Opozita akuzon autoritetet shtetërore se po përpiqen të fshehin ngjarjen, kujtojmë se deklaratat e Ministrisë së Mjedisit, Drejtorisë së Doganave dhe Portit të Durrësit, të cilat hidhen ‘degë më degë’ për ta lënë fajin jetim.

Të gjitha deklaratat e institucioneve shtetërore, duket se janë të dirigjuara në deklaratët e tyre nga zyra e kryeministrisë, nga ku doli edhe Balluku e cila sot bëri një përpjekje për ta zvogëluar skandalin në një çështje konkurence.

“Nuk është asgjë e re, sigurisht ka edhe ekspertë të tranzitit të mbetjeve toksike. Autoriteti potual i Durrësit nuk ka asnjë lidhje me këtë proces. Janë procesuar nga një koncesionar që operon në Portin e Durrësit. Atutoriteti portuar dhe koncensionari që ka kryet transportin janë dy entitete konkurente”,- tha Balluku.

Gazetarët e pyetën Ballukun për skandalin dhe ligjin e mazhorancës për ligjin e mbetjeve, kur mazhoranca kishte deklaruar se e kishte siguruar kontrollin në Portin e Durrësit.

Balluku këmbënguli përsëri në pafajësinë e Portit të Durrësit (në varësi të saj), duke sulmuar mediat se po bën ‘pis’ portin e Durrësit, kur dihet nga të gjithë se ky port është kthyer në një autostradë të trafikut kombëtar dhe ndërkombëtar.

“Ke ardhur me një pyetje të përgatitur, edhe njëherë për ata që kanë bërë pyetjen, autoriteti portual i Durrësit nuk ka as tagër, as ekspertizë që të kontrollojë çdo kontenier se çfarë përmban. Nuk besoj se mbetet te media që të bëhet pis Porti i Durrësit, përqëndrohuni te koncensionari”, tha Balluku.

The post Balluku nuk mban përgjegjësi për skandalin e mbetjeve toksike, flet sikur mediat kan nisur kontenierët appeared first on Albeu.com.

Gjergji shkruan se skena tani është bërë e madhe, nga Durrësi në Tajlandë, por s’duhet të harrojmë se Elbasani e banorët e tij, janë më të prekurit, duke qënë se Kurum e ka aktivitetin pikërisht në qytetin tonë.

“Ndotja e ajrit nuk është e re për elbasanllinjtë që janë dënuar të jetojnë në këtë ferr mjedisor prej kohësh.

Asgjë nuk ka ndryshuar me gjithë kërkesat tona, ngritjen e zërit e protestat prej ndotjes që vjen nga Metalurgjiku, që tanimë i është shtuar edhe kontributi i Bashkisë me inceneratorin”, shkruan Zheni Gjergji.

Postimi i Zheni Gjergji:

“Mbetjet e rrezikshme në Elbasan? Transparencë tani dhe menjëherë!

Si deputete e Kuvendit, si qytetare, si prind jam thellësisht e tronditur nga zbulimi i trafikut ndërkombëtar të mbetjeve të rrezikshme ku vendi ynë del i përfshirë dhe do të mbështes nismat e Grupit Parlamentar të PD për transparencë, sapo të nisë sesioni i ri i Kuvendit.

Si e zgjedhur dhe e mandatuar nga qytetarët e Elbasanit ku edhe banoj,  jam edhe më shumë e shqetësuar për këtë kanosje të mjedisit, të shëndetit, të jetës.

Kjo pasi shumë raportime, e të dhëna deri tani, sugjerojnë se gjeneruesi i mbetjeve është Kurum.

E kuptoj se skena tani është bërë e madhe, nga Durrësi në Tajlandë, por s’duhet të harrojmë se Elbasani e banorët e tij, janë më të prekurit, duke qënë se Kurum e ka aktivitetin pikërisht në qytetin tonë.

Ndotja e ajrit nuk është e re për elbasanllinjtë që janë dënuar të jetojnë në këtë ferr mjedisor prej kohësh.

Asgjë nuk ka ndryshuar me gjithë kërkesat tona, ngritjen e zërit e protestat prej ndotjes që vjen nga Metalurgjiku, që tanimë i është shtuar edhe kontributi i Bashkisë me inceneratorin.

Por tani mesa duket kemi kaluar nga krimi mjedisor, në krimin e trafikut të lëndëve të rrezikshme.

Sërish me origjinë Elbasanin.

Kjo kompani në fillim e ka mohuar. Por më pas, ka refuzuar t’i përgjigjet medias. I kërkoj drejtuesve të saj të bëjnë menjëherë transparencë e t’u thonë qytetarëve të Elbasanit ku prej vitesh ushtrojnë aktivitetin, nëse gjenerojnë lëndë të rrezikshme e toksike e si i trajtojnë ato. E kanë këtë detyrim ndaj elbasanllinjve.

E nxis prokurorinë e Durrësit që ka hapur procedimin, të bëjë një hetim të plotë e të thellë të rastit.

Institucionet e agjensitë rajonale e lokale të bëjnë detyrën e të verifikojnë sipas ligjit, dyshimet që kanë lindur.

Sa për qeverinë, e cila duhej të ishte në komunikim të vazhdueshëm me publikun prej ditës së parë, nuk kam asnjë shpresë. Me siguri ata janë të zënë duke numëruar turistët e renditur sukseset e paimagjinueshme të rilindjes”, shkruan ajo.

The post Skandali i mbetjeve toksike/ Deputetja e PD: Kurum ka krijuar ferrin mjedisor, Prokuroria të hetojë appeared first on Albeu.com.