Në bazë të kalendarit, provimi i Gjuhës së Huaj do të mbahet më 24 gusht 2026, ndërsa ai i Gjuhës Shqipe dhe Letërsisë është caktuar për më 27 gusht 2026.

Maturantët do t’i nënshtrohen provimit të Matematikës më 31 gusht 2026, kurse Provimi me Zgjedhje do të zhvillohet më 3 shtator 2026.

Përmes një postimi në rrjetet sociale, Kumbaro u drejtohet maturantëve që nuk mundën t’i përfundonin provimet në sesionin e qershorit, duke i nxitur të punojnë me përkushtim për testimet e vjeshtës.

“Është momenti të përgatiteni me përkushtim dhe të besoni te vetja juaj”, thuhet në mesazhin që ministrja Kumbaro u përcolli maturantëve.

Ky sesion u mundëson nxënësve që nuk i kaluan ose nuk morën pjesë në provimet e sesionit të parë të plotësojnë detyrimet e nevojshme për përfundimin e arsimit të mesëm.

The post Matura Shtetërore 2026, shpallen datat e provimeve për sesionin e dytë appeared first on Albeu.com.

Në fjalën e saj, ministrja theksoi rëndësinë e këtij vendimi, duke nënvizuar se zgjedhja e lëndëve ndikon drejtpërdrejt në orientimin akademik dhe studimet e mëtejshme.

Ajo u bëri thirrje maturantëve të mos e marrin këtë vendim në mënyrë të nxituar:

“Mendojeni mirë këtë vendim të rëndësishëm, këshillohuni me mësuesit tuaj dhe me prindërit, sepse zgjedhja që bëni sot do t’ju orientojë drejt fazës tjetër të studimeve tuaja”, u shpreh ministrja.

Ministrja informoi gjithashtu se për maturantët e viteve të mëparshme, aplikimi me formularin A1Z do të zhvillohet në datat 10–11 shkurt, ndërsa Drejtoritë Rajonale Arsimore, zyrat arsimore dhe shkollat janë në dispozicion për të ofruar asistencë gjatë gjithë procesit të aplikimit.

“Për ata që nuk janë maturantë të këtij viti, por të viteve të mëparshme, është formulari A1Z, i njohur edhe ky për të gjithë ata që ndjekin procesin. Por mirë është ta kujtojmë që për këtë të dytin, ka vetëm dy data në dispozicion. Kemi postuar dhe kemi bërë të njohur për të gjithë aplikuesit sipas drejtorive rajonale arsimore: Në datën 2,3 dhe 4 në Tiranë, Durrës dhe Fier. Në datën 5,6 dhe 9 në Korçë dhe në Lezhë do të jenë të gjithë në dispozicion për t’ju asistuar, për t’ju ndihmuar, që nga mësuesit, drejtuesit e shkollave, drejtuesit e zyrave arsimore dhe të drejtorive rajonale”, tha Kumbaro.

The post Matura Shtetërore 2026/ Nis plotësimi i formularit A1, ja thirrja nga ministrja e Arsimit appeared first on Albeu.com.