Mohamed Salah nuk do të jetë futbollisti me pagën më të lartë në Superligën e Turqisë gjatë këtij sezoni, edhe pse marrëveshja e tij me Trabzonsporin është mjaft fitimprurëse.

Renditja e pagave bazë neto, e publikuar nga Transfermarkt Turkey, e pozicionon ish-lojtarin e Liverpoolit në vendin e katërt, me të ardhura vjetore prej 10 milionë eurosh.

Pagën më të lartë e merr Victor Osimhen i Galatasarayt, i cili përfiton 15 milionë euro në sezon. Pas tij vijnë Ederson dhe N’Golo Kante të Fenerbahçes, me nga 11 milionë euro secili, përkatësisht në vendin e dytë dhe të tretë.

Salah renditet menjëherë pas tyre me 10 milionë euro, ndërsa në vendin pasues ndodhet Leroy Sane i Galatasarayt, me një pagë vjetore prej 9 milionë eurosh.

Sipas dosjes zyrtare të klubit, kontrata e Salahut përfshin 10 milionë euro pagë neto dhe një tarifë nënshkrimi prej 7 milionë eurosh për çdo sezon. Kjo e çon vlerën e garantuar të paketës vjetore në 17 milionë euro, pa përfshirë bonuset dhe përqindjen nga shitjet e fanellave me emrin e tij.

Tre pozicionet e radhës, nga i gjashti deri te i teti, mbahen nga futbollistë të Fenerbahçes: Milan Skriniar, Marco Asensio dhe Mason Greenwood, të cilët paguhen nga 8 milionë euro në vit.

Lista mbyllet me Anderson Talisca në vendin e nëntë, me 7.5 milionë euro, dhe Leandro Trossard në vendin e dhjetë, me 6.5 milionë euro.

The post Salah mbetet jashtë tre vendeve të para, zbulohet lista e 10 futbollistëve më të paguar në Turqi appeared first on Albeu.com.

Sulmuesi anglez Mason Greenwood është transferuar zyrtarisht te Fenerbahçe nga Olympique de Marseille, njoftoi klubi turk.

Gjiganti i Stambollit bëri me dije se ka arritur një marrëveshje si me ekipin francez, ashtu edhe me lojtarin, i cili ka firmosur një kontratë katërvjeçare.

Bazuar në komunikimin e Fenerbahçes, shuma totale e transferimit arrin në 39 milionë euro, e cila do t’i paguhet Marseille-it në tri këste të barabarta gjatë tri viteve.

Po ashtu, skuadra turke do të përballojë edhe tarifën e kontributit të solidaritetit, në përputhje me rregullat e FIFA-s.

Në një deklaratë, Fenerbahçe e mirëpriti Greenwood në familjen e saj dhe i dëshiroi shumë suksese, trofe dhe kampionate me fanellën e klubit.

24-vjeçari mbërrin në Stamboll si një prej afrimeve më të bujshme të merkatos verore, ndërsa Fenerbahçe shpreson që ai të shndërrohet në një nga udhëheqësit e skuadrës në sezonet e ardhshme.

The post Zyrtare: Fenerbahçe blen Mason Greenwood, një shifër marramendëse për futbollin turk appeared first on Albeu.com.

Mason Greenwood po afrohet me fundin e aventurës së tij te Olympique Marseille, ndërsa mundësia e një kalimi surprizë në elitën e futbollit turk po merr gjithnjë më shumë formë.

Sulmuesi anglez, i transferuar te Marseille në vitin 2024, ndodhet aktualisht në qendër të negociatave të forta që mund ta dërgojnë te Fenerbahce.

Burime të ndryshme raportojnë se klubi turk është shumë afër finalizimit të një marrëveshjeje të rëndësishme për Greenwoodin, me diskutimet me klubin francez që kanë bërë përparim të dukshëm.

Bisedimet mes palëve kanë vazhduar larg vëmendjes publike që prej mbylljes së sezonit 2025/26, periudhë në të cilën nisën të intensifikoheshin zërat për të ardhmen e futbollistit anglez.

Ndonëse Atletico Madrid tentoi ta bindte ish-lojtarin e Manchester United me një projekt sportiv ambicioz, ishte oferta ekonomike dukshëm më e leverdishme e Fenerbahces ajo që bëri diferencën.

Greenwood pritet të firmosë një kontratë katërvjeçare me skuadrën nga Stambolli, ku do të përfitojë 10 milionë euro neto në sezon.

Në momentin kur ai u largua nga Manchester United për t’iu bashkuar Marseilles në verën e vitit 2024, marrëveshja përfshinte edhe një klauzolë që i siguron klubit anglez një përqindje nga çdo shitje e ardhshme e lojtarit.

Pikërisht për këtë aspekt, Fenerbahce ndoqi një qasje të ndryshme në negociata, ndryshe nga Atlético Madridi, i cili kishte zhvilluar kontakte vetëm me Marseillen.

Klubi turk vendosi të negociojë veçmas si me Marseillen, ashtu edhe me Manchester Unitedin, me synimin për të sqaruar detyrimet financiare që i takojnë secilës palë në këtë transferim.

Pas një sezoni të shkëlqyer 2025/26 me Marseillen, ku realizoi 26 gola dhe dha 11 asistime në 45 ndeshje në të gjitha garat, Greenwood është shndërruar në një nga emrat më të kërkuar të merkatos.

The post Fenerbahce pranë goditjes së madhe në Turqi, Mason Greenwood drejt ekipit ku aktivizohet Vedat Muriqi appeared first on Albeu.com.

Në orët e fundit të afatit kalimtar, e ardhmja e Mason Greenwood ka marrë një drejtim krejt të papritur.

Edhe pse sulmuesi anglez i Marseille dukej shumë pranë transferimit te Roma, tani ai ndodhet vetëm një hap larg kalimit te Fenerbahçe.

Kur gjithçka linte të kuptohej se Greenwood do ta vijonte karrierën në Serie A, klubi turk ndërhyri me forcë në negociata dhe arriti të përmbysë rrjedhën e situatës.

Tashmë mes palëve është arritur marrëveshja dhe mbetet vetëm firma që do ta bëjë zyrtare një prej lëvizjeve më surprizuese të kësaj merkatoje.

Fenerbahçe ka siguruar një goditje të rëndësishme në treg, duke arritur të marrë shërbimet e Mason Greenwood.

Prej kohësh, skuadra turke ishte në kërkim të një sulmuesi të një profili të lartë, i aftë të sillte më shumë cilësi dhe rrezik në fazën ofensive.

Greenwood është konsideruar si futbollisti i duhur për të rritur nivelin e sulmit dhe për t’u kthyer në një nga figurat kryesore të ekipit në sezonin e ardhshëm.

Kjo lëvizje është edhe më e papritur për shkak se Roma dukej se kishte epërsi në bisedime.

Klubi italian kishte ecur ndjeshëm përpara në negociata dhe çdo sinjal tregonte se Greenwood do të përfundonte në Serie A.

Megjithatë, Fenerbahçe lëvizi me shpejtësi, vendosi në tavolinë një ofertë bindëse dhe arriti ta ndryshojë fatin e operacionit në momentet vendimtare.

Për vetë lojtarin, ky kalim përbën një mundësi të rëndësishme për të rigjetur vazhdimësinë dhe për t’u rikthyer sërish në rolin e protagonistit.

Në Turqi, anglezi do të gjejë një projekt ambicioz, një klub me synime të mëdha dhe një tifozëri që kërkon rezultate të menjëhershme.

Fakti që ai mund të aktivizohet në disa role të repartit ofensiv, si në krahë ashtu edhe në qendër, e kishte bërë atë një objektiv shumë të preferuar për skuadrën italiane.

Rasti i Greenwood është një tjetër provë se në futboll asgjë nuk mund të quhet e sigurt deri në çastin e firmës.

Një marrëveshje që dukej pothuajse e mbyllur mund të marrë kthesë brenda pak orësh, nëse një klub tjetër hyn me një ofertë më të fortë.

Pikërisht kjo ka ndodhur me Fenerbahçen, që përfitoi nga momenti dhe doli përpara Romës në garën për sulmuesin.

Nga ana tjetër, Marseille tashmë e sheh largimin e Greenwood si një proces shumë të avancuar. Në rast se firma vendoset, klubi francez do të kryejë një shitje të rëndësishme në kuadër të planifikimit të afatit kalimtar të verës.

Transferimi i Mason Greenwood te Fenerbahçe pritet të jetë një nga goditjet më të mëdha të kësaj vere.

Anglezi mbetet një lojtar me talent të jashtëzakonshëm, me aftësinë për të bërë diferencën dhe për të vendosur ndeshje përmes individualitetit të tij.

Fenerbahçe siguron kështu një futbollist me emër, cilësi dhe potencial për të ndryshuar ekuilibrat në garat vendase, si edhe për të rritur ambiciet e saj në Evropë.

Tani gjithçka është gati për finalizimin: Greenwood ishte shumë pranë Romës, por të gjitha shenjat tregojnë se destinacioni i tij i ardhshëm do të jetë Fenerbahçe.

Një kthesë e madhe e këtij afati kalimtar, që e ktheu një transferim të zakonshëm në një nga surprizat më të mëdha të verës.

The post Fenerbahçe i merr në çastet e fundit Mason Greenwood, Roma humbet sulmuesin anglez appeared first on Albeu.com.

Roma po ecën përpara me përpjekjet për të afruar Mason Greenwood nga Marseille, ndërsa mediat italiane raportojnë se klubi verdhekuq ka gjetur tashmë gjuhën e përbashkët me futbollistin për aspektet personale të kontratës.

Prej një kohe të gjatë, skuadra nga kryeqyteti italian është përfolur për një interes konkret ndaj ish-sulmuesit të Manchester United dhe, sipas raportimeve të publikuara të shtunën në Itali, 24-vjeçari e ka miratuar kalimin në Serie A.

“Calciomercato.com” shkruan se mes Romës dhe përfaqësuesve të Greenwood është arritur një akord për një marrëveshje pesëvjeçare, me lojtarin që do të përfitonte afërsisht 4.5 milionë euro në sezon si pagë bazë.

Gjithashtu, raportohet se kjo pagë do të ketë rritje në vitet e ardhshme, ndërsa marrëveshja do të përfshijë edhe bonuse që lidhen me paraqitjet dhe objektivat sportive.

Në këtë fazë, sipas Gianluca Di Marzio dhe Sky Sport Italia, Roma është duke bërë gati ofertën e saj të parë zyrtare për Marseille, me synimin për të marrë shërbimet e sulmuesit anglez.

Burime të tjera bëjnë me dije se verdhekuqtë janë të përgatitur të vendosin në tavolinë rreth 45 milionë euro, ku përfshihen bonuset si edhe një përqindje nga shitja e ardhshme e lojtarit.

Nga krahu tjetër, Marseille e vlerëson kartonin e Greenwood në rreth 55 milionë euro, duke lënë kështu një hendek prej afërsisht 10 milionë eurosh mes kërkesës së klubit francez dhe propozimit të Romës.

Pavarësisht kësaj diference, besohet se palët mund të gjejnë një pikë takimi dhe që marrëveshja të mbyllet në javët e ardhshme.

The post Roma siguron akordin me Greenwoodin, tani po përgatit ofertën për Marseille appeared first on Albeu.com.

Sipas gazetarit turk Ekrem Konur, nëpërmjet CalcioMercato, drejtuesit e “Zonjës së Vjetër” e kanë vëzhguar Greenwoodin që prej sezonit të kaluar. Ndërkohë, Roma po has pengesa në bisedimet me Marseille, pasi klubi francez kërkon 50 milionë euro plus bonuse.

Edhe pse sulmuesi i krahut ka dhënë dakordim verbal me Romën sa u takon kushteve personale, marrëveshja ende nuk është mbyllur për shkak të diferencës mes ofertës së paraqitur dhe shumës së kërkuar.

Megjithatë, Roma nuk ka ndërmend të tërhiqet përballë interesimit të Juventusit.

Raportimet bëjnë të ditur se “Giallorossët” po përgatisin një propozim të plotë me vlerë totale mbi 50 milionë euro, në përpjekje për të përmbushur kërkesat e trajnerit Gasperini dhe për të lënë pas rivalin direkt në garën për lojtarin.

Situata bëhet edhe më e ndërlikuar nga një zhvillim i mëhershëm, pasi Fenerbahçe kishte arritur një akord me rrethin e Greenwoodit për një pagë prej 12 milionë eurosh në sezon. Megjithatë, ajo marrëveshje ishte e lidhur me kandidatin presidencial Hakim Safi, i cili u mposht në zgjedhjet e fundit të klubit.

Gjatë sezonit të kaluar te Marseille, Greenwood regjistroi 26 gola dhe 11 asistime në të gjitha garat, statistika që e bëjnë plotësisht të kuptueshme dhe shumë të ndezur garën e kësaj vere për shërbimet e tij.

The post Juventusi futet në garë me Romën për Mason Greenwoodin appeared first on Albeu.com.

Sulmuesi anglez momentalisht po luan në formë huazimi tek Getafe në Spanjë dhe deri më tani ka qenë autor i 10 golave të shënuar.

Pasi në krye të ‘Djajve të Kuq’ erdhi aksionari i ri Jim Ratcliffe i cili tha se do të diskutohet e ardhmja e Greenwoodit, interesimi nga klubet tjera për shërbimet e tij është rritur dukshëm.

Sipas një raportimi të ri nga The Telegraph, të paktën dy klube të Ligës Premier kanë pyetur për mundësinë e transferimit të Greenwood gjatë këtij viti.

Raporti shton se një nga këto dy klube që ka shprehur interesim për të është Chelsea.

Getafe po ashtu janë të interesuar që ta mbajnë në ekip Greenwoodin, por thuhet se për të blerë kartonin e tij përfundimisht, Manchester United do të kërkojë 40 milionë euro

Më herët gjatë këtij muaji, presidenti i Getafes, Angel Torres, kishte konfirmuar qëllimin e bordit të klubit anglez për ta shitur Greenwoodin gjatë kësaj vere për shumën e duhur të parave.

Kujtojmë se Greenwoodi më herët ishte përfshirë nën akuza për dhunim por që të gjitha këto akuza u tërhoqën eventualisht. /Telegrafi/

The post Gjiganti anglez po planifikon transferimin befasues të Mason Greenwood appeared first on Albeu.com.

Atletico Madrid ka monitoruar progresin e Greenwood në huazim te Getafe që kur ai mbërriti në Spanjë, por kupton se një “numër klubesh” nga i gjithë kontinenti kanë kontaktuar me Unitedin me një shprehje interesi javët e fundit.

Raportohet se shitja e Greenwood është ende rezultati më i mundshëm pasi bashkëpronarët e rinj Ineos rivlerësojnë situatën, por ai nuk do të lejohet të largohet me çmim të ulët.

Nëse asnjë ofertë nuk arrin në shifrën prej 40 milionë funte, United mund të zgjasë kontratën e 22-vjeçarit me një vit shtesë përtej datës së skadimit të saj aktual në 2025.

Mbetet e paqartë nëse Greenwood do të luante përsëri për “Djajtë e Kuq”.

Akuzat për tentativë përdhunimi, sjellje kontrolluese dhe sulm ndaj Greenwood u hoqën në shkurt të vitit të kaluar, me United dhe lojtarin që vendosën më së miri që ai të rifillonte karrierën e tij diku tjetër pas një hetimi të brendshëm gjashtëmujor.

The post Juventusi favorit për të nënshkruar me Mason Greenwood appeared first on Albeu.com.

Sulmuesi anglez ishte në burg dhe kishte probleme me ligjin, por pasi u lirua nga gjitha akuzat ai u huazua te Getafe për ta shpëtuar karrierën e tij.

Anglezi i ri po bën shumë mirë në Spanjë, pasi në 28 ndeshje zyrtare ka shënuar tetë gola dhe ka asistuar në pesë të tjerë duke treguar një formë të shkëlqyer.

Falë paraqitjeve të shkëlqyera me Getafen, Greenwood ka zgjuar interesimin e skuadrave të mëdha si Barcelona, Atletico Madrid dhe Juventus.

E pikërisht këto tre skuadra janë njoftuar se Manchester United ka ulur kërkesat për shitjen e Greenwood nga 50 milionë sa ishin fillimisht.

Daily Star ka raportuar se Djajtë e Kuq i kanë njoftuar skuadrat e interesuara se mund ta blejnë 22-vjeçarin anglez për 35 milionë euro.

Greenwood nuk do të mbetet te Getafe e as Man Utd, por pritet një garë e nxehtë se kush do ta ftojë garën për shërbimet e tij. /Telegrafi/

The post Alarmohen tre top klubet europiane, Manchester United ul kërkesat për shitjen e Greenwood appeared first on Albeu.com.

Zonja e Vjetër shpreson të sjellë një numër përforcimesh në krahët e sulmit gjatë afatit kalimtar të verës, dhe gjithashtu janë lidhur me një lëvizje të mundshme për Felipe Anderson të Lazios.

Sipas La Gazzetta dello Sport, Juve është i interesuar si për Anderson ashtu edhe për Greenëood, me këtë të fundit potencialisht të disponueshëm për një tarifë të ulur në muajt e ardhshëm.

Greenwood është i huazuar në La Liga nga Manchester United dhe ka shënuar 11 gola nga 26 paraqitjet e tij të para në Spanjë. Ky numër përbëhet nga gjashtë gola në ligë dhe pesë asistime.

22-vjeçari është ende një figurë përçarëse në Mançester pas telasheve jashtë fushës, të cilat e panë atë të akuzuar për tentativë përdhunimi, përfshirje në sjellje kontrolluese dhe shtrënguese, dhe sulm që shkakton dëme trupore. Këto akuza u hoqën më vonë në vitin 2023.

Anglezi është ende i kontraktuar me Unitedin, por ideja e një rikthimi në Ligën Premier nuk është veçanërisht e mirëpritur nga pjesa e mëdha e tifozëve.

Marrëveshja aktuale e Greenwood me United zgjat deri në verën e vitit 2025, që do të thotë se ai do të hyjë në vitin e fundit të kontratës së tij në verë. Për këtë arsye, mediat në Itali besojnë se ai do të jetë i disponueshëm për një tarifë të arsyeshme gjatë verës.

Sipas La Gazzetta dello Sport, Juventusi dhe drejtori sportiv Cristiano Giuntoli vlerësojnë aftësinë e Greenwood në fushë duke marrë parasysh moshën e tij. Ai shihet gjithashtu si një opsion i mundshëm në 3-5-2 të Max Allegrit, ose si një anësor në një pamje të re të mundshme 4-3-3. /Telegrafi/

The post Gjiganti italian interesohet për transferimin e Mason Greenwood appeared first on Albeu.com.