Platforma qytetare “Liria ka Emër” do të organizojë më 12 shtator në Prishtinë Marshin për Liri, i cili do të zhvillohet nën moton “KOSOVA PO PRET”.

Marshi do të mbahet katër ditë përpara shpalljes së verdiktit nga Dhomat e Specializuara në Hagë për themeluesit dhe drejtuesit e Ushtrisë Çlirimtare të Kosovës.

Gjatë një konference për media, përfaqësuesit e platformës, Eliza Hoxha dhe Ismail Tasholli, prezantuan aktivitetet që do të zhvillohen para dhe pas marshimit.

Eliza Hoxha deklaroi se prej 6 vitesh “Liria ka Emër”, së bashku me qytetarët, ka kërkuar zhvillimin e një gjykimi të drejtë. Sipas saj, gjatë kësaj periudhe aktakuzat e Prokurorisë janë treguar të paqëndrueshme dhe janë rrëzuar njëra pas tjetrës. Ajo tha se 16 shtatori duhet të shënojë fundin e kësaj sage të errët, ndërsa platforma do të vijojë të qëndrojë pranë të akuzuarve, pa paragjykuar vendimin e drejtësisë apo ndërhyrë në procesin gjyqësor, por duke përcjellë zërin qytetar për drejtësi, dinjitet, kujtesë dhe respekt ndaj historisë së Kosovës.

Hoxha njoftoi se nga nesër do të nisin dy veprimtari: numërimi mbrapsht deri më 16 shtator dhe “Netët e Lirisë”. Numërimi do të fillojë në orën 10:00 në Prishtinë dhe do të vijojë deri më 16 shtator, në orën 10:00, kur pritet të mbahet seanca e fundit e përmbylljes së procesit në Hagë. Ky aktivitet do të shtrihet në të gjitha komunat e Kosovës.

Sipas saj, çdo orë e kaluar do të rikujtojë se Kosova po pret drejtësi, dinjitet dhe kthimin e çlirimtarëve në shtëpi. Ndërkohë, “Netët e Lirisë” do të organizohen në shtatë zonat e Ushtrisë Çlirimtare të Kosovës dhe do t’u kushtohen kujtesës, rrëfimit dhe bashkimit të brezave rreth rrugës së vështirë dhe sakrificave për liri.

Ismail Tasholli u bëri thirrje të gjithë përfaqësuesve të spektrit politik të Republikës së Kosovës që t’i bashkohen Marshit për Liri. Ai ftoi partitë politike shqiptare dhe liderët e 4 partive më të mëdha në vend, z. Kurti, z. Hamza, z. Abdixhiku dhe z. Gjini, që të marrin pjesë dhe të mbajnë adresimin e tyre publik gjatë marshimit.

Tasholli theksoi se ftesa u drejtohet të gjithëve pa përjashtim, jo për fushatë elektorale apo për të shfaqur flamuj partiakë, por në emër të Kosovës, lirisë dhe së ardhmes.

Platforma “Liria ka Emër” do të zhvillojë gjithashtu një aktivitet në Hagë, së bashku me diasporën shqiptare, më 16 shtator. Tasholli tha se në ditën kur vëmendja do të përqendrohet në Hagë, mesazhi nga Kosova deri atje do të jetë i njëjtë: “KOSOVA PO PRET”. Ai shtoi se numërimi mbrapsht do të nisë nga nesër në sheshin e Prishtinës, ndërsa pas 16 shtatorit Kosova nuk do të jetë më e njëjtë.

The post Kosova po pret”: Marsh për Liri në Prishtinë më 12 shtator, katër ditë para verdiktit në Hagë appeared first on Albeu.com.

Gjatë marshimeve në rrugët e Tiranës dëgjohen thirrje si “Ju erdhi fundi”, “Edi Rama, jep dorëheqjen”, “Shqipëria kërkon revolucion”, “Poshtë patronazhistët” dhe “Poshtë sorosianët”.

Revolta qytetare është shtrirë kundër të gjithë klasës politike. Në datat 14, 15 dhe 16 gusht, protestës iu bashkua edhe Diaspora.

The post Protesta kundër Ramës, qytetarët marshojnë në Tiranë: “Ju erdhi fundi”, Shqipëria kërkon revolucion appeared first on Albeu.com.

Sot, prindër dhe fëmijë kanë nisur marshimin nga shkolla “Fan Noli”, në drejtim të Ministrisë së Arsimit.

Në 30 ditë, janë zhvilluar disa protesta për vrasjen e adoleshentit. Në tubime kanë marrë pjesë prindër, fëmijë, politikanë, personazhë të njohur e aktivistë të shoqërisë civile.

Në protesta, qytetarët kanë kërkuar siguri në shkolla për fëmijët dhe dorëheqjen e ministres së Arsimit, Ogerta Manastirliu.

The post Një muaj nga vrasja e Martin Canit/ Prindër dhe fëmijë, marshim nga shkolla “Fan Noli” drejt Ministrisë së Arsimit appeared first on Albeu.com.

Këtij marshimi të rinisë demokratë, iu bashkua edhe lideri i opozitës Sali Berisha.

Nga “Qytet Studenti”, të rinjtë kanë marshuar drejt Kryeministrisë.

Binte në sy pankarta e madhe që mbanin në duar të rinjtë, “lindëm në demokraci jetojmë në diktaturë”.

The post Dita e Rinisë/ Të rinjtë e FRPD-së marshojnë nga “Qytet Studenti” tek Kryeministria, i pranishëm edhe Berisha (VIDEO) appeared first on Albeu.com.

E motra e të ndjerit, Jonida Proga përmes një postimi në rrjetet sociale bën me dije se do të marrë pjesë në këtë homazh. Ndërkohë, të mërkurën në datë 14 u mbajtën homazhe në disa qytete të vendit për humbjen e Egli Progës. Në Pogradec në vendin ku ai ndërroi jetë, mbajti fjalën e motra që kërkoi drejtësi.

“Miq, dashamirës, qytetarë të mirë të vendit tonë që këto ditë tragjike për familjen time na jeni gjendur kaq pranë. Vetëm mbështetja juaj na ka dhënë pak forcë të përballojmë dhimbjen e vrasjes makabre të vëllait tonë, Eglantin Progës. Faleminderit nga zemra të gjithëve kudo jeni.”

Ngjarja po hetohet dhe ende nuk është zbardhur e plotë, megjithëse ka shumë të dhëna. Proga humbi jetën pasi u godit nga Denis Meçe përpara një lokali në Pogradec. Goditja dhe rënia në tokë rezultuan fatale për Progën.

The post Sot marshim për Egli Progën në Tiranë, e motra: Do jem aty edhe për drejtësinë appeared first on Albeu.com.

Në postimin e tij, ai shkruan se nuk do të ndalet derisa të vendoset drejtësi Eglin.

“Bashkë për të mbrojtur të ardhmen tonë, bashkë për të kërkuar drejtësi për Eglin!

Marshojmë nesër në orën 19:30 Nga sheshi Skenderbej – Kryministria, kundër krimit që po shkatërron rendin dhe sigurinë publike, kundër manipulimit të provave nga policia e shtetit dhe drejtësia. Koha për të ngritur zërin dhe për të treguar se fuqia e popullit është më e madhe se e krimit”, shkruan Elton Laska.

Tentativa për të fshehur krimin

Ngjarja e rëndë fillimisht u tentua të fshihej, ku u raportua se babai i dy fëmijë Egli Proga kishte humbur jetën për shkak të konsumimit të tepërt të alkoolit.

Pas publikimit të detajeve në media, reagoi edhe Policia e Pogradecit, duke arrestuar autorin Denis Mece, nga fshati Buçimas, si dhe tre të tjerë për moskallëzim të krimit dhe veprime që pengonin zbulimin e të vërtetës.

Denis Mece është nipi i Valter Gorës, një ish-drejtor në poste të rëndësishme në Juglindje, i arrestuar për korrupsion dhe i përfshirë në shumë afera.

Drejtori i Përgjithshëm i Policisë së Shtetit, Muhamet Rrumbullaku, ka urdhëruar hetim për Policinë e Korçës dhe komisariatin e Pogradecit, nëse ka patur apo jo tentativë për të fshehur ngjarjen.

The post Avokati Elton Laska fton qytetarët në marshim: Drejtësi për Egli Progën! appeared first on Albeu.com.

Policia ka thënë se rreth 35.000 njerëz kanë marrë pjesë në protestë, nën sloganin “Mbrojeni Demokracinë”.

Protesta është mbajtur në qendër të Frankfurtit, i cili njihet si kryeqyteti financiar i Gjermanisë.

Një zëdhënës i Policisë e ka përshkruar atmosferën si paqësore.

Protesta si kjo e së shtunës, janë mbajtur edhe në disa qytete tjera, dhe ato e gëzojnë mbështetjen e kancelarit të shtetit, Olaf Scholz.

Po të shtunën është raportuar për një protestë të ngjashme edhe në Limburg, dhe që numri ka qenë më i madh sesa është pritur – 2.800.

Protestat janë nxitur nga një raport i platformës Correctiv, prej të cilit është bërë e ditur se politikanët e AfD-së kanë mbajtur një takim me ekstremistët e të djathtës ekstreme në Potsdam.

Pjesëtarë të partisë konservatore Unioni Demokristian, partisë më të madhe opozitare, kanë marrë pjesë, po ashtu, në takim.

Në takimin në Potsdam, ekstremistët e krahut të djathtë kanë diskutuar për temat si “riemigrimi”, termë që përdoret prej qarqeve të së djathtës ekstreme si eufemizëm për dëbim të migrantëve dhe minoriteteve.

Në një paraqitje të bërë të premten, Scholz e ka konsideruar riemigrimin si “sulm ndaj demokracisë sonë”.

Ai i ka mirëpritur protestat e planifikuara për fundjavë.

“E them shumë qartë, ekstremistët e krahut të djathtë janë duke e sulmuar demokracinë tonë”, ka thënë ai.

Dhjetëra mijëra njerëz pritet të marrin pjesë në protesta të ngjashme që do të mbahen në qytetet gjermane.

The post Marsh në Frankfurt kundër të djathtës ekstreme appeared first on Albeu.com.

Marshimi do të nisë të dielën në orën 11:30 nga Ministria e Brendshme drejt Ambasadës së Kosovës në Tiranë.

Liridona Ademaj u vra mbrëmjen e 29 nëntorit, një krim i planifikuar nga bashkëshorti i saj Naim Murseli. Ky i fundit kishte paguar njerëz për vrasjen dhe e inskenoi gjithçka sikur të ishte grabitje.

Ai dhe personat e përfshirë kanë pranuar fajin, teksa familja e Liridonës do të zhvarrosë turpin nga varrezat e familjes Murseli.

The post “Drejtësi për Liridonën!” Nesër marshim në Tiranë për vrasjen tronditëse në Kosovë appeared first on Albeu.com.

Qytetarët kanë shoqëruar marshimin e tyre me pankarta ku shkruhen mesazhe të ndryshme, mes të cilave edhe: Bluzat e bardha duhet të shpëtojnë jetë, jo të marrin.

Pas marshimit qytetarët kanë ndezur edhe qirinj në nder të të miturit që humbi jetën tragjikisht para disa ditësh.

The post “Bluzat e bardha duhet të shpëtojnë, jo të marrin jetë”, qytetarët ndëzin qiri për 3-vjeçarin që humbi jetën pas ndërhyrjes në klinikën dentare appeared first on Albeu.com.

Protestuesit janë mbledhur afër bazës së ushtrisë franceze, pas thirrjes që e kanë bërë disa organizata civile të Nigerit, që e kundërshtojnë prezencën e Francës në këtë shtet të Afrikës Perëndimore.

Protestuesit janë parë me mbishkrimet, “ushtria franceze të largohet nga shteti ynë”.

Regjimi ushtarak i Nigerit ka nisur kritika të reja kundër Francës të premten, duke e akuzuar Parisin për “ndërhyrje të madhe”, duke e përkrahur presidentin e rrëzuar të shtetit.

Presidenti Mohamed Bazoum, aleat i ngushtë i Francës, i cili pas fitores në zgjedhjet e vitit 2021 i ka rritur shpresat për stabilitet në Niger, është arrestuar më qershor nga pjesëtarë të gardës së tij.

Më 3 gusht, regjimi ushtarak ka bërë të ditur se do t’i shkëpusë të gjitha marrëveshjet me ushtrinë e Francës, e cila i ka rreth 1.500 ushtarë në Niger, për t’i ndihmuar këtij vendi që ta luftojë xhihadin në rajon.

Udhëheqësit ushtarakë kanë bërë, po ashtu, të ditur për “dëbimin” e menjëhershëm të ambasadorit francez, Sylvain Itte, si dhe tërheqjen e imunitetit diplomatik.

Sipas tyre, prezenca e ambasadorit përbën kërcënim për rendin publik.

Mirëpo, presidenti francez, Emmanuel Macron e ka përgëzuar punën e ambasadorit në Niger, dhe ka thënë se ai vazhdon të qëndrojë atje, pavarësisht se i është dhënë afat prej 48-orësh që të largohet nga shteti, qysh të premten e kaluar.

The post Mijëra persona marshojnë në Niger me kërkesë për tërheqje të trupave franceze appeared first on Albeu.com.