Mauricio Pochettino, përzgjedhësi i Shteteve të Bashkuara të Amerikës, ka përcjellë një mesazh të prerë për futbollistët e tij në prag të duelit me Bosnja dhe Hercegovinën në raundin e 1/16-ave të Kupës së Botës 2026.

Pasi kaluan pa vështirësi në fazën me eliminim direkt dhe e mbyllën Grupin D në krye falë fitoreve të qarta ndaj Paraguait (4-1) dhe Australisë (2-0), amerikanët tani përballen me një test që, sipas trajnerit të tyre, nuk lejon asnjë lëshim.

“Kjo është finalja e Kupës së Botës. Nëse nuk mendojmë kështu, mendoj se do të kemi vështirësi. E kemi parë tashmë në të gjitha ndeshjet pas fazës së grupeve sa e vështirë është. Asnjë ndeshje nuk ishte e lehtë për askënd dhe nuk kemi një shans tjetër nëse dështojmë. Nëse kalojmë tutje, ndeshja tjetër do të jetë një finale e re e Kupës së Botës. Kjo është mënyra jonë e të menduarit dhe mentaliteti ynë. Jemi në finale”, deklaroi Pochettino.

Argjentinasi refuzoi ta konsiderojë ekipin e tij si favorit të padiskutueshëm, duke kujtuar se ky turne ka prodhuar jo pak rezultate të papritura.

“Të gjithë thonë se Gjermania është favorite, por Paraguai e mundi. Shikoni sa e vështirë ishte për Brazilin kundër Japonisë. Në këtë Kupë Bote, duhet të jemi të kujdesshëm se kush është favorit dhe kush jo”, tha ai.

Sipas Pochettinos, fakti që SHBA-ja është vend organizator nuk i jep skuadrës asnjë garanci në fushë.

“E kuptoj që ne konsiderohemi favoritë sepse jemi SHBA-të dhe organizatorët e kampionatit. Mund t’i kemi tifozët në anën tonë, por kemi shumë respekt për Bosnjën dhe Hercegovinën. Nëse duam të fitojmë dhe të kalojmë në fazën tjetër, duhet të luajmë sa më mirë që mundemi”, shtoi ai.

Tekniku u ndal edhe te pesha emocionale që sjellin sfidat me eliminim direkt, duke u kërkuar lojtarëve të tij të mos lejojnë që ndjenjat të marrin kontrollin e lojës.

“Një ndeshje si kjo është 90 përqind, ndoshta 85 përqind, një ndeshje e luajtur me emocione. Nëse mund ta zvogëlojmë këtë në 70, 60 ose 50 përqind, nëse e zvogëlojmë ngarkesën emocionale dhe përqendrohemi më shumë te loja dhe i lëmë emocionet për në fund, mendoj se kjo është shumë më mirë”, vazhdoi ai.

Në përfundim, Pochettino theksoi se futbolli mbetet i mbushur me elemente të paparashikueshme dhe se skuadra e tij duhet të ruajë të njëjtën qasje që e ka çuar deri këtu.

“Gjëra të paparashikueshme mund të ndodhin në futboll. Ne përpiqemi t’i minimizojmë ato. Por duhet t’i qasemi kësaj si në ndeshjet e mëparshme. Bëhet fjalë për të dalë në fushë dhe për të provuar të luajmë pa ngarkesë.”

Përballja mes SHBA-së dhe Bosnjës e Hercegovinës, që vlen një vend në çerekfinale, është planifikuar të luhet të enjten në orën 02:00 të mëngjesit.

The post Pochettino paralajmëron SHBA-në para Bosnjës: Ta trajtojmë si një finale të Kupës së Botës appeared first on Albeu.com.

Pas sukseseve të qarta kundër Paraguait (4-1) dhe Australisë (2-0), ai shpjegoi se pengesa më e vështirë për t’u kapërcyer nuk lidhej me aspektin taktik, por me transformimin e mendësisë së skuadrës.

Kur mori drejtimin e përfaqësueses amerikane në vitin 2024, Pochettino besonte se po hynte në një projekt të konsoliduar në prag të Botërorit që do të zhvillohej në shtëpi. Por, sipas tij, panorama që gjeti ishte krejt tjetër.

“Situata ishte më e keqe sesa e kishim imagjinuar. Ne erdhëm plot energji dhe entuziazëm, por morëm një goditje të fortë kur kuptuam se jo të gjithë e shihnin Botërorin me të njëjtën urgjencë si ne”, tha ai.

Një kthesë e rëndësishme erdhi në fund të vitit 2025, kur tekniku kuptoi se grupi ende nuk ishte bindur plotësisht për forcën e vet.

Në një takim me lojtarët, ai solli në vëmendje rastet e Koresë së Jugut dhe Marokut, skuadra që kishin firmosur befasi të mëdha në Kupën e Botës.

“Pse jo ne?”, ishte pyetja që ai u drejtoi futbollistëve.

Kjo shprehje është shndërruar tashmë në moton e kombëtares amerikane dhe është vendosur me shkronja të mëdha në zyrën e trajnerit.

Pochettino pranoi gjithashtu se disfatat ndaj Panamasë dhe Kanadasë në Ligën e Kombeve të CONCACAF-it gjatë vitit 2025 ishin të rënda, por njëkohësisht të domosdoshme.

“Ato humbje i bënë të gjithë të kuptonin se, nëse vazhdonim në atë rrugë, nuk do të ishim gati për Kupën e Botës”.

Pas asaj periudhe, ai rriti ndjeshëm konkurrencën në ekip dhe ua bëri të qartë të gjithëve se askush nuk e kishte të sigurt një vend në skuadër.

Sot, trajneri thotë se ndihet më i qetë se kurrë më parë. Ndryshe nga periudha kur ishte futbollist i Argjentinës në Botërorin 2002 dhe emocionet nuk e linin të flinte, tani ai shkon në shtrat me bindjen se ekipi i tij do të japë gjithçka në fushë.

“Kur ndien se energjia është e mirë dhe grupi është i bashkuar, nuk ke nevojë të thuash shumë. Lojtarët e dinë çfarë duhet të bëjnë”, deklaroi ai.

Me SHBA-në që tashmë është kualifikuar si kryesuese e Grupit D, Pochettino beson se ekipi i tij ka arsye të vazhdojë të ëndërrojë.

Dhe e gjithë kjo, sipas tij, nisi nga një pyetje e thjeshtë mes trajnerit dhe skuadrës: “Pse jo ne?”.

The post “Pse jo ne?”/ Pochettino i dha SHBA-së një mendësi të re dhe tani sheh të mundur surprizën e madhe appeared first on Albeu.com.

Kjo u konfirmua nga vetë trajneri, i cili e ngriti gishtin drejt presidentit Trump:

“Unë po dëgjoja një bisedë midis presidentit të SHBA-së dhe presidentit të FIFA-s, Gianni Infantino,  të cilin Trump e pyeti nëse SHBA mund ta fitojë Kupën e Botës. Infantino u përgjigj po dhe unë u zhgënjeva, sepse ai duhet të kishte thënë “pyesni trajnerin tuaj, që me siguri mund të të japë një mendim më të saktë”.

Tani mendoj që Trump do të na vendosë nën presion, sepse jemi skuadra e vendit organizator e një vendi mentaliteti i të cilit është të fitojë gjithmonë, megjithatë, për mua do të ishte një presion pozitiv: të paktën ne do të ndjejmë adrenalinën që na nevojitet. Presidentit tonë i pëlqen që të na vendosë në presion dhe ne jemi gati ta përballojmë atë”, ka thënë mes të tjerash trajneri i SHBA-së, Mauricio Pochettino.

The post Pochettino: Kemi presion, Trump mendon që SHBA mund të fitojë Botërorin appeared first on Albeu.com.

Fabrizio Romano ka publikuar përditësimin më të fundit në lidhje me emrat që janë në listën e klubit londinez për strategun e ri.

“Thomas Frank, Kieran McKenna, Enzo Maresca janë përmendur të gjithë në listën e Chelseat. Është ende një garë e hapur”, shkroi gazetari në Twitter.

“Sebastian Hoeness mbetet shumë i vlerësuar, por konsiderohet i vështirë për t’u emëruar”.

“Nuk ka bisedime me Kompany (në listën e Bayernit), Tuchel, Flick apo Conte. Diskutimet e brendshme vazhdojnë”, ka zbuluar Romano.

Frank ka bërë një punë të mirë me Brentford në një nga buxhetet më të ulëta të Ligës Premier.

McKenna mori Ipswich nga Championshipi dhe e inkuadroi në Ligën Premier në dy sezone. Maresca fitoi kampionatin me Leicesterin në sezonin e tij të parë me Foxes. /Telegrafi/

The post Fabrizio Romano tregon emrat e trajnerëve që janë në listën e Chelseat appeared first on Albeu.com.

Trajneri argjentinasi pritet të qëndrojë, por nuk përjashtohet një shkarkim.

Evening Standard raporton se Chelsea ka rënë në kontakt me agjentët e Ruben Amorim dhe Kieran McKenna.

I pari ka qenë i lidhur më parë me një kalim te Blutë. Mediumi bën të ditur se klubi londinez e ka admiruar atë që nga koha e Graham Potter.

Ky i fundit është një emër i ri dhe nuk është lidhur më parë me Chelsean. Një ish-ndihmës trajner i Manchester United, 38-vjeçari e ka udhëhequr Ipswich në promovime të njëpasnjëshme, nga Liga Një në Ligën Premier. Ipswich përfundoi i dyti në Championship këtë sezon.

Tani edhe Amorim edhe McKenna janë duke pritur në krahë për një ofertë nga Chelsea në rast se klubi shkarkon Pochettinon. /Telegrafi/

The post Dy trajnerë në pritje nëse Pochettino shkarkohet nga Chelsea appeared first on Albeu.com.

Trajneri argjentinas thuhet se është i popullarizuar në mesin e shumë lojtarëve të tij në Stamford Bridge.

Ndërsa rezultatet dhe performancat nuk kanë bërë përshtypje, The Mail thekson se shumë lojtarë besojnë se ai është njeriu i duhur për këtë punë.

Aftësitë menaxhuese të Pochettinos janë vlerësuar nga skuadra e fryrë e klubit londinez.

Megjithatë, shumë nga ata lojtarë mund të mos jenë në klub për shumë më gjatë sesa fundi i këtij sezoni.

Blutë thuhet se po konsiderojnë një rinovim të skuadrës, pasi përballen me një tjetër sezon me mediokritet në mes të tabelës. /Telegrafi/

The post Shkarkim apo qëndrim? Lojtarët e Chelseat marrin vendim për të ardhmen e Pochettinos appeared first on Albeu.com.

Ky raport i mirë i tyre daton që nga vitet e para të Artetë si futbollist profesionist, kur atëherë iu bashkua Paris Saint-Germainit si adoleshent. Pochettino, atëherë një lojtar me përvojë tek PSG-ja, i ofroi udhëzime dhe mbështetje që i ndihmoi ata të krijojnë një lidhje të qëndrueshme që i kapërceu kufijtë e fushë së futbollit.

Duke reflektuar mbi raportin e tyre, Arteta kujtoi me dashuri mbështetjen e palëkundur të Pochettinos në ditët e tij të para në Paris. Kur u pyet nëse argjentinasi ishte një influencë e madhe në karrierën e tij, ai pati këtë përgjigje.

“Natyrisht. Një nga personat kryesor, do të thoja. Unë isha 17 ose 18-vjeçar në Paris, unë u transferova atje dhe ishte janari, pa eksperiencë në futbollin profesionist dhe ai nuk e pëlqen që e them këtë por, ai ishte si një baba për mua”.

“Ai më mori në kraharorin e tij dhe më dha këshilla të jashtëzakonshme. Ai me të vërtetë më ka ndihmuar mua, më ka inspiruar dhe unë kam mësuar shumë gjatë dy viteve që i kaluam së bashku, dhe nga aty, e mbajtëm atë raport”.

“Unë e dija se do të bëhem një trajner, e admiroj atë shumë për atë se çfarë ka bërë në karrierën e tij dhe ai gjithmonë është dikush që e përcjell sepse ai pati me të vërtetë një ndikim të madh për mua, në ndoshta fazën më të rëndësishme të karrierës sime profesionale”, ka thënë Pochettino.

Pochettino dhe Arteta do të përballen me njëri-tjetrin sot (e martë) në kuadër të derbit londinez që do të zhvillohet mes Arsenalit dhe Chelseat me fillim nga ora 21:00. /Telegrafi/

The post “Si një baba për mua”, Arteta zbulon raportin e veçantë që ka me Pochettinon appeared first on Albeu.com.

Por, trajneri i klubit londinez duket se e ka humbur mbështetjen e shumicës së tifozëve të klubit andaj e ardhmja e tij po vazhdon të jetë gjithnjë e më shumë në dyshim.

Chelsea pritet të qëndrojë me Pochettinon të paktën deri në fund të sezonit. Hierarkia e klubit nuk dëshiron një përsëritje të sezonit të kaluar, kur ata shkarkuan Graham Potter në prill dhe më pas mbaruan sezonin në një mënyrë të tmerrshme.

Sidoqoftë, atmosfera brenda Chelseat po kërcënon të bëhet toksike dhe situata duket se nuk është aspak e qëndrueshme, ka bërë të ditur The Standard.

Kishte pasur gjithashtu thirrje nga tifozët të cilët kërkonin rikthimin e Jose Mourinhos, teksa me kritika të mëdha u përcoll pronari Todd Boehly, i cili mori pjesë në garën e Çmimit të Madh në Bahrein për Formula 1, në të njëjtën kohë kur Chelsea po zhvillonte ndeshjen.

Chelsea nuk ishin të interesuar për të emëruar Mourinhon në stol verën e kaluar, dhe asgjë më ndryshe nuk pritet të ndodhë as tani, përkundër faktit që tekniku portugez tani është në pritje të ofertave pas shkarkimit nga Roma.

“Blutë e Londrës” janë 19 pikë larg top katërshes në Ligën Premier dhe gjashtë pikë larg West Hamit që renditet në pozitën e shtatë. /Telegrafi/

The post Chelsea merr vendimin për të ardhmen e Pochettinos pasi tifozët bëjnë thirrje për kthimin e Mourinhos appeared first on Albeu.com.

Chelsea do të përballet nesër (e diel) me Liverpoolin në finale të Carabao Cup, finale kjo e cila do të jetë e fundit në Ëembley për Kloppin si trajner, para se të largohet në fund të sezonit.

Chelsea ishin kundërshtari i parë në Ligën Premier për Liverpoolin pasi Kloppi njoftoi për vendimin e tij për largim në fund të sezonit.

Londinezët u ‘shkatërruan’ me rezultat 4-1, por Pochettino është ende i hidhëruar me ndarjen e drejtësisë në atë takim, pasi ka pretenduar se Chelseat i janë mohuar dy penallti.

Kur u pyet nëse ka presion shtesë mbi Klopp dhe Liverpoolin për të fituar një trofe para se të largohet, Pochettino u përgjigj: Pyetje e mirë. Nuk është presion për të, jo. Ndoshta është për njerëzit të cilët duan të festojnë me Liverpoolin.

“Mendoj se ne duhet të jemi të sigurt se do të konkurrojmë dhe do të jemi të drejtë në çdo vendim. Kur ne luajtëm ndaj Liverpoolit në “Anfield”, mendoj se shumë vendime…. asnjë vendim i rëndësishëm nuk ishte në të mirën tonë. Dy penallti nuk u dhanë. Duelet 50/50, gjithmonë për një ngjyrë tjetër. Gjithmonë e kuqe. Unë dua të trajtohemi në një mënyrë të drejtë”, është shprehur Pochettino.

Pochettino gjithashtu mohoi se prishja e festës së Liverpoolit për Kloppin do të shërbejë si motivim shtesë për ekipin e tij.

“Jo, jo. Ne duam të fitojmë për shkak të Chelseat, por natyrisht Liverpooli dëshiron të fitojë gjithashtu. Por ju lutem, jo një tjetër palë e përfshirë në këtë ndeshje do të jetë pjesë e festimeve që Klopp po largohet, apo jo? Kjo është e rëndësishme”, përfundoi tekniku argjentinas.

The post Pochettino: Shpresoj që gjyqtarët të mos përfshihen në emocionet e lamtumirës së Jurgen Klopp appeared first on Albeu.com.

Në një konferencë për shtyp para ndeshjes, ai ndau njohuri për qasjen e tij për finalet e mëdha.

Pochettino theksoi rëndësinë e mbajtjes së gjërave të relaksuara, duke marrë nga përvoja e tij e pasur në stërvitje.

Teksa përgatit skuadrën e tij për sfidën, trajneri argjentinas la të kuptohet se pritja për të shtuar një tjetër medalje në koleksionin e tij.

“Jam shumë i relaksuar. Unë jam 51 vjeç, kam më shumë përvojë, kam luajtur finalet në Paris, mendoj se qasja është shumë e qetë dhe e relaksuar. Sigurisht, ne shkojmë të punojmë dhe kur të vijë momenti për të luajtur, atëherë do të fillojmë të ndiejmë adrenalinën dhe sigurisht që duam të fitojmë”, tha Pochettino.

“Por, siç u thashë lojtarëve, ne duhet të fillojmë lojën në orën 16:00 të së dielës. Nëse do të fillonim të mendonim për lojën një javë më parë, atëherë do të shpenzonim shumë energji”.

“Përgatitja për ndeshjen është e ndryshme nga fillimi i lojës, sepse ne po përgatitemi në një mënyrë vërtet të mirë. Jemi shumë të kënaqur me mënyrën se si po shkojnë gjërat këtë javë. Ne do të arrijmë në një gjendje shumë të mirë për të sfiduar Liverpoolin”, e mbylli Pochettino.

Chelsea dhe Liverpool takohen në finalen e madhe të Carabao Cup me fillim nga ora 16:00 të dielën në Wembley. /Telegrafi/

The post Pochettino thotë se ndjehet i relaksuar para finales me Liverpoolin appeared first on Albeu.com.