masivi i dheut Archives - Albeu.com

E rëndë në Poliçan/ Masivi i dheut shembet gjatë hapjes së pusit, humb jetën 31-vjeçari

V K — Sun, 30 Aug 2026 12:41:45 +0000

Një ngjarje e rëndë ka ndodhur në fshatin Zhitom të Poliçanit, ku një 31-vjeçar ka humbur jetën gjatë punimeve për hapjen e një pusi uji. Sipas policisë, shtetasi E. Gj., 39 vjeç, banues në Berat, ishte duke punuar me një mjet fadromë në tokën e shtetasit B. K., 31 vjeç, kur gjatë punimeve është shkëputur papritur një masiv dheu.

Dheu ka zënë poshtë 31-vjeçarin, i cili, si pasojë e plagëve të marra, ka humbur jetën.

Në lidhje me ngjarjen, specialistët e Seksionit për Hetimin e Krimeve të Stacionit të Policisë Poliçan kanë referuar materialet në Prokurori ndaj 39-vjeçarit E. Gj., për veprën penale “Shkelja e rregullave të mbrojtjes në punë”.

Grupi hetimor po vijon punën për dokumentimin e plotë të rrethanave të ngjarjes, ndërsa materialet procedurale i janë përcjellë Prokurorisë së Beratit për veprime të mëtejshme.

The post E rëndë në Poliçan/ Masivi i dheut shembet gjatë hapjes së pusit, humb jetën 31-vjeçari appeared first on Albeu.com.

Masivi i dheut në Librazhd-Qafë Thanë i lë qytetarët të bllokuar: Dy orë kemi që presim, besojmë që do e hapin rrugën

V K — Sun, 01 Feb 2026 13:52:24 +0000

Qytetarët po presin prej orësh në aksin Librazhd-Qafë Thanë, për shkak se rruga u bllokua nga rrëshqitja e një masivi dheu dhe gurës.

Ata shprehen të revoltuar, teksa rruga mbetet ende e bllokuar.

“Kemi një orë e gjysmë që presim. Vijmë nga Tirana, po shkojmë për Maqedoni. S’na kanë dhënë asnjë informacion, nuk e dimë çdo bëhet. Ishalla po hapet rruga të ikim në familjen tonë”.

“Pesë orë kemi që presim, jemi të sëmurë. Askush nuk na ka informuar. Jemi të sëmurë dhe po presim, ç’të bëjmë”.

“100 metra larg isha kur u shemb mali. Dy orë kemi që presim, besojmë që do e hapin rrugën”,-shprehen disa prej tyre.

The post Masivi i dheut në Librazhd-Qafë Thanë i lë qytetarët të bllokuar: Dy orë kemi që presim, besojmë që do e hapin rrugën appeared first on Albeu.com.

Pamje të frikshme/ Masivi i dheut dhe shkëmbit shkëputet nga mali në Dukagjin (VIDEO)

V K — Thu, 06 Nov 2025 08:53:18 +0000

Pamjet e frikshme që shihni vijnë nga Dukagjini. Një masiv dheu është shkëputur nga mali dhe ka përfunduar në rrugën Kir –Ndërlysaj.

Fatmirësisht nga incidenti në fjalë nuk ka pasur persona të lënduar, pasi asnjë mjet nuk po kalonte në ato çaste në rrugë.

Për më tepër shihni pamjet.

The post Pamje të frikshme/ Masivi i dheut dhe shkëmbit shkëputet nga mali në Dukagjin (VIDEO) appeared first on Albeu.com.

E rëndë në Gramsh/ Masivi i dheut zë poshtë punëtorët, humbin jetën dy të rinjtë

V K — Sat, 10 May 2025 12:34:42 +0000

Këtë të shtunë, një ngjarje tragjike ka ndodhur në zonën e Holtës në Gramsh, ku dyshohet se një masiv dheu është shembur pranë një kanali që dërgon ujë në një hidrocentral.

Për pasojë, konfirmohet se dy punëtorë të një kompanie që ndërton hidrocentralin, kanë ndërruar jetë pasi dyshohet se kanë përfundur poshtë masivit të dheut.

Sakaq, policia dhe disa ekipet mjekësore pas njoftimit të marrë për ngjarjen janë nisur drej zonës ku ndodhi tragjedia.

“Në fshatin Holta, gjatë punës në një kantier ndërtimi, dyshohet se aksidentalisht ka rrëshkitur një masiv dheu, dhe për pasojë kanë humbur jetën shtetasit A. B., 22-vjeç dhe E. Ll., 32-vjeç”,- njofton policia.

Grupi hetimor vijon punën për zbardhjen e rrethanave dhe dokumentimin e plotë ligjor të rastit.

Kujtomë që vetëm pak ditë më parë, një rast i ngjashëm tragjik ndodhi në zonën e Klosit, ku pas shembjes së një masivi të kromit humbi jetën 29-vjeçari Ardit Beshiri.

The post E rëndë në Gramsh/ Masivi i dheut zë poshtë punëtorët, humbin jetën dy të rinjtë appeared first on Albeu.com.