maske Archives - Albeu.com

Maskat me patate, fantastike për fytyrën

Xh — Tue, 28 May 2024 18:59:43 +0000

Janë një varg produktesh që ju ndihmojnë të largoni shenjat dhe pavarësisht sado efektive të jenë, është e rëndësishme të dini se në këto produkte ka shumë kemikalie që i bëjnë dëm shëndetit tuaj.

Prandaj, më poshtë po ju tregojmë dy maska që përbërësin kryesor e kanë pataten , që ju ndihmon të largoni të gjitha shenjat nga fytyra juaj dhe bën që lëkura juaj të shkëlqejë.

Maska 1: Patate dhe limon

1 patate

Lëngu i gjysmë limonit

Si ta përgatisni?

Duhet ta shtypni pataten, e më pas ta shtoni lëngun e limonit dhe përzieni atë derisa të bëhet një masë e njëtrajtshme.

Si ta përdorni?

Vendoseni këtë maskë në fytyrë duke bërë lëvizje rrethore, lëreni të qëndrojë për 20 minuta dhë më pas pastrojeni fytyrën me ujë.

Maska 2: Patate dhe trangull

1 patate

Gjysmë trangulli

Si ta përgatisni?

Vendoseni pataten dhe trangullin në blender dhe përzieni mirë derisa të krijohet një masë e njëtrajtshme.

Si ta përdorni?

Vendoseni këtë maskë në fytyrë duke bërë lëvizje masazhuese rrethore dhe lëreni të qëndrojë për 25 minuta dhe më pas pastrojeni fytyrën me shumë ujë.

The post Maskat me patate, fantastike për fytyrën appeared first on Albeu.com.

Pastroni fytyrën me uthull molle, rezultate fantastike në pak ditë

E B — Tue, 02 May 2023 14:40:08 +0000

Shumica e dinë që uthulla e mollës ka efekt pozitiv në flokë, aplikimi i saj është armë e besueshme në luftë kundër artritit dhe dhembjeve të nyjave, mirëpo më pak e njohur që është aleat i shkëlqyeshëm në kurimin fytyrës!
Nëse ju mundojnë problemet me lëkurën, si p.sh. sukrepi, inflamacioni, aknet dhe poret e zgjeruara, uthulla e mollës është zgjidhje ideale.

Uthulla e mollës mund ta përmirësojë vlerën e pH-së së lëkurës tuaj, duke parandaluar paraqitjen e puçrrave dhe mbylljen e poreve, duke bërë që lëkura juaj as të mos thahet, e as të ketë tepër yndyrë.

Uthulla e mollës do ta përmirësojë ngjyrën dhe gjendjen e lëkurës. Mund ta nxisë qarkullimin e gjakut në kapilarët e vegjël, që janë përgjegjës për rrjedhën e materieve ushqyese në lëkurë. Do të mënjanojë bakteret e dëmshme dhe qelizat e vdekura të lëkurës.

Përmbajtja e sulfurit do ta reduktojë dukshmërinë e rrudhave dhe njollave të plakjes. Gjithashtu do të ndihmojë në mënjanimin e shtresave dhjamore në sipërfaqe të lëkurës dhe ta reduktojë dukshëm heqjen e saj.

Si ta përdorni:

Si toner natyror. Përzieni një të tretën e uthullës së mollës me dy të tretat ujë dhe tundeni mirë.
Vendoseni në fytyrën e pastër me një copë pambuku, e pasi të thahet lëkura vendoseni kremin hidratues.

The post Pastroni fytyrën me uthull molle, rezultate fantastike në pak ditë appeared first on Albeu.com.

Dëshironi flokë të fortë? Kjo maskë natyrale është zgjidhja ideale

E B — Mon, 01 May 2023 14:04:06 +0000

Në mjekësinë popullore, mjalti dhe kanella janë përdorur për një periudhë më të gjatë kohore për shkak të vetive të mahnitshme shëruese. Kombinimi i tyre jep rezultate pozitive sidomos kur bëhet fjalë për flokët. Kjo recetë, do të transformojë tërësisht flokët duke iu dhënë atyre shkëlqim dhe volum si asnjëherë më parë.

Kjo maskë hidraton flokët, parandalon humbjen e flokëve, mund të eliminojë zbokthin dhe do t’ju ofrojë flokë me shkëlqim. Kanella një nga përbërësit, është i njohur për rritjen e qarkullimit të gjakut dhe kur kombinohet me mjaltë efektet janë edhe më të mira.

Kanella vepron gjithashtu si antioksidant, stimulon rritjen e flokëve dhe i mbron flokët nga temperaturat e ulëta, drita UV, stresi dhe shumë më tepër. Kjo është një maskë e përkryer nëse vuani nga flokët e dobët dhe të thatë.

Përbërësit:

– ½ filxhan vaj ulliri
-1 lugë çaji mjaltë
-1 lugë çaji kanellë

Udhëzime:

Në fillim ngrohni pak vajin në sobë

Vendosni vaj ulliri në një tas dhe shtoni pjesën tjetër të përbërësve

Përziejini mirë duke përdorur një lugë

Merrni krehër, ndani flokët në seksione dhe aplikoni maskën nga skalbi drejt majave të flokëve. Lereni maskën të veprojë për 15 minuta.

Pas 15 minutave mund të lani flokët me shampo si zakonisht.

Përsëriteni procedurën herë në javë për të stimuluar rritjen e flokëve dhe për të parandaluar humbjen e tyre.

The post Dëshironi flokë të fortë? Kjo maskë natyrale është zgjidhja ideale appeared first on Albeu.com.

Si të kujdeseni për duart tuaja gjatë ditëve të ftohta të dimrit?

E B — Mon, 13 Feb 2023 09:59:36 +0000

Në dimër, erë, dëborë, shi dhe të ftohtë të gjitha ndikojnë negativisht në lëkurë.

Por ndërsa pjesët e tjera të lëkurës sonë janë kryesisht të mbuluara, duart janë pothuajse gjithmonë të zbuluara. Andaj, gjatë dimrit, duhet të tregoheni veçanërisht të kujdesshëm nëse dëshironi të keni duar të bukura.

Këtu janë rregullat për kujdesin e duarve që duhet të ndiqni gjatë dimrit:

Krem dore dhe krem faktori SPF

Humbja e lagështirës së lëkurës është problemi më i madh pasi edhe larja e zakonshme e duarve e than lëkurën me 25%.

Dielli kontribuon në plakjen e lëkurës dhe shpesh është arsyeja që duart tuaja shpesh duken shumë më të vjetra nga sa jeni në të vërtetë.

Maskë dore

Mund të blini një maskë dore ose ta bëni në shtëpi, dhe është e rëndësishme ta përdorni të paktën një herë në javë.

Nëse e bëni atë në shtëpi, përdorni kremra të trashë bazuar në dyllin e mjaltës dhe nuk do të gaboni.

Dorëzat

Duart duhet t’i ekspozohen ajrit të ftohtë të dimrit sa më pak të jetë e mundur, kështu që dorezat janë të nevojshme për mbrojtje.

The post Si të kujdeseni për duart tuaja gjatë ditëve të ftohta të dimrit? appeared first on Albeu.com.

Kungulli magjik, jo vetëm për Halloween, por edhe për shëndetin

E B — Mon, 17 Oct 2022 16:48:42 +0000

Kungull është një perimet me shumë vlerë e vjeshtës, por gjatë Halloween ai merr një tjetër kuptim, ai përdoret masivisht në këtë ditë.

Ju mund ta përdorni atë për të bërë supëra të ndryshme, sallata, byrek, por edhe thjesht të pjekur në furrë ose zgarë. Kungulli gatuhet me kripë, por edhe me sheqer.

Kungulli mund të përdoret gjithashtu si një kozmetikë natyral për lëkurën.

Kungulli është i pasur me beta-karoten dhe flavonoide, të dobishme për luftimin e plakjes së qelizave . Kungulli është gjithashtu i pasur me fibra, prandaj rregullon sistemin gastrointestinal, mbron sistemin imunitar dhe ka një efekt antioksidant. Farat e tij janë të pasura me vitaminë E dhe janë të dobishme për parandalimin e çrregullimeve të traktit urinar, veçanërisht për funksionimin e mirë të prostatës. Ato gjithashtu përmbajnë sasi të mira të triptofanit, një substancë që ndihmon në prodhimin e serotoninës, e dobishme kundër pagjumësisë dhe depresionit. Për të shijuar përfitimet, është e mira vetëm t’i gatuajmë në furrë, ose t’i shtoni një grusht në sallatë ose në një tas me kos.

Kungulli është gjithashtu i dobishëm në regjimet me kalori të ulët: siguron vetëm 18 Kcal për 100 gramë të produktit. Kjo është e mundur, pasi që përmban shumë ujë, deri në 94.5%. Karbohidratet nuk kalojnë 3.5%, ndërsa proteina, shumë pak, janë vetëm 1.1%. Kungulli ndihmon në uljen e trupit dhe luftimin e celulitit.

Kungulli i madh, mund të përdoret gjithashtu për të përgatitur një maskë të bukur dhe të thjeshtë. Vetëm pure, ose lëngun e tij e përziejmë në një tas me kos dhe mjaltë duke marrë një brumë të butë që do të aplikohen në lëkurë .

Kungulli ngadalëson plakjen e lëkurës dhe ka një efekt ushqyes, sidomos në lëkurën e thatë.

The post Kungulli magjik, jo vetëm për Halloween, por edhe për shëndetin appeared first on Albeu.com.

Pas më shumë se dy vitesh, Nju Jorku heq detyrimin e mbajtjes së maskës në transportin publik

E B — Wed, 07 Sep 2022 20:23:27 +0000

Shteti i Nju Jorkut po i jep fund një rregulli 28-mujor që kërkonte mbajtjen e maskave anti-Covid në transportin publik, njoftoi guvernatorja Kathy Hochul.

Maskat gjithashtu nuk do të kërkohen më në aeroporte dhe automjete të përbashkëta, shtoi ajo.

Shteti prezantoi urdhrin në prill 2020 pasi virusi po përhapej në të gjithë qytetin e Nju Jorkut.

Por tani mbajtja e maskave do të jetë opsionale, tha guvernatori, duke përmendur udhëzimet e fundit nga Qendrat e SHBA për Kontrollin dhe Parandalimin e Sëmundjeve.

“Ne duhet të rivendosim një normalitet në jetën tonë,” tha Hochul. “Maskat janë të inkurajuara, por opsionale”.

Ajo shtoi se Nju Jorku është në një pozicion shumë më të fortë pasi infeksionet dhe shtrimet në spital bien./albeu.com

The post Pas më shumë se dy vitesh, Nju Jorku heq detyrimin e mbajtjes së maskës në transportin publik appeared first on Albeu.com.

7 mënyra si të përdorim mjaltin si produkt kozmetik

E S — Thu, 04 Aug 2022 17:50:36 +0000

Mjalti është konsideruar një ushqim shumë i thjeshtë, por gjithmonë një ilaç i vërtetë popullor. Gjithashtu mjalti shërben për krijimin e maskave të ndryshme për fytyrën, por duhet ta evitoni mjaltin nëse jeni alergjik ndaj tij

Mëposhtë ju japim disa alternativa sesi mund të kujdeseni për bukurinë tuaj nëpërmjet mjaltit:

Lëkurë e thatë

Mjalti është një zgjidhje natyrale, e përshtatshme për kujdesin ndaj një lëkure të thatë, duke patur parasysh zonat e thata të trupit të prekura nga dehidratimi, të tilla si bërrylat, duart dhe këmbët. Aplikoni mjaltin në lëkurën tuaj dhe lëreni të veprojë për 30 minuta, përpara se ta shpëlani me ujë të ngrohtë.

Buzë të çara

Mjalti është një nga përbërësit më të njohur për buzët e plasaritura. Ai do të ndikojë dhe do të luajë rolin e shëruesit për buzët, për shkak të vetive antibakteriale. Mjafton ta aplikoni në sasi të vogël

Flokë të thatë dhe të dëmtuara

Për t’u kujdesur për flokët e thatë dhe të dëmtuar nga përdorimi i piasterit apo nga pajisje të tjera, përgatisni një lloj mase me mjaltë dhe vaj ulliri ekstra të virgjër. Përzieni mirë dy lugë mjaltë me dy lugë vaj ulliri. Nëse e dëshironi më të lëngshëm masën, hidhini pak ujë dhe aplikojeni në flokë të lagur. Mblidhini me peshqir flokët dhe lëreni masën e aplikuar të veprojë për 20 minuta. Më pas shpëlajini flokët, duke përdorur shampon tuaj të zakonshme

Relakson këmbët

Mjalti gjithashtu mund të shërbejë edhe për këmbët tuaja të lodhura. Mbushni një legen të thellë me ujë të ngrohtë dhe hidhini 1 ose 2 lugë mjaltë
Mjalti do të zbusë lëkurën e këmbëve dhe do të krijojë një sensacion relaksi. Këtë lloj dushi relaksues për këmbët tuaj mund ta zgjasni për 10-15 minuta

Aknet

Nëse keni probleme me aknet, provoni të aplikoni pak mjaltë në zonat “kritike”, për të përshpejtuar shërimin e tyre. Nëse një puçërr iu shfaqet papritur në sipërfaqe, aplikoni pak mjaltë mbi të dhe lëreni të veprojë për 30 minuta. Mjalti ndihmon për të luftuar inflamacionin dhe luan një rol të dobishëm antibakterial

Maskë për fytyrën

Për të realizuar një maskë të ushqyeshme për fytyrën, bashkoni 2 lugë mjaltë dhe 2 lugë qumësht. Aplikoni maskën në lëkurë, duke bërë lëvizje delikate dhe në mënyrë rrethore. Në këtë mënyrë mund të shijoni edhe një masazh relaksues. Lëreni maskën të veprojë në lëkurën e fytyrës për 10 minuta përpara se ta shpëlani me ujë të ngrohtë

Maskë fytyre me kos dhe mjaltë

Kjo maskë është shumë e mirë për fytyrat me lëkurë të thatë. Përzieni një lugë kos me një lugë mjaltë dhe aplikoni masën e krijuar në fytyrë. Nëse është e nevojshme, mund të rrisni dozën e përbërësve. Lëreni maskën të veprojë mbi lëkurë për 15 minuta dhe shpëlajeni me ujë të ngrohtë

The post 7 mënyra si të përdorim mjaltin si produkt kozmetik appeared first on Albeu.com.

S’ka nevojë për botox, kjo maskë me 3 përbërës të thjeshtë redukton shumë rrudhat

A M — Mon, 18 Apr 2022 08:50:21 +0000

Me kalimin e kohës një nga shqetësimet kryesore, sidomos për gratë dhe vajzat janë rrudhat në fytyrë. Shumë zgjedhin të bëjn ëbotox ose trajtime të tjera me mbushës por jot ë gjitha e kanë këtë mundësi. Ne do t’ju tregojmë sot një maskë me përbërës natyralë që sipas dermatologëve shërben si një botoks i vërtetë natyral, ndërsa freskia dhe shkëlqimi i lëkurës janë të garantuar. Kjo maskë jo vetëm që ushqen lëkurën por përmirëson edhe tonin e saj. Mund ta përgatisni vetë në shtëpi pa shumë mundime.

Përbërësit:

– 1 lugë kos pa yndyrë
– 1 lugë miell misri
– 5 lugë lëng i freskët karrote

Përgatitja:

Në një tenxhere hidhni 100 ml ujë, pastaj shtoni miellin e misrit. Pas kësaj, zieni në zjarr mesatar, duke e përzier gjithë kohës derisa përbërja të bëhet e dendur dhe uji të avullojë i tëri. Hiqeni nga zjarri dhe prisni të ftohet. Në fund shtoni lëngun e karrotës dhe kosin dhe përziejini mirë.

Para se ta aplikoni maskën, pastrojeni mirë fytyrën. Përbërjen vendoseni në zonën e dëshiruar të fytyrës, aty ku keni më shumë rrudha, dhe lëreni të qëndrojë ashtu rreth gjysmë ore. Pas kësaj kohe, lajeni me ujë të ngrohtë. Për rezultate më të mira, do të duhej që këtë maskë ta përdorni tri deri në pesë herë në javë. Në rast që keni përgatitur sasi më të madhe, përbërjen patjetër ruajeni në frigorifer.

The post S’ka nevojë për botox, kjo maskë me 3 përbërës të thjeshtë redukton shumë rrudhat appeared first on Albeu.com.

Ndodh dhe kjo! E reja godet 80-vjeçarin që po hante në avion pse nuk mbante maskë (VIDEO)

E B — Tue, 28 Dec 2021 21:03:16 +0000

Një ngjarje e pabesueshme ka ndodhur dhe tërësisht paranojake ka ndodhur në një avion të American Delta Airlines. Një pasagjer ka regjistruar skenën ku një vajzë është çuar në këmbë e tërbuar duke i bërtitur një 80-vjeçari pse nuk mbante maskën anti-Covid.

I moshuari, i cili e kishte maskën në avion, po i shpjegonte asaj që po hante, prandaj nuk e kishte të vënë.

Debati degradon në fjalë ofenduese sa një moment i moshuari e quan “k*rvë”. Në këtë moment, vajza është kthyer dhe e ka goditur me shpuakë. Më pas e ka pështyrë në fytyrë.

The #Karens have OFFICIALLY LOST IT and going #CovidCrazy ??‍♀️when you can get an 80 year old white man to refer to you as a “#Karen”, then ahh. You my friend have earned every definition of the word?.. and what’s with the double standard? Hitting and spitting?!!! ? pic.twitter.com/lGRruFVAfX

— weseeyoukaren (@weseeyoukaren) December 24, 2021

Kjo situatë nuk u shmang dot nga pasagjerët dhe stjuardesët.

Autoritetet po prisnin te porta që avioni të ulej në Aeroportin Ndërkombëtar Hartsfield-Jackson, ku “Karen” u ndalua nga FBI .

Ajo që duhet të dini është se kjo linje ajrore, për pasagjerët që shfaqin sjellje të padisiplinuar mund të gjobiten deri në 37,000 dollarë për shkelje ose të ndiqen penalisht./albeu.com

The post Ndodh dhe kjo! E reja godet 80-vjeçarin që po hante në avion pse nuk mbante maskë (VIDEO) appeared first on Albeu.com.

Nuk e ka shfaqur kurrë fytyrën, reperit të njohur tentojnë t’i heqin maskën në koncert

A M — Thu, 23 Dec 2021 12:13:58 +0000

Reperi serb Devito ka performuar të shtunën në një klub nate në Bosnjë. Ai u turpërua kur një nga fansat e tij tentoi t’i hiqte maskën, e cila është simbol tij. Reperi i ri nuk e ka shfaqur fytyrën që nga fillimi i karrierës së tij, ndaj nuk ka dyshim se nuk ka qenë aspak [...]