Testimi nisi në orën 10:00 dhe u mbyll në orën 12:30.

Testi i Maturës Shtetërore 2026 u organizua brenda një dite të vetme për të gjitha lëndët dhe për të gjithë kandidatët. Ai përmbante 100 kërkesa gjithsej, me nga 25 kërkesa për secilën nga katër lëndët: gjuhën amtare, gjuhën angleze, matematikën dhe një lëndë zgjedhore të zgjedhur nga vetë kandidati/ja.

I gjithë procesi u administrua nga 1,360 administrues, si edhe nga 750 kryetarë dhe anëtarë komisionesh.

Ministria e Arsimit ka rikujtuar se mbajtja e telefonave mobilë dhe e çdo pajisjeje tjetër elektronike gjatë testimit është rreptësisht e ndaluar. Sipas njoftimit, çdo kandidat/e që kapet me telefon apo pajisje tjetër elektronike do të përjashtohet menjëherë nga testi, pavarësisht nëse ajo është përdorur ose jo.

Pavarësisht kësaj, që në fillim të procesit në rrjetet sociale nisën të qarkullojnë pyetjet dhe përgjigjet e Testit të Maturës, gjë që nënkupton përdorimin e telefonit.

Në Viber u hapën dy grupe, njëri me mbi 9830 anëtarë dhe tjetri me mbi 500 anëtarë, ku nxënësit shkëmbenin përgjigjet e pyetjeve të testit.

The post Pyetjet e testit të maturës qarkullojnë në rrjetet sociale appeared first on Albeu.com.

Sipas njoftimit, mbarëvajtja e testimit do të mbikëqyret nga 1,360 administrues, si edhe nga 750 kryetarë dhe anëtarë komisionesh. Testi do të nisë në orën 10:00 dhe do të përfundojë në orën 12:30.

MASH ka theksuar se të gjithë maturantët duhet të paraqiten në qendrat përkatëse të testimit jo më vonë se ora 09:00, në mënyrë që të përmbyllin me kohë procedurat e identifikimit dhe vendosjes në sallat ku do të zhvillohet provimi.

Testi i Maturës Shtetërore 2026 do të organizohet brenda një dite të vetme për të gjitha lëndët dhe për të gjithë kandidatët. Ai përmban 100 kërkesa, përkatësisht 25 për secilën nga katër lëndët: gjuha amtare, gjuha angleze, matematika dhe një lëndë zgjedhore që përzgjidhet nga vetë kandidati/ja.

Ministria ka rikujtuar gjithashtu se mbajtja e telefonave mobilë apo e çfarëdo pajisjeje tjetër elektronike gjatë testimit është kategorikisht e ndaluar. Çdo kandidat/e tek i cili konstatohet posedimi i telefonit ose i një pajisjeje tjetër elektronike do të largohet menjëherë nga testi, pavarësisht nëse ajo është përdorur apo jo.

Në njoftim thuhet edhe se Qendra për Vlerësim i ka përmbyllur të gjitha përgatitjet e nevojshme për zhvillimin e suksesshëm të testit, ndërsa administruesit dhe anëtarët e komisioneve janë trajnuar dhe janë pajisur me udhëzimet përkatëse.

Për informata të detajuara, udhëzime dhe rregulla për kandidatët, vizitoni: https://mash.rks-gov.net/…/informata-udhezime-dhe…

Ministria e Arsimit dhe Shkencës u ka uruar suksese të gjithë maturantëve në këtë proces të rëndësishëm të vlerësimit.

The post Mbi 19 mijë nxënës i nënshtrohen nesër Testit të Maturës Shtetërore 2026, MASH publikon hollësitë appeared first on Albeu.com.