Masakrim Archives - Albeu.com

“Po më vdes mamaja”, dentisti turk “masakron” pacienten e zhduket

E S — Fri, 23 Dec 2022 20:28:35 +0000

Emisioni “Stop” në Tv Klan u drejtua në Durrës për problemin e qytetares Rozeta Kërrçi, e cila ka rënë pre e një dentisti turk mashtrues. Pasi i ka bërë nofullën e poshtme me veshje, i ka gërryer dhe dhëmbët në nofullën e sipërme, turku është zhdukur. Por Musa Bozkurt i ka marrë 700 mijë Lekë paradhënie, duke e lënë pacienten me infeksion në gojë.

“Stop” pyeti bizneset përreth, sesi e njohin Musa Bozkurt, dentistin turk. Por qiradhënësi e ka përzënë, se nuk paguante qiranë. Mësojmë se Rozeta nuk është “viktima” e vetme e dentistit turk.

Gazetarja: Si jeni? T’ju pyes për diçka? Për dyqanin e parë këtu, do doja numrin e pronarit të ndërtesës?

Qytetarja 1: Për çfarë e do?

Qytetarja 1: Ta pyes për një, që ka patur me qira aty! Për një turk!

Qytetarja 1: Po ju ç’doni me atë turkun?

Qytetarja 1: Po ai ishte “ burrë i mirë”!

Qytetarja 1: Prandaj po them…, s’e di ai e mbylli me atë. E ka nxjerrë kshu me lecka përjashtë, kur i thonë. Nuk besoj ta dijë ai se ku është turku. U zinë, se nuk i paguante qiranë dhe iku ai pastaj. Ia nxorri vetë, i ka marrë te rruga ai ato.

Qytetarja 1: Doja ta pyesja, sa kohë kishte, që ishte me qira aty?

Qytetarja 1: S’ndejti ai shumë, as 2-3 muaj.

Qytetarja 2: Musai ka bërë shumë dallavere dhe me njerëz të tjerë, jo vetëm me këtë, me të gjithë ka bë ashtu ai. Të gjithëve iu ka marrë lekët përpara, paradhënie. Edhe komshia ime kështu u dogj, dhe asaj i ikën lekët.

Në lidhje me situatën e Rozetës, “Stop” takoi stomatologun, që po e trajton aktualisht, Gëzim Hamitaj. Ky i fundit shpjegon situatën e zonjës, duke thënë, se edhe puna e bërë nga turku ka probleme dhe duhet ripunuar.

Gëzim Hamitaj: Pacientja Rozeta ka ardhur në muajin Qershor tek neve. Nofulla e sipërme ishte goxha me infeksione duke iu referuar dhe grafisë që kishte aktualisht pacientja. Infeksionet ishin goxha të përhapura në nofullën e sipërme sepse dhëmbët i kishte hapur doktori në fjalë dhe nuk i kishte mbyllur, nuk i kishte trajtuar siç duhet. Duke marrë shkas nga kjo, neve na është dashur goxha kohë, 2-3 muaj të rehabilitonim, të normalizonim infeksionet, t’i mjekonim dhe pastaj të vendosnim dhëmbët se ishte e nevojshme të vendoste një urë porcelani në nofullën e sipërme.

Gazetarja: Ndërkohë pacientja shprehet edhe për punën që ka bërë në nofullën tjetër stomatologu tjetër ka probleme. Si e keni konstatuar ju pasi keni qenë gjithë këto muaj në vëzhgim të saj?

Gëzim Hamitaj: Duke thënë edhe më sipër, në bazë të grafisë flasim gjithmonë sepse nuk e dimë të shikojmë me sy të lirë, ne nuk shikojmë se çfaë bëhet në rrënjën e dhëmbëve të pacientit në fjalë. U pa që nuk ishte bërë trajtimi i duhur i heqjes së nervit dhe u desh ndërhyrje dhe aty, por unë kam marrë përsipër nofullën e sipërme sepse atë deshi dhe pacientja në fjalë që të bënte sepse mundësi financiare nuk kishte sepse kishte paguar lekët diku tjetër, tek doktori në fjalë, por besoj që do jetë shumë shpejt që të rikthehet sërish për nofullën e poshtme.

Për këtë skandal, emisioni iu drejtua Urdhrit të Stomatologut, ku na thanë, se Musa Bozkurt nuk ka licencë dhe as dosje pranë Urdhrit, për të ushtruar profesionin në vendin tonë./tvklan.al

The post “Po më vdes mamaja”, dentisti turk “masakron” pacienten e zhduket appeared first on Albeu.com.

Pronari grek i vrau për qiranë, trupat e pajetë të familjes shqiptare sillen në Lushnje

E S — Thu, 10 Mar 2022 11:55:10 +0000

Trupat e pajetë të familjes shqiptare, e cila u masakrua nga një shtetas grek në Greqi, pranari i banesës të cilën familja e kishte me qira, janë sjellë në Shqipëri.

Ngjarja ndodhi disa ditë më parë, dhe dyshohet se familja u vra nga shtetasi grek, pasi ky i fundit ishte pronar i shtëpisë ku shqiptarët jetonin, por sipas tij nuk po i paguanin qiranë.

Viktimë mbetën Armando Kloci dhe bashkëshortja e tij Marie Dosku. Gjithashtu, shtetasi grek nuk kurseu edhe fëmijët e mitur të çiftit, 2 dhe 3 vjeç.

4 arkivolë janë tashmë në një fshat të Lushnjes, ku jeton familja e Armandit. Varrimi pritet të bëhet në orën 13:00. Të afërm dhe bashkëfshatarë kanë shkuar që t’i japin familjes lamtumirën e fundit.

The post Pronari grek i vrau për qiranë, trupat e pajetë të familjes shqiptare sillen në Lushnje appeared first on Albeu.com.

19-vjeçari në Greqi u masakrua me kosë, publikohen fotot

E S — Sun, 06 Feb 2022 16:37:53 +0000

Arma e sekuestruar nga policia greke pak metra nga sulmi që u përdor nga huliganët për të masakruar Alkisin është kosë e kuqe e cila ende ka gjak.

Siç rezultuan nga analizat laboratorike, gjaku është i Alkisit dhe i njërit prej dy shokëve të tij që u plagosën dhe u dërguan në spital.

Me fjalë të thjeshta, autori me kosën e kuqe, jo vetëm vrau studentin e ri, por synoi të therte edhe shokun e tij. Kjo kosë shitet në treg dhe përdoret për prerjen e barërave të mëdhenj.

Zakonisht prodhohet në Japoni, ka një gjatësi prej rreth 35 cm dhe një teh më të madh se 15 cm.

Autorët duke u larguar kanë braktisur armën vdekjeprurëse në vend dhe në fakt duket se e kanë përdorur edhe në sulme të tjera pasi në buzë të dorezës huliganët kanë vendosur shirit izolues që të mos u rrëshqasë nga duart ndërsa duket se është përdorur.

The post 19-vjeçari në Greqi u masakrua me kosë, publikohen fotot appeared first on Albeu.com.

E masakroi me thikë deri sa i mori jetën, 43 vjeçari shqiptar pranon për herë të parë ekzekutimin e bashkëjetueses së tij prostitutë

E S — Wed, 28 Jul 2021 19:03:03 +0000

Pas muajsh të gjatë heshtje dhe mohimi, më në fund ai ka vendosur të rrëfehet.

Të martën në mëngjes, u zhvillua në burgun e Pavias një seancë hetimore ndaj shqiptarit Alfred Kipe, që u arrestua 7 shkurtin e kaluar nga karabinierët, përgjegjës për vrasjen e bashkëatdhetares së tij, vrarë me 5 gjuajtje thike në këmbë dhe në shpinë në një rrethrrotullim midis San Giulianos Milanese dhe Melegnano.

Por burri ka vendosur të rrëfehet. E kishte vrarë per xhelozi. E kishte surprizuar në rrugë dhe e kishte vrarë. Më pas ia kishte mbathur për tu dehur.

Luljeta Heshta,47 vjeçarja shqiptare, u gjet e masakruar me thikë të dielën në mëngjes, në cep të rrugës aty ku zakonisht ushtronte prostitucionin.

Shoku i viktimës që ishte me qëndrim në Itali prej të paktën 10 vitesh, u ndalua menjëherë. Viktima dhe vrasësi jetonin bashkë prej të paktën 20 vitesh dhe jetonin në zonën e Corveto.

Motivet e vrasjes duhen kërkuar të xhelozia e burrit, edhe ai shqiptar, 43 vjeç me precedentë të shumtë penalë.

Kur karabinierët e ndaluan, pikërisht në zonën e Corveto, ishte i dehur edhe i veshur ende me veshket që kishte në momentin e vrasjes; këpucë të kuqe, flokë të zinj dhe xhup të errët.

I pyetur deri në mbrëmje vonë, nuk ishtë rrëfyer, përkundrazi u kishte thënë hetuesve se kishte qenë gjithë ditën në një bar në Milano, por pamjet e telekamerave të sigurisë e lidhnin me skenën e vrasjes, sipas rrëfimeve edhe të disa dëshmitarëve.

45 vjeçari që ka qenë kontradiktor disa herë në dëshmitë e tij, ishte shprehur edhe për xhelozinë e tij për një raport të presupozuar midis bashkëjetueses së tij dhe një të dashuri që ajo kishte prej disa muajsh.

The post E masakroi me thikë deri sa i mori jetën, 43 vjeçari shqiptar pranon për herë të parë ekzekutimin e bashkëjetueses së tij prostitutë appeared first on Albeu.com.

Koment të dashurës në Tik Tok: I moshuari masakron me thikë dy persona në Tiranë

E S — Mon, 19 Apr 2021 20:57:14 +0000

Një djalë, i cili zbriti nga banesa për të pirë kafe, pak minuta përpara se lokali të mbyllej nga ora policore u sulmua me thikë së bashku me shokun e tij nga një burrë që e njihte si fytyrë. Kur ai shkoi i plagosur në spital së bashku me shokun e tij dëshmia e tyre i ka shtangur mjekët e njëkohësisht edhe policinë e cila ka përpiluar urdhër arrestet. Të kërkuarit e uniformave blu ishin një burrë i martuar në moshë të madhe dhe djali i tij, të cilët kanë lënë tavolinën ku po konsumonin birra dhe kanë kërkuar të sqarojnë një incident që sipas tyre buronte nga platforma tik tok.

Sqarimi që burri në moshë kërkonte të hidhte dritë ishte se përse shtetasi L. B i kishte shkruar në tik tok të dashurës së tij. Ai madje nuk është kursyer as nga prania e të birit, pasi ka parë pamjet indiferente të të riut që ka ngritur supet, duke deklaruar “unë s’kam fare tik tok”.

Sipas dëshmisë të dhënë në polici nga dy të dëmtuarit L. B dhe shoku i tij E. K, ata shkuan për kafe në një lokal.

“Në kafe ishte dhe shtetasi G. B, me një burrë të vjetër në moshë dhe me një djalë të ri. Më thërritën dhe u afrova, i thashë atij që më thirri, s’po të njoh dhe kur ai m’u prezantua më tha – më ke komentuar në tik tok të dashurën time”.

I riu i është përgjigjur menjëherë – nuk kam fare tik tok.

“Në këto çaste, G. B. mori të dashurën në telefon, kështu m’u duk dhe foli me kamera me të. E pyeti a ke folur ndonjëherë me këtë person? Ajo i tha nuk e njoh dhe nuk kam folur asnjëherë me këtë person.”

Pas këtij sqarimi online, kallëzuesi shton se shtetasi në fjalë i kërkoi falje dhe se më pas, përfundoi kafen dhe u çua nga tavolina.

“Isha në rrugën “Haxhi Hysendalliu së bashku me E. K., i cili ndërkohë ishte jashtë duke folur në telefon. Aty pashë se si shtetasi G. B së bashku me pesë persona të tjerë ku njëri ndër ta ishte i biri S. B kishin thika në duar. Ai që erdhi drejt meje ishte G. B dhe më gjuajti me thikë”.

Sipas tij ai është shmangur dhe është rrëzuar dhe mjeti i mprehtë e ka kapur vetëm në shpatull dhe i ka grisur bluzën.

Policia bën me dije për gazetën Si se si menjëherë në vendngjarje ka ndërhyrë shoku i tij, E. të cilin po ashtu e kanë goditur me thikë.

Bëhet me dije se oficerët kanë pyetur banakierin dhe kamerierët e lokalit për klientët në fjalë.

F. Q tregon se i dëgjoi klientët të flisnin për tik tokun dhe se burri në moshë i kërkoi llogari të riut së pari se përse e kishte bërë follow të dashurës së tij dhe mandej se përse e kishte komentuar të dashurën në fjalë.

Mbas kërkimeve, policia i ka gjetur dhe i ka arrestuar të dy babë e bir. I riu i befasuar për shkaqet e sherrit të të atit, ka pohuar vetëm kaq “do flas në një moment tjetër”.

Ndërsa burri, i cili e bëri sherrin për të dashurën mësohet të ketë thënë sipas burimeve të sigurta se kishte qenë i dehur.

Më duket se e godita me shishen e birrës dhe jo me thikë. Djali nuk gjendej me mua kur u sqaruam dhe nuk gjendej as në sherr, ai u afrua pas sherrit kur dëgjoi të bërtiturat. Ndoshta më ka nxehur fakti që djali i ri për të cilin isha i sigurt që i kishte shkruar të dashurës sime, u ngrys dhe më pa me shpërfillje, pasi me këtë njeri u sqarova dhe nuk kam asnjë konflikt tjetër.

Pavarësisht qëndrimit të tij, ndaj burrit do të ngrihet akuza e vrasjes së mbetur në tentativë, kurse agjentët do të pyesin edhe të dashurën e tij, e cila ka qenë dëshmitare okulare në rrugë virtuale gjatë sqarimit.

The post Koment të dashurës në Tik Tok: I moshuari masakron me thikë dy persona në Tiranë appeared first on Albeu.com.