Lajmi u konfirmua nga policia amerikane, e cila pranoi se u bë gabim që nuk u ndërhy menjëherë në klasë.

Sipas mediave të huaja, policia e kufirit, që dhe ekzekutoi vrasësin, kishte mbërritur një orë para se të ndërhynte, por u bllokua nga polica lokale.

Ndërsa tani policia lokale pranon se ishte vendim i gabuar që nuk u shemb dera e klasës menjëherë, teksa autori i masakrës ekzekutonte fëmijët.

Sipas saj, komandanti i policisë nuk pranoi të ndërhynte pasi mendoi se jeta e fëmijëve nuk ishte në rrezik. Pyetjes së gazetarëve nëse policia duhet t’i kërkojë falje familjeve të fëmijëve, policia iu përgjigj: Nëse do i ndihmonte të kërkonim falje.

Ndërkohë në Hjuston të Teksasit konventa vjetore e shoqatës kombëtare të armëve është hapur me protesta.

Manifestuesit akuzuan protagonistët e takimit se i kishin duart me gjak. Që nga masakra në shkollën fillore gjithnjë e më shumë njerëz mendojnë se konventa është e papërshtatshme.

Kritika të shumta pati dhe për videon hapëse të konventës, e cila ndoshta ishte xhiruar para masakrës, tregonte prindër e fëmijë të lumtur në dyqan armësh, fëmijë me armë në duar dhe armë të ndryshme në rafte gati për shitje.

The post Detaje të reja nga masakra në Teksas: Autori qëlloi rreth 100 herë mbi nxënësit e fillores appeared first on Albeu.com.

“Nëse SHBA mund të dërgojë miliarda në Ukrainë, ne duhet të jemi në gjendje të bëjmë gjithçka që duhet për t’i mbajtur fëmijët tanë të sigurt në shtëpi”, tha ai në një konferencë pro armëve.

Takimi i Shoqatës Kombëtare të Pushkave (NRA), grupi më i madh i armëve amerikane, po zhvillohet në Hjuston dhe vjen tre ditë pas një sulmi masiv nga një adoleshent në Uvalde.

“Ne shpenzuam triliona në Irak dhe Afganistan dhe nuk morëm asgjë për këtë”, vazhdoi Trump në fjalimin e së premtes, duke marrë duartrokitje të forta.

“Përpara se të ndërtojmë kombin në pjesën tjetër të botës, ne duhet të ndërtojmë shkolla të sigurta për fëmijët tanë në kombin tonë”.

Kujtojmë se në fillim të këtij muaji, Kongresi Amerikan votoi me shumicë dërrmuese për dërgimin e gati 40 miliardë dollarëve ndihmë ushtarake për Ukrainën. Në total, ligjvënësit amerikanë kanë dërguar rreth 54 miliardë dollarë në Ukrainë që nga pushtimi i Rusisë në shkurt.

Trump hodhi poshtë thirrjet për kontrolle të forta të armëve, duke thënë se amerikanëve të denjë duhet t’u lejohen armët e zjarrit të mbrohen kundër së keqes.

Në vend të kësaj, ai propozoi një “riparim nga lart-poshtë” të sigurisë së shkollës, me pika të vetme hyrjeje të fortifikuara duke përfshirë detektorë metali dhe të paktën një oficer policie të armatosur në çdo kampus. Ai akuzoi demokratët për pengimin e masave të tilla sigurie.

Ish-presidenti republikan filloi fjalimin e tij duke lexuar emrat e viktimave të të shtënave në Uvalde.

Konferenca vjetore e NRA, e cila mburret me pesë milionë anëtarë, po zhvillohet 280 milje (450 km) nga Uvalde, skena e të shtënave më të rënda në shkollë në SHBA në një dekadë.

Përpara ngjarjes, disa folës konservatorë dhe interpretues muzikorë njoftuan se po tërhiqeshin, duke përfshirë Guvernatorin e Teksasit Greg Abbott, Senatorin John Cornyn dhe prodhuesin e pushkës së përdorur në sulmin Uvalde./albeu.com

The post Masakra në Teksas, Trump: SHBA të financojë shkolla të sigurta, më pas të ndihmojë Ukrainën appeared first on Albeu.com.

Joe Garcia ishte burri i Irma Garcia, e cila dha mësim për 23 vjet në shkollën fillore Robb.

Garcia ishte një nga dy mësueset e vrarë nga një adoleshent i armatosur në të shtënat që lanë të vdekur 21 persona, përfshirë 19 fëmijë.

Çifti, i cili ishte i martuar prej 24 vitesh, ka lënë pas katër fëmijë./albeu.com

The post Masakra në Teksas, vdes nga pikëllimi bashkëshorti i një prej mësueseve të vrara appeared first on Albeu.com.

Biden ka shtuar se për të është e arsyeshme që të ndodhet pranë familjeve në këto momente.

“Ne jemi shumë të pikëlluar dhe shpresojmë t’i japim pak ngushëllim për këtë tronditje të madhe. Unë mendoj se ne të gjithë duhet të jemi për ta, të gjithë,” tha Biden.

Ngjarja tragjike e 24 majit është masakra më e keqe në një shkollë në pothuajse një dekadë. Më 14 dhjetor 2012, një 20-vjeçar me pushkë vrau 20 fëmijë dhe gjashtë mësues në shkollën fillore Sandy Hook në Neëtoën, CT.

The post Masakra me 21 të vrarë, Biden do të udhëtojë drejt Teksasit për të takuar familjet e viktimave appeared first on Albeu.com.

Mësohet pasi ai ka arritur në shkollë. Salvador Ramos është futur në një klasë, ka mbyllur derën dhe ka filluar të qëllojë mbi fëmijët dhe mësuesit që ndodheshin brenda, sipas një zyrtari për CNN.

Christopher Olivarez i Departamentit të Sigurisë Publike të Teksasit tha se “Të gjithë të vrarët ishin në të njëjtën klasë”.

Në të njëjtën kohë, një tjetër oficer policie që foli në mënyrë anonime për Associated Press raportoi se agjentët e Patrullës Kufitare që mbërritën në vendngjarje kishin vështirësi të thyenin derën e dhomës dhe duhej të kërkonin çelësin e klasës nga një anëtar i stafit të shkollës për të hyrë brenda.

Sipas drejtorit të Departamentit të Sigurisë Publike, Steve McGraw , kanë kaluar “rreth 40 minuta” nga momenti kur Ramos hapi zjarr ndaj oficerit të sigurimit të shkollës, deri në momentin kur autori ra i vdekur nga plumbat e policisë.

Vrasësi 18-vjeçar, i cili vrau 19 fëmijë dhe dy mësuese, qëndroi në shkollë për më shumë se 40 minuta , ndërsa personat e mbledhur jashtë në mënyrë të dëshpëruar i kërkuan policisë që të hynte në godinë dhe ta ndalonte.

Babai i një prej fëmijëve të vdekur akuzon autoritetet se kanë vonuar mbërritjen në vendngjarje.

Javier Casares vrapoi në shkollën e vajzës së tij Jackie, sapo ka dëgjuar për të shtënat dhe kur ka mbërritur ka parë forcat e mbledhura të policisë jashtë. Ndërsa shikonte me ankth teksa policët dhe agjentët qëndronin jashtë ndërtesës, ai u kërkoi qytetarëve dhe prindërve të tjerë që ishin aty të vepronin vetë.

“Na lejoni të hyjmë sepse policia nuk po bën asgjë”, u tha ai, ndërsa ankthi i tij për fëmijën i shtohej. Kjo, natyrisht, nuk ishte e mundur.

“Mund të kishte pasur më shumë… Ishin të paktën 40 oficerë policie të armatosur si karavidhe, por ata nuk bënë asgjë derisa ishte tepër vonë” , tha për median ABC Neës babai i 10-vjeçarit, i cili u qëllua për vdekje nga Ramos.

Pas të shtënave të para në shkollë, policia e zonës Uvalde, policia e shtetit dhe agjentët e Shërbimit të Rojës Kufitare, janë nisur drejt shkollës. Përfundimisht, vetëm katër nga 80 agjentë hynë në ndërtesë dhe vranë Ramos, sipas një zyrtari lokal.

Kreu i Patrullës Kufitare të SHBA-së, Raoul Ortiz, sqaroi megjithatë se agjentët “nuk hezituan” kur u thirrën në vendngjarje pas goditjes së parë . Ata bënë një plan, hynë në klasë dhe neutralizuan autorin “aq sa mundën”, tha Ortiz për CNN./albeu.com

The post DETAJE/ 40 minuta terror, si 18-vjeçari në Teksas i mbylli fëmijët në klasë dhe filloi t’i qëllonte appeared first on Albeu.com.

“Kam një sekret të vogël që dua të ta zbuloj. Unë do të…”, ishte mesazhi rrëqethës i 18-vjeçarit.

Salvador Ramos dërgoi një mesazh privat një llogarie në rrjetin social Instagram, llogari në emër të një vajze nga Kalifornia, të cilës i kërkoi të postonte fotot e dy armëve AR-15s dhe një reviste armësh të cilën e kishte blerë javën e shkuar.

Vajza ka bërë publike mesazhet e shkëmbyera mes tyre dhe ka siguruar se as nuk e njeh djalin dhe nuk e kupton se përse ai zgjodhi pikërisht atë për ta etiketuar në fotot e armëve.

“Dua të qartësoj se nuk e nuk e kuptoj përse më zgjodhi mua për të më etiketuar në foto. Më vjen shumë keq për viktimat dhe familjet e tyre. E vetmja arsye se përse zgjodha ti përgjigjem mesazheve të tij, është sepse kisha frikë nga ai”, ka shkruar vajza.

The post La të vdekur 19 fëmijë e dy mësues, zbulohet mesazhi rrëqethës appeared first on Albeu.com.

Salvador Ramos u vra në një shkëmbim zjarri me policinë pasi vrau 19 nxënës të vegjël dhe dy mësues të një shkolle fillore në qytetin e Uwalde.

Sipas Daily Mail, në orën 17.43, të martën, Salvador i dërgoi mesazhin misterioz: “Jam gati ta bëj”, një vajze që e njihte përmes Instagramit . “Gati për të bërë çfarë?” e pyeti e habitur e reja. Në përgjigje au i thotë: “Të them para orës 11”.

Autori i ka shkruar se brenda një ore do t’i dërgonte një mesazh dhe i kërkoi të përgjigjej. “Kam një sekret të vogël për të të ​​thënë” , tha ai në mesazhin e tij rrëqethës të shoqëruar me një emoji të qeshur. Ajo e informoi se mund të mos ishte aktive, pasi do të binte në gjumë sepse ndihej e sëmurë.

Komunikimi i Salvador Ramos me vajzën, të cilën ai nuk e kishte takuar kurrë nga afër, nisi më 12 maj, kur ai e kishte etiketuar atë në një foto me armët e tij që kishte postuar në Instragram. Pasi i kërkoi të resë, e cila jeton në Los Angeles, të ripostonte postimin e tij, ajo e pyeti atë “çfarë lidhje kam unë me armët e tua?”. “Thjesht doja të të bëja tag,” u përgjigj 18-vjeçari përmes llogarisë së tij, @ sal8dor_.

“Ji mirënjohëse që të kam etiketuar,” shkroi ai më vonë, duke shpjeguar se ishte e frikshme të etiketoje nga dikush që e njihje pak në një foto me armë .

Në vargun e mesazheve të shkëmbyera mes tyre për “sekretin” që do t’i zbulonte, 18-vjeçari nuk përmendi asgjë më shumë për planet e tij të errëta. Mesazhi i fundit që i ka dërguar në Instagram vajzës ka qenë “Po dal një shëtitje”.

Pas këtij mesazhi, vajza e kuptoi se çfarë donte të thoshte 18-vjeçari duke folur për “sekretin” e tij, pasi dëgjoi  lajmin tragjik të vrasjes së fëmijëve dhe mësuesve në shkollën fillore. E tronditur ajo ka bërë postimin e mëposhtëm në llogarinë e saj: “Ai është i panjohur për mua. Nuk di asgjë për të dhe ai thjesht vendosi të më etiketojë në një postim me armë … Më vjen shumë keq për viktimat dhe familjet e tyre, vërtet nuk di çfarë të them. Arsyeja e vetme që iu përgjigja ishte se kisha frikë. Do të doja të kisha qëndruar zgjuar dhe të paktën të përpiqesha ta parandaloja krimin. Nuk e di”.

E pyetur nga një përdorues i Instagramit nëse kishte një lidhje me Ramos, ajo përsëriti se as nuk e njihte dhe se ai jeton në një qytet tjetër.

Ramos, i cili ka lindur në Dakotën e Veriut, por ka jetuar në Uwalde për vitet e fundit, ishte një nxënës i shkollës së mesme përpara se të linte dhe të gjente punë në Ëendy’s Restaurant.

Armët me të cilat i dha fund tragjik jetës së 21 personave i kishte blerë legalisht dje, kur mbushi 18 vjeç.

The post Masakra në shkollën fillore të Teksasit: Mesazhe e frikshme të 18-vjeçarit para se të vriste 19 nxënësit dhe 2 mësueset appeared first on Albeu.com.