Automjetet që transportojnë mallra dhe kanë masë të përgjithshme mbi 20 tonë do të lejohen të qarkullojnë pa kufizime gjatë ditës së nesërme, ka bërë të ditur Ministria e Infrastrukturës dhe Transportit.

Ministria sqaroi se parashikimet zyrtare për temperaturat nuk përmbushin kriteret që kërkohen për aktivizimin e masave të përkohshme kufizuese.

Si rrjedhojë, nesër nuk do të hyjë në fuqi vendimi që parashikon ndalimin e qarkullimit të këtyre automjeteve.

MIT njoftoi se kushtet meteorologjike do të vijojnë të ndiqen dhe të vlerësohen çdo ditë.

Nëse krijohen rrethanat për vendosjen e kufizimeve, qytetarët dhe operatorët ekonomikë do të informohen në kohën e duhur.

The post MIT: Kamionët mbi 20 tonë do të qarkullojnë pa kufizime nesër appeared first on Albeu.com.

Sipas njoftimit për media, masa është caktuar për të pandehurin B.H., nën dyshimin e bazuar se ka kryer veprën penale të Vrasjes së rëndë (privon nga jeta personin tjetër në mënyrë mizore apo dinake) të KP-së, si dhe ndaj të pandehurit I.H., për shkak të dyshimit të bazuar se ka kryer veprën penale Mosdhënia e ndihmës (vepra penale ka rezultuar me vdekjen e personit të rrezikuar) lidhur me paragrafin 1 te KP-së.

Gjykata ka vlerësuar se ekzistojnë kushtet ligjore për caktimin e paraburgimit dhe se nga provat e siguruara deri në këtë fazë del dyshimi i bazuar se B.H., më 29.06.2026, rreth orës 23:00, në fshatin Zlipotok, Komuna e Dragashit, me dashje e ka privuar nga jeta tashmë të ndjerin G.T.

Në njoftim thuhet se, sipas hetimeve të deritanishme, rasti dyshohet të ketë ndodhur pas një mosmarrëveshjeje të mëhershme mes të pandehurit dhe viktimës në lidhje me shfrytëzimin e një prone, përkatësisht një livadhi. Po sipas të njëjtit burim, B.H. dyshohet se i ka shkaktuar viktimës lëndime me mjet të mprehtë, thikë, ndërsa si pasojë e tyre G.T. ka ndërruar jetë në vendin e ngjarjes.

Lidhur me të pandehurin tjetër, I.H., i cili është babai i B.H., në njoftim theksohet se ai dyshohet se, ndonëse ka qenë pranë vendit ku ndodhi ngjarja dhe ka pasur mundësi të ndihmojë pa vënë në rrezik veten ose të tjerët, nuk ka ndërmarrë veprimet e nevojshme për t’i ofruar ndihmë viktimës, e cila ishte në rrezik të drejtpërdrejtë për jetën.

Gjykata ka bërë të ditur gjithashtu se nëse këto fakte do të vërtetohen, kjo do të shqyrtohet në fazat e mëtejshme të procedurës penale. Gjyqtarja e procedurës paraprake, duke u mbështetur në provat materiale të mbledhura deri tani dhe duke çmuar si të bazuar dyshimin për kryerjen e veprave penale nga të pandehurit, ka vlerësuar se paraburgimi është masa që siguron praninë e tyre dhe mundëson zhvillimin normal e të papenguar të procedurës penale.

Në vijim të njoftimit thuhet se, duke marrë parasysh peshën e rëndë të veprave penale që dyshohet se janë kryer, si dhe mënyrën dhe rrethanat e ngjarjes, sipas të cilave B.H. dyshohet se në mënyrë mizore apo dinake e ka goditur me thikë në shpinë dhe në qafë viktimën, tashmë të ndjerin G.T., si dhe faktin se ai është larguar nga vendi i ngjarjes dhe më pas është gjetur dhe arrestuar nga Policia, për Gjykatën ekziston rreziku i ikjes dhe arratisjes me qëllim shmangien nga përgjegjësia penale. Për këtë arsye, paraburgimi në këtë fazë është vlerësuar i domosdoshëm.

Sipas njoftimit, masa e paraburgimit është cilësuar e arsyeshme dhe në përputhje me ligjin, me qëllim që të sigurohet mbarëvajtja e procedurës hetimore, nxjerrja e provave materiale, marrja e deklaratave të dëshmitarëve dhe të dyshuarve, si dhe paraqitja e të pandehurve para institucioneve të drejtësisë për zbardhjen e rastit dhe parandalimin e arratisjes së tyre. Po ashtu, gjyqtarja ka vlerësuar se masat e tjera alternative nuk do të ishin të mjaftueshme për të garantuar praninë e të dyshuarve dhe zhvillimin pa pengesa të fazës hetimore.

The post Një muaj paraburgim për dy të dyshuarit në rastin e vrasjes së imamit në Zlipotok të Dragashit appeared first on Albeu.com.

Me ardhjen e Sllobodan Millosheviqit në udhëheqje të Serbisë, arsimi shqip në Kosovë, e sidomos Universiteti i Prishtinës, u përball me goditje të rënda që e çuan situatën deri te rrezikimi serioz, në përmasa të shkatërrimit të arsimit në gjuhën shqipe.

Pushteti serb me qasje nacionaliste u angazhua në ndryshimin dhe ndalimin e shkollës shqipe në Kosovë. Në të njëjtën kohë, gjendja në universitet u rëndua gjithnjë e më shumë, paralelisht me përkeqësimin e situatës në mbarë Kosovën.

Qendra Universitare nuk përbënte më një vend të sigurt për studentët dhe profesorët shqiptarë. Menjëherë pas përfundimit të semestrit veror të vitit akademik 1990/91, më 28 qershor 1991, Kuvendi i Serbisë vendosi masa të dhunshme në Universitetin e Prishtinës.

Në vitin e ri akademik, drejtimi i dhunshëm, i dominuar nga kuadro serbo-malaziase, e shtoi numrin e studentëve me 923 të rinj, kryesisht serbë të sjellë nga rajone të ndryshme të Serbisë dhe Malit të Zi.

Më 21 gusht 1991, grupi i Helsinkit në Vjenë publikoi një deklaratë ku theksohej se arsimi shqiptar në Kosovë nuk ekziston më dhe se ishte shkatërruar nga Serbia. Megjithatë, me fillimin e vitit 1992, synohej të gjendeshin mundësitë dhe format që shkolla shqipe të niste sërish aktivitetin.

Më 14 shkurt 1992, Universiteti i Prishtinës bëri të ditur se mësimi në nivelin universitar në shkollat shtëpi do të niste më 17 shkurt të atij viti.

The post 35 vjet nga vendosja e masave të dhunshme serbe në Universitetin e Prishtinës appeared first on Albeu.com.

Gjatë këtij aktiviteti, do të bllokohet qarkullimi i automjeteve në perimetrin përreth stadiumit.

Qarkullimi do të lejohet vetëm për mjetet e pajisura me autorizim të posaçëm, ku duhet të jenë të shënuara edhe targat e automjeteve.

Policia do të garantojë dhe sigurojë lëvizjen e tifozëve përgjatë itinerareve të caktuara dhe nuk do të lejojë grumbullime apo kalime jashtë itinerarit të përcaktuar.

Në zbatim të planit të masave, do të ushtrohen kontrolle ndaj tifozëve para hyrjes në stadium për sende të kundërligjshme (sende të forta, bidonë uji, çadra, çelësa metalikë apo lëndë piroteknike etj.). Çdo tifoz duhet të jetë i pajisur me dokument identifikimi.

Nuk do të lejohet hyrja në stadium e shtetasve pa dokument identifikimi. Gjithashtu, fëmijët e mitur nuk do të lejohen të hyjnë pa praninë e prindit ose kujdestarit ligjor të shoqëruar me dokument identifikimi.

Nuk do të lejohet hyrja në stadium e tifozëve të identifikuar më parë nga Policia si problematikë në aktivitete të ndryshme sportive.

Policia e Elbasanit, thotë se kërkon mirëkuptimin e tifozerive për zbatimin e masave të mësipërme, si dhe mirëkuptimin e qytetarëve për shmangien e lëvizjes me automjete në segmentet rrugore të lartpërmendura gjatë orareve të përcaktuara.

The post Ndeshja Elbasani-Vllaznia, policia merr masa, bllokohet qarkullimi i mjeteve në perimetrin përreth stadiumit! Kontrolle të rrepta tifozëve appeared first on Albeu.com.

Gjyqtari Asim Vokshi, pyeti nëse mund të bëhet një dallim mes kryeministrit që nuk mund të pezullohet dhe ministrit i cili është i zëvendësueshëm.

Herald Jonuzaj, përfaqësues i Kryeministrisë, tha se kryeministrit i është shtrënguar dora për të bërë zëvendësimin e ministres, ndërkohë që Apeli mund ta rrëzojë masën e pezullimit të vendosur në shkallën e parë të GJKKO.

Gjyqtari Asim Vokshi: Ju e konsideroni shkarkim pezullimin nga detyra. Ka vend për të bërë një dallim mes pozitës së kryeministrit, i cili mund të argumentohet se është i pamundur të pezullohet, me atë të ministrave të cilët janë të zëvendësueshëm?

Herald Jonuzaj, drejtor juridik i Kryeministrisë: A është duke iu shtrënguar dora kryeministrit për të zëvendësuar një ministër sepse është marrë një masë pezullimi? Kjo mund të bjerë në Apel. A po i shtrëngohet dora kryeministrit? Ne për këtë i jemi drejtuar Gjykatës.

The post Masa e pezullimit ndaj Ballukut në GJKKO/ Përfaqësuesi i Qeverisë: Çfarë ndodh nëse Apeli e rrëzon? appeared first on Albeu.com.

Sipas mediave te huaja, Megan e ka hequr mbiemrin “Byron” nga emri i saj i plotë në platformat sociale.

Ky veprim, ka çuar në pyetje rreth statusit aktual të martesës së saj me Andyn.

Polemika filloi në një koncert të Coldplay në stadiumin Gillette të Bostonit, ku Andy Byron u kap nga kamerat me Kristin Cabot, drejtuesen e Burimeve Njerëzore të kompanisë.

Megan, e cila jeton në Nju Jork me bashkëshortin dhe dy fëmijët e saj, punon në Shkollën Bancroft në Worcester, Massachusetts. Aktualisht ajo shërben si Drejtoreshë e Asociuar e Shkollës së Ulët dhe Pranimeve për Programin Hope Graham, i cili mbështet nxënësit me dallime në të nxënë të bazuara në gjuhë.

The post Bashkëshorti i saj u bë viral duke u përqafuar me punonjësen, gruaja e biznesmenit Andy Byron “merr masa” appeared first on Albeu.com.

Ai akuzon organet e drejtësisë, për veprim të orkestruar politikisht dhe paralajmëron betejë në Gjykatën Europiane për të Drejtat e Njeriut dhe në opinionin publik.

“Askush të mos çuditet nga një drejtësi me regji, ku SPAK përgjon gjykatat dhe ku akuzat formulohen në tribunat e Rilindjes”, shkruan Meta.

Ai u bën thirrje qytetarëve dhe gazetarëve të ndjekin argumentet mbrojtëse të Partisë së Lirisë: Sot, në orën 17:30, përmes një deklarate të Sekretarit të Përgjithshëm, Tedi Blushi. Nesër, në orën 11:00, për një konferencë live për media, ku Meta do të përgjigjet nëpërmjet telefonit ndaj pyetjeve të gazetarëve.

“Nuk ka fuqi që i mbyt të vërtetat e Ilir Metës dhe kauzat e Partisë së Lirisë”, përfundon ai mesazhin e tij.

The post GJKKO e la në burg, Meta njofton konferencë për mediat nga burgu: S’ka fuqi që mbyt të vërtetat e mia appeared first on Albeu.com.

Valbona Xoxa, kishte ankimuar vendimin e GJKKO-së, por gjyqtari Engert Pëllumbi me një vendim të ditës së sotme, 10 mars, e rrëzoi kërkesën e saj.

“Gjykata e Posaçme e Apelit për Korrupsionin dhe Krimin e Organizuar, me trup gjykues monokratik të përbërë nga gjyqtari Engert Pëllumbi, sot më 10.03.2025, shpalli vendimin mbi çështjen penale nr. 12, datë 27.02.2025 regjistrimi, regjistruar mbi ankimin e ankueses V.X., me objekt: “Ankim ndaj vendimit nr. 84, datë 10.02.2025 të Gjykatës së Posaçme të Shkallës së Parë për Korrupsionin dhe Krimin e Organizuar, lidhur me caktimin e masës së sigurimit pasuror, sekuestro preventive, mbi pasurinë e paluajtshme”, dhe vendosi:

Miratimin e vendimit nr. 84, datë 10.02.2025 të Gjykatës së Posaçme të Shkallës së Parë për Korrupsionin e Krimin e Organizuar.

Kundër këtij vendimi mund të bëhet rekurs në gjykatën e Lartë brenda 45 ditëve nga e nesërmja e njoftimit të tij”, thuhet në njoftimin e GJKKO.

The post Apeli i GJKKO rrëzon ankimimin e nënës së Ajola Xoxës, lë në fuqi masën e sekuestrimit të pasurive appeared first on Albeu.com.

Sipas saj, Berisha është arrestuar pa akuza.

Gjithashtu, ajo thekson se ky vendim, i marrë kur hetimet janë mbyllur, nuk është thjesht i pa mbështetur ligjërisht; ai është një absurd juridik që sfidon çdo parim të shtetit ligjor.

Reagimi:

Një vendim absurd nga drejtësia e politizuar
Dje kemi qenë dëshmitarë të një tjetër vendimi politik nga sistemi i drejtësisë: detyrimi për paraqitje ndaj Sali Berishës, liderit të opozitës.

Ky është një akt që sfidon logjikën juridike dhe parimet themelore të drejtësisë.

Ky vendim, i marrë kur hetimet janë mbyllur, nuk është thjesht i pa mbështetur ligjërisht; ai është një absurd juridik që sfidon çdo parim të shtetit ligjor.
Në fakt, absurdi ka shoqëruar çdo fazë të këtij procesi politik.

Berisha është arrestuar pa akuza.

Kryetari i opozitës është mbajtur në arrest shtëpie për 333 ditë, në shkelje të hapur të Kushtetutës dhe ligjeve të vendit.

Është dënuar nga një gjyqtare e shkarkuar për korrupsion nga vetë Presidenti Berisha.

Procesi ka nisur nga një ministër i qeverisë aktuale.

Bazohet në një VKM kolegjiale të miratuar 20 vite më parë.

Me vetëm 4 muaj nga zgjedhjet, është e pamundur të mos e lidhim këtë proces me fushatën elektorale dhe përdorimin e drejtësisë nga pushteti aktual.

Kjo është një “gjueti shtrigash” e orkestruar për të ndikuar në rezultatin zgjedhor.

Ironikisht, duke ndjekur këtë rrugë të gabuar, kundërshtarët e tij po e shndërrojnë Sali Berishën në një figurë të persekutuar padrejtësisht, e cila në vend që të dobësohet, fiton mbështetje dhe solidaritet.

Historia ka treguar se padrejtësitë vetëm i forcojnë figurat si Berisha dhe i rrënjosin më thellë në ndërgjegjen publike.

“Kur drejtësia bëhet e politizuar, ajo humbet çdo lidhje me ligjin dhe shndërrohet në një mjet të pushtetit, duke cenuar themelet e një shoqërie të drejtë dhe të barabartë”.
Drejtësia e politizuar nuk është drejtësi!

The post Masa “detyrim paraqitje” për Berishën/ Reagon Jozefina Topalli: Vendim absurd nga drejtësia e politizuar appeared first on Albeu.com.

Gjithashtu, Kushtetuesja ka pranuar edhe kërkesën e avokatëve të Berishës për “Përshpejtimin e gjykimit”, teksa seanca për të shqyrtuar padinë e ish-kryeministrit është caktuar që të mbahet më 27 Dhjetor në orën 10:00.

Kujtojmë se GJKKO caktoi masën “Arrest shtëpie ndaj Berishës, pasi ky i fundit nuk respektoi vendimin e parë të SPAK për caktimin e masës së sigurisë “Detyrim paraqitje” në lidhje me hetimet për privatizimin e ish-kompleksit sportiv “Partizani”.

Pak ditë më parë, Gjykata Kushtetuese dha vendimin për padinë e Berishës në lidhje me masat e sigurisë të para të lëshuar nga SPAK, “detyrim paraqitje” dhe “ndalim i daljes jashtë shtetit”, ku lideri demokrat i konsideronte të paligjshme pa i hequr imunitetin Kuvendi.

Kushtetuesja mori një vendim në favor të Ramës, duke e lënë sërish kryetarin e opozitës në izolim, pasi sipas saj, masat e sigurisë “detyrim paraqitje” dhe “ndalim i daljes jashtë shtetit” nuk përbëjnë kufizim të lirisë personale dhe për pasojë nuk nevojitet autorizimi nga Kuvendi për zbatimin e saj ndaj deputetit.

Në lidhje me masën “ndalim i daljes jashtë shtetit”, Kushtetuesja deklaroi se kjo ka të bëjë me lirinë e levizjes të garantuar nga neni 38 të Kushtetutës, e cila është e ndryshme nga liria personale e garantuar nga neni 27 i Kushtetutës dhe për pasojë Berisha në cilësinë e deputetit nuk gëzon mbrojtje të veçantë në këtë aspekt.

Në lidhje me parimin e proporcionalitetit të lidhur me standardin e arsyetimit, Gjykata Kushtetuese ka konsideruar si proporcionale vetëm masën “detyrim paraqitje” dhe jo atë të “ndalimt të daljes jashtë shtetit”.

Gjithsesi, duke lënë në fuqi masën “detyrim paraqitje”, Sali Berishës i ngelet në fuqi dhe masa e ndërmarrë më vonë nga SPAK “Arrest në shtëpi”.

Vendimi i sotëm i Gjykatës Kushtetuese:

Kolegji i Gjykatës Kushtetuese të Republikës së Shqipërisë, bazuar në nenin 21, pika 1, të ligjit nr. 8577, datë 10.02.2000 “Për organizimin dhe funksionimin e Gjykatës Kushtetuese të Republikës së Shqipërisë”, të ndryshuar, njofton se në datën 26.11.2024 ka marrë në shqyrtim paraprak kërkesën e paraqitur nga kërkuesi Sali Berisha me objekt: “ Shfuqizimin si të papajtueshëm me Kushtetutën e Republikës së Shqipërisë të vendimit nr. 520, datë 30.12.2023 dhe vendimit nr. 521, datë 27.12.2023 të Gjykatës së Posaçme të Shkallës së Parë për Korrupsionin dhe Krimin e Organizuar Tiranë, të vendimit nr. 15, datë 25.01.2024 të Gjykatës së Apelit për Korrupsionin dhe Krimin e Organizuar Tiranë dhe vendimit nr. 00-2024-667 (94), datë 09.04.2024 të Kolegjit Penal të Gjykatës së Lartë (njoftuar në datën 29.07.2024)”, lidhur me masën e arrestit “Arresti në shtëpi” dhe ka vendosur:

– kalimin e çështjes për shqyrtim në seancë plenare mbi bazë të dokumenteve (pa praninë e palëve), si dhe thirrjen si subjekt të interesuar në këtë proces të Kuvendit të Republikës së Shqipërisë, si edhe të Prokurorisë së Posaçme Kundër Korrupsionit dhe Krimit të Organizuar.

Gjithashtu, po në datën 26.11.2024 Mbledhja e Gjyqtarëve, pasi mori në shqyrtim kërkesën për “Përshpejtimin e gjykimit”, të paraqitur nga kërkuesi Sali Berisha në datën 25.11.2024, ka vendosur:

– pranimin e kërkesës për përshpejtimin e gjykimit, si dhe reduktimin e afateve të palëve për paraqitjen e parashtrimeve dhe qëndrimeve të tyre, si dhe caktimin e seancë plenare mbi bazë të dokumenteve në datën 27.12.2024, ora 10:00.

The post Berisha ankimoi masën “arrest shtëpie”, Kushtetuesja cakton datën e seancës appeared first on Albeu.com.