Kreu i Gjykatës së lartë, Sokol Sadushi, teksa lexoi vendimin, theksoi se masa e “arrestit në burg”  duhet të mbetet një masë përjashtimore dhe jo një praktikë e zakonshme.

Për këtë arsye, me vendimin e ri, gjykatat kanë tashmë detyrimin të shqyrtojnë dhe të argumentojnë masat alternative më pak kufizuese, duke shpjeguar qartë pse ato nuk janë të përshtatshme në rastin konkret, dhe se pse do të duhet që të vendoset “arresti në burg”.

“Së pari, formulimi i mëparshëm, sipas të cilit, kur kërkohet ose vendoset masa e sigurimit “arrest në burg”, gjykata nuk ka detyrimin të analizojë realisht masat alternative dhe mjafton të arsyetojë se masa e zgjedhur është e përshtatshme për rastin konkret, nuk është në përputhje me nenet 228-230 dhe 245/1, shkronja “ç”, të Kodit të Procedurës Penale, si dhe me nenin 5 § 3 të Konventës Europiane për të Drejtat e Njeriut. Për këtë arsye, gjykata ka detyrimin të shqyrtojë realisht masat më pak kufizuese të lirisë personale dhe të arsyetojë shprehimisht përse ato nuk janë të mjaftueshme në rastin konkret. Ky arsyetim duhet të jetë i individualizuar, i mbështetur në fakte dhe i lidhur drejtpërdrejt me rrethanat konkrete të çështjes”, thuhet në vendim.

Kolegjet vendosën gjithashtu se vlerësimi i rrezikshmërisë nuk mund të bazohet vetëm në natyrën e veprës penale apo dënimin e parashikuar, por duhet të marrë në konsideratë elementë të tillë si personaliteti i personit, sjellja e tij, rrethanat e çështjes dhe të dhënat personale e familjare.

“Së dyti, barra e justifikimit të nevojës për caktimin dhe vijimin e masës “arrest në burg” i takon prokurorisë. Gjykata ka detyrimin ta verifikojë dhe ta arsyetojë këtë nevojë në çdo fazë të procedimit. Vendimmarrja e saj nuk mund të kushtëzohet nga paraqitja ose jo e “provave pozitive” nga i pandehuri.”, thuhet në vendim.

Elementi tjetër që përmendet në vendim është që “barra” e provës për nevojën e masës “arrest në burg” i takon prokurorisë.

Siç theksoi Sadushi, Gjykata duhet të verifikojë këtë nevojë në çdo fazë të procesit dhe nuk mund të mbështetet në mungesën e provave nga ana e të pandehurit.

“Së treti, barra e justifikimit të nevojës për caktimin dhe vijimin e masës “arrest në burg” i takon prokurorisë. Gjykata ka detyrimin ta verifikojë dhe ta arsyetojë këtë nevojë në çdo fazë të procedimit. Vendimmarrja e saj nuk mund të kushtëzohet nga paraqitja ose jo e “provave pozitive” nga i pandehuri”, thuhet në vendim.

VENDIMI I PLOTE:

Kolegjet e Bashkuara të Gjykatës së Lartë, në përbërje të 16 gjyqtarëve, kanë marrë vendim mbi standardet që duhet të udhëheqin gjykatat në caktimin dhe vijimin e masës së sigurimit personal “arrest në burg”.

Çështja u shqyrtua pas nismës së Kryetarit të Gjykatës së Lartë, i cili, në ushtrim të rolit kushtetues dhe ligjor të Gjykatës së Lartë për garantimin e një praktike gjyqësore të njëtrajtshme, të qëndrueshme dhe të parashikueshme, vuri në lëvizje Kolegjet e Bashkuara për t’i dhënë përgjigje shqetësimeve të evidentuara në praktikën gjyqësore lidhur me mënyrën se si kërkohej, arsyetohej, kontrollohej dhe zbatohej masa “arrest në burg”, si dhe për ta orientuar këtë praktikë drejt standardeve kushtetuese e konventore për mbrojtjen e lirisë personale.

Kolegjet e Bashkuara vlerësuan se praktika gjyqësore kërkonte qartësim, saktësim, standardizim, ndryshim dhe zhvillim të mëtejshëm në mënyrën e kuptimit dhe zbatimit të masës “arrest në burg”. Përmes këtij vendimi, Kolegjet orientojnë gjykatat drejt zbatimit të standardeve në përputhje me Kodin e Procedurës Penale, Kushtetutën dhe jurisprudencën e Gjykatës Europiane për të Drejtat e Njeriut, duke ritheksuar se kufizimi më i rëndë i lirisë personale nuk mund të mbështetet në formulime të përgjithshme, por kërkon arsyetim konkret, të individualizuar dhe të kontrollueshëm.

Kolegjet e Bashkuara përcaktuan tri rregulla kryesore:

Së pari, formulimi i mëparshëm, sipas të cilit, kur kërkohet ose vendoset masa e sigurimit “arrest në burg”, gjykata nuk ka detyrimin të analizojë realisht masat alternative dhe mjafton të arsyetojë se masa e zgjedhur është e përshtatshme për rastin konkret, nuk është në përputhje me nenet 228-230 dhe 245/1, shkronja “ç”, të Kodit të Procedurës Penale, si dhe me nenin 5 § 3 të Konventës Europiane për të Drejtat e Njeriut. Për këtë arsye, gjykata ka detyrimin të shqyrtojë realisht masat më pak kufizuese të lirisë personale dhe të arsyetojë shprehimisht përse ato nuk janë të mjaftueshme në rastin konkret. Ky arsyetim duhet të jetë i individualizuar, i mbështetur në fakte dhe i lidhur drejtpërdrejt me rrethanat konkrete të çështjes.

Së dyti, masa “arrest në burg” ka natyrë përjashtimore dhe mund të vendoset vetëm kur masat e tjera janë të papërshtatshme. Rrezikshmëria e veprës dhe e autorit nuk mund të nxirret vetëm ose kryesisht nga natyra e veprës penale apo nga marzhi i dënimit, por duhet të mbështetet në një vlerësim konkret të rrethanave të çështjes, mënyrës së kryerjes së veprës, pasojave, personalitetit, sjelljes dhe të dhënave personale e familjare të personit ndaj të cilit kërkohet masa.

Së treti, barra e justifikimit të nevojës për caktimin dhe vijimin e masës “arrest në burg” i takon prokurorisë. Gjykata ka detyrimin ta verifikojë dhe ta arsyetojë këtë nevojë në çdo fazë të procedimit. Vendimmarrja e saj nuk mund të kushtëzohet nga paraqitja ose jo e “provave pozitive” nga i pandehuri.

Ky vendim ka rëndësi të veçantë për sistemin gjyqësor dhe për mbrojtjen e të drejtave themelore, pasi qartëson kushtet, kufijtë dhe mënyrën e arsyetimit të masës “arrest në burg”, në përputhje me Kodin e Procedurës Penale, Kushtetutën dhe standardet e GJEDNJ-së. Në këtë mënyrë, Kolegjet e Bashkuara forcojnë qëndrueshmërinë, njëtrajtshmërinë dhe parashikueshmërinë e praktikës gjyqësore, duke vendosur në qendër garancitë e lirisë personale dhe nevojën për një kontroll gjyqësor real, konkret dhe proporcional.

Në çështjen konkrete, Kolegjet e Bashkuara lanë në fuqi vendimin e Gjykatës së Apelit të Juridiksionit të Përgjithshëm, duke vlerësuar se rekursi i prokurorisë nuk gjente mbështetje në ligj.

Vendimi i plotë dhe i arsyetuar i Kolegjeve të Bashkuara do të vihet në dispozicion brenda afatit ligjor dhe do të dërgohet për botim në Fletoren Zyrtare.

The post Rishikimi i praktikave për masat e sigurisë, Kolegjet e Bashkuara marrin vendimin për njësimin e praktikës unifikuese appeared first on Albeu.com.

U kzekutuan masat e sigurisë “Arrest me burg” për tre shtetas në Elbasan, mes tyre edhe polici i burgut të Bradasheshit, Ndriçim Kroj, i cili fuste lëndë narkotike në qelitë e burgut.

U ekzekutuan masat për:

Ndriçim Kroi, punonjës policie pranë Institucionit të Ekzekutimit të Vendimeve Penale (IEVP) Elbasan;

Esmeralda Komici, familjare e një të paraburgosuri;

Gerald Stamolla, i paraburgosur në IEVP Elbasan.

Efektivi i policisë së burgut në bashkëpunim me dy personat e tjerë koordinoheshin për të futur droge brenda qelive.

DOSJA

Në dosjen hetimore janë zbardhur bisedat telefonike mes efektivit të policisë, Ndriçim Kroj, bashkëshortes së tij, Majlinda, por edhe personave të tjerë.

The post Furnizonte burgun e Elbasanit me lëndë narkotike, ekzekutohen masat e sigurisë për efektivin dhe dy persona të tjerë appeared first on Albeu.com.

Burime bëjnë me dije se Gjykata vendosur masën “detyrim paraqitje” për tre prej të arrestuarve: Isuf Dalip, Dhimitër Kodra dhe Bilal Shkëmbi.

Ndërsa për Thanas Paskalin, është vendosur që të hetohet në gjendje të lirë.

Sipas ekspertizës mjeko-ligjore, Aleks Qiqi, i cili mbeti i plagosur ka pësuar dëmtime të lehta nga të katërt personat e arrestuar.

Ngjarja ndodhi pas një konflikti, kur Qiqi goditi me thikë 27-vjeçarin Ari Kodra. Në reagim ndaj këtij akti, katër të arrestuarit e kanë goditur Qiqin, duke i shkaktuar plagë të lehta.

Sa i përket autorit të plagosjes me thikë, Ari Kodra, masa e sigurisë ndaj tij pritet të zhvillohet në ambientet e spitalit rajonal të Korçës, pasi ai vijon të jetë nën kujdes mjekësor për shkak të plagëve të marra gjatë ngjarjes.

Hetimet për këtë rast vijojnë ndërkohë që autoritetet po zbardhin plotësisht rrethanat e ngjarjes.

The post Plagosja e 27-vjeçarit në Korçë! Gjykata cakton masat e sigurisë për katër të arrestuarit appeared first on Albeu.com.

Tre prej tyre akuzohen se e ndihmonin të kërkuarin e drejtësisë, ndërsa i katërti që u gjet nën shoqërinë e Flodian Plakut ishte i armatosur me pistoletë.

Albano Lapshi, Ligor Doko dhe Armand Dano, akuzohen për përkrahje të autorit të krimit. Bashkë me Pole Qorrin u kap edhe Julian Aliaj, i armatosur me pistoletë. Aliaj ka qenë më parë i dënuar për trafik droge.

Të katërt u kapën së bashku në Orikum me Flodian Plakun, i njohur edhe si Pole Qorri.

Ky i fundit strehohej në hotelin e Ligor Dokos. Albano Lapshi i dërgonte ushqim Flodian Plakut, kurse Armand Dano nga Shkodra ishte berberi i tij.

Në ditën e ndërhyrjes dhe arrestimit, policia ndoqi Albano Lapshin, personi që i çonte ushqimin ne hotel, si dhe berberi Armando Dano me origjinë nga Shkodra.

Kujtojmë se Flodian Plaku, u la në arrest në burg dy ditë më parë nga Gjykata e Tiranës. Ai akuzohet për vrasjen e Gentian Bejtjas, më 15 Mars 2024, në banesën e tij në Larushk të Fushë-Krujës.

The post U arrestuan me Flodian Plakun, Gjykata e Vlorës jep masat e sigurisë për 4 persona (EMRAT) appeared first on Albeu.com.

Raportohet se në GJKKO kanë mbërritur dy zëvendës rektorët Ilir Kapaj dhe Romina Koto. SPAK ka lëshuar masat e sigurisë për veprat “Shkelja e barazisë së pjesëmarrësve në tendera apo ankande publike”, “Korrupsioni pasiv i personave që ushtrojnë funksione publike”, “Korrupsioni aktiv i personave që ushtrojnë funsione publike”.

Në njoftiin e SPAK, thuhet se janë grumbulluar dhe referuar të dhëna për përfshirjen në veprime korruptive të zyrtarëve të Universitetit Bujqësor të Tiranës, veprime të shtrira në një kohë të gjatë, në procesin e përgatitjes dhe zhvillimit të procedurave të prokurimeve publike.

SPAK thotë se nga hetimet proaktive me metoda speciale si; përgjimi i bisedave telefonike të zyrtarëve të Universitetit Bujqësor të Tiranës, vëzhgimet e kryera nga Policia e Shtetit dhe administrimi i dokumentacionit të procedurave të prokurimit, me autoritet kontraktor Universiteti Bujqësor i Tiranës, deri në këtë fazë të hetimit janë hetuar në kuadër të këtij procedimi 9 procedura prokurimi të zhvilluara në vitin 2022, me një vlerë të prokurimit prej 90.000.000 lekë.

Prokuroria e Posaçme, shton se gjatë hetimit janë evidentuar shkelje ligjore të personave përgjegjës të nivelit akademik në UBT, Romina Koto, dhe Ilir Kapaj, me detyrë zëvendësrektorë në Universitetin Bujqësor të Tiranës, Bejo Bizhga, me detyrë përgjegjës i Departamentit të Moduleve Paraklinike në UBT, që në kohën e ideimit të projekteve dhe sigurimin e fondeve pranë Agjencisë Kombëtare për Kërkimin Shkencor dhe Inovacionin (AKKSHI ka kryer veprime në bashkëpunim me titullarin e autoritetit kontraktor, Edmond Tërthorja me detyrë Administrator i UBT-së.)

SPAK thotë se veprimet e kundraligjshme të personave të mësipërm kanë konsistuar në përgatitjen e të dhënave fiktive të projekteve, me specifikime të përgatitura nga vetë operatorët ekonomik konkurues dhe fitues në këto procedura prokurimi. Në njoftim thuhet se pas sigurimit të fondeve nga AKKSHI, kanë vijuar veprimet e kundraligjshme të autoritetit kontraktor në fazën e përgatitjes dhe gjatë zhvillimit të procedurave të prokurimit, veprimet e komisionit të përllogaritjes së fondit limit dhe specifikimeve teknike apo termave të referencës, të koordinuara në vazhdimësi me veprimet e kundraligjshme të njësisë së prokurimit dhe komisionit të vlerësimit të ofertave.

The post Abuzim me tendera/ Sot në GJKKO seancë për masat e sigurisë ndaj stafit të UBT, mbërrijnë dy zëvendës rektorët appeared first on Albeu.com.

Ai ka rrëfyer se rektori i Universitetit ka kërkuar që në UBT, të pranoheshin studentë edhe me mesatare notash 5, sepse rrezikohej mbyllja.

Masat e marra ndaj stafit nga Gjykata e Posaçme, Rama i ka paralelizuar me atë që anti-mafia bën në Itali.

“Rektori më tha, kryeministër po mbyllet universiteti le të marrë një vendim qeveria që edhe me 5-a të vijnë në universitet sepse do të mbyllet. I kam thënë jo do të luftojmë në anën tjetër.

Në Kamëz do të bëhet Universiteti i Vjenës. Si i shpjegohet austriakëve që SPAK hyn në një Universitet sikur hyn në fshatin e Corleones? Këto i bën antimafia në Itali”, tha ai.

The post Masat e sigurisë ndaj stafit të UBT/ Rama: Hynë në një Universitet, si në fshatin e Corleones appeared first on Albeu.com.

Në fjalën e tij, Sallaku tha se nuk komentojnë drejtësinë, por beson te një proces i ndershëm, duke thënë se stafi ka nisur betejën ligjore dhe uron që të faktojnë se kanë zbatuar ligjin.

Vetë Rama këto masa sigurie, një ditë më parë i quajti masa pa gjyq.

Ndërsa në fjalën e tij në Kryesinë e Kuvendit ditën e sotme, Rama përsëriti sërish qëndrimin e tij pse po luftojnë për një drejtësi të pavarur dhe evropiane.

Pa PS dhe shumicën qeverisëse, theksoi Rama, SPAK dhe institucionet e reja të drejtësisë nuk do të ekzistonin.

The post Rama pas masave në UBT: Duam drejtësi evropiane, pa ne s’do kishte as SPAK as hetime VIP appeared first on Albeu.com.

Teksa pritet me ankth rezultati i kësaj gare historike presidenciale, Uashingtoni po përgatitet për më të keqen, sipas mediave amerikane.

Distrikti i Kolumbisë, po përgatitet për një tjetër sulm të dhunshëm të mbështetësve të Donald Trump, nëse ai humbet kundër Kamala Harris.

Masave të rrepta tashmë ekzistuese të sigurisë në Shtëpinë e Bardhë, i është shtuar një gardh metalik i zi prej më shumë se dy metra lartësi.

Autoritetet federale dhe lokale, kanë frikë nga skenat që të kujtojnë sulmin vdekjeprurës në Kapitol më 6 janar 2021.

The post Rriten masat e sigurisë në Shtëpinë e Bardhë/ Frikë për trazira e dhunë pas rezultatit të zgjedhjeve (FOTOT) appeared first on Albeu.com.

Pas saj, edhe ish-presidenti Ilir Meta, e ka dorëzuar këtë të hënë ankimimin kundër vendimit të arrestit me burg.

Avokati Genci Gjokutaj, ka paralajmëruar se përveç kundërshtimit të masës “Arrest në burg” do të bëjë edhe një kallëzim, për sa i takon veprimeve të Forcës Operacionale të Policisë së Shtetit gjatë ekzekutimit të vendimit të Gjykatës

Ish-çifti presidencial Meta e Kryemadhi po hetohen për korrupsion, pastrim parash e fshehje pasurie.

The post Meta dhe Kryemadhi kundërshtojnë masat e sigurisë appeared first on Albeu.com.

Sipas mediave të huaja, Yerlikaya mbajti një konferencë shtypi në kryeqytet, Ankara, në lidhje me masat zgjedhore.

Ai deklaroi se po punonin për të siguruar një mjedis të qetë dhe të sigurt për zgjedhjet lokale “për t’u mundësuar njerëzve të pasqyrojnë plotësisht vullnetin e tyre”.

Yerlikaya tha se një nga zëvendësit e tij do të kryesojë Komitetin e Koordinimit të Zgjedhjeve, i cili do të ngrihet ekskluzivisht për zgjedhjet.

Çdo degë e forcave të sigurisë do të ketë qendrën e saj të operacionit për të siguruar një koordinim të qetë të sigurisë së ditës së zgjedhjeve.

Rreth 64 milionë votues me të drejtë vote do të zgjedhin kryetarët e rinj të bashkive dhe zyrtarë të tjerë në qeveritë lokale të 81 provincave dhe rretheve të tyre.

Së bashku me sigurinë në terren, siguria e hapësirës kibernetike është gjithashtu e rëndësishme për Turqinë, e cila lufton dezinformimin e lidhur me zgjedhjet përmes një agjencie qeveritare të ngarkuar posaçërisht me këtë luftë

The post “Blindohet” Turqia, më shumë se gjysmë milioni njerëz do të angazhohen për të siguruar zgjedhjet lokale më 31 mars appeared first on Albeu.com.