Por ky përvjetor, ndryshe nga çdo tjetër, nuk u prit me festë. Prindërit e Martinit u zgjuan me një boshllëk në zemër.

Me lule të bardha duke shkruar emrin e djalit të tyre, dhe disa tullumbace, ata shkuan këtë të diel në varreza.

“Martin, ylli më i bukur i qiellit”, shkruhej në një kornizë që ata lanë pranë varrit të tij.

Martini iku nga kjo botë shumë shpejt. Ai humb jetën më datë 18 nëntor, jashtë ambienteve të shkollës “Fan Noli” në Tiranë. Bashkëmoshatari i tij, Mario Perlleshaj akuzohet si autor i ngjarjes.

Nga sherri mbeti i lënduar edhe shoku i Martinit, Luis Meçja.

The post Martini sot do të festonte 15-vjetorin e lindjes, prindërit i shkojnë te varri me lule dhe tullumbace appeared first on Albeu.com.

I ftuar në emisionin “Opinion”, Cani shprehet se situata në familje është e trishtë, teksa tregon se ai dhe bashkëshortja e tij trajtohen me psikologë.

Blendi Fevziu: Si është gjendja në familje?

Engjëll Cani: E trishtë, akoma presim nga drejtësia, akoma nuk kemi asnjë informacion.

Blendi Fevziu:Po djali tjetër, a e mori vesh?

Engjëll Cani: Pak a shumë e kupton, por nuk e pranon dhe vetë thotë “kur të vijë Martini”.

Blendi Fevziu:Nuk ja keni thënë tamam? Po, a e ka kuptuar?

Engjëll Cani: Pak a shumë, është në ato ujëra, Nuk do ta besoj as vetë ai. Më pyet se “kur do të vijë Martini?”. I them se do të vijë shpejt.

Blendi Fevziu: Ju po merrni pjesë dhe në protesta, çfarë kërkoni?

Engjëll Cani: Kërkojmë vetëm drejtësi, mos të heshtet sepse heshja vret shumë.

Blendi Fevziu:Bashkëshortja si është?

Engjëll Cani: Unë dhe bashkëshortja trajtohemi me psikologë.

Blendi Fevziu: Unë i vijoj dhe bëhem pjesë e këtij apeli, kërkoj po ashtu një drejtësi dhe të paktën më shumë transparencë.  

Gjatë fjalës së tij, Cani ka bërë publike një “GoFundMe”, ku do të ndihmohet familja dhe po ashtu do të shërbejë për fondacione në të ardhmen edhe për fëmijët që kanë të njëjtën ëndërr që kishte Martin Cani, sportin.

Blendi Fevziu: Ju keni hapur një llogari GoFundMe për çfarë?

Engjëll Cani: Disa shqiptarë të Amerikës dhe Arditi kanë bërë një kontribut, kanë hapur një webside dhe nusja e vëllaut tim ka hapur një GoFund.

Blendi Fevziu: Përse do të shërbejë GoFund?  

Ardit Gavani: Unë kam një kompani programimi që punoj me shqiptarë në Amerikë dhe jemi një grup që kemi menduar të ndihmojmë familjen dhe të ngremë një memorial online, e cila do të shërbejë dhe për fondacione në të ardhmen që nuk do të jetë vetëm për këtë kauzë, por edhe do të vazhdojë. Në mënyrë prioritare do të jetë për kauzën “Drejtësi për Martinin”, por do të vazhdojë dhe për të rinjtë që kanë ëndrrën që Martini kishte, pra ëndrrën e futbollit, ëndrrën e sportit… Motoja është “ëndrra vazhdon”.

Blendi Fevziu: Si mund të hyj në GoFund?

Ardit Gavani: Nëpërmjet webside www.martincani.al mund ta gjejnë veten ta ndihmojnë ose të kontaktojnë me familjen.

Blendi Fevziu: A janë të garantuara të gjitha donacionet?

Ardit Gavani: Donacionet janë të garantuara dhe çdo transaksion është komplet transparent. Familja ka nevojë për ndihmë. Nuk duam që kjo histori të harrohet, nuk është thjesht një aksident rrugor. Është një ngjarje që duhet të ngrejë të gjithë shqiptarët sepse na prek të gjithëve.

The post Babai i Martin Canit: Kërkojmë drejtësi, unë dhe bashkëshortja trajtohemi me psikologë appeared first on Albeu.com.

Martin, i cili u godit me thikë në zemër pas një sherri ndodhur jashtë shkollës “Fan Noli” në kryqytet, kishte ëndërr të bëhej futbollist dhe ishte i njohur mes shokëve për energjinë dhe buzëqeshjen e tij.

Kjo këngë e Luizit jep një mesazh dashurie dhe kujtimi për Martinin dhe ëndrrat e tij që u prenë në mes.

Në videoklip shfaqen momente nga jeta e 14-vjeçarit, teksa luante futboll apo teksa krijonte kujtime më shokët, vëllanë dhe prindërit që aq shumë e deshën.

The post VIDEO/ Luiz Ejlli bën këngë për Martinin, 14-vjeçarin që u vra me thikë nga bashkëmoshatari appeared first on Albeu.com.

Në nisje të intervistës, ajo ka falënderuar të gjithë shqiptarët për mbështetjen në këtë moment delikat për familjen e tyre.

Me një buzëqeshje në fytyrë dhe lot në sy, Florina Cani iu drejtua me një mesazh Martinit.

Pjesë nga biseda:

Ju falenderoj nga zemra juve dhe gjithë shqiptarëve anë e mbanë botës. Për mua ka qenë një sensibilizim shumë i madh dhe jam mirënjohëse për të gjithë që më kanë mbështetur.

Prandaj, dua që sot këtë emision ta nis me një buzëqeshje, ashtu sikurse ishte djali im Martini.

Martin, ti je lartë na shikon dhe unë të dua pa fund. Ti je i buzëqeshur po edhe unë do buzëqesh si ti.

The post Nëna e Martin Canit me lot në sy i drejtohet 14-vjeçarit: Ti je lartë dhe e di që po na shikon appeared first on Albeu.com.

Në vendin e ngjarjes mësohet të kenë qenë pesë adoleshentë 14-vjeçarë. Dokumentet e siguruara dhe publikuara nga “Review” në Euronews Albania, mësojnë se sipas raportit, Marsel Sina, Luis Meçe dhe Martin Cani kanë qenë të përfshirë në një përplasje me Mario Lleshin dhe Klodion Bekajn. Ngjarja u kthye në tragjedi pasi 14-vjeçari Martin Cani humbi jetën nga një goditje me thikë në zemër, për të cilën Mario Lleshi akuzohet si autor.

Luis Meçe shoku i ngushtë i Martinit, i cili mbeti i plagosur ka thënë se është goditur nga dy persona, duke shtuar se plagët janë shkaktuar nga dy thika të ndryshme. Ai ka kërkuar që ekspertiza mjeko-ligjore të konfirmojë pretendimet e tij. Autori i dyshuar Mario Lleshi, i cili gjithashtu u plagos gjatë përleshjes, po trajtohet në një spital privat, ndërkohë që ndaj tij është dhënë masa e arrestit me burg.

Ka qenë edhe babai i Luisit i cili ka përmendur emrat e përfshirë, duke theksuar miqësinë e ngushtë mes të birit dhe viktimës, Martin Cani. Ndërkohë, roli i dy të rinjve të tjerë, Klodion Bekaj dhe Marsel Sina, mbetet ende i paqartë, pasi nuk janë dhënë detaje mbi përfshirjen e tyre direkte në ngjarje.

The post EMRAT/ Del raporti zyrtar për ngjarjen tragjike te Fan Noli: Pesë adoleshentë të përfshirë në sherrin fatal appeared first on Albeu.com.

Babai i Luisit, djalit të plagosur pas sherrit ku humbi jetën 14-vjeçari Martin Cani, ka shokuar me deklaratën e tij ku tregon se i biri dhe Martini janë goditur nga dy persona, dhe jo vetëm një siç ka njoftuar policia.

Ai ka treguar dhe emrin e personit tjetër që ka goditur Martinin dhe djalin e tij. Sipas tij ai është Kledjon Begaj një shok i autorit të dyshuar, Mario Përlleshaj.

“Po ta them me emër që personi i parë që e ka goditur Luisin me thikë pas shpine është Kledjon Begaj, bashkëmoshatar dhe shok i autorit tjetër. Ky Kledjoni e ka pasur thikën më të vogël thikën dhe këto dëshmi i dhashë sot te Drejtoria e Policisë. Kledjoni e ka goditur i pari në shpatull djalin tim, është më shkurtër si plagë dhe më e ngushtë, herën e dytë e ka goditur ky djali që është kapur Mario, dy herë dhe në fund pastaj e kanë goditur të dy se djali ka ikur i fundit pasi ka parë Martinin të rrëzuar në tokë”, tha babai i Luisit në emisionin Review në Euronews Albania.

Babai i Luisit shprehet se i biri i ka treguar se e ka goditur një person i madh në moshë.

“Ne jemi Komshi me Martinin dhe fëmijët njiheshin që të vegjël, ishin dhe në stërvitje bashkë dhe gjithmonë i merrja unë te dy. Ata ishin të pandarë dhe ishin si vëllezër dhe përveç sportit merreshin dhe me not.

Unë kam folur me Luisin për ngjarjen, dhe ai mban mënd vetëm pjesën e konfliktit, dhe ai ka shkuar atje sepse e ka kërkuar Martini i cili i ka thënë djalit tim që më ka goditur një person i madh në moshë”, thotë babai i Luisit.

Ai tregon se djali i tij Luisi është në intubim pasi thika i ka prekur mëlçinë.

Babai i Luisit ka denoncuar edhe dështimin e shëndetësisë në Shqipëri. Ai tregon se i biri e ka krahun e majtë pothuajse të paralizuar dhe po i bëjnë fizioterapi në mënyrë private pasi nga spitali nuk po i ofrojnë as piskolog as fizioterapi.

“Luisi nuk është më mirë, por nga reanimacioni ka dalë, por është akoma në stres e në panik, goditjet janë shumë të thella, krahun e majtë pothuajse e ka të paralizuar, po i bëjmë fizioterapi në mënyrë private se nga spitali nuk po na ofrojnë asgjë, as piskolog as fizioterapi. Mjekët na kanë thënë që nuk do ketë ndërhyrje të dytë deri sa të shohin gjëndjen në vazhdim. Thika i ka prekur dhe mëlçinë dhe djali është në intubim dhe po presim mos përmisohet. Për momentin po e mbajmë aty por po e mendojmë ta çojmë jashtë se nuk e di se sa kohë do të duhet që me pesë plagë në trup të bëhet ai që ka qenë”, tha babai i Luisit.

The post Policia po fsheh ngjarjen? Babai i të plagosurit: Dy persona goditën Martinin dhe Luisin/ EMRI appeared first on Albeu.com.

Një protestuese ka lexuar mesazhin që i ka ardhur nga nëna e të ndjerit Martin Cani.

“Martini ishte i mbushur me ëndrra dhe jetë. Ja morën të dyja. Mos e provoftë njeri këtë dhimbje. Faleminderit për mbështetjen. Me respekt Florina Cani”-lexoi protestuesja mësuesin.

The post FOTO/ Reagon për herë të parë nëna e 14-vjeçarit të ndjerë Martin Cani appeared first on Albeu.com.

I ftuar në “Real Story”, Balla i pyetur mbi fatin e Ervis Martinaj, theksoi se kjo është një nga çështjet më kryesore të Policisë së Shtetit.

“Unë e kam informacionin që ka deri më tani Policia e Shtetit, dhe sa herë ulemi me Drejtorin e Përgjithshëm për çështjet që ne kemi si çështje, që kanë të bëjnë me prioritetet kryesore të punës së policisë për personat në kërkim, ngjarje të rënda kriminale apo zbulimin e autorëve, edhe kjo ngjarje kriminale, është në grupin e çështjeve prioritare, por do kërkoja mirëkuptimin tuaj për të mos dëmtuar hetime, dhe një punë intenstive, që zhvillohet edhe në këtë moment që flasim për këtë çështje, mos ta komentoj dhe iu jap fjalën që do të vij përsëri në emisionin tuaj me rezultate konkrete shumë shpejt. Jo sot nuk mund t’iu them një përgjigje për këtë çështje”, theksoi ai.

Kujtojmë që për Ervis Martinajn nuk ka asnjë informacion deri më tani. As afati 100 ditor që kryeminsitri Edi rama i vendosi Drejtorit të Përgjithshëm të Policisë, Muhamet rumbullaku, kur mori detyrën, nuk nxorri asnjë të dhënë.

The post Është gjallë apo ka vdekur Ervis Martinaj? Taulant Balla zbulon çfarë po ndodh me hetimet për fatin e të shumëkërkuarit appeared first on Albeu.com.

Tekniku shkodran, në një intervistë live për “News24”, në emisionin “Sport News”, të moderuar nga Enxhi Biba, foli për këtë lëvizje, zbuloi arsyet pse pranoi këtë ftesë. Martini zbuloi ndër të tjera, edhe planin e ri të Teutës, lëvizjet e mundshme në tregun e transferimeve dhe çfarë pret nga ekipi.

A mundet ky grup të rivalizojë sërish për titullin kampion? Martini foli edhe për garën në këtë pikë të sezonit ku në fundjavë përballet me kryesuesit e Tiranës.

The post Rikthim i bujshëm, Martini zbulon prapaskenat, objektivat dhe merkaton e Teutës (VIDEO) appeared first on Albeu.com.

Durrsakët duhet të përmbysin sot në “Elbasan Arena” humbjen 1-0 ndaj Shamrok Rovers, për të kaluar një tjetër raund, si asnjëherë më parë në historinë e tyre.

Më poshtë keni formacionet zyrtare:

The post Teuta-Shamrok, Martini i beson përmbysjes (FOTO LAJM) appeared first on Albeu.com.