Në takim është vendosur që të lehtësohen masat e marra gjatë muajit janar.

Ministri i Shëndetësisë, Rifat Latifi bëri të ditur se kanë rekomanduar lehtësim të masave anti-COVID, të cilat do të miratohen të premten ndërkaq të shtunën do të hyjnë në fuqi.

Latifi ka treguar se ora policore do të fillojë nga ora 00:00 deri në ora 05:00, ndërsa gastronomia do të punojë deri në orën 23:00.

Ndërsa, të gjithë ata që do të hyjnë në Kosovë duhet të dëshmojnë se kanë marrë dy doza të vaksinës.

Ata që kanë një dozë të vaksinës, duhet ta kenë edhe testin PCR.

Po ashtu, maska pritet të hiqet në ambientet e jashtme dhe fitneset të hapen.

Latifi bëri thirrje që çdo veprimtari, së cilës i janë lehtësuar masat, duhet që të pranojnë vetëm ata qytetarë që kanë dy doza të vaksinës./GazetaExpress

The post Masat e reja anti-COVID që pritet të miratohen sot në Kosovë appeared first on Albeu.com.

Qytetarëve në Morinë, për ta kaluar andej kufirit u është kërkuar ose doza e tretë e vaksinës ose dy dozat plus testi PCR negativ.

Kjo ka bërë që në Morinë të krijohet kaos dhe qytetarët janë indinjuar duke thënë se vendimi është i paligjshëm dhe se mes Shqipërisë dhe Kosovës nuk është hequr asnjë kufi, siç thuhet.

“Më kthyen mbrapsht më kthyen mbrapsht sepse nuk kemi bërë dozën e tretë, të cilën unë duhet ta bëj në mars të 2022, sipas rregullit. Këta më detyrojnë të kthehem, pa marrë parasysh asgjë, gjë për të cilat autoritetet e Kosovës kanë nxjerrë në mënyrë të padrejtë këtë vendim. Tani detyrohem të kthehem mbrapsht sepse nuk kam terezi të bëj tamponin 30 euro për person. Kjo tregon që shqiptarët kanë një kufi, që nuk është hequr”, tha një qytetar./albeu.com

The post Masat e reja të Kosovës sjellin kaos në Morinë, qytetarët e indinjuar: Kufiri mes shqiptarëve nuk është hequr appeared first on Albeu.com.

Sot në Ministrinë e Shëndetësisë do të mblidhen Komiteti për Koordinim dhe vlerësim të situatës me COVID-19, Komisioni Këshillëdhënës dhe të gjithë hisedarët tjerë që kanë të bëjnë me menaxhimin dhe parandalimin e përhapjes së COVID-19.

Aty pritet të hidhen rekomandime për të propozuar masa të reja, karshi situatës epidemiologjike, të cilat më pas pritet të miratohen nga kabineti qeveritar.

Gjatë dy javëve të fundit ka filluar të rritet numri i rasteve pozitive me koronavirus në Kosovë.

Të mërkurën në vend u regjistruan 2 mijë e 50 raste pozitive, shifër kjo më e larta që nga gushti i vitit të kaluar, kur ishin shënuar 2 mijë e 236 raste për 24 orë.

Aktualisht në vend janë 7 mijë e 266 raste aktive me koronavirus.

Drejtori i Klinikës Infektive në QKUK, Arben Vishaj, të martën në një prononcim për Express deklaroi se ndikim në rritjen e rasteve kanë pasur festat e fundvitit dhe përhapja e variantit Omicron të koronavirusit.

“Arsyeja e rritjes së numrit të rasteve pozitive është prania e variantit Omicron në rajon dhe Europë. Omicroni ka aftësi të shpërndahet. Arsye tjetër janë edhe festat e fundvitit, pasi ka pasur lëvizje më të madhe. Arsyeja tjetër është edhe vetë natyra e pandemisë. Kosova nuk mund të jetë pjesë e izoluar e rajonit dhe Europës. Çka ndodh në Europë është e mundshme të ndodh edhe në Kosovë”, ka deklaruar Vishaj.

Ndërkaq ministria e Shëndetësisë dhe Insdtituti Kombëtar i Shëndetësisë Publike të Kosovës vazhdimisht po bëjnë thirrje për respektim të masave anti-COVID dhe vaksinim./GazetaExpress

The post Rritja drastike e rasteve të reja, Kosova sot shqyrton masat e reja appeared first on Albeu.com.