Familjarët e dy nxënësve të vrarë kanë njoftuar se varrimi i tyre do të bëhet sot në orën 14:00.

Lidhur me rastin, Policia e Kosovës ka dalë me raport ku ka treguar se shoferi i autobusit kishte vdekur në vendin e ngjarjes, derisa dy nxënësit kanë vdekur në spital.

“Fsh. Gllogjan, Deçan 26.11.2021-18:58. Është raportuar se një autobus derisa ishte duke bartur udhëtarë (nxënës) është sulmuar me armë zjarri (dyshohet të jetë AK-47) nga një i dyshuar i panjohur. Në këtë rast lëndime vdekje-prurës ka pësuar drejtuesi i autobusit, viktima mashkull kosovar, vdekjen e të cilit e ka konstatuar ekipi mjekësor në vendin e ngjarjes. Ndërsa tri viktima, dy meshkuj dhe një femër (nxënës) janë dërguar në Spitalin Rajonal Pejë, dy prej tyre kanë ndërruar jetë (një mashkull dhe një femër ) ndërsa viktima tjetër është duke u trajtuar në spital. Njësitet relevante kanë dalë në vendin e ngjarjes. I dyshuari gjendet në arrati, rasti në procedurë hetimore”, thuhej në raport.

Policia është duke vazhduar kërkimet për arrestimin e të dyshuarit i cili ende gjendet në arrati.

Për identifikimin dhe gjetjen e autorit, apo autorëve të krimit të trefishtë, janë angazhuar një numër i madh forcave të rendit, Njësiti Special i Policisë së Kosovës dhe po bëhen hetime edhe në koordinim me Agjencinë Kosovare të Inteligjencës.

Deri tash, përveç konfirmimit që hetimet po zhvillohen në tri pista të ndryshme, asgjë më shumë nuk është bërë e ditur në lidhje me rrethanat, apo motivet e vrasjes së trefishtë.

The post Sulmi me kallashnikov në Deçan, sot u jepet lamtumira dy nxënësve që u vranë tragjikisht (FOTO LAJM) appeared first on Albeu.com.

Në të njëjtin vend ishte edhe këtë të shtunë autobusi, sulmi mbi të cilin të premten mbrëma la të vrarë shoferin e dy udhëtarë.

Gjurmët e sulmit në Gllogjan ishin të freskëta. E ekipet e hetuesisë vazhdonin të merreshin me to për zbardhjen e rastit.

Në vendngjarje, gjatë së shtunës qëndroi edhe kryeprokurori i Prokurorisë Speciale, por që nuk pranoi të deklarohej.

Derisa hetimet janë duke vazhduar, i dyshuari ende nuk është identifikuar.

Me rastin është e ngarkuar prokurorja Sahide Gashi, e cila tregoi për dyshimet e para por pa dhënë shumë detaje.

E në Deçan qëndruan ministri i Punëve të Brendshme, Xhelal Svecla, e drejtori i Policisë, Samedin Mehmeti.

Pas takimit, Mehmeti tha se janë në hetim të disa pistave të mundshme, e nga të njëjtat nuk hedhet poshtë mundësia që mund të ketë më shumë se një të dyshuar.

Sipas drejtorit të Policisë, moti jo i mirë ia ka vështirësuar punën në teren.

Kurse ministri Svecla tha se kanë vënë në funksion të gjitha kapacitetet që rasti të zbulohet sa më parë, derisa i vendosi një ultimatum dorasit.

Ministrit Xhelal Svecla, e drejtorit të Policisë, iu bashkua edhe kryetari i Deçanit në thirrjen që qytetarët të cilët kanë informacione lidhur me rastin t’i njoftojnë organet kompetente.

DEK: Bashkim Ramosaj, kryetar i Deçanit

Të premten mbrëma tre persona kanë vdekur, në mesin e tyre dy nxënës, e një tjetër është lënduar, pas sulmit me armë zjarri ndaj një autobusi në fshatin Gllogjan.

Në shenjë solidarizimi me familjarët e viktimave, banorë të Deçanit ndezën qirinj.

The post Sulmi në Gllogjan: Dy-tri pista hetimi, të intervistuar e bastisje në kërkim të vrasësit appeared first on Albeu.com.

Ai tha se ka qenë babai i Ledionit i cili ka mbërritur i pari në vendin e ngjarjes, ku ka parë se shoferi i autobusit kishte ndërruar jetë në vendngjarje.

“Lajmin e dëgjuam rreth orës 19:00. Më thirrën e më thanë është plagos Ledioni. Vëllai im, babai i Ledionit shkoi i pari aty, ka qenë i pari që ka hyrë në autobus. E morën i thanë ‘hajde shpejt se na kanë gjujt, ka viktima’”, ka treguar ai për Nws24.

“I pari që ndërroi jetë në vend ishte shoferi, kur e ka pa vëllai im, më pas ka nxjerr vajzën e plagosur nga dritarja e më pas ka kap djalin e vet. Djali ka pas shenja jete deri diku, por më pas ka ndërruar jetë”, rrëfen xhaxhai

Ai tregon edhe bisedën e fundit të nipit të tij me babin në telefon, 10 minuta para se të ndodhte sulmi në autobus.

“Biseda e fundit ka qenë 10 minuta para. I tha ‘bab për 10 minuta thuj mamit jam në shpi, bëma bukën”, ka treguar xhaxhai i të riut që humbi jetën.

The post Xhaxhai i nxënësit që u vra në Gllogjan: Vëllai e gjeti të gjallë Ledionin në autobus, ai vdiq më pas appeared first on Albeu.com.

Kryeministri Rama ka reaguar rreth kësaj tragjedie të rëndë ku me anë të një postimi në Tëiter shkruan se “Jetët e marra nga plumbat e një egërsie që meriton ndëshkimin ekstrem të drejtësisë….”.

POSTIMI I PLOTË I RAMËS:

“Jetët e marra në Kosovë nga plumbat e një egërsie që meriton ndëshkimin ekstrem të drejtësisë, na kanë brengosur të gjithëve. Ngushëllime vëllazërore familjeve të goditura në zemër nga humbja absurde. Kurajo e mbështetje institucioneve të Kosovës në këtë moment sfidues.” /albeu.com/

The post 3 të vrarë në Deçan, reagon Rama: Meriton ndëshkimin ekstrem të drejtësisë appeared first on Albeu.com.

Presidenti Ilir Meta ka reaguar lidhur me ngjarjen e rëndë ku është qëlluar me armë drejt një autobusi me nxënës dhe si pasojë kanë ndërruar jetë 3 persona.

“Thellësisht i tronditur nga akti kriminal në Gllogjan të Deçanit, ku sipas të dhënave paraprake raportohet për tre humbje jete dhe një të plagosur.

Ju shpreh ngushëllimet më të sinqerta dhe solidaritetin e plotë familjeve të të vrarëve dhe të gjithë popullit të Kosovës, duke bashkëndarë me ta dhembjen e madhe për këtë ngjarje shumë të rëndë.

Të lënduarit i uroj shërim sa më të shpejtë dhe përgëzoj ekipet mjekësore për përkushtimin dhe profesionalizmin, që po dëshmojnë!

Kam besimin e plotë se institucionet përgjegjëse dhe drejtësia në Republikën e Kosovës do të zbulojnë sa më parët autorët, që meritojnë ndëshkimin më të ashpër ligjor”, shkruan Meta. /albeu.com/

The post 3 të vrarë e 2 të plagosur në Deçan të Kosovës, reagon Meta: Jam i tronditur! appeared first on Albeu.com.