Ajo njoftoi se qytetarët tashmë kanë mundësi t’i dërgojnë mbeturinat në deponitë sanitare në Mirash, Landovicë, Velekincë dhe Dumnicë, ku u ofrohet një hapësirë e ligjshme dhe e sigurt për depozitimin e tyre.

Sipas Pacollit, këto deponi do të pranojnë mbeturina nga qytetarët çdo të shtunë, në intervalin kohor prej orës 08:00 deri në 16:00.

Ajo theksoi se, me ofrimin e këtij shërbimi, nuk duhet të ketë më asnjë arsye apo justifikim për hedhjen e mbeturinave në natyrë apo në deponi ilegale.

Pacolli gjithashtu u bëri thirrje qytetarëve që ta shfrytëzojnë këtë mundësi dhe të japin kontributin e tyre në mbrojtjen e mjedisit, duke nënvizuar se përgjegjësia për një Kosovë më të pastër dhe më të gjelbër u takon të gjithëve.

“Të gjithë kemi për detyrë që ambientin ta ruajmë e Kosovën tonë ta bëjmë të pastër e të gjelbër”, ka shkruar Pacolli në njoftimin e saj.

The post Hapen katër deponi sanitare për pranimin e mbeturinave nga qytetarët, Pacolli: S’ka më arsye për t’i hedhur në natyrë appeared first on Albeu.com.

Sipas njoftimit, ky konsiderohet një hap i rëndësishëm në drejtim të zhdukjes së deponive ilegale dhe ndërtimit të një sistemi më të rregullt, më të sigurt dhe më të ligjshëm për menaxhimin e mbeturinave.

Mbeturinat nga qytetarët do të pranohen në deponitë sanitare të Mirashit, Landovicës, Velekincës dhe Dumnicës.

MMPH ka njoftuar gjithashtu se pranimi do të bëhet çdo të shtunë, nga ora 08:00 deri në 16:00, me një tarifë prej 10.31 euro për ton, ndërsa pagesa do të mund të kryhet vetëm me kartelë bankare.

Në njoftim theksohet se në deponi do të lejohen vetëm mbeturinat e parrezikshme, në përputhje me legjislacionin në fuqi, ndërsa nuk do të pranohen mbeturina të rrezikshme, toksike, spitalore, shpërthyese apo të ndaluara me ligj.

Po ashtu, ministria ka bërë të ditur se qytetarët tashmë kanë një mundësi të ligjshme për deponimin e mbeturinave, ndaj çdo hedhje e tyre në natyrë apo në vende të papërshtatshme do të trajtohet me tolerancë zero dhe do të ndëshkohet sipas ligjit. Në njoftim shtohet se mbrojtja e mjedisit është përgjegjësi e secilit prej nesh.

The post MMPH njofton se qytetarët do të mund t’i dërgojnë mbeturinat në deponitë sanitare appeared first on Albeu.com.

Sasi mbeturinash janë shfaqur në breg dhe në sipërfaqen ujore të ujërave të liqenit, duke e ndotur atë.

Kjo situatë tashmë është bërë e zakonshme dhe ndotja përsëritet çdo vit. Ndotja mund të shtohet në ditët në vijim, me derdhjen në këtë liqen të ujërave që do vijnë nga përrenjtë dhe lumenjtë e zonave, në të cilat banorët hedhin edhe mbeturinat urbane, duke qenë se mungojnë vendet ku grumbullohen mbeturinat dhe Landfilli.

Rrjetat metalike të vendosura së fundmi në grykëderdhjen e lumit Drin, për të penguar ardhjen e mbeturinave nga Kosova drejt Shqipërisë nuk kanë ndikuar për frenimin e tyre, ndërkohë që një anije e destinuar per pastrimin e mbetjeve në siperfaqet ujore qëndron prej muajsh në bregun e tharë të liqenit dhe ende nuk është vënë në funskion, për pastrimin e mbeturinave të ardhura së fundmi në liqenin e Fierzës.

Pjesa me e madhe e mbeturinave vjen nga dy burimet kryesore qe furnizojne liqenin, Drini i Bardhë nga Kosova dhe Drini i Zi nga Maqedonia e Veriut, sa herë në këto dy vende ka reshje të dendundara shiu dhe vërshimeve.

Sakaq, niveli i ujit në liqen për shkak të reshjeve të të fundit është shtuar ndjeshëm, me 800 metër kub ujë në sekondë.

Aktualisht, niveli i ujit është 270 metër ndërsa pika maksimale është 296 metër.

The post Fierza në krizë ekologjike/ Liqeni i mbushur me mbeturina, anija e pastrimit jashtë funksioni (VIDEO) appeared first on Albeu.com.

”Qytetarët vuajnë në bankat tona, s’ka transparencë bankare, komisione e kaluzole të fshehta.

Institucione financiare, e ndërsa ju që duhet t’i mbikqyrni s’keni bërë asgjë.

Saqë shumë familjeve u janë marrë shtëpitë, të tjera edhe janë flijuar e vetëvrarë për shkak të këtyre makinacioneve.

Banka ka rregullat e veta, por ka edhe mbikqyrje nga banka e shtetit që të mos ketë norma të larta interesi që të rinjtë të marirn kredi për një banesë për të ndërtuar familje.

Ka lloj lloj mekanizmash që ua keni sjellë shqiptarëve me i dalë shpirti përmes këtyre bankave e vetë s’dini ku i keni paratë, biznesi po falimenton nga këto kredi për banka.

Taksat e larta i detyrojnë të marrin kedi që më pas s’i paguajnë, shteti është për të kontrolluar që njerëzit të marrin kredi për biznes e shtëpi, e më pas të kenë mundësi të paguajnë.

Qyetarët e Kamzës s’kanë drita, fiken sot më 2025. S’ka kanalizime, plehrat ishin kudo.

Të moshuar duke zgjedhur ushqim në plehra për të jetuar. Ky është shteti?! Ndaj kemi këkruar minimumin jetik”.

The post Në Kamëz s’ka drita, Asllan Dogjani: Ku është shteti? Të moshuarit po kërkojnë në mbeturina për ushqim… appeared first on Albeu.com.

Xhixho shprehet se Tirana vazhdon e pushtuar nga plehrat ndërkohë paguajmë miliona euro për inceneratorët që nuk ekzistojnë.

Postimi i Xhixhos:

Tirana vazhdon e pushtuar nga plehrat ndërkohë paguajmë miliona euro për inceneratorët që nuk ekzistojnë
Qytetarët e Tiranës paguajnë 80 mijë euro në ditë për inceneratorin fantazmë, ndërsa rrugët mbyten nga plehrat.

Bashkia e drejtorëve 5D nuk ka kohë të mendojë për pastrimin e qytetit, sepse shëndeti i qytetarëve dhe pastërtia e qytetit nuk kanë qenë kurrë prioritet i saj përtej lustrës së rrjeteve sociale.

Ajrit të ndotur të Tiranës nga ndërtimet që pastrojnë miliona euro të krimit e korrupsionit i shtohet toksiciteti i mbeturinave që mbushin rrugët.

Tirana po bëhet e pajetueshme sepse taksat e qytetarëve të saj nuk shkojnë për investime por përfundojnë në vrimën e zezë të korrupsionit të Bashkisë.

The post Xhixho: Qytetarët e Tiranës paguajnë 80 mijë euro në ditë për inceneratorin fantazmë, ndërsa rrugët mbyten nga plehrat appeared first on Albeu.com.

Meta shkruan se ky është kryeqyteti ku qytearët paguajnë më shumë se kudo në botë për pastrimin dhe për inceneratorin që nuk ekziston.
Ky është kryeqyteti ku qytetarët paguajnë më shumë se kudo në botë për pastrimin dhe për inceneratorin që nuk ekziston. Ja ku është përpara sheshit Wilson, tek “Tirana e Re”.

The post PLEHRAT, KAPICË/ Meta: Kryeqyteti ku qytetarët paguajnë më shumë se kudo në botë për pastrimin dhe për inceneratorin që nuk ekziston appeared first on Albeu.com.

Kjo situatë e rëndë ekologjike me kazanë të tejmbushur, që përhapin erë të pakëndshme në një zonë të kryeqytetit, sipas kryetarit të Bashkisë së Tiranës, Erion Veliaj, është krijuar nga braktisja e punës së operatorit privat, i cili po bën presion për zgjatje të kontratës.

Z.Veliaj sqaroi gjatë një aktiviteti për inspektimin e punimeve për shkollën 9-vjeçare “Lasgush Poradeci” se tashmë, Bashkia e Tiranës ka marrë në administrimin e saj, përmes kompanisë publike Eco Tirana, të gjitha zonat e pastrimit të qytetit, shërbim që deri dje kryhej nga kompanitë private, të cilat ditët e fundit e kishin braktisur punën, si formë presioni për zgjatjen e kontratës.

Tirana është e ndarë në 5 zona: zona qendrore dhe zonat në veri, jug, lindje dhe perëndim. Në një nga zonat, operatori privat ka lënë detyrën. Një detyrë, të cilën duhet ta linte në datën 1 nëntor, siç e parashikon kontrata.

Por, duke mos pasur interes që ta vazhdojë punën pas 1 nëntorit, e ka lënë që tani. Kjo shpjegon gjithë histerinë e pastrimit për një zonë të Tiranës. Megjithatë, jam kalitur t’i duroj edhe të sharat. U bënë 9 vjet që dëgjoj gjëra të tilla, por nuk do të dorëzohem kurrë, siç nuk jam dorëzuar kurrë ndaj presionit të askujt, as të ndonjë operatori që, duke lënë plehrat pa mbledhur, jashtë kushteve të kontratës, mendon se bën presion që Bashkia e Tiranës të mos e marrë zonën nën kontroll. Përkundrazi, na e ka shtuar zellin që bashkia ta marrë zonën nën kontroll edhe më parë”, deklaroi z. Veliaj.

Ai paralajmëroi se për moszbatimin e kontratës nga privati, Bashkia e Tiranës do t’u drejtohet organeve të gjyqësorit.

Ndërsa sipas ekspertëve, situata është krijuar nga ezaurimi i kapaciteteve depozituese në landfillin e Sharrës. Pra, sipas tyre, në këtë landfill ku depozitohen mbetjet edhe të Durrësit dhe të Kavajës, nuk ka vend për groposjen e tyre.

“Ne e kemi ngritur këtë shqetësim të ezaurimit të kapaciteteve të landfilleve dhe arsyeja kryesore është se nuk zbatojmë ligjin, nuk parandalojmë gjenerimin e mbetjeve, nuk ripërdorim, nuk riciklojmë, për arsye të politikës së mbrapshtë me incenerimin, ku të gjitha mbetjet me një rrymë (pra me një kosh) duhet të shkonin tek inceneratorët”, pohon Lavdosh Ferruni.

Ndërsa për ish-sipërmarrësin e riciklimit të mbetjeve, z. Iljaz Mehmeti, situata është emergjente jo vetëm në landfillin e Sharrës, por edhe në Elbasan, ku ka nisur djegia në sipërfaqe e mbetjeve.

Në venddepozitimin e Sharrës vijojnë të hidhen të gjitha llojet e mbetjeve që më pas groposen me kosto financiare dhe mjedisore të bashkive, përveç pagesës për inceneratorin që vijon të bëhet nga buxheti i shtetit, pavarësisht se ai nuk ekziston.

Kontrata koncesionare me kompaninë “Integrated Energy” për përpunimin e mbetjeve në landfillin e Sharrës e nënshkruar në vitin 2017 parashikonte edhe ngritjen e një inceneratori për djegien e plehrave, por inceneratori nuk u ngrit.

Në muajin gusht 2023, inceneratori i Tiranës është sekuestruar nga SPAK. Pas sekuestrimit nga SPAK, kompania Integrated Energy administrohet nga Agjencia e Pasurive të Sekuestruara.

Në Shqipëri riciklohen 17% e mbetjeve; Në 2022 u dogjën rreth 5% e tyre

Në Shqipëri sipas të dhënave të INSTAT, totali i mbetjeve të gjeneruara është ulur rreth 7% në 2022 krahasuar me vitin paraardhës. Rënie kanë shënuar edhe mbetjet e menaxhuara.

Nga 311 kg/banorë që ishte menaxhimi i mbetjeve në 2021 është ulur në 295 kg/banorë në 2022.  Rënie është shënuar edhe te mbetjet e pamenaxhuara. Për 2022 sasia e mbetjeve të pamenaxhuara është ulur rreth 9% krahasuar me 2021.

Por sipas të dhënave të Eurostat mbi trajtimin e mbetjeve në Europë, për vitin 2022, nga 295 kilogramë mbetje për banorë që u gjeneruan , vetëm 13 kg për frymë ose 4.4% e totalit të tyre u eliminuan me djegie në inceneratorë ose në fushë të hapur.

Pavarësisht nivelit të ulët të përpunimit të mbejtjeve përmes djegies, shumat që shpenzohen nga buxheti për këtë incenratorët janë të larta. Vetëm në periudhën janar-24 korrik 2024 janë çelur nga buxheti i shtetit 700 milionë lekë si pagesa për Integrated Energy BV SPV, kompaninë që menaxhon inceneratorin.

Të dhënat e thesarit që u gjeneruan nga Open Data Albania tregojnë se që nga fillimi i vitit deri me datën 18 korrik ndaj inceneratorit që tashmë administrohet nga Agjencia e Pasurive të Sekuestruara janë kryer rreth 36 transaksione me një shumë që kalon 6.9 milionë eurosh.

Kjo vlerë përfaqëson pagesat nga bashkitë e Tiranës, Kamzës, Durrësit dhe Kavajës për transportin e mbetjeve në landfillin e Sharrës.

Përpunimi i mbetjeve i kushton më shumë Bashkisë së Durrësit. Kjo Bashki përbën një rast unik se si mbi gjysmën e të ardhurave që ajo mbledh vetë e shpenzon vetëm për një zë, për mbrojtjen e mjedisit (kryesisht pastrimi mbeturinave).

Në vitin 2022, të ardhurat e veta të Bashkisë (nga taksat e tarifat e taksat e ndara) ishin 1.53 miliardë lekë, me rënie 3% në krahasim me vitin e mëparshëm, sipas të dhënave nga Co-Plan.

Qytetet kryesore të vendit përballen njëherazi me kosto të larta të trajtimit të mbetjeve dhe ndodhen para një emergjence mjedisore, pasi mbetjet e gjeneruara në Elbasan, Durrës, Kavajë, Vorë dhe Tiranë po grumbullohen në landfillet pranë inceneratorëve që nuk punojnë.

Në vitin 2023 Bashkia e Kavajës dhe ajo e Durrësit çuan 27 për qind të shpenzimeve të përgjithshme për pastrimin e mbetjeve, dhe kishin peshën më të lartë të shpenzimeve për këtë zë nga të gjitha bashkitë e tjera.

OECD: U investua për inceneratorët në kurriz të riciklimit

Në një analizë të Organizatës për Bashkëpunim dhe Zhvillim Ekonomik (OECD) mbi mundësitë e Shqipërisë për adoptimin e ekonomisë qarkulluese theksohet se ndërtimi i inceneratorëve në Shqipëri është bërë në kurriz të industrisë ricikluese, pasi në vend nuk ekziston ndarja e mbetjeve në burim.

Studimi ve në dukje se vetëm 17% të mbetjeve bashkiake në vend riciklohen (krahasuar me 48% që është në Bashkimin Europian) dhe metoda kryesore e menaxhimit të mbetjeve është depozitimi i tyre në landfille.

“Impianti i parë i djegies në Shqipëri filloi të funksionojë në vitin 2019 në Elbasan, i cili trajtoi përreth 2% të mbetjeve për qëllime energjetike në 2021. Dy inceneratorët e tjerë në Fier dhe Tiranë ende nuk janë vënë në punë.

Sidoqoftë, investimet në impiantet e djegies së mbetjeve nuk duhet të bëhen në kurriz të industrisë së riciklimit në Shqipëri dhe nuk duhet ta largojnë vendin nga përafrimi me parimin e hierarkisë së mbetjeve të acquis të BE-së, riciklimin e mbetjeve në modelin e ekonomisë rrethore” thuhet në studimin të OECD-së.

Në Shqipëri, ka rreth 30 kompani private riciklimi, të cilët kanë kryer rreth 230 milionë euro investime.

Kapaciteti i kombinuar përpunues i këtyre kompanive është rreth 500 000 tonë/vit, që është më se i mjaftueshëm për të përpunuar të gjitha mbetjet e riciklueshme të krijuara në ekonominë e vendit.

Megjithatë, për shkak të mungesës së lëndës së parë, kompanitë kanë raportuar se punojnë me rreth 25% të kapacitetit të tyre prodhues dhe riciklojnë rreth 10% të totalit të mbetjeve bashkiake të krijuara./MONITOR

The post SKANDALI/ “Zona pranë Pediatrisë, Alliasi, Fresku, Astir, në situatë ALARMANTE për largimin e plehrave”! Landfilli i Sharrës në emergjencë mjedisore, s’ka vend më appeared first on Albeu.com.

“Bashkë incenerimi i mbetjeve” është çdo operacion të rikuperimit ose asgjësimit të mbetjeve, qëllimi kryesor i të cilit është prodhimi i energjisë ose produkteve materiale dhe në të cilin mbetjet përdoren si lëndë djegëse të rregullt ose plotësuese ose në të cilat mbetjet i nënshtrohen trajtimit termik me qëllim asgjësimin e tyre. Kjo përfshin djegien nga oksidimi i mbetjeve, si dhe procese të tjera termike, të tilla si piroliza, gazifikimi ose proceset e plazmës, për sa kohë që produktet që rezultojnë nga këto trajtime digjen më pas”, thuhet në projektligj.

Lidhur me menaxhimin e mbetjeve pavarësisht se praktika e djegies së tyre është një nga alternativat e fundit në piramidën e zgjidhjeve, në Bashkimin Europian duket se Shqipëria do të vijojë ta ketë pjesë të saj. Incenerimi do të funksionojnë në bazë të rregullave që do të përcaktohen nga qeveria.

Konkretisht kjo hallkë sqarohet në nenin 37 të draftit.

“Këshilli i Ministrave, me propozimin e ministrit dhe të ministrit përgjegjës për infrastrukturën dhe energjinë, miraton rregullat për incinerimin e mbetjeve, me qëllim reduktimin e emetimeve në atmosferë dhe të aromave, sipas teknikave më të mira të disponueshme.

Këto rregulla përfshijnë:

a) specifikimin e kërkesave për incineratorët dhe bashkincineratorët e mbetjeve;

b) procedurat e dorëzimit dhe pranimit të mbetjeve në incineratorë dhe bashkincineratorë;

c) kushtet operacionale të tyre dhe kriteret e autorizimit për ndryshimin e kushteve operacionale;

ç) procedurat e kontrollit dhe të monitorimit të tyre;

d) respektimin e vlerave kufi të shkarkimeve në ajër të përcaktuara sipas legjislacionit në fuqi dhe procedurat e kontrollit dhe monitorimit të shkarkimeve në ajër;

dh) procedurat e mbylljes dhe të kujdesit të mëtejshëm;

e) detyrimet e raportimit, ruajtjes së të dhënave dhe informimit publik;

ë) kushtet dhe kërkesat e tjera të lejes së mjedisit;

Nuk pranohen për incinerim, mbetjet që janë grumbulluar në mënyrë të diferencuar për qëllim të përgatitjes për ripërdorim dhe riciklim, me përjashtim të mbetjeve që krijohen nga operacionet e mëtejshme të trajtimit të mbetjeve të mbledhura në mënyrë të diferencuar për të cilat operacioni i incenerimit përbën rezultatin më të mirë mjedisor në përputhje me nenin 6 të këtij ligji” thuhet në këtë nen.

The post SHQIPËRIA SI KOSH PLEHRASH/ Ja projektligji për menaxhimin e mbetjeve, qeveria lejon importin e plehrave “jo të rrezikshme” appeared first on Albeu.com.

Efektivët e Stacionit të Policisë Dimal, qarku Berat, njoftuan se identifikuan dhe ndaluan sot (16 Gusht), Roland Hoxhën, banues në fshatin Krotinë.

24-vjeçari dyshohet se ka ndezur zjarr për të djegur disa mbeturina në fshatin ku jetonte, por aksidentalisht dhe si pasojë e përhapjes së flakëve, ka shkaktuar dëmin e konsiderueshëm në plantacionet me ullinj të mbjella nga banorët e tjerë.

Gjatë ndalimit i dyshuari Hoxha mohoi që të ishte zjarrvënie e qëllimshme, teksa hetimet janë ende aktive dhe po i ndjek prokuroria vendore.

Qarku i Beratit prej ditësh po vuan një situatë kritike zjarresh në territorin e tij, kryesisht në tokat e mbjella me pemëtari të Bashkisë Dimal dhe në Parkun Kombëtar të Tomorit, në Skrapar, me mbi 20 hektarë të dëmtuara.

Policia e Beratit apeloi ndaj qytetarëve dhe fermerëve të zonave të qarkut që “në asnjë rast të mos ndezin zjarre, pasi do të përballen me ligjin” dhe që “të denoncojnë në numrin 112, çdo rast të kësaj veprimtarie kriminale dhe të paligjshmërive në tërësi”.

The post Po digjte mbeturinat në tokën e tij dhe shkrumboi plantacionin me 600 rrënjë ullinj të banorëve, arrestohet 24-vjeçari në Dimal (Emri) appeared first on Albeu.com.

Liqeni i Komanit, është mbuluar nga mbeturinat, aty mund të shohësh nga kanoçet, te pamperast e fëmijëve e deri te kafshët e ngordhura që qëndrojnë mbi ujë, raporton gazetari shkodran Klodian Zhivani.

Reagimi:

“Kjo asht pamja qe i ofrojme turisteve ne liqenin e Komanit, vetem 2 jave pas aksionit te “pastrimit” nga dy ministret.

Ndotja dhe plastika jane problem global dhe po i pranojme veshtiresite e parandalimit por si nuk munden 5 bashki (Shkoder,Vau Dejes, Puke, Fushe Arrez, Tropoje) dhe dy ministri, ajo e Infrastruktures dhe e Turizmit, te mos pastrojne mbeturinat ne disa zona te caktume ?

P.S: Me publikimin e fotos dhe videove, detektivat/vezhguesit/spiunet privat, pa rroge, jane gati per te nis screenshot-et:

“Kryetar, ky dashakeqasi i Shkodres, vazhdon te na demtoje imazhin”,- shkruan Zhivani në rrjetin social.

Turistët jo vetëm nuk shijojnë dot pamjen e mahnitshme të Liqenit të rrethuar nga kodrat, e të mbuluar me gjelbërim, por përballen me pamjet tronditëse të papastërtisë.

Ndotja e liqenit të Komanit, vit pas viti është kthyer në një fenomen shqetësues dhe duket se Bashkitë apo dhe ministritë përkatëse, ende nuk e kanë gjetur një zgjidhje për të mbajtur të pastër Liqenin e Komanit.

The post Në mes të sezonit turistik, liqeni i Komanit mbulohet nga plehrat dhe kafshët e ngordhura appeared first on Albeu.com.