Organizata e Veteranëve të Luftës së UÇK-së ka shprehur mbështetjen për marshin e lirisë që do të zhvillohet më 12 shtator, vetëm katër ditë përpara shpalljes së verdiktit final ndaj ish-udhëheqësve të UÇK-së në Hagë.

Hysni Gucati, kryetar i OVL-UÇK-së, u ka bërë thirrje veteranëve dhe qytetarëve që t’i bashkohen kësaj proteste.

Megjithatë, Gucati ka kritikuar organizatorët për ftesën që i kanë bërë kryeministrit në detyrë, Albin Kurti.

“Nuk mund të jemi aty ku ata i bëjnë thirrje LVV-së, ku lideri i tyre në Kuvend e quan kriminel Hashim Thaçin dhe Kadri Veseli dhe i heq veteranët nga paga minimale”, tha ai.

Ndërkohë, ai njoftoi se kryesia e OVL-UÇK-së ka vendosur ta përjashtojë nga organizata veteranin Skender Llugiqi. Ky i fundit kishte ofenduar ish-komandantin e zonës së Dukagjinit dhe ish-liderin e Aleancës, Ramush Haradinaj.

The post OVL-UÇK i bashkohet marshit të 12 shtatorit, Gucati kundërshton ftesën drejtuar Kurtit appeared first on Albeu.com.