Drejtori i Përgjithshëm i Policisë së Shtetit, Gledis Nano, ishte sot në një seancë dëgjimore në Komisionin për Sigurinë Kombëtare, për të raportuar lidhur me gjendjen e kriminalitetit në vend dhe masat e marra për parandalimin e tij.

The post Vrasja makabre e Mateos, flet Gledis Nano: Kishim informacion se vidhte banesa, vetëm kaq! appeared first on Albeu.com.

Për atë rast Klodian Çalamani u dënua për veprën penale heqje e paligjshme e lirisë, edhe pse vajza 16-vjeçare në atë kohë kallëzoi në Policinë e Fierit se Çalamani dhe Florian Vasiu tentuan të abuzonin seksualisht me të

Motra e Klodian Çalamanit, Elsa e cila ka dhënë dëshminë për ngjarjen e vitit 2006, ka thënë se të miturën e ftoi ajo në banesën e saj ku qëndronte me vëllain Klodin. Ajo thotë se ishte kërcënuar pikërisht nga vëllai i saj Klodian Çalamani dhe komshiu Florian Vasiu që t’iu sillte në shtëpi vajzën 16-vjeçare.

DËSHMIA E ELSA ÇALAMANIT PËR NGJARJEN E 9 MAJIT 2006:

Unë quhem Elsa Çalamani prej rreth 15 vitesh jam larguar nga Shqipëria së bashku me nënën e cila nuk është kthyer më asnjëherë. Kam ardhur para pak ditësh dhe për shkak të mungesës së kushteve tek shtëpia e babait kam qëndruar tek xhaxhai. Vëllai im Klodian Calamani dhe shoku tij komshiu Florian Vasiu më kanë kërcënuar dhe më kanë detyruar që t`iu sjellë në shtëpi vajzën 16-vjeçare. Ata më kërcënuan se nëse nuk e sillja do më vrisnin mua së bashku me vajzën me pistoletë.

I kam vajtur vazjës dhe i kam kërkuar që të vinte me mua deri tek marketi për të blerë ca gjëra për fëmijën tim. Vajza ka kundërshtuar pasi ishte me shapka të papërshtatshme. Unë i kam thënë hajde tek shtëpia e Klodit të jap unë shapka të tjera. Sapo është futur në oborr i kam thënë  duke e mashtruar hajde lexo letrat që vëllai im tjetri Alberti ka shkruar dhe të ka dedikuar ty.

Vajza ka patur frikë se mos ishte Klodi brenda por unë e kam qetësuar që mos të kishte frikë. Sapo vajza është futur brenda, Klodiani dhe Floriani që ishte fshehur pas dere e kanë dhunuar. Unë kam filluar të qaj dhe në këtë moment kam marrë fëmijën e mitur dhe jam larguar. I pranishëm në banesë ka qenë dhe babai im rreth 70 vjeç i cili ishte në gjendje të dehur. Më vonë mësova nga nëna e 16-vjeçares se vajzën e kishte shpëtuar Ligori, vëllai i Florianit. /albeu.com/

The post Flet motra e Çalamanit dhe zbulon si e detyroi t’i çonte shoqen për ta përdhunuar: Ose ma sill ose të vrava! appeared first on Albeu.com.

Por historia e 15 viteve më parë është më e rëndë nga sa është thënë në media. Për herë të parë, emisioni Uniko nga Spartak Koka në Klan Plus ka zbuluar dëshminë e vajzës 16-vjeçare në atë kohë, e cila ishte marrë peng nga Klodian Çalamani dhe Florian Vasiu, ky i fundit xhaxhai i Mateos.

Klodian Çalamani dhe Florian Vasiu mbajtën me dhunë një vajzë 16-vjeçare në shtëpinë e 39-vjeçarit Çalamani, pikërisht në të njëjtin vend ku u vra Mateo.

Uniko ka publikuar ekskluzivisht dëshminë e vajzës 16-vjeçare, e cila thotë se Çalamani dhe Florian Vasiu tentuan ta përdhunonin. Por çuditërisht Gjykata e Fierit në atë dënoi Klodian Çalamanin me 4 vite burg për heqje të paligjshme të lirisë dhe jo për tentativë përdhunimi. Ndërsa Florian Vasiu nuk u dënua.

16-vjeçarja mundi të shpëtonte në atë kohë falë ndërhyrjes së Ligor Vasiut, babait të 8-vjeçarit Mateo, i cili dëgjoi zhurma në shtëpinë e Çalamanit dhe largoi 16-vjeçaren prej andej.

Vajza 16-vjeçare ka qenë komshi me shtëpinë e Çalamanit dhe të familjes Vasiu, ndërsa sot nuk banon më në Shqipëri.

KALLËZIMI I 16-VJEÇARES NË ATË KOHË NË POLICINË E FIERIT MË 9 MAJ 2006:

16-vjeçarja: Jam me banim në fshatin Grecali të komunës qendër, në shtëpi jetoj me prindërit dhe vëllain. Jam nxënëse në shkollën e mesme “Perikli Ikonomi” në Fier ku jam nxënëse e vitit të dytë. Sot pasdite rreth orës 18:00 unë kam qenë në rrugë përpara shtëpisë time, aty vjen shtetësja Elsa Çalamani e cila më thotë hajde të shkojmë deri tek dyqani që të blejmë bebelina për fëmijë. Unë i thashë që nuk vij pasi nuk isha veshur mirë pasi kisha shapka të vjetra të veshura.

Ajo më tha hajde se të jap unë shapka tek shtëpia ime. Në këtë kohë ajo më bindi që të shkonim tek shtëpia e saj për të marrë shapkat. Unë pa hyrë në shtëpi e kam pyetur Elsën që është Klodi në shtëpi pasi kisha frikë nga ai. Elsa më tha që nuk është dhe mos ki frikë nga ai se jam unë këtu. Unë hyra brenda në shtëpi. Pa hyrë brenda te dhoma që rrinë ata, më doli përpara Klodi, i vëllai i Elsës, i cili kishte një biçak me vete. Elsa e pa biçakun dhe i tha ma jep mua. Klodi ia dha. Në këtë kohë, Elsa më dha disa fletore për të cilat më tha që t’i lexoja pasi sipas saj i kishte shkruar i vëllai i saj i cili quhet Albert, për mua.

Në ato momente unë nuk po ndihesha mirë pasi aty po rrinte prezent Klodi, në këtro momente Klodi bën sikur ikën. Elsa më tha hajde ulu, dera ishte e hapur dhe pas dere ishte shtetasi Florian Vasiu, të cilin nuk e kisha parë më parë. Në këtë moment hyn përsëri Klodi dhe mbyll derë. Unë u ngrita për të ikur. Klodi bashkë me Florin nuk më lanë që të ikja. Në këtë kohë unë tentova përsëri që të ikja, ata më shtynë përsëri dhe Elsa iku më la vetëm me ata të dy. Klodi mbylli derën. Unë i thashë që çfarë keni me mua.

Ata më shanë dhe filluan që të më qëllonin. Në këtë kohë, Flori më thotë që kë ke futur ti që të më rrahin, unë i thashë që nuk di gjë. Klodi më shty dhe më shtriu në krevat, ndërsa Flori i thoshte që lere se do vijë policia, ndërsa Klodi i thoshte që nuk e lë, dhe po më shtrëngonte dhe më tha që dua të lë një shenjë në gjoks me të kafshuar. Flori dilte herë pas herë në rrugë për të parë. Klodi më ngriti bluzën por nuk ma hoqi dot pasi nuk e lashë. Më pas ka ardhur i vëllai i Florianit, i cili quhet Ligor Vasiu, u tha atyre që çfarë po i bëni kësaj. Ata i thanë që s’ke punë ti se çfarë po bëjmë ne. Më pas me ndihmën e Ligorit jam larguar për në shtëpinë time.

Në ato momente më kapi prej bluze Klodi. Unë u ula dhe bluza i ngeli në dorë Klodit dhe në shtëpi kam shkuar vetëm me sutjena. Më pas më ka shoqëruar policia për në komisariat. Dua të them se pas gjithë kësaj që ka ndodhur, më ka marrë në telefon Flori ku në telefon ka folur nëna ime, ku Flori i ka thënë që mos denonco në polici se do t’u q* ropt, si dhe dua të them që ata tentuan të kryenin marrëdhënie me mua por nuk arritën dot që ta realizonin qëllimin e tyre dhe ishte fati im që erdhi Ligori.

Gjatë momentit që ata po ushtronin dhunë ndaj meje dhe mëkishin hequr njërën bluzë, Klodi ka tentuar disa herë për të më hequr pantallonat por sapo m’i ulte deri në gjysmë tek gjunjët ka hyrë Ligori. Gjë tjetër nuk kam për të shtuar.

OPGJ: Jeni në gjendje të përcaktoni orenditë shtëpiake tek banesa e Klodianit?

16-vjeçarja: Tek shtëpia e Klodianit ishin këto orendi; në mes të dhomës ishte një rezistencë, tre krevate tek prej suste, një dritare, një komedin, njëri nga krevatet ishte divan i vjetër dhe me mbajtëse rrobash. Mua më kanë shtrirë tek krevati i mesit, krevatet ishin të mbuluar me batanije.

OPGJ: Keni qenë herë tjetër në shtëpinë e Klodianit?

16-vjeçarja: Jo nuk kam qenë asnjëherë tek shtëpia e Klodianit./Uniko/

The post “Klodian Çalamani tentoi të më kapë me zor”, rrëfimi tronditës i 16-vjeçares: Në shtëpi shkova e veshur keq appeared first on Albeu.com.

Pas reagimit të aq shumë komentuar, 1 ditë pas tragjedisë ku ajo nuk pranoi të jepte asnjë lloj komenti pavarësisht pozicionit të rëndësishëm që mban, sot nga Korça, Muzhaqi ka thyer heshtjen.

“Duhet t’i shpreh ngushëllimet familjes së Mateos për ngjarjen e rëndë. Sështë momenti i duhur për të folur për politikat që do të ndërmerren. Uroj që ngjarje të tilla të mos ndodhin më në Shqipëri. Sdo të thotë se spo merremi me këtë çështje apo nuk po aktivizohemi…”- tha ndër të tjera ajo duke justifikuar mos reagimin në kohë për një vrasje tragjike si e Mateos.

Deklarata e Ministres Muxhaqi 1 ditë pas krimit makabër:

Pjesë nga biseda:

Gazetarja: Donim t’ju bënim disa pyetje mbi abuzimet

Bora Muzhaqi: Jam shumë vonë më duhet të lëviz

Gazetarja: Mund të përgjigjeni se dy minuta ju marrim. Kjo është përgjigjia juaj? Drejtoni një institucion… Bora Muzhaqi: Institucioni im nëse do të kishit lexuar VKM-në që tregon përgjegjësitë e mia, do e kishit kuptuar përgjigjen time.

Gazetarja: (Nuk kuptohet mirë)

Bora Muzhaqi: Mirupafshim /albeu.com/

The post Habiti me deklaratën e pavend, Muzhaqi kujtohet 1 javë pas vrasjes së Matoes: Ngushëllime! appeared first on Albeu.com.

Policia ka arrestuar autorin, i cili me gjakftohtësi të plotë ka pranuar krimin. Ndaj tij është caktuar masa e sigurisë “arrest me burg” dhe ndodhet në paraburgimin e Vlorës, ku është transferuar për arsye sigurie.

Nga ana tjetër familjarët dhe të afërmit e vogëlushit të vrarë vijojnë protestën e tyre dhe mbledhjen e firmave, për të dënuar me vrasje Çalamanin.

Albeu.com ka siguruar foto nga brenda banesës së 38-vjeçari ku shihet një shtëpi e vogël e shkatërruar, dhe pamje nga vendi ku u gropos i mituri./albeu.com

The post Vrau dhe groposi 8-vjeçarin në Fier, pamje nga brenda shtëpisë së Klodian Çalamanit (FOTO LAJM) appeared first on Albeu.com.

Komentet ajo i bëri në emisionin “Me Zemër të Hapur”, ku kërkoi që të vendoset drejtësi.

“Po i lajmë faqet me lot. Po dëgjoj shumë gjëra në media. Kush e pa Meteon që shkoi bleu bukën, kush e dëgjoi Mateon duke i thënë përse ma ngacmon mamin? Nga dolën të gjitha këto. Po pikëllohemi akoma më shumë. Ekspertiza të kryhet, t’u merret edhe fija e flokut”, është shprehur ajo.

Ka qenë një grua në moshën e mamasë tënde?

Adriana: Po

Ju thoni që Çalamani nuk ka qenë i vetëm? Kush është personi që mund ta ketë shtyrë, është brenda familjes së motrës?

Adriana: Patjetër që brenda do të jetë.

Keni ndonjë dyshim?

Adriana: Nuk di të them me detaje se kush është, por duhet të merret ekspertizë. Me kanë informuar që motra mbrëmë ka qenë në polici, por nuk e di për çfarë. Duhet të dalë e drejta sepse do dëgjoj shumë gjëra në media. Çfarë janë të gjitha këto…Kush ishte prezent, kush i nxori këto fjalë?/albeu.com/

The post Ngjarja e rëndë e 8-vjeçarit në Fier, trondit tezja e tij: Çalamani nuk jetonte vetëm, është dikush brenda familjes që e ka shtyrë appeared first on Albeu.com.

Familjarët e Mateos, 8-vjeçarit të vrarë nga Klodian Çalami më 16 nëntor, kanë kërkuar sensibilizim të qytetarëve vlonjatë në nismën e tyre për të dënuar me vdekje 38-vjeçarin.

Në këto momente, familjarët kanë bllokuar qarkullimin e automjetëve duke kërkuar drejtësi për 8-vjeçarin e vrarë në mënyrë barbare në Fier ndërkohë autori mbahet në paraburgimin e këtij qyteti.

Mësohet se familjarët kanë vazhduar marshimin paqësor nga paraburgimi në Vlorë, ku pati përplasje edhe me policinë, deri në zonën e Skelës në Vlorë.

Policia ka bllokuar rrugën ndërkohë qarkullimi është ndërprerë. /albeu.com/

The post Familjarët e Mateos ulen mes Vlorës dhe kërkojnë ndihmë: Mblidhuni o njerëz! (VIDEO) appeared first on Albeu.com.

Sot familjarët e 8-vjeçarit kanë udhëtuar drejt Vlorës, në ambientet e paraburgimit, ku po mbahet Çalamani, duke kërkuar dënimin e tij me vdekje.

Por çfarë po ndodh me 38 vjeçarin?

Burimet bëjnë me dije se autori mbahet në paraburgimin e Vlorës në izolim, pas revoltës që shkaktoi krimi i kryer nga ai duke i siguruar kështu sigurinë për jetën.

Mësohet se autori nuk është vizituar nga asnjë i afërm i tij, i cili në Shqipëri ka vetëm xhaxhain e tij.

Çalamani vazhdon të mbaje të njëjtat rroba që ditën ku u vu në pranga ndërsa gjendja e tij paraqitet e qetë.

38-vjeçari ka pranuar krimin e rëndë duke deklaruar para avokatit, i cili hoqi dorë nga mbrojtja, se trupin e të miturit nuk do e gjenin kurrë por ai nuk arriti të gjejë benzinë.

Krimi I rëndë ndodhi më 16 nëntor, ku ai joshi me biçikletën e tij Mateon e futi brenda oborrit aty ku e ka qëlluar me kazmë në kokë duke i marrë jetën. /albeu.com/

The post Me të njëjtat rroba dhe pa asnjë shenjë pendese! Çfarë po ndodh me Çalamanin në burgun e Vlorës appeared first on Albeu.com.

Kujtojmë se para disa ditësh, 38-vjeçari Klodian Çalamani, me gjakftohtësi të plotë vrau me kazmë vogëlushin dhe e groposi atë në oborrin e shtëpisë ku banonte.

Ndaj Çalamanit gjykata caktoi masën e sigurisë “arrest me burg” dhe e ka transferuar në paraburgimin e Vlorës ku po qëndron në izolim. Nga ana tjetër, familjarët kërkojnë dënimin e tij me vrasje.

Kjo ngjarje e rëndë ka sjellë një reagim të të gjithë opinionit publik dhe një dhimbje të madhe për këdo që e ka dëgjuar./albeu.com

The post Shkallët e Kryeministrisë mbushen me qirinj për 8-vjeçarin e vrarë në Fier (FOTO LAJM) appeared first on Albeu.com.

Dhimbja për familjarët të cilët kërkojnë me ngul dënim me vdekje për autorin është shumë  e madhe, sa babai, Ligor Vasiu kërkon të vdesë vetëm që të shohë edhe njëherë djalin.

“Të vdes tani dhe të shikoj çunin atje ku është” shprehet ai para kamerave.

Me tej babai i Mateo Vasiut, është shprehur se fëmija i tij i ndjerë i kishte blerë bukën dhe ja kishte çuar në shtëpi, autorit por edhe kjo nuk e kishte ndalur të kryente krimin makabër.

“Më ka ngel merak. E nisi çunin për të blerë bukë, shkoi çuni i mori bukën dhe ja çoi atje edhe të ma vrasi, vetëm kjo më ka ngel gozhdë. Të vdes unë vetëm dua ta shikoj. Të vdes tani dhe të shikoj çunin atje ku është. Të vdes tani. Nuk e dua jetën, unë sikur jam i vdekur. Jam i vdekur, nuk di ça të them.

DËSHMIA E AUTORIT NË BURG:

”…banoj në fshatin Greçalli të Fierit, në lagjen “Trifon Tanka”. Kam një shtëpi private, një katëshe me llamarina, me oborr rreth shtëpisë dhe në pjesën e përparme, e kam të thurur me gardh me kallama. Nga ana e gardhit me kallama kam edhe portën kryesore që futem në oborrin e shtëpisë. Në oborr, unë kam të mbjella disa qepe të njoma dhe kam edhe një rrënjë hardhie. Sot më datë 16 nëntor 2021, rreth orëve të mëngjesit ora 8 apo 9, nuk e di unë ndodhesha në shtëpinë time dhe më vjen djali i vogël i Florës, të cilit nuk ja di emrin, por e njoh që është djali i Florës, i cili filloi të më shante.

Unë në këtë kohë isha duke punuar me kazmë tek oborri i shtëpisë time dhe ai erdhi afër te porta, në një distancë një metër larg nga unë dhe me thoshte: ”…pse ma ngacmon mamin dhe vazhdonte të shante…”. Ndërsa unë i them:“…ik se e di unë çfarë bëj… dhe djali vijonte të më shante. Në këtë kohë, unë e kam qëlluar me kazmë qylyke, me pjesën e prapme të kazmës e cila është me kunj hekuri në kokë, i cili menjëherë u rrëzua dhe mbasi u rrëzua në tokë unë e qëllova përsëri me kazmë në kokë, dhe fëmija nuk u ngrit më.

Më pas i kam lidhur duart nga mbrapa, me një lidhëse këpucësh. Mbasi e pash që fëmija kishte vdekur e kam kapur prej këmbë, e kam tërhequr zvarrë dhe e kam hedhur te një gropë, e cila ndodhet rreth 5-6 metra larg vendit ku e vrava. Brenda në oborrin e banesës time, pasi e afrova te gropa e cila mundet të ishte rreth 1 metër e thellë, e kam shtyrë fëmijën e vdekur me këmbë, duke e rrëzuar brenda saj. Më pas e kam mbuluar me dhe, duke gërmuar me lopatë afër gropës dhe dheun që nxirja prej saj, ja hidhja fëmijës që ta mbuloja, të cilin e mbulova plotësisht.

Mbasi mbarova, duke e mbuluar fëmijën qëndrova në shtëpi, në oborrin e shtëpisë time dhe nuk kam lëvizur fare prej saj. Kur kam vrarë djalin e Florës dhe e kam groposur brenda në oborrin e shtëpisë time, nuk më ka parë asnjë person dhe nuk i kam treguar asnjë personi për fëmijën që vrava dhe groposa në oborrin e banesës time…”. /albeu.com/

The post Thirrja dëshpëruese e babait të Mateos: Të vdes e vetëm t’a shoh edhe njëherë! appeared first on Albeu.com.