Benjamin Haddad, ministër i Deleguar i Francës për Evropën, deklaroi se Parisi do ta përkrahë anëtarësimin e Kosovës në organizatat ndërkombëtare, pavarësisht rrethanave.

Në konferencën për media me ministrin në detyrë të Punëve të Jashtme, Glauk Konjufca, Haddad vlerësoi se zhvillimet e sotme dëshmojnë forcimin e raporteve ndërmjet dy shteteve dhe krijojnë mundësi për bashkëpunim edhe më të afërt në çdo fushë.

Ai përmendi mbështetjen e Agjencisë Franceze për Zhvillim, shtrirjen e Frankofonisë në Kosovë nëpërmjet përkrahjes për mësimin e frëngjishtes në shkolla, si dhe marrëveshjet që synojnë zgjerimin e bashkëpunimit në siguri dhe mbrojtje.

Haddad shprehu shpresën se pas vizitës së tij në Kosovë do të vijnë edhe delegacione nga Ministria e Punëve të Jashtme dhe Ministria e Mbrojtjes. Sipas tij, këto vizita do të shërbenin për të shqyrtuar mënyrat konkrete të bashkëpunimit në siguri, në organizimin e Lojërave Mesdhetare dhe, në një kuadër më të gjerë, në marrëdhëniet tregtare dhe investuese.

“Kjo është diçka që ne do ta mbështesim dhe do ta përshpejtojmë, pavarësisht rrethanave. Siç e përmenda, ne e mbështesim integrimin e Kosovës në institucionet ndërkombëtare. Kjo është pjesë e projektit tonë më të gjerë për ribashkimin e Evropës. E them ‘ribashkim’, sepse nuk më pëlqen shumë termi ‘zgjerim’. Mendoj se bëhet fjalë në të vërtetë për bashkimin e kontinentit tonë”, tha Haddad.

Megjithatë, zyrtari francez theksoi se bëhet fjalë për një proces kërkues, i cili mbështetet në angazhimet ndërkombëtare. Në rastin e Kosovës, ai tha se ky proces lidhet edhe me përparimin në përmbushjen e obligimeve që burojnë nga Marrëveshja e Brukselit, çështje për të cilën ishte diskutuar gjatë takimit.

Sipas Haddad, procesi udhëhiqet gjithashtu nga parimi i meritës. Kjo përfshin zbatimin e reformave, përafrimin me acquis communautaire, përkatësisht legjislacionin e Bashkimit Evropian, fuqizimin e sundimit të ligjit dhe garantimin e të drejtave të pakicave. Ai nënvizoi se Franca do të jetë shumë kërkuese në këto drejtime.

Haddad siguroi se Franca do ta shoqërojë Kosovën në secilën fazë të rrugëtimit evropian dhe do të bashkëpunojë me të për realizimin e ambicieve dhe objektivave që ai i cilësoi plotësisht legjitime dhe të arritshme.

“Ne do të jemi pranë Kosovës në çdo hap të këtij rrugëtimi, duke punuar së bashku për t’i bërë realitet këto ambicie dhe objektiva plotësisht legjitime dhe të arritshme. Edhe një herë, jo vetëm sepse kemi qenë me Kosovën dhe e kemi mbështetur atë që nga dita e parë, por edhe sepse besojmë se kjo është rruga drejt paqes dhe stabilitetit në kontinentin tonë”, deklaroi Haddad.

The post Haddad: Franca do të përkrahë Kosovën në organizatat ndërkombëtare në çdo rrethanë appeared first on Albeu.com.

Siç bëri të ditur Këshilli Prokurorial i Kosovës, në këtë takim u bisedua për vizitën zyrtare që Gashi zhvilloi në Gjermani, me fokus të posaçëm te përvojat dhe praktikat e përfituara atje, të cilat synojnë përparimin e sistemit prokurorial në Kosovë dhe forcimin e bashkëpunimit ndërinstitucional.

Gjatë bisedës, të dyja palët vlerësuan edhe bashkëpunimin e deritanishëm mes Këshillit Prokurorial të Kosovës dhe Ambasadës së Gjermanisë në Prishtinë, ndërsa shprehën gatishmëri për ta thelluar partneritetin në fushat me interes të përbashkët, sidomos në shkëmbimin e përvojave profesionale, ngritjen e kapaciteteve dhe mbështetjen e proceseve reformuese në sistemin prokurorial.

Gashi e falënderoi Gjermaninë për përkrahjen e vazhdueshme që i ka dhënë sistemit të drejtësisë në Kosovë, duke nënvizuar se ky bashkëpunim luan rol të rëndësishëm në fuqizimin e sundimit të ligjit dhe në zhvillimin e institucioneve të pavarura të drejtësisë.

Ndërkaq, ambasadori Rudolph rikonfirmoi mbështetjen gjermane për zhvillimin dhe forcimin e sistemit të drejtësisë në Kosovë. Ai çmoi angazhimin e Këshillit Prokurorial të Kosovës për avancimin e reformave, ngritjen e standardeve profesionale dhe zgjerimin e bashkëpunimit ndërkombëtar, duke theksuar se partneriteti mes institucioneve të të dy vendeve mbetet thelbësor për forcimin e sundimit të ligjit dhe ndërtimin e një sistemi prokurorial efikas, të pavarur dhe në përputhje me standardet evropiane.

The post Rudolph riafirmon përkrahjen e Gjermanisë për drejtësinë në Kosovë appeared first on Albeu.com.

Në një postim të publikuar në Facebook, ai ka nënvizuar se kërkesa e vetme e AAK-së është një marrëveshje publike, e mbështetur mbi gjashtë prioritete strategjike për zhvillimin e vendit.

“Asnjë post për vete, asnjë interes partiak. Vetëm një marrëveshje e hapur për qytetarët e bazuar në këto 6 kërkesa strategjike”, ka shkruar Tahiri.

Sipas platformës së bërë publike nga AAK-ja, kjo mbështetje për krijimin e institucioneve do të ofrohet edhe pa përfshirje në qeveri, në rast se ekzekutivi i ardhshëm pranon gjashtë kërkesat: miratimin e projektit të gazit amerikan si prioritet shtetëror, fillimin e procedurave për ndërtimin e një termocentrali të ri me thëngjill, rritjen e pragut të TVSH-së për bizneset e vogla nga 30 mijë në 100 mijë euro, përjashtimin nga tatimi në pronë të tokës së punuar për të nxitur prodhimin vendor, mbulimin e plotë financiar të projekteve rrugore kapitale që kanë mbetur pezull, si dhe themelimin e një fondi emergjent prej 800 milionë deri në 1 miliard euro për investime kapitale në Prishtinë.

Në fund të reagimit të tij, Tahiri ka theksuar se Aleanca tashmë e ka kryer pjesën e saj dhe se tani, sipas tij, është momenti që të merren vendime në interes të qytetarëve të Kosovës.

The post AAK shpreh gatishmëri për ngritjen e institucioneve, paraqet gjashtë kërkesa për qeverinë e ardhshme appeared first on Albeu.com.

Në një letër të përbashkët, krerët e 76 bashkive e quajnë mbajtjen në paraburgim pa afat të Imamoglusë dhe Veliajt një “trend të rrezikshëm” që kërcënon demokracinë vendore në Ballkan dhe më gjerë.

Ata kërkojnë t’i jepet fund masës së paraburgimit ndaj tyre: “Thirrja jonë e qartë është t’i jepet fund paraburgimit pa afat të Kryetarit Ekrem İmamoğlu dhe Kryetarit Erion Veliaj, dhe t’u lejohet të presin në liri procedurat ligjore, duke ushtruar njëkohësisht detyrat që u janë besuar nga qytetarët që përfaqësojnë”.

Sipas nënshkruesve të letrës, largimi nga detyra i zyrtarëve të zgjedhur pa një vendim përfundimtar “nuk është drejtësi” dhe minon vullnetin e votuesve.

Ata i referohen edhe Raportit të tetorit 2025 të Komisionit të Venecias dhe Konventës Evropiane për të Drejtat e Njeriut, duke theksuar se ndalimi duhet të jetë masë e fundit dhe jo mjet për pengimin e mandatit.

B40 bën thirrje për drejtësi transparente, proporcionale dhe respektim të mandateve demokratike.

Më poshtë letra e plotë e Rrjetit të Qyteteve të Ballkanit B40:

Letër e përbashkët: Qëndrim solidarizues për Demokracitë Lokale dhe dhënien fund të masës së paraburgimit për Kryetarin e Bashkisë së Stambollit, Ekrem İmamoğlu dhe Kryetarin e Bashkisë së Tiranës, Erion Veliaj

Ne, të nënshkruarit kryetarë të bashkive të Rrjetit të Qyteteve të Ballkanit B40, nisma më e rëndësishme e rajonit të Ballkanit, e themeluar nën udhëheqjen e z. Ekrem İmamoğlu, Kryetar i Bashkisë së Stambollit, shprehim shqetësimin tonë të thellë lidhur me shfaqjen e një trendi të rrezikshëm që kërcënon demokracinë vendore në Ballkan dhe në botë.

Pavarësisht përkatësive tona të ndryshme politike, ne jemi të bashkuar në ngritjen e alarmit për paraburgimin pa afat të Kryetarit të Bashkisë së Stambollit, Ekrem İmamoğlu, President themelues i Rrjetit B40, Kryetarit të Bashkisë së Tiranës, Erion Veliaj, Presidenti i tretë i Rrjetit B40, si edhe të kryetarëve të tjerë. Largimi nga detyra i zyrtarëve të zgjedhur në mënyrë demokratike, pa një vendim përfundimtar, nuk është drejtësi. Ai minon vullnetin e votuesve dhe paraqet kërcënime të drejtpërdrejta për demokracitë vendore.

Raporti i tetorit 2025 i Komisionit të Venecias të Këshillit të Evropës paralajmëron shprehimisht se përdorimi i paraburgimit ndaj kryetarëve aktualë të bashkive përbën rrezik serioz për qeverisjen demokratike. Kur zbatohet pa afat, një paraburgim i tillë i privon në praktikë qytetarët nga përfaqësimi, duke i mënjanuar përfaqësuesit e zgjedhur prej tyre pa një procedurë të rregullt ligjore.

Sipas Konventës Evropiane për të Drejtat e Njeriut, ndalimi duhet të mbetet një masë e fundit, jo një mjet për ta penguar ushtrimin e mandatit për arsye politike. Kur një kryetar bashkie i zgjedhur mbahet i ndaluar pa kusht ose pa gjyq, qytetarët mbeten pa përfaqësim, çka gërryen besimin e publikut dhe legjitimitetin institucional.

Është e qartë se ndalimi dhe procedurat gjyqësore që lidhen me Kryetarin Ekrem İmamoğlu dhe Kryetarin Erion Veliaj nuk përputhen me parimet dhe standardet e sanksionuara në Konventën Evropiane për të Drejtat e Njeriut dhe të artikuluara në Raportin e tetorit 2025 të Komisionit të Venecias të Këshillit të Evropës.

Ne theksojmë çfarë nuk po kërkojmë. Ne nuk kërkojmë imunitet, as nuk komentojmë mbi thelbësinë e akuzave apo mbi fajësinë ose pafajësinë. Apeli ynë është i kufizuar, parimor dhe plotësisht në përputhje me standardet evropiane.

Thirrja jonë e qartë është t’i jepet fund paraburgimit pa afat të Kryetarit Ekrem İmamoğlu dhe Kryetarit Erion Veliaj, si edhe kryetarëve të tjerë të ndaluar, dhe t’u lejohet të presin në liri procedurat ligjore, duke ushtruar njëkohësisht detyrat që u janë besuar nga qytetarët që përfaqësojnë.

Drejtësia duhet të jetë transparente, proporcionale dhe respektuese ndaj zgjedhjes demokratike. Prandaj, u bëjmë thirrje të gjitha autoriteteve përkatëse t’i zbatojnë këto parime dhe të mbrojnë demokracinë vendore.

Ne, kryetarët e bashkive të nënshkruar më poshtë të Rrjetit të Qyteteve të Ballkanit B40, u bëjmë thirrje të gjitha autoriteteve përkatëse të sigurojnë rivendosjen e mandateve demokratike dhe zbatimin e qëndrueshëm të normave evropiane në të gjitha rastet që kanë të bëjnë me zyrtarë vendorë të zgjedhur.

The post 76 kryebashkiakë letër në mbështetje të Veliajt: T’i jepet fund masës së paraburgimit, cënim i demokracisë appeared first on Albeu.com.

“Një situatë e vështirë jo vetëm për ne si institucion, por për të gjithë qytetarët e Maliqit, të cilët shprehin ngushëllimet për familjen.

Shpresojmë që vajza të bëhet mirë, i urojmë shërim të shpejtë dhe patjetër që bashkia do të jetë në mbështetje të familjes me të gjitha mundësitë që ne kemi, për ta mbështetur financiarisht por jo vetëm.

Do të jemi çdo ditë krah kësaj familje. Qyteti sot është në zi të plotë. E ngushëlloj familjen, i jap forcë në emër të pushtetit vendor dhe le të shpresojmë që vajza të bëhet mirë.

Të gjitha shpenzimet që kanë të bëjnë me ceremoninë por jo vetëm, do të mbulohen nga bashkia. Unë do të marr disa nisma timen personale me bizneset sepse aty do të jetë ndërhyrja më e shpejtë, për të mos pritur procedurat ligjore që ndonjëherë zgjatin shumë. Rasti është i veçantë dhe ne duhet të ndërhyjmë sa të kemi mundësi.

Nga informacioni që kam, familja ka qenë pjesë e shërbimit social dhe e qendrës komunitare që ne kemi aty. Nuk besoj që ne nuk mund të kemi patur ndihmat e nevojshme, rasti është fatkeq. Ne kemi raste të shumta të tilla që i trajtojmë, i mbështesim dhe kështu do të vazhdojmë.

Këto raste nuk janë vetëm detyrim ligjor, por duhet të jenë kambanë alarmi për të gjitha institucionet. Ky do të jetë rast që do na japë forcë më shumë për të marrë masa më të rrepta e më të gjera për ti mbështetur”, tha Topçiu.

The post Ngjarja e rëndë ku humbi jetën nënë e bir/ Kryebashkiaku: Do të ofrojmë mbështetje për familjen, rasti, kambanë alarmi për gjithë institucionet appeared first on Albeu.com.

Rezoluta u miratua unanimisht me kërkesë të Unionit, i cili u përfaqësua nga Gerd Hoxha dhe Genti Dokollari, në takimin vjetor të Shoqatës Ndërkombëtare të Gjyqtarëve, pjesë e së cilës është edhe EAJ, që po mbahet në Baku, Azerbajxhan, nga data 11 deri më 17 tetor.

Sipas Hoxhës, kjo rezolutë është shenjë e respektit të lartë për kolegun e ndjerë, z. Astrit Kalaja, dhe për të gjithë gjyqtarët shqiptarë, si dhe një mbështetje e fortë për gjithë trupën gjyqësore në veçanti dhe punonjësit e drejtësisë në përgjithësi, për ta çuar më tej përkushtimin tonë në dhënien e drejtësisë, shkruan A2 CNN.

“Kjo rezolutë,” u shpreh Hoxha, “është një thirrje për reflektim serioz dhe të menjëhershëm të organeve shtetërore, që kanë detyrë kushtetuese dhe ligjore të sigurojnë një klimë normale pune dhe sigurinë e gjyqtarëve, si gur themeli për një drejtësi të pavarur.”

The post Shoqata Europiane e Gjyqtarëve, rezolutë në mbështetje të gjyqtarëve pas vrasjes së Astrit Kalasë appeared first on Albeu.com.

Ish-çifti nuk janë parë më bashkë prej kohësh. Madje reperi u pa publikisht krah një tjetër vajze disa javë më parë, Rina Zaiti, me të cilën përflitej prej kohësh se kishte krijuar një romancë.

Mirëpo pas gjithë dramës dhe aludimeve nga më të ndryshme në rrjet, Sara Hoxha ka habitur me veprimin e fundit.

Blogerja ka bërë disa postime në Instagram ku shpreh hapur mbështetjen për një nga bizneset e ish-partnerit të saj, Ledri Vula; “Frix”.

Ky veprim me siguri do të trazojë sërish rrjetin.

The post FOTO/ Edhe pse me një partneren tjetër, Sara Hoxha mbështet publikisht Ledri Vulën appeared first on Albeu.com.

Ai ka publikuar në rrjetet sociale një foto me një pensionist, ku ofron mbështetje dhe përkujdesje për ta, duke nisur me bonusin e fundvitit.

“Në Ditën Botërore të të Moshuarve, mirënjohje për kontributin e vyer të gjeneratave që na kanë udhëhequr dhe kanë ndërtuar themelet e së ardhmes sonë. Po punojmë intensivisht për të siguruar që të moshuarit të përfitojnë drejtpërdrejt nga rritja ekonomike e vendit. Duke nisur me bonusin e këtij fundviti, do të shtojmë mbështetjen dhe përkujdesjen për ta, si një shenjë e mirënjohjes dhe e përkushtimit tonë për një Shqipëri ku askush nuk mbetet pas”, – shkruan Peleshi.

Por siç duket, deputeti socialist ka zgjedhur një foto të vjetër për të bërë propagandë, pasi pensionisti që ka shfaqur në foto ka ndërruar jetë.

Këtë detaj e ka vënë re korçari i rrjeteve sociale, Ilir Vrenozi, i cili thotë se pensionisti në foto është Stavri Jano, i cili ka ndërruar jetë.

Edhe pse kanë kaluar dy ditë, postimi i Peleshit vijon të jetë ende në profilin e tij në rrjetet sociale.

The post Niko Peleshi ofron mbështetje për një pensionist të vdekur (FOTO) appeared first on Albeu.com.

Edhe ky i fundit e cilësoi si “një nga vajzat më të bukura shqiptare” çka u duk si një kod i fshehtë dashurie. Nga ky kod, tashmë ka një të dhënë tjetër.

Më 16 gusht, Capital T do të mbajë koncertin e tij të tretë të “Time Capsule” në stadiumin “Selman Stërmasi” në Tiranë. Adrolën e kemi parë gjithnjë të pranishme dhe ka ndarë postime, ndërsa kësaj here edhe e ka promovuar koncertin në rrjetet sociale.

Ajo ka postuar në InstaStory promo-n, shoqëruar me linkun përkatës që ndjekësit të blejnë biletat. Ndonëse jo ‘ulëritës’, veprimi i saj në mbështetje të njeriut të zemrës flet tepër.

The post Gjithnjë në mbështetje të tij, Adrola Dushi bën një gjest virtual për Capital T appeared first on Albeu.com.

Gjithashtu, ai thekson se hedhja e prodhimeve në kanal dhe sharrimi i drurëve frutorë, do të jenë drama që nuk do të përsëriten më kurrë!

Sipas Blushit, mundin dhe sakrificën e tyre do ta shndërrojmë në mirëqënie të sigurt për ta.

Postimi i plotë:
“Partia e Lirisë do të mbështesë me 500 Euro pagesë direkte çdo hektar pemishte dhe në shitje te pikat e grumbullimit do të paguajmë 20 lekë/kg për sasinë e frutave të dorëzuara.

Bujqësia është prioriteti ynë kryesor!

Boll kanë vuajtur këto 11 vite fermerët duarartë të Korçës dhe të gjithë Shqipërisë!

Hedhja e prodhimeve në kanal dhe sharrimi i drurëve frutorë do të jenë drama që nuk do të përsëriten më kurrë!
Mundin dhe sakrificën e tyre do ta shndërrojmë në mirëqënie të sigurt për ta, në rritje dhe zhvillim për ekonominë shqiptare, për t’i dhënë fund shpopullimit!”, shkruan ai.

The post Tedi Blushi: Hedhja e prodhimeve në kanal, dramë që s’do përsëritet më kurrë, PL do të mbështesë me 500 euro pagesë çdo hektar me pemë (VIDEO) appeared first on Albeu.com.