Kengetarja u shpreh se po mundohet të mbajë larg negativitetin dhe të ruajë energjitë për vete, djalin dhe punën.

Maya vuri theksin te mënyra se si ngjarja e saj u përfol në media.

“U përfol dhe u hodh aq shumë baltë mbi figurën time nga televizionet duke bërë manipulime dhe shpifje. Por floriri nuk bëhet pis sepse është flori, – tha ajo.

Gjithashtu, ajo tha se për këtë çështje, do të flasë së shpejti gjerë e gjatë dhe në mënyrë të veçantë kur të vijë koha e duhur.

“Unë i dhashë botës së artit dhe televizioneve diçka. Dhe ti po më përdor, pa u shprehur unë kurrë dhe pa e ditur ti kurrë të vërtetën. Ky ishte një zhgënjim për sa i përket mediave që e kanë përdorur këtë moment. Më lëndove mua, lëndove fëmijën, shumë keq”, përfundoi ajo.

The post Flet pas video skandalit Maya: U hodh shumë baltë mbi figurën time appeared first on Albeu.com.

Mes emocionesh tha se asaj iu realizua ëndrra për tu bërë nënë atëherë kur humbi tre anëtarë të familjes.

“Shumë vite nuk po kishim rezultat me ardhjen e fëmijës në jetë dhe dikur, pas një tragjedie në familjen time, iku nëna, babai në moshë pak a shumë jo të duhur… të duhur, prindi s’është kurrë në moshën e duhur, por na iku vëllai i vetëm, papritur, pa kujtuar, pas ikjes së prindërve. Në këtë kohë unë po merresha me këtë pjesën e dëshirës së madhe për të sjellë një fëmijë në jetë dhe kur ndodhën këto gjërat, thashë lëre, e kishte shkruar Zoti që të mos ndodhë, s’bëra fëmijë, punë e madhe, kemi plot, familje e madhe.

Pas këtyre, se s’dua të flas shumë për këtë pjesë, më rrëmben shumë emocionalisht dhe nuk ka dhimbje qsëh ikën, thjesht mësohemi me të. Bëj fëmijën, djalin një ditë pas humbjes së vëllait dhe të prindërve. Edhe erdhi, atu e kishte shkruar Zoti që të lindte ai fëmijë”, shprehet këngëtarja.

Ndërkohë që kur tregoi historinë këngës ‘Lis me dega o biro’ e përshkroi ardhjen në jetë të të birit, Jonas, si gëzim në mes të dhimbjes.

Kujtojmë se para disa kohësh ajo u përfol në shtypin rozë pasi kishte kërkuar nga gjykata një urdhër mbrojtje nga bashkëshorti i saj.

The post I vdiq nëna, babai dhe vëllai, Maya AIiçkaj: Lindja e tim biri ishte gëzim në mes të dhimbjes appeared first on Albeu.com.

Kjo pasi këngëtarja ka treguar gjithmonë në intervistat e saj se ka një marrëdhënie të shkëlqyer dhe të suksesshme me partnerin e saj prej 13 vitesh, babin e djalit të saj.

Arben Ulbirch (Arben Shuaipi) është urdhëruar nga togat e zeza që të mos i afrohet këngëtares Maya në një perimetër prej 200 metrash. Madje, ai nuk duhet të shkojë as në vilën që çifti ka në zonën rezidenciale në Mullet.

Çifti është përfolur vazhdimisht për një pasuri marramendëse, duke përfshirë dhe dy vila në zonat më të shtrenjta në periferi të kryeqytetit. Në media është përfolur gjithashtu se këngëtarja Maya ka bërë kërkesë për zgjidhjen e martesës disa muaj më parë.

The post FOTO/ Të përfolur për pasuri marramendëse, kush është bashkëshorti i Mayës që akuzohet se ka dhunuar këngëtaren appeared first on Albeu.com.

E ftuar në programin “ABC-ja e mëngjesit”, artistja ka folur si rrallë herë në lidhje me marrëdhënien që ka me djalin e saj të vogël Jonas. Maya ka treguar se është një nënë shumë e rreptë dhe mundohet që të jetë gjithmonë korrekte.

“Jonas 3 vjeç e gjysmë si uragan. Unë kur kam qene i vogël kam qenë shumë fëmijë i urtë. Ai është shumë me temperament, vetëm lëviz. Kam shumë frikë te njerëzit, nuk kam asnjë grua, vetë e çoj në kopsht. Kam edhe bashkëshortin që më ndihmon.

Unë jam më e rreptë ndoshta jo direkt po i them jo për një gjë. Problem është që kur kam filluar aktivitete e kam kohën e kufizuar dhe im shoq është më tolerant, bëje i thotë, po kjo nuk më pëlqen. Unë e dua shumë, por mundohem të jem korrekte me të.

Me vete në koncert nuk e marr dot se është e pamundur. Vetëm në raste se kam familjarët e mi e marr. Por natyrisht kam tim shoq që më ndihmon. Megjithatë, problemi është vetëm kur është jam jashtë vendit”, u shpreh ajo.

The post “Djalin e kam si uragan”, këngëtarja Maya: Jam një nënë shumë e rreptë, çfarë raportesh kam me tim bir appeared first on Albeu.com.

Ajo zbuloi në “Shqipëria Live” se çfarë i ka ndodhur në një dasëm, kur vendosën që paratë që do ia hidhnin asaj, ishin për të ndërsa paratë e çiftit nuk do i prekte orkestra.

Në fakt, i ndodhi që të gjitha paratë vinin i merrnin fëmijët për t’ia çuar çiftin dhe vendosi të mos bëjë asnjëherë marrëveshje të këtij lloji.

“Në një dasëm thonë ato që do të hedhin ty, do i marrësh ti. Ato tjerët i merr çifti. Sa hidheshin lekët, vinin kalamjat i merrnin lekët.

Më thirrën në tavolinë dhe po këndoja, hodhi paratë djali i tezes së dhëndrit dhe sërish erdhën kalamajt për të marrë lekët prap. Tha ai merri se janë të tuat. Që atëherë nuk bëj marrëveshje të tilla se nuk do zihemi”, tha Maja.

The post “Më merrnin lekët që më hidhnin”, Maja tregon marrëveshjen që nuk do bëjë më kurrë në dasmë appeared first on Albeu.com.

Komentet ajo i bëri në emisionin “Glamour Zone”, ku ishte e ftuar.

Maya tha se nuk ka kryer kurrë operacione plastike, por ka bërë vetëm pak botoks, të cilin e aplikon një herë në një vit e gjysmë.

“Dua t’ju them që merrni ndonjë qese plastike, hidhini silikon dhe do të shikoni që a është me të vërtetë ashtu apo është ndryshe. Nuk kam kryer ndërhyrje kirurgjikale, vetëm pak botoks tek pjesa e ballit dhe syve, nuk bëj shpesh, bëj një herë ne një vit e gjysmë”, u shpreh ajo.

Këngëtarja ka treguar gjithashtu se nuk ia kontrollon telefonin bashkëshortit të saj, pasi nuk e ka në tip. Megjithatë, sipas saj, kjo ka ndodhur vetëm njëherë.

Pjesë nga biseda:

Gazetarja: Të ka ndodhur t’ia kontrollosh ndonjëherë telefonin bashkëshortit?

Maya: E kam shumë problem të gënjej kështu që do të them po. Gjatë shtatë-tetë viteve asnjëherë, pastaj erdhi një situatë e tillë, që më bëri të bëj këtë veprim që nuk është në natyrën time. E marr telefonin dhe po më dridheshin duart sikur po bëja një vjedhje, por shyqyr zotit ishte vetëm një herë dhe nuk ndodhi më.

E pyetur nëse është tradhtuar ndonjëherë, Maya tha “PO”. E pyetur si vepron në të tilla raste, artistja tha:

“Nga vetë fjala tradhti, kur thua tradhti dhe intrigat…varet kë quan tradhti. Ty të dhemb shumë kur të tradhton një shoqe, por nuk është njësoj kur të tradhton partneri. Tjetër gjë është ajo tjetër gjë është tradhtia. Ajo ka bërë të vdesin qindra e mijëra njerëz nëpër luftëra, dikush ka bërë vetëvrasje, tradhtia është shumë e keqe, të kap në befasi.

Nuk ka sesi të mos ta vuash një tradhti dhe unë e kam vuajtur në formën time, por jam natyra e lindur, e kam ne gjen apo më ka bërë jeta duke qenë vetëm shumë vite, duke luftuar për shumë gjëra në jetë, ti duhet të jesh e fortë dhe nuk duhet të përgjunjesh nga një tradhti. Një tradhti mua nuk është se më ka gjunjëzuar, më ka trishtuar, por nuk jam natyrë hakmarrëse. Them nëse ndodhin gjëra të tilla, okej e mora vesh kush është, ka perëndi them unë e shef se kush është“.

Si shumë personazhe publike, këngëtarja ka pasur momente kur është “frikësuar” nga fansat e saj. Dikur, njëri prej tyre e përndiqte.

Pjesë nga biseda:

Gazetarja: Të ka ndodhur që te kesh ndonjë fans aq të fiksuar mbas teje saqë vjen një moment që dhe ti frikësohesh, nga gjestet e atij ose te asaj? Çfarë ka ndodhur?

Maya: Po, më ka ndodhur. Ka ndodhur që ai dinte pa pushim se ku isha unë, jam në filan vend dhe filan makinë dhe që unë isha me të vërtetë aty.

Gazetarja: Nga e dinte?

Maya: Nuk e di.

Gazetarja: Si të kontaktonte?

Maya: Nëpërmjet telefonit. Dhe unë atë telefon në atë kohë e kisha telefon pune dhe me duhej ta mbaja numrin. Me pas dalëngadalë filloi të mos më telefononte më.

Gazetarja: A u trembe saqë mendove për një moment ta denoncoje?

Maya: Natyrisht, por e realizova në mënyrë private ,e qetësuam.

Si shumë artistë të tjerë edhe Maya është përballur me situata të sikletshme në koncerte, por ajo veçon njërin:

“Në të vërtetë, ka gjëra që nuk shkojnë dhe aq mirë por tani që më thua të sikletshëm, ky për mua ka qenë edhe më i sikletshëm. Koncertet e mia ku unë kam performuar pas  ikjes nga jeta të familjareve të mi. Prindërit dhe vëllai im kanë ikur  nga kjo jetë brenda 14 muajve dhe mbas 20 ditësh kam dalë të performoj në skenë.

Fatmirësisht publiku mua po më priste, u ngritën të gjithë në këmbë, ndezën telefonat, e dinin këtë gjë. I sqaroi dhe i foli menaxheri i koncertit. Por unë kur u futa nuk po mundja të këndoja, po qaja dhe mu desh kohë që ta merrja prapë veten, u mbajt salla mirë nga menaxheri i koncertit.

Pata një dobësi e gjithë trupit dhe e mblodha veten pastaj bëra një zgjidhje të bukur skenike që  njerëzit e pëlqejnë shumë. U ula në gjunjë duke kënduar sepse s’po e mblidhja dot veten, s’po kisha fuqi të rrija në këmbë fakt, pastaj e shfrytëzova këtë mënyrë dhe gjeta zgjidhjen që të ulesha.

Dalëngadalë e mora veten dhe pritja e tyre është një  magji më vete dhe falënderoj zotin që ma ka dhënë këtë mundësi, që unë të marr aq shumë dashuri nga publiku dhe bëj të pamundurën ta kthej dhjetë fish energjinë pozitive që marr nga publiku”./albeu.com/

The post “Më ka tradhtuar”, “zbërthehet” Maya! Zbulon gjithçka përfshi edhe operacionet plastike (FOTO LAJM) appeared first on Albeu.com.