Sot janë shënuar disa sinjalizime për një fushatë mashtrimi përmes postës elektronike, ku dërguesi abuzon me identitetin e Drejtorit të Përgjithshëm të Policisë së Kosovës, Gazmend Hoxha. Këto komunikime janë tërësisht të pavërteta dhe nuk kanë asnjë lidhje me institucionin.

Në përmbajtjen e email-it të rremë thuhet: “Me këtë rast, na duhet përgjigja juaj urgjente ndaj Urdhrit të Gjykatës së pretenduar të bashkangjitur kundër jush”, ndërkohë që dokumenti i bashkëlidhur është gjithashtu një falsifikim.

Autoritetet kanë konfirmuar se ky nuk është një mesazh institucional dhe se tashmë kanë filluar hetimet për të zbuluar origjinën e këtyre dërgesave mashtruese.

Qytetarëve u kërkohet me forcë që të mos e hapin këtë mesazh elektronik dhe të shmangin çdo ndërveprim me përmbajtjen e tij.

Policia e Kosovës rithekson karakterin jozyrtar të këtyre komunikimeve dhe u drejton qytetarëve këto udhëzime:

– të shmangin klikimin në lidhje të dyshimta;

– të mos dhurojnë asnjëherë informacione vetjake apo bankare;

– të mos vizitojnë uebfaqe që kërkojnë pagesa nëpërmjet mesazheve telefonike.

Kur një person merr një mesazh të ngjashëm, autoritetet këshillojnë që ai të eliminohet menjëherë, të njoftohen organet kompetente, të kontaktohet institucioni bankar në rast se janë ekspozuar të dhënat financiare dhe rasti të kallëzohet nëpërmjet platformës digjitale “Lajmëro Policinë” ose duke telefonuar në linjën e urgjencës 192.

The post Mashtrime me email në emër të Gazmend Hoxhës, Policia apelon për kujdes appeared first on Albeu.com.

Në “Zona Zero” Fjolla tregoi se arma që gjeti policia e Kuksit ishte e Sylën dhe e mori fajin përsipër vetëm për ta ndihmuar, por ai e la në baltë me premtime të rreme.

Pyetje-pergjigje:

Milaim Zeka: Fisnik Syla duke u paraqitur si njeri shumë i pasur, i ka dhënë premtime të rrema hetuesve, prokurorëve që do u jepte shumë lekë.

Fjolla Morina: Ai gjatë gjithë kohës më ka shkruar mesazhe që unë do ta kryej punën, nuk ke për të bërë asnjë ditë burg ose unë do dorëzohem vetë. Kam për të ta kryer punën, do jap para. Do doja që dikush të merreshe me këtë çështje dhe të përfundojë sepse ka katër vite që unë jam bllokuar dhe jashtë Kosovës nuk mund të dal.

Milaim Zeka: A është e vërtetë që ai ka përdorur dhunë fizike ndaj teje?

Fjolla Morina: Po ka përdorur dhe kjo ka qenë arsyeja pse unë jam ndarë. Ka qenë edhe arsyeja që u ndava se më mbeti barra mua dhe nuk u krye kjo puna. Ai më gënjeu tërë kohës.

Milaim Zeka: Si e ndjen veten kur televizone të ndryshme e marrin Fisnik Sylën një njeri të tillë mashtrues që ka dosje të hapura në policinë e Kosovës, që ju ka mashtuar dhe juve si ish-bashkëshorte duke ta dhënë revolen dhe del në studiot televizive e me njerëz publik paraqitet…

Fjolla Morina: Nuk e kuptoj këta gazetarët që merren me një njeri të tillë që vetëm prej meje ai u bë i njohur. Ai u lidh me mua vetëm për t’u bërë i njohur. I them gazetarëve që janë amatorë që merreni me një mashtrues dhe kriminel që ma ka shkatërruar jetën deri më edhe sot në psikiatri, jam me hapa prej atij. Në psikiatri kam përfunduar prej këtij rasti të gjykatave.

The post Fjolla Morina flet për Fisnik Sylën: Është kriminel dhe mashtrues appeared first on Albeu.com.

“Nëse keni humbur një tradhtar mos qani kurrë pasi ai ka humbur një femër që e do kurse ti një mashtrues.” tha Fjolla pak ditë më parë duke nënkuptuar se e kishte për Fisnikun. Por së fundmi, Fisniku ka folur për deklaratën e bërë nga këngëtarja.

“S’kam koment. As i kam dëgjuar këto gjëra dhe as nuk merrem fare me këto gjëra. Kur je në lidhje me dikë i thua shpirt, zemër, jetë por kur ndahesh nis e shan. Të gjithë mund ta bëjnë këtë gjë. Unë nuk jam ashtu njeriu dhe nuk shaj dikë të cilin dikur kam ngrënë, pirë e qëndruar me të. Ka mbaruar dhe kaq.”, u shpreh ai.

Lidhja e tyre u bë publike kur këngëtarja u arrestua në vitin 2020 në pikën kufitare të Morinës pasi u kap me dy armë me vete. Ish gruaja e Fisnikut, akuzoi asokohe Fjollën që kishte ndërhyrë mes tyre por biznesmeni tha se ishin njohur kur martesa kishte marrë fund.

The post “Kurrë mos qani për një tradhtar”, Fisnik Syla i përgjigjet Fjolla Morinës (FOTO LAJM) appeared first on Albeu.com.

Së fundmi, e ftuar në emisionin “Madam” në Kosovë, këngëtarja ndau me të gjithë publikun detaje nga jeta e saj sentimentale dhe profesionale, ku ndër të tjera, bëri me dije lajmin që do të sjellë një projekt të ri muzikor.

Ajo tha se ka gati disa këngë të reja, duke theksuar se edhe pse kanë tema dashurie, nuk janë dedikim për askënd.

“I kam inçizuar dy ose tre këngë dhe së shpejti do të dalin në treg, do të bashkëpunoj me Irkenc Hykën dhe me disa bashkëpunues të tjerë. Njëra nga këngët ka temë dashurie, por nuk është dedikim për askënd”-ka ndarë Fjolla.

Ndërkohë, lidhur me jetën e saj private dhe statusin e saj aktual Fjolla ka treguar se tani që është ‘single’ ndihet më e lumtur. Ajo nuk la pa thumbuar edhe ish-bashkëshortin e saj, duke “këshilluar” të gjithë të mos mërziten nëse ndahen nga nja tradhtar.

“Nëse e keni humbur një tradhtar, mos qani kurrë, pasi ai ka humbur një femer që e do, kurse ti një mashtrues”– ka thënë ajo, duke na lënë të kuptojmë që mund të jetë një ‘diss’ për Fisnik Sylën.

The post Ai deklaroi ndarjen, Fjolla Morina “thumbon” ish-bashkëshortin: Tradhtar, mashtrues (FOTO LAJM) appeared first on Albeu.com.