Sipas njoftimit zyrtar, D.M. akuzohet për “Mashtrim me pasoja të rënda”, “Falsifikim dokumentesh” dhe “Pastrimi i produkteve të veprës penale ose veprimtarisë kriminale”, të parashikuara nga nenet 143, 186 dhe 287 të Kodit Penal.

Nga hetimet është konstatuar se avokati ka përvetësuar 19.2 milionë lekë nga shtetasit S.S. dhe B.E., duke përdorur mashtrimin dhe shpërdoruar besimin e tyre.

Gjithashtu, pas analizës së lëvizjeve në llogarinë bankare të të hetuarit, u konstatua se një pjesë e konsiderueshme e shumës (2.000.000 lekë) është transferuar në llogarinë e shtetasit E.A., me përshkrimin “këst për blerje apartamenti”, duke ngritur dyshime të arsyeshme për pastrim parash.

Prokuroria kërkoi masën “arrest në burg”, por Gjykata e Vlorës vendosi masën e sigurimit “arrest në shtëpi”, e cila u ekzekutua sot.

The post Përvetësoi 20 mln lekë nëpërmjet mashtrimit, Prokuroria Vlorë lëshon masë arresti për avokatin appeared first on Albeu.com.