Ajo theksoi se gjatë diskutimeve të sotme, kjo ka qenë e vetmja pikë shtesë që ka pasur për Shqipërinë krahas piketave të tjera për grup kapitujt më të rëndësishëm.

“Kur flasim për datat, iu thashë që mbështesim vizionin e qeverisë së Shqipërisë për t’i mbyllur negociatat deri në fund të 2027 dhe pastaj do t’i ngjitemi Korabit së bashku me kryeministrin. Kjo është e vetmja piketë shtesë mbyllëse që kam pasur sot“, tha ajo.

Nga ana e tij, kryeministri Edi Rama propozoi një “sfidë” tjetër dhe i afroi të ngjisnin kullën Eiffel kur Franca të thotë “po, mirë se erdhët në klub”.

“Do të jetë më e vështirë se Korabi”, tha Rama.

Marta Kos: Ky sukses është bërë i mundur për shkak të mbështetjes së qytetarëve shqiptarë dhe falë udhëheqjes tuaj të fortë. Procesi i zgjerimit në të vërtetë, ne mblidhemi sa herë që flasim për kapitujt, për piketat, për grupet, çelje e mbyllje, por gjithçka çfarë bëjmë, e bëjmë për njerëzit.

Dhe kjo mbështetje kaq e lartë në vendin tuaj është udhëheqja më e mirë që mund të ketë vendi. Shqipëria po shfrytëzon këtë moment historik, ku zgjerimi është përparësi e BE-së dhe nëse dikush e kupton që kjo dritare, kjo derë mundësie nuk mund të jetë e hapur gjithmonë, ky është vendi juaj.

Dhe duke kuptuar këtë, ju mund të jeni të suksesshëm. Kur flasim për datat, iu thashë që mbështesim vizionin e qeverisë së Shqipërisë për t’i mbyllur negociatat deri në fund të 2027 dhe pastaj do t’i ngjitemi Korabit së bashku me kryeministrin. Kjo është e vetmja piketë shtesë mbyllëse që kam pasur sot.

Rama: Mund të bëjmë një kompromis, mund t’i ngjitemi kullës Eiffel kur Franca të thotë “po, mirë se erdhët në klub”. Do të jetë më e vështirë se Korabi.

The post Marta Kos: Kur të mbyllen negociatat, do i ngjitem malit të Korabit me Ramën! Kryeministri: Mund t’i ngjitemi kullës Eiffel kur Franca të thotë “po” appeared first on Albeu.com.