farmacistja ka refuzuar t’ua shesë, ç’ka ka tensionuar vajzat të cilat më pas edhe kanë kafshuar farmacisten në dorë.

Kjo e fundit ka denoncuar rastin në polici, por autoritetet nuk i kishin lokalizuar dot.

Dy ditë më pas, pra sot, vajzat u gjetën pa shenja jete në banesë nga shoqja e tyre e dhomës.

The post U gjetën të vdekura në banesë, dy ditë më parë ukrainaset sherr me farmacisten appeared first on Albeu.com.

Sipas hetimeve ka rezultuar se vdekja ka ardhur nga mbidoza e lëndës narkotike.

Kërkesa e prokurorisë së bashku me rezultatet e hetimit është dorëzuar në gjykatë.

Tashmë do të jetë Gjykata ajo që do të vendosë nëse do ta pranojë apo jo kërkesën e Prokurorisë, bërë nga prokurori Albert Demirneli.

Kujtojmë se në aktekspertizën për Kurtin, 32 vjeç, në vitin 2022, rezultoi se ai kishte vdekur nga mbidoza, pasi gëlltiti qesen me kokainë, ekspertizë të cilën familjarët e kanë kundërshtuar.

Pjesë nga akti i ekspertimit:

“Në përgjigje të aktit të ekspertimit mjeko-ligjor, përcaktohet diagnoza Anatomo-Patologjike:

Mbidozim (Helimim) akut me lëndë narkotike e llojit kokainë. Ishemi akute Hypoksite e miokardit e shoqëruar me kontraktim dhe deformim të miofibrilive, edemë e shprehur e trurit, stazë vazale dhe ekstravazat kapilar, atelektazë dhe emfizemë kompesatore e mushkrisë, hepatit kronik persistent.

Shkaku i vdekjes se shtetasit Lear Kurti ka qenë helmimi (mbidozim) akut me lëndë narkotike të llojit kokainë, i komplikuar me shok toksik, me mekanizimin e ishemisë akute të miokardit që ka sjellë për pasojë asistolinë kardiake (Ndalim i menjëhershëm i zemrës)”./albeu.com 

The post Vdekja e Lear Kurtit, Prokuroria pushon çështjen: Efektivët nuk kanë kryer shkelje ligjore, vdiq nga mbidoza appeared first on Albeu.com.

Terapistet shqiptaro-amerikane në Miçigan, Juliana Pepaj dhe Entela Kaba, thonë se qëllimi i nismës është krijimi i një hapësire të sigurt, pa gjykime dhe frikë, ku komuniteti shqiptaro-amerikan mund të diskutojë hapur për problemet e shëndetit mendor.

“Kur flasim për shëndetin mendor jemi jemi duke folur për personalitetin tuaj, për atë se kush jeni. Mënyra si menaxhoni stresin, merrni vendime dhe komunikoni me të tjerët varet nga shëndeti mendor. Në komunitetin tonë ka shumë frikë se dukeni si jo normal, nëse flisni hapur rreth kësaj teme. Është koha që të themi mjaft është mjaft”, thotë zonja Pepaj në një intervistë për Zërin e Amerikës.

“Shëndeti mendor është jeta jonë. Përfshin gjithçka, gjendjen tonë psikologjike, emocionale dhe sociale. Që të kemi familje dhe shëndet më të mirë, çdo gjë fillon nga mendja”, thotë terapistja shqiptaro-amerikane Kaba.

Dy terapistet, së bashku me ndihmësprokurorin në bashkinë e qytetit Oakland, Endrit Topalli, po organizojnë terapi në grup dhe takime private, kryesisht në institucionet kulturore dhe fetare të komunitetit shqiptaro-amerikan në Miçigan.

Pjesëtarët e komunitetit mund të këshillohen mbi problemet e tyre dhe të informohen rreth burimeve për të trajtuar shëndetin mendor.

Kjo nismë erdhi si domosdoshmëri, duke e parë numrin në rritje të vetëvrasjeve dhe vdekjve si pasojë e mbidozës, thonë ekspertët.

“Personalisht kam familjarë që kanë kryer vetëvrasje. Po shohim fëmijë, të rinj 15 vjeçarë e deri tek moshat më madhore 60 vjeçare, që po kryejnë vetëvrasje. Kjo është diçka që na bashkoi”, thotë terapistja Pepaj.

Grupi thotë se gjatë dy viteve të fundit kanë identifikuar mbi 50 raste të vdekjeve si pasojë e vetëvrasjeve, ose mbidozës, vetëm në komunitetet shqiptare në Miçigan dhe Nju Jork.

“Ka një rritje të numrit të shqiptarëve që përfundojnë në sistemin e drejtësisë, që kanë probleme me substancat narkotike dhe me alkoolin. Pasi analizuam këtë fenomen, kuptuam se në të gjitha rastet një gjë është e përbashkët, shëndeti mendor. Këta njerëz po mundohen të gjejnë një rrugëzgjidhje në mënyrë private dhe individuale, gjë që nuk është rrugëzgjidhje”, thotë për Zërin e Amerikës, ndihmës-prokurori në bashkinë e Oaklandit, Endrit Topalli.

Stresi dhe ankthi nga jeta e shpejtë në Amerikë, pandemia COVID-19, sulmet me armë nëpër shkolla dhe lufta në Ukrainë janë disa nga çështjet që rëndojnë shëndetin mendor thonë ekspertët.

Grupi synon që përmes kësaj nisme të ndërgjegjësojë sidomos burrat shqiptarë, të cilët sipas tyre janë kategoria, që kujdeset më pak për shëndetin mendor.

“Ne duam të kapim edhe pjesën e prindërve vetë, sepse ata kanë nevojë. Të prekim sidomos pjesën mashkullore shqiptare, sepse burrat në përgjithësi, sidomos me kulturën që kemi, nuk pranojnë të shkojnë për ndihmë”, thotë terapistja Kaba.

“Mashkulli tipik shqiptar, siç e dimë, është portreti i burrit të fortë, që ka luftuar, që ka mbrojtur vatanin, nderin dhe njerëzit e kombit. Por nuk të bën më pak burrë, fakti që ti këshillohesh me një terapist, ose një psikolog”, thotë ndihmësprokurori Topalli.

Zoti Topalli thotë se refuzimi i burrave që të flasin mbi çrregullimet e shëndetit mendor, po çon drejt fenomeneve të tjera, që kërcënojnë shoqërinë shqiptare.

“Ai shkon në familje dhe ushtron dhunë, qoftë tek bashkëshortja, qoftë tek fëmijët. Pra kemi një fenomen tjetër, të të dhunës në familje. Dhuna në familje është një sjellje e mësuar, themi ne. Nëse fëmija sheh prindin duke rrahur prindin tjetër, do të rritet me atë kulturë, duke thënë se babai im e ka bërë këtë gjë dhe se është në rregull ta bësh këtë gjë”, thotë zoti Topalli.

Vetëm duke u kujdesur për veten, prindërit mund të ndihmojnë fëmijët thotë terapistja Pepaj.

“Shenjat që prindërit duhet të ndjekin tek fëmijët janë: si po komunikojnë fëmiijët e mi në shkollë, a kanë shokë, çfarë nota kanë, a po bien në mësime. Ka shumë shenja me të cilat fëmijët tregojnë, se janë në depresion, ose se janë duke u abuzuar. Janë shumë tregues, që tregojnë se ata kanë nevojë për mbështetje”, thotë ajo.

Një studim i Organizatës Botërore të Shëndetësisë i publikuar në janar të këtij viti, e sheh shëndetin mendor si një nga sfidat më të mëdha globale.

Gati 1 miliardë njerëz në botë vuajnë nga çrregullime të shëndetit mendor. Depresioni dhe ankthi janë format më të përhapurat.

OBSH thotë se personat me probleme të shëndetit mendor jetojnë 10 deri 20 vjet më pak sesa pjesa tjetër e popullsisë.

Raporti thekson se një në çdo 100 vdekje është si pasojë e vetëvrasjes. Në përgjithësi në botë, çdo vit regjistrohen mbi 700 mijë raste të vetëvrasjeve. /VOA

The post Komuniteti shqiptaro-amerikan dhe problemet e shëndetit mendor: Mbi 50 vetëvrasje ose vdekje nga mbidoza në 2 vjet appeared first on Albeu.com.

Ka dalë ekpsertiza mjeko-ligjorë e Lear Kurtit, i cili ndërroi mesnatën e 19 tetorit në duart e policisë në Tiranë në Komisariatin numër 3.

Sipas ekpertizës, Kurti ka ndërrruar jetë nga mbidozimi akut me lëndë narkotike të llojit kokainë.

Njoftimi:

Prokuroria e Rrethit Gjyqësor Tiranë, ka administruar aktin e ekspertimit mjeko-ligjor nr 494/22 datë 14.11.2022, në lidhje me shkaqet e vdekjes së shtetasit Lear Kurti.

Në përgjigje të aktit të ekspertimit mjeko-ligjor, përcaktohet diagnoza Anatomo-Patologjike:

Mbidozim (Helimim) akut me lëndë narkotike e llojit kokainë. Ishemi akute Hypoksite e miokardit e shoqëruar me kontraktim dhe deformim të miofibrilive, edemë e shprehur e trurit, stazë vazale dhe ekstravazat kapilar, atelektazë dhe emfizemë kompesatore e mushkrisë, hepatit kronik persistent.

Shkaku i vdekjes se shtetasit Lear Kurti ka qenë helmimi (mbidozim) akut me lëndë narkotike të llojit kokainë, i komplikuar me shok toksik, me mekanizimin e ishemisë akute të miokardit që ka sjellë për pasojë asistolinë kardiake (Ndalim i menjëhershëm i zemrës)

The post Vdekja e Lear Kurtit, del ekspertiza: Ja çfarë ia shkaktoi vdekjen të riut appeared first on Albeu.com.

Sipas mediave 27-vjeçari Gëzim Orana rezulton se kishte kaluar në mbidozë së bashku me një familjarin e tij, por ky i fundit rezulton jashtë rrezikut për jetën dhe po trajtohet në spital.

Nuk dihen shkaqet që e çuan të riun nga Gjilani në një gjendje të tillë. Efektivët e policisë po hetojnë rrethanat e rastit në fjalë./albeu.com

The post 27-vjeçari shqiptar ndërron jetë nga mbidoza appeared first on Albeu.com.

“Ka një efekt nga pandemia që po shfaqet në mënyrën se si paraqitemi në punë, familje, ngarjen e makinës, dhe sigurisht vendimet që marrim kur kemi zgjedhjen për të konsumuar substanca të dëmshme për shëndetin”, thotë Jane Terry nga Këshilli Kombëtar i Sigurisë.

Më shumë se 38 mijë vetë vdiqën nga aksidentet rrugore në Shtetet e Bashkuara gjatë vitit të parë të pandemisë. Kjo është shifra me lartë që nga viti 2007.

“Ne po shohim më pak përdorim të rripave të sigurisë dhe norma më të larta shpejtësie në rrugë. Ne po shohim përdorim më të madh të substancave që ndikojnë në mënyrën se si njerëzit ngasin makinën dhe rreziqet që ata marrin kur janë në rrugë”, thotë Shannon Frattaroli nga Qendra për Studimin e Lëndimve dhe Politikave në Universitetin Johns Hopkins.

Pandemia ka rritur pasigurinë e vendit të punës dhe atë ekonomike për shumë amerikanë. Ajo ka ndikuar edhe në marrëdhëniet ndërpersonale.

“Aftësia për të komunikuar dhe për t’u shoqëruar me njerëz të tjerë në prani fizike ka qenë e kufizuar. Jemi bërë gjithnjë e më të izoluar”, thotë zonja Frattaroli.

Një numër rekord njerëzish, mbi 96 mijë, vdiqën nga mbidoza në Shtetet e Bashkuara në vitin 2021. Kjo është një rritje prej 30 për qind krahasuar me vitin e paraprak.

“Ne e dimë se abuzimi me substancat u rrit gjatë pandemisë. Shumë njerëz përdorin alkool dhe drogë për të përballuar stresin që po përjetojmë. Pra, disa njerëz tashmë kishin probleme përpara pandemisë, që u përkeqësuan më tej. Dhe më pas disa njerëz, të cilët nuk kishin probleme më parë, përjetuan nivele kaq të larta të stresit saqë përdorën substanca për ta përballuar atë”, thotë psikologia Maria Espinola.

Ka mundësi për të gjetur zgjidhje për këto probleme. Për shembull, Qendra për Studimin e Lëndimeve dhe Politikave në Universitetin

Johns Hopkins thotë se vdekjet në trafikun rrugor mund të zbuten nëse paratë e ndara për infrastrukturën përdoren për të trajtuar edhe arsyet e gabimeve të ngasësve të makinës. Për shembull, kryqëzimet me katër drejtime të prirura për aksidente mund të zëvendësohen me unaza për të lehtësuar trafikun.

Kur bëhet fjalë për abuzimin me substancat, Këshilli Kombëtar i Sigurisë thotë se punëdhënësit amerikanë duhet të rrisin përfitimet e punës, duke përfshirë ofrimin e më shumë shërbimeve për trajtim dhe rikuperim nga abuzimi me substancat.

Por, për momentin, kjo epidemi në këtë kohë pandemie nuk po tregon shenja të ngadalësimit./VOA

The post Efektet e pandemisë, rriten ndjeshëm vdekjet nga aksidentet dhe mbidoza në SHBA appeared first on Albeu.com.

Ylli i hip-hopit, DMX, ka ndërruar jetë në moshën 50 vjeçare, konfirmoi familja e tij, shkruan lajmi.net.

Artisti tash e sa ditë ishte i shtrirë në spital pas sulmit që kishte në zemër, i cili i ishte shkaktuar nga mbidoza e drogës.

Reperi kishte një karrierë të bujshme në muzikë, numëroi shumë hite dhe ishte i nominuar për “Grammy”.

Ndër këngët më të njohura të DMX janë: “Get At Me Dog”, “Party Up”, “X Gon ‘Give It to Ya”.

Më 2013, DMX kishte mbajtur një koncert në Prishtinë, ku u prit nga një numër i madh i fansave të tij.

Ai këndoi disa nga hitet e tij të asaj kohe, ndërsa më pastaj ndejën e kishte vazhduar në një hotel në Prishtinë, ku ia tha valles bashkë me shqiptarët.

The post Vdiq nga mbidoza, kur DMX mblodhi numër të madh fansash në koncertin në Prishtinë (VIDEO) appeared first on Albeu.com.

DMX, emri i vërtetë i të cilit ishte Earl Simmons, kishte qenë në një gjendje vegjetative që nga mometi i shtrimit të tij . Ai kishte vite që vuante nga varësia ndaj drogës dhe u detyrua të anulonte disa herë koncertet e tij dhe të shkonte në qendrat e detoksifikimit.

Dmx që është për Dark Man X, ishte veçanërisht i famshëm në fund të viteve 1990 për rimat e tij gotike të nënvizuara nga timbri i thellë vokal dhe tani konsiderohet si një nga artistët reperë më me ndikim të gjithë kohërave.

The post Vdes reperi i njohur DMX, ishte prej ditësh në koma për shkak të mbidozës appeared first on Albeu.com.