Në takim u nënvizua edhe rëndësia e vijimësisë së procesit të zgjerimit si një investim i pazëvendësueshëm, si për vendet kandidate, ashtu edhe për vetë BE.

“Në këtë kuadër, folëm për një agjendë shumë konkrete për vijimësinë e procesit të anëtarësimit të Shqipërisë, me një ritëm edhe më të përshpejtuar”, deklaroi Spiropali.

Mbështetja e Gjermanisë, sipas saj, ka qenë dhe do të mbetet vendimtare në avancimin e reformave strukturore, forcimin e institucioneve demokratike dhe thellimin e bashkëpunimit ekonomik, si dhe në jetësimin e objektivit për mbylljen e negociatave teknike brenda vitit 2027.

“Partneriteti me Gjermaninë e forcon këtë perspektivë dhe e bën më të prekshëm objektivin e përbashkët: Shqipërinë anëtare të Unionit, dhe familjen europiane edhe më të fortë e më të sigurtë”, theksoi Ministrja e Jashtme.

Postimi i Plotë:

Mynih – 🇦🇱🇩🇪 Gjatë Konferencës së Sigurisë, kënaqësi të takoja në “House of Germany” Gunther Krichbaum, Ministër i Shtetit për Europën, me të cilin folëm mbi forcimin e partneritetit strategjik Shqipëri–Gjermani në funksion të procesit të integrimit europian.

Gjatë takimit, diskutuam mbi rëndësinë thelbësore të vijimësisë së procesit të zgjerimit si një investim i pazëvendësueshëm, si për vendet kandidate, ashtu edhe për vetë BE. Në këtë kuadër, folëm për një agjendë shumë konkrete për vijimësinë e procesit të anëtarësimit të Shqipërisë, me një ritëm edhe më të përshpejtuar. Mbështetja e Gjermanisë ka qenë dhe do të mbetet vendimtare në avancimin e reformave strukturore, forcimin e institucioneve demokratike dhe thellimin e bashkëpunimit ekonomik, si edhe në jetësimin e objektivit tonë për mbylljen e negociatave teknike brenda vitit 2027.

Anëtarësimi në BE është projekti ynë madhor kombëtar, por njëkohësisht edhe një investim strategjik për stabilitetin dhe prosperitetin e rajonit. Shqipëria mbetet plotësisht e përkushtuar ndaj këtij procesi, çka e ka dëshmuar me vepra përmes reformave të guximshme dhe transformimit të vendit.
Teksa besojmë në një proces të bazuar në meritë, që fitohet përmes punës dhe rezultateve, presim në të njëjtën kohë nga BE që procesi i anëtarësimit të Shqipërisë dhe i të gjithë rajonit të jetë i besueshëm, i parashikueshëm dhe në kohë, në të mirën e përbashkët për të ardhmen e mbarë kontinentit.

Partneriteti me Gjermaninë e forcon këtë perspektivë dhe e bën më të prekshëm objektivin e përbashkët: Shqipërinë anëtare të Unionit, dhe familjen europiane edhe më të fortë e më të sigurt

The post “Mbështetja e Gjermanisë, vendimtare”/ Spiropali takim me ministrin Krichbaum: Procesi i zgjerimit, investim strategjik i BE appeared first on Albeu.com.

Meta ka nisur një tur takimesh nga fshati Kozare në Kuçovë, ku ka deklaruar se shumë shpejt do të depozitojnë në Kuvend nismat ligjore.

Ndërkohë kreu i PL-së ka zhvilluar edhe një takim me gra dhe vajza të Kuçovës, ku shprehet se “programi i Partisë së Lirisë ka fuqizimin e tyre prioritet kyç”.

“I falenderova për mbështetjen e jashtëzakonshme që dhanë për fitoren e grabitur të Lefter Maliqit si Kryebashkiak. Dita e përurimit të tij si Kryebashkiaku i Kuçovës nuk është e largët”, shkruan Meta.

The post Meta: Mbështetja për pensionistët dhe invalidët, do të jetë prioritet kryesor i PL-së appeared first on Albeu.com.

Ajo që vihet re është se besueshmëria e SHBA-ve ka rënë ndjeshëm edhe në Shqipëri, ku krahasuar me vitin 2021 besueshmëria ndaj amerikanëve në vendin tonë ka rënë me 13%.

Përgjatë vitit 2021 rreth 82% e qytetarëve shqiptarë e shihnin SHBA-në si lider në botë, ndëkohë që përgjatë vitit 2022 ky numër është tkurrur në 69%.

Sa i përket vendeve të Ballkanit vetëm Kosova vijon të shohë SHBA-të si lider.

Qytetarët e Kosovës janë renditur në vendin e parë në botë sa i përket besueshmërisë ndaj SHBA, pasi 90% e tyre e shohin Amerikën si lider, duke u rritur me 1% krahasuar me vitin 2021.

The post Sondazhi i “Gallup”: Bie ndjeshëm mbështetja e shqiptarëve ndaj SHBA, qytetarët e Kosovës mbeten më besnikët appeared first on Albeu.com.

Por, këto tradita tashmë duket se i përkasin vetëm historisë. Sondazhi i fundit i “Gallup”, i kryer në funksion të indeksit të lumturisë 2023, tregon se Shqipëria renditet ndër të fundit në Europë, sa i takon treguesve të bujarisë dhe mbështetjes sociale.

Krejt ndryshe është situata për shtetasit e Kosovës, që vijojnë t’í ruajnë e zbatojnë këto tradita, duke u renditur ndër të parët në botë sa i përket bujarisë.

Mbështetja sociale është një tregues që sipas metodologjisë së raportit lidhet me pasjen e dikujt ku të mbështetesh në kohë telashesh.

Pyetja që u drejtohet të anketuarve është: “Nëse keni qenë në telashe, a keni të afërm ose miq që mund të mbështeteni për t’ju ndihmuar sa herë që keni nevojë, apo jo?”

Shqipëria në këtë tregues renditet e fundit në Europë dhe e 29-a nga fundi në botë dhe ka diferencë nga shtetet e tjera të Europës. Mbështetja sociale e shqiptarëve është njëlloj me atë të shteteve si Congo, Zimbabwe, Kenya, Honduras etj.

Në rajon, pas Shqipërisë, mbështetje më të ulët sociale ka në Maqedoninë e Veriut.

Kosova renditet ndër 40 vendet në botë që mbështesin njëri-tjetrin, ndërsa nuk ka të dhëna për Serbinë e Malin e Zi.

Shtetet me mbështetjen sociale më të lartë në botë janë Zelanda e Re, Danimarka, Finlanda, Islanda.

Edhe në indikatorin tjetër, atë të bujarisë, Shqipëria renditet ndër të fundit në Europë.

Për të matur treguesin e bujarisë, të anketuarve u drejtohet pyetja: “A keni dhuruar para për një bamirësi muajin e kaluar?”

Sipas raportit, ky është një tregues i qartë për një ndjenjë të angazhimit pozitiv të komunitetit dhe një mënyrë kyçe që njerëzit të lidhen me njëri-tjetrin. Hulumtimet tregojnë se në të gjitha kulturat, duke filluar nga fëmijëria e hershme, njerëzit tërhiqen nga sjelljet nga të cilat përfitojnë njerëzit e tjerë.

Shqipëria është ndër vendet më pak bujare të Europës, por rekordin (negativ) e mban Greqia, së bashku me Bullgarisë, Rumaninë, Portugalinë. Shtetasit e Kosovës sërish renditen shumë më mirë sesa ne, ndër 25 shtetet më bujare në botë.

Mbështetja e ulët e pritshme nga miqtë e të afërmit, së bashku me të ardhurat e ulëta për frymë, e perceptimin e lartë të korrupsionit janë disa nga faktorët që e rendisin Shqipërinë ndër shtetet më të palumtura të Europës.

Në raportin e fundit të Lumturisë, të publikuar nga Organizata e Kombeve të Bashkuara, Shqipëria ka humbur një pozicion, duke u renditur në vendin e 91 nga 146 shtete gjithsej.

Nga vendet e Europës, Shqipëria lë pas Maqedoninë e Veriut (92), Turqinë (102) dhe Gjeorgjinë (106).

Ndonëse të ardhurat për frymë të Kosovës janë më të ulëta sesa të Shqipërisë, sërish shtetasit e Kosovës renditen shumë më mirë se Shqipëria në indeksin e lumturisë, pasi fitojnë pikë nga mbështetja e lartë, që kanë për njëri-tjetrin.

Kosova u rendit në vendin e 34 në botë dhe më e lumtura në rajon. Pas saj është Serbia në vendin e 45. Bosnjë-Hercegovina dhe Mali i Zi u renditën përkatësisht në vendin e 63-të dhe 71./monitor

The post Bujaria dhe mbështetja sociale e shqiptarëve i përkasin historisë, renditemi ndër të fundit në Europë appeared first on Albeu.com.