Kryetari i Komisionit, Arbjan Mazniku, shprehu një ide për ngritjen e një sondazhi për këtë reformë.

Në lidhje me këtë, Mazniku tha se do të duhen 3-4 muaj për të zbuluar rezultatet. Deputeti i PD, Xhelal Mziu, u shpreh se ky është një autogol nga mazhoranca.

Sipas tij, ajo nuk mund të kërkoj 3-4 muaj për sondazh, kur ka vënë si afat të fundit datën 30 qershor për miratimin e reformës.

Mazniku: Përgatitja praktike e sondazhit do të na marrë ca kohë. Në 12 qarqe siç thoni ju do të paktën 3-4 muaj që nga dalja e mbledhjes së të dhënave në terren te përpunimi. Ky është një proces që pa tre muaj ne nuk dalim dot në krye se është proces teknik. Për këtë arsye, bashkërendimi i proceseve është gjëja më e mirë.

Mziu: Thuhet që kanë vendosur pikë fundore korrikun për të bërë reformën. Ju thoni që keni vendosur korrikun dhe thoni që të ecim sa të bëjmë. Pra ju e keni paracaktuar.

Mazniku: Do ma shpjegosh pse është për procedurë se nuk e kuptova.

Mziu: Varet si e quan ti procedurën.

Mazniku: Vetëm procedurë nuk është kjo. Nuk ka asnjë rregull parlamentarizmi ë ta quaj këtë procedurë. Nëse kërkon fjalën për procedurë flasim për procedurë.

Mziu: Fiks për procedurën po flas unë. Z. Bozdo sa kërkoi me të drejtë që të bëhet një sondazh dhe ju thatë që sondazhi do minimalisht 3-4 muaj. Dhe kush do më shumë kohë, një sondazh apo një reformë, një reformë që ka dështuar në këto 10 vite dhe që doni të bëni një reformë që të dështojë pas një muaj. Pra kjo është procedura që ju duhet të kuptoni, se bëni autogol. Njëherë thoni që sondazhi do 3 muaj për t’u bërë, pastaj thoni ë duhet ta mbyllim reformën deri më 30 qershor, që i thonë 4 muaj. Ose e keni paracaktuar reformën, ose nuk keni sensin për të krijuar një reformë që është koherente dhe një herë me shtetet e BE-së dhe me problematikat që ka krijuar sot në Shqipëri.

Mazniku: Thelbi është që adresoi një dokument pune që e kemi propozuar ne…

Boçi: Jo për çdo folës nga një kundërpërgjigje…

Mazniku: Nuk ka problem.

The post Përplasje në Komisionin e Reformës Territoriale/ Mziu: Po bëni autogol me afatet, Mazniku: Proces teknik, s’është procedurë appeared first on Albeu.com.

Bëhet fjalë për ish-nënkryetarin e Bashkisë së Tiranës, aktualisht ministër i Pushtetit Vendor Arbjan Mazniku dhe ministrit të Drejtësisë, Ulsi Manja.

Ky mund të konsiderohet një takim i zakonshëm mes dy kolegësh, por gjithsesi, konteksi në kohën kur ka ndodhur takimi tërheq vëmendje.

Kjo për shkak se ky takim “kokë më kokë” me Ulsi Manjën, vjen në një kohë kur në media është raportuar se Arbjan Mazniku është zyrtarisht nën hetim nga Prokuroria e Posaçme (SPAK).

HETIMI PËR RESTORANTIN E GRUAS “THE HOME”

Mazniku është nën hetim nga SPAK, lidhur me shpenzimet e bashkisë së Tiranës në një restorant në pronësi familjare të tij dhe lidhjet e këtij investimi me një tender të kompanisë publike, Tirana DC, e cila ngrenë pikëpyetje për konflikt interesi.

Bëhet fjalë për restorantin “The Home”, i ndodhur në një vilë të rinovuar dykatëshe në zemër të Pazarit të Ri në Tiranë.

Restoranti është në pronësinë familjare të Arbjan Maznikut dhe Endri Fugës; i pari ish-nënkryetar i Bashkisë së Tiranës që mban sot postin e ministrit të Shtetit për Qeverisjen Vendore dhe i dyti këshilltari jetëgjatë i kryeministrit Edi Rama dhe drejtor i Agjencisë për Media dhe Informim.

Në Qendrën Kombëtare të Bizneseve, kompania është regjistruar në pronësinë e bashkëshorteve të tyre, Marinela Lika me 50% të aksioneve dhe Besa Fuga me 50%.

Natën e ndërrimit të viteve më 31 dhjetor 2023, një grup zyrtarësh u mblodhën për të trokitur gotat tek “The Home”.

Darka përbëhej nga 55 persona dhe u pagua nga Bashkia e Tiranës me një faturë prej 236 mijë lekësh në total.

Kjo përbën një konflikt të hapur interesi, pasi shpenzimi i parave publike në restorantin e bashkëshortes ka ndodhur gjatë kohës që Mazniku ishte nënkryetar bashkie

Të dhënat e siguruara nga BIRN tregojnë se një tjetër kompani e lidhur me restorantin “The Home” ka fituar tendera me vlerë rreth 800 mijë euro me kompaninë publike Tirana DC dhe Bashkinë e Tiranës gjatë viteve 2021-2022.

Edhe pse këto kontrata nuk janë të paligjshme, ato ngrejnë dyshime për një konflikt interesi në dukje për ish-nënkryetarin e bashkisë dhe ministrit aktual të shtetit për Qeverisjen Vendore.

Tirana DC, është një shoqëri aksionere në pronësi të Bashkisë së Tiranës, e cila u drejtua fillimisht nga Redi Molla dhe më pas nga Mariglen Qato, dy drejtorët e arrestuar me akuzën e përfitimit të miliona lekëve para publike përmes kompanisë “5D Konstruksion”, që sipas Prokurorisë së Posaçme, kontrollohej prej tyre.

Molla dhe Qato i mohojnë akuzat. Mazniku ka mbajtur gjithashtu një pozicion të rëndësishëm në kompaninë Tirana DC si kryetar i Këshillit të Administrimit.

Arbjan Mazniku, ka dëshmuar më 22 Korrik për rreth 3 orë në Prokurorinë e Posaçme, por nuk dihet nëse është pyetur për çështjen në fjalë apo jo.

Në foto: Arbjan Mazniku në SPAK më 22 Korrik 2024

HETIMI PËR RRUGËN “XHON BELUSHI” në Tiranë

Gjithashtu, Arbjan Mazniku ka dëshmuar më 28 Prill të këtij viti për 4 orë në Prokurorinë e Tiranës dhe çështja ka të bëjë me një kallëzim të Belind Këlliçit për rrugën “Xhon Belushi” në Tiranë, para zgjedhjeve lokale të vitit 2023, kur ai kandidonte për kryetar Bashkie përballë Erion Veliajt.

Rruga “Xhon Belushi” ishte asfaltuar nga punonjësit e bashkisë së Tiranës, në një kohë që tenderi ishte ende i hapur dhe nuk ishte shpallur asnjë kompani fituese.

Një ditë pas denoncimit të Këlliçit, tenderi fiktiv me fond limit prej 471 milionë lekësh u anulua. Partia Demokratike kallëzoi në Prokurorinë e Tiranës Erion Veliajn dhe Arbjan Maznikun, i cili në atë kohë ishte në detyrën e nënkryetarit të Bashkisë, por edhe në cilësinë e autoritetit kontraktor.

Sipas mediave, Prokuroria e Tiranës, edhe pse e kishte marrë zyrtarisht nën hetim Arbnjan Maznikun për “shpërdorim detyre”, shpalli moskompetencë, ku edhe kjo çështje ka kaluar tashmë në duart e SPAK.

The post Nën hetim nga SPAK, Arbjan Mazniku takim “kokë më kokë” me Ulsi Manjën (FOTO) appeared first on Albeu.com.

Fillimisht hetimet ndaj Maznikut, janë fokusuar vetëm tek tenderat e bashkisë dhe nisur nga dyshime për abuzime me detyrën, SPAK dhe BKH-ja, kanë kryer 3 muaj para zgjedhjeve parlamentare një kontroll në banesën e zyrtarit të Lartë.

Nuk dihet me saktësi se çfarë është gjendur nga ana e SPAK në banesë, por një burim pranë këtij institucioni tha për “Ora News”, se tashmë është në pritje të një dosje tjetër kundër Arbjan Maznikut, e cila do transferohet për moskompetencë nga prokuroria e Tiranës drejt SPAK.

Madje për llogari të kësaj dosje, Mazniku, në cilësinë e ish-nën/kryetarit të bashkisë së Tiranës, është marrë në pyetje lidhur me hapjen e procedurave të dyshuara si fiktive të një tenderi për rikonstruksionin e rrugës “Xhon Belushi” që ndodhet në zonën e “Freskut”.

Por tashmë nuk është vetëm kjo, pasi SPAK, ka përqendruar hetimet ndaj Maznikut dhe tek disa praktika tenderuse mes bashkisë së Tiranës dhe restorantit “The Home” që është në bashkëpronësi të bashkëshortes së Maznikut, shtetases, Marinela Lika.

Kurse  disa praktika të tjera që janë në verifikim e sipër nga SPAK, lidhet me tenderat që “The Home” ka fituar.

Bëhet fjalë për tendera me vlerë rreth 800 mijë euro me kompaninë publike “Tirana DC” dhe Bashkinë e Tiranës gjatë viteve 2021-2022.

SPAK ka ngritur dyshime të forta për një konflikt të pastër të interesi dhe korrupsionit, për shkak se në kohën kur janë zhvilluar, Mazniku, ka mbajtur postin e nënkryetarit të bashkisë Tiranë.

Ndër të tjera gjatë kësaj kohe, Mazniku ka mbajtur në kompaninë “Tirana DD”, postin e rëndësishëm si Kryetar i Këshillit Administrativ, post nga i cili u larguar në muajin Gusht 2024.

Sipas dyshimeve të SPAK, Arbjan Mazniku si Kryetar i Këshillit Administrativ në kompaninë “Tirana DC” lëvronte fondet përfituese e të cilave ishte Bar-Restonati “The Home” që ndodhet në qendër të Tiranës, dhe që bashkë menaxhohet nga gruaja e tij, Marinela Lika.

Një skemë thuajse e qartë si ajo e ngritur nga ish-ministri i Shëndetësisë, Ilir Beqaj me restorantin e njohur “Gzona”.

Aktualisht biznesi “The Home” që zotërohet 50 për qind nga Marinela Lika, është vendosur në masë sigurimi nga Drejtoria e Përgjithshme e Tatimeve, Rajoni Qendror, pasi rezulton të mos ketë paguar detyrimet tatimore në vlerën prej 27 milion lekë të vjetra.

Kërkesa për vendosjen e masës së detyrimit tatimor është vendosur në 9 shtator 2024, duke njoftuar dhe administratorin e këtij subjekti tregtar, Ledion Çollaku.

The post SPAK po heton Maznikun/ 3 muaj para zgjedhjeve iu kontrollua banesa, në fokus restoranti dhe tenderat appeared first on Albeu.com.

Mazniku tregoi se përse qëndroi i heshtur në ditët e para të arrestimit të Veliajt.

Roland Qafoku: Si e përjetuat momentin kur pate që zoti Veliaj, miku juaj i vjetër, bashkëpunëtori juaj i ngushtë, u arrestua nga SPAK-u?

Arbjan Mazniku: Në mënyrën më të tmerrshme. Veliaj ka bërë një punë të jashtëzakonshme për qytetin e Tiranës dhe është një mik shumë i mirë. E gjithë ngjarja në vetvete ka qenë shumë traumatike, por gjëja e duhur për të thënë është që ka folur PS-ja për këtë çështje dhe pozicioni i kryeministrit Rama ka qenë i qartë dhe konsistent për këtë çështje.

Një ndër arsyet përse nuk fola kur u arrestua, është sepse Erionin e kam mik të ngushtë dhe çdo fjalë e imja do ishte objektive dhe e anshme.

Roland Qafoku: E keni vizuar në qeli?

Arbjan Mazniku: Jo nuk na lejohet ta vizitojmë. Lejohen vetëm familjarët, është e shkruar në ligj. Por kam takuar zonjën Xoxa dhe vëllanë e Veliajt.

The post Kryebashkiaku në burg, Arbjan Mazniku zbulon arsyen se nuk folur kur u arrestua Erion Veliaj appeared first on Albeu.com.

“Konkluduam një proces që nisi që në vitin që shkoi me dialogun vendor. Ka të bëjë me pagat e pushtetit vendor, por jo vetëm për pagat. Është një reformë strukturore që merret me ristrukturimin e Bashkive, stafet e tyre në tre grupime të mëdha. Riklasifikuam nivelet e pagave, duke ndryshuar skemën.
Në nivele pagash të unifikuara të të gjitha Bashkive, duke dhënë mundësitë, që një jurist apo arkitekt, të marrë paga të ngjashme pothuajse në të gjitha Bashkitë.

Rritja e pagave, të të gjitha Bashkive, është në nivele të unifikuara të pagave. Kështu unifikojmë mënyrën e llogaritjes së pagave, me mënyrën sesi llogaritet vjetërsia e punës.
Ky vendim do t’i japë mundësi Bashkive, të tërheqin në mënyrë nga tregu profesionistë. Ky është ndër hapat e rëndësishëm në ristruktuimin sistematik të të gjitha Bashkive”, theksoi ai.

The post Mazniku: Reformë në politikat e pagave në të gjitha Bashkitë, do të tërheqim profesionistët appeared first on Albeu.com.

Sipas Berishës, Veliaj dhe drejtorët e tij ka bërë me modelin 100 përqind të kompanisë “5D”

“Pallate të vlerësuara që të gjitha solide, të parrënueshme nga tërmeti”, tha Berisha nga tubimi qytetar.

“Të dashur qëndrestare dhe qëndrestarë, guximtare dhe guximtarë, misionarë të vërtetë të kauzës që të të gjitha kauzave të shqiptarëve.

Të kauzës së shpresës, dinjitetit, lirisë, interesit kombëtar.

Një përshëndetje të përzemërt ju oratorëve që me fjalën e tyre të zjarrtë përcjellin në të katër anët e Shqipërisë të vërtetat e realitetit të sotëm, por rrezatojnë guxim dhe frymëzim tek mbarë shqiptarët.

Para së gjithash sot unë duhet të përgëzoj me mirënjohje ata qindra protestuese e protestues që rrethuan Bashkinë e Tiranës në një protestë të pamposhtur si dëshmitarë të vendosmërisë së tyre për të mos u pajtuar kurrë me vjedhjen e tmerrshme që Erion Veliaj iu ka bërë qytetarëve të Tiranës me djegësin.

Me vjedhjen e tmerrshme që ai me drejtorët e tij ka të bëjë me modelin 100 përqind të kompanisë “5D”.

Më vjedhjen e tmerrshme që ky kryehajdut i shpifur ka bërë së bashku me Maznikun dhe hajdutët e tij, duke shembur 13 pallate në zemër të Tiranës vetëm e vetëm për të mbushur arkat dhe kontot e veta dhe të kompanive të tij.

Pallate të vlerësuara që të gjitha solide, të parrënueshme nga tërmeti”, u shpreh Berisha.

The post Berisha: Veliaj me Maznikun shembën 13 pallate në zemër të Tiranës për të mbushur arkat e tyre appeared first on Albeu.com.

Ministri Mazniku, deklaroi shkurtimisht para kamerave se u paraqit në SPAK, si person që kishte dijeni për një çështje.

“Duhet të jepja shpjegime”, tha Arbian Mazniku shkurtimish, duke mos zbuluar se për çfarë çështje bëhet fjalë.

The post Arbian Mazniku flet pas daljes nga SPAK appeared first on Albeu.com.

Këlliçi deklaron se kompania ‘5D’ , ka shkatërruar dhjetëra pallate në Tiranë më justifikimin e tërmetit të vitit 2019, por në fakt shkatërrimet janë bërë vetëm për të larguar banorët nga zona dhe për të ndërtuar pallate të reja, që shiten me çmime të larta.

Sipas Këlliçit, aktmarrëveshja e lidhur mes Bashkisë Tiranë dhe kompanisë “5D”, dikur e quajtur “Vas Construction”, është bërë në dhjetor të vitit 2021.

“Kjo aktmarrëveshje është firmosur me qëllim prishjen e 13 pallateve me justifikimin e dëmtimi nga tërmeti i 2019. Ndërkohë që Mazniku hante biftek 1000 euro në Dubai, keni parë protestat e qindra familjeve që nxirreshin prej leckash nga shtëpitë e tyre”, deklaroi ai.

The post Mazniku dhe Veliaj përfundojnë në SPAK, ngritën skemën abuzive duke shembur pallatet appeared first on Albeu.com.

Fillimisht Mazniku ka shpjeguar pse ka nisur shembja e shtëpive në mes të dimrit, ndërsa ka sqaruar se sipas tij banorët ishin informuar disa herë.

Mazniku në mbyllje i ka premtuar nënë Lizës që do i marrë shtëpi të legalizur në një vend më të mirë.

Diskutimi mes nënë Lizës dhe Maznikut:

Mazniku: Që pas tërmetit të 2019 në janar të 2020 është marrë vendim për ta shpallur 5 majin si një zonë për rizhvillim. Ka nisur dhe procesi i shpronësimeve, mbi 5 herë secili në atë zonë është informuar. Banorët kanë pasur gjithë kohën e mundshme.

Nënë Liza: Nëna s’ka ditur me pa facebook. Nuk kemi firmosur, i kemi marrë në mënyrë ilegale”, përgjigjet nënë Liza.

Mazniku: Ka ardhur dhe një grup nga hipoteka që ka bërë matjet

Liza: I kanë matur ka 3 vjet. Ju i keni bërë të gjitha të kundraligjshme. Ju jeni duke iu kundërvënë popullit kot. Jam në proces legalizimi. Unë e kam jetën në rrënoja e po fle jashtë dhe se di ku i kam rrogat. Keni ardhur e keni prerë dritat në 4 të mëngjesit. Kemi ardhur 5 ditë përpara. Pse s’më gjete shtëpi.

Mazniku: Shpronësimi nuk është një akt me dakordësi.

Pyetje: Ku do flini sot?

Nënë Liza: Në gërmadha, këtu është një mafie e gjallë. Këtu kam një të legalizuar një të palegalizuar… Këtu është faji i shtetit, nuk është faji i nënë Lizës.Me të nxjerrë familjen tënde jashtë si të duket, me të nxjerrë shtëpinë jashtë si të duket. Unë jam jashtë me fëmijët. Kontrata është fallso. Me i nxjerr nënën zvarrë Maznikut si i duket. Maznikut i duan kontratën me vulë me noter dhe me firmës e bashkisë. Mbi të gjitha thuaji Maznikut jemi shqiptarë.Unë pa marrë kontratën e rregullt nuk dal nga shtëpia. Metrat i dua metër për metër. Çdo kat katër dhoma 2 banjo. Është turp për një shtet me u kap me një plakë e me e nxjerrë zvarrë.

Mazniku: Nënë Liza e ka të palegalizuar shtëpinë. Do marrë 364 metra katror, ndërtim me hipotekë në një objekt dhe zonë shumë herë më të mirë të urbanizuar një që do zhvillohet shumë herë më mirë se ajo që ka. Do i ketë të trashëgueshme të dhënshme me qira. Do kenë mundësi ta disponojnë ligjërisht pronën ndryshe nga ajo që kishin. Sa më shpejt të fillojnë të punojnë kompanitë aq më shpejt do mbarojnë.  Deri atëherë do paguajmë bonusin e qirasë./albeu.com/

The post Nënë Liza përballet me Bashkinë, Mazniku premton: Do marrësh shtëpi me hipotekë dhe në zonë më të mirë appeared first on Albeu.com.