Sipas autoriteteve, dërguesit e këtyre mesazheve hiqen si përfaqësues të bankave ose të institucioneve publike dhe u kërkojnë qytetarëve të përditësojnë të dhënat bankare, të konfirmojnë llogarinë apo të kryejnë veprime të tjera përmes një linku të bashkëngjitur. Policia këshillon që këto linqe të mos hapen.

Mesazhet dërgohen nga numra të ndryshëm telefoni dhe synojnë të bindin përdoruesit se duhet të ndërhyjnë urgjentisht në llogaritë e tyre. Në të vërtetë, bëhet fjalë për skema mashtruese që synojnë marrjen e kredencialeve të e-banking, kodeve të verifikimit OTP dhe të dhënave të kartave bankare.

Të dhënat e përfituara në këtë mënyrë mund të përdoren për të kryer transaksione pa autorizim dhe për t’u shkaktuar qytetarëve dëme financiare.

Qytetarët duhet të shmangin klikimin e çdo linku të ardhur me SMS, WhatsApp ose nëpërmjet aplikacioneve të tjera të komunikimit, veçanërisht kur mesazhi vjen nga një numër i panjohur apo i dyshimtë.

Policia këshillon gjithashtu që të mos ndahen në asnjë rast fjalëkalimet, kodet OTP, PIN-i apo të dhënat e kartës bankare. Para hyrjes në shërbimet bankare online, duhet kontrolluar me kujdes adresa e faqes dhe duhet të përdoren vetëm kanalet zyrtare të bankës.

Bankat nuk kërkojnë të dhëna konfidenciale përmes linqeve të dyshimta. Në rast paqartësie, klientët duhet të komunikojnë me bankën vetëm nëpërmjet numrave të telefonit dhe kanaleve zyrtare të saj.

Nëse dikush ka hapur një link të dyshimtë ose ka dorëzuar të dhënat bankare, duhet të kontaktojë menjëherë bankën për bllokimin e kartës apo të llogarisë dhe për marrjen e masave të nevojshme.

Gjithashtu, rekomandohet ndryshimi i menjëhershëm i fjalëkalimeve të përdorura për aksesin në shërbimet bankare. Rasti duhet të raportohet në Policinë e Shtetit, në Drejtorinë për Hetimin e Krimeve Kibernetike dhe në çdo drejtori vendore.

Policia e Shtetit u kërkon qytetarëve të jenë vigjilentë ndaj çdo mesazhi, linku ose faqeje interneti që kërkon të dhëna personale, bankare apo kode verifikimi: të mos klikojnë, të mos japin të dhëna dhe të verifikojnë gjithçka përmes kanaleve zyrtare.

The post Mashtrimet online, Policia e Shtetit apel qytetarëve: Mos hapni linqet e dyshimta dhe mos ndani të dhënat appeared first on Albeu.com.

Policia e Shtetit, u ka bërë thirrje të gjithë qytetarëve, që të tregojnë kujdes të shtuar dhe të shmangin aplikimet, ose përfshirjen në platforma të tilla, të cilat premtojnë fitime të menjëhershme dhe të paverifikuara.

Për çdo dyshim apo informacion që mund të ndihmojë hetimin, ju inkurajojmë të kontaktoni menjëherë strukturat përkatëse të Policisë së Shtetit, konkretisht ato të Drejtorisë së Hetimit të Krimit Kibernetik dhe të Drejtorisë së Hetimit të Krimit Ekonomik e Financiar në DPPSh, si dhe të sektorëve përkatës në çdo DVP.

The post Mashtrimet online për të zhvatur para/ Policia e Shtetit u bën thirrje qytetarëve: Shmangni aplikimet appeared first on Albeu.com.