Një zëdhënëse e zyrës së OKB-së për të drejtat e njeriut ka thënë se planifikon të dërgojë vëzhgues në Izium për të hetuar raportet e Ukrainës për një varr masiv atje, sipas Al Jazeera.

“Ata vëzhguesit synojnë të shkojnë atje për të provuar të përcaktojnë pak më shumë rreth asaj që mund të ketë ndodhur”, tha Liz Throssell në një konferencë shtypi në selinë e agjencisë në Gjenevë, pa dhënë një afat kohor.

Ajo tha se nuk mund të konfirmonte nëse trupat ndodheshin në një varr masiv apo në një seri varresh individuale.

The post Varret masive në Izium, OKB do të dërgojë vëzhgues për të hetuar rastin appeared first on Albeu.com.

Një varr i tretë masiv është gjetur në një fshat jashtë Mariupolit, sipas një zyrtari ukrainas në Telegram.

“Në fshatin Stari Krim është gjetur një varr masiv. Ky është varrimi i tretë masiv pranë Mariupolit”, thuhet në raportin përkatës, ku përfshihen edhe pamje nga sateliti.

Thuhet se sateliti ka “kapur” gropat e gërmuara në varrezat e fshatit, të cilat u shfaqën më 24 mars, pas pushtimit të saj nga forcat ruse. Fotoja origjinale satelitore e publikuar nga kompania amerikane Planet Labs tregoi se varret ishin 60-70 metra të gjata.

Dy javë më vonë, më 7 prill, pamjet e përditësuar treguan se vendi i varrimit ishte zgjeruar.

Këshilli Bashkiak i Mariupolit tha sot se më 24 prill u vu re një zgjerim i ri, me gjatësinë e varrit masiv që u rrit në më shumë se 200 metra. Trupat ruse thuhet se kanë bërë kërdinë në Mariupol, duke bombarduar civilë të paarmatosur dhe duke ndërprerë ndihmën humanitare.

Sipas kryebashkiakut të Mariupolit, që nga fillimi i pushtimit rus, deri në 20,000 civilë mund të jenë vrarë në qytet. Rreth 150,000 civilë janë evakuuar nga Mariupol në territorin e kontrolluar nga Ukraina, ndërsa 120,000 të tjerë mbeten të bllokuar./abcnews.al/

The post Gjendet varri i tretë masiv në një fshat jashtë Mariupolit appeared first on Albeu.com.

Trupat e parë nga gazetarët e agjensisë së lajmeve Associated Press ishin fare pranë një rruge rezidenciale, pranë një vendi lojërash shumëngjyrësh dhe të boshatisur, dhe ishin të dukshëm për kalimtarët që kishin dalë me ndroje përjashta për të marrë ndihma.

“Është e tmerrshme”, tha Ministri i Brendshëm ukrainas Denys Monastyrsky në vendngjarje, ku kishte edhe gazetarë të tjerë. Ministri tha se Presidenti rus Vladimir Putin duhet “të shkojë në ferr”. Gazetarët e agjensisë së lajmeve Associated Press kanë parë dhjetëra kufoma nëpër qytetin Bucha, nga ku forcat ruse u tërhoqën javën e kaluar. Imazhet e disa prej trupave me duart e lidhura kanë tmerruar botën. Shumë nga viktimat e para nga gazetarët e Associated Press duket se janë qëlluar me armë nga afër, disa prej tyre në kokë. Të paktën dy prej tyre i kishin duart të lidhura.

Zyrtarët ukrainas kanë thënë se kufomat e të paktën 410 civilëve janë gjendur në qytetet përreth Kievit, të cilat u çliruan gjatë ditëve të fundit. Zyra e prokurorit të përgjithshëm ukrainas e ka përshkruar njërën nga dhomat e zbuluara në Bucha si një “dhomë torturash”, raporton VOA.

Imazhet e tmerrshme të trupave të keqtrajtuar apo të djegur dhe të lënë përjashta, ose të varrosur me nxitim, kanë shkaktuar thirrje për sanksione më të forta ndaj Kremlinit, në veçanti për një ndërprerje të importeve të karburantit nga Rusia. Gjermania dhe Franca reaguan duke dëbuar dhjetëra diplomatë rusë, duke sugjeruar se janë spiunë, dhe Presidenti amerikan Joe Biden tha se Presidenti rus Putin duhet gjykuar për krime lufte. Presidenti ukrainas Volodymyr Zelenskyy u largua për herë të parë nga Kievi, që kur lufta filloi rreth gjashtë javë më parë, për të parë nga afër ato që i quajti “gjenocid” dhe “krime lufte” në qytetin Bucha.

The post Torturohen dhe digjen për të fshehur krimet, masakrat e rusëve në Bucha janë të tmerrshme appeared first on Albeu.com.

Sipas BBC, duke folur në Word Tonight, kryetari i bashkisë Anatoli Fedoruk tha se kishte parë personalisht ekzekutimet e disa njerëzve nga forcat ruse.

“Kam parë disa episode. Ishin tre makina civile që përpiqeshin të evakuoheshin drejt Kievit dhe ata u qëlluan brutalisht. Ishte një grua shtatzënë, burri i së cilës bërtiste duke i kërkuar të mos e qëllonte, por ata thjesht e qëlluan brutalisht,” -tha Fedoruk.

Fedoruk gjithashtu pretendoi se forcat ruse kishin gjuajtur politikanë vendas gjatë pushtimit të tyre.

Ai i bëri thirrje ministrit të jashtëm rus Sergei Lavrov, i cili ka mohuar akuzat për krime lufte nga trupat e Moskës.

“Lavrov të vij në qytetin e Bucha dhe të shohë trupat e njerëzve të vdekur dhe të shikojë në sy familjet, nënat, burrat dhe fëmijë që mbetën jetimë,”-tha Fedoruk.

The post Kryetari i bashkisë: Forcat ruse vranë 320 civilë në Bucha appeared first on Albeu.com.

Ukraina ka akuzuar Rusinë për një “masakër të qëllimshme” në Bucha, pasi gazetarët gjetën të paktën 20 trupa të shpërndarë në rrugë, por Rusia i ka quajtur këto pretendime “propagandë” lufte.

Macron i tha radios France Inter se kishte “të dhëna shumë të qarta” që tregonin se forcat ruse ishin përgjegjëse për krimet e luftës në Ukrainë.

The post Masakrat e forcave ruse, Macron kërkon më shumë sanksione ndaj shtetit agresor appeared first on Albeu.com.