Lidhur me këtë aksion i zhvilluar në 3 qarqe, në Tiranë, Durrës dhe Elbasan, janë zbardhur detaje të reja.

Mësohet se Prokurorët e SPAK, i kanë caktuar masë të re dy të dyshuarve për trafik ndërkombëtar të drogës Franc Çopja dhe Ervin Çelaj, ndërsa janë arrestuar 3 persona dhe 4 të tjerë janë shpallur në kërkim.

Operacioni ka nisur herët në mëngjes dhe emrat e të dyshuarve, kanë dalë në aplikacionin “Sky Ecc”, ku dyshohet se kryenin trafik ndërkombëtar.

Mësohet se masat e sigurisë për akuzat e grupit dhe trafikut ndërkombëtar droge, janë firmosur nga gjykata me kërkesë të SPAK, ndërsa nga hetimi i prokurorit Vladimir Mara dhe kreut të SPAK, Altin Dumani, rezulton se katër te dyshuarve u janë komunikuar masat në burg ku gjenden për një dosje tjetër.

The post Zbardhen detaje nga aksioni i SPAK, masë e re për Franc Çopjan dhe Ervin Çelajn appeared first on Albeu.com.

Një person është arrestuar pasi është parë të lëvizë në rrugë ndërsa ishte në arrest shtëpie.

L.B. 29 vjeç, banues në Poliçan ka shkelur masën e sigurisë “Arrest në shtëpi” të vendosur nga Gjykata, për veprën penale “Vjedhja”.

Poliçan

Arrestohet në flagrancë 1 shtetas, për veprën penale “Largimi i të burgosurit nga vendi i qëndrimit”. Nga specialistët e Seksionit për Krimet në Stacionin e Policisë Poliçan u kap dhe arrestua në flagrancë shtetasi L. B., 29 vjeç, banues në Poliçan. Arrestimi tij u bë pasi është konstatuar nga shërbimet e Policisë në rrugë, duke shkelur masën e sigurisë “Arrest në shtëpi” të vendosur nga Gjykata, për veprën penale “Vjedhja”. Materialet i kaluan Prokurorisë së Rrethit Gjyqësor Berat, për veprime të mëtejshme.

The post Theu masën arrest shtëpie, arrestohet 29-vjeçari në Poliçan appeared first on Albeu.com.