Mbrëmjen e djeshme të dy janë shoqëruar në komisariat, ndërsa mësohet se Buci, ka denoncuar shefin e krimeve të komisariatit Devoll, Pashk Syziu, për dhunë dhe ky i fundit është pezulluar tre ditë nga puna.

Pas ngjarjes ka folur Marsel Buci, i cili ka thënë se është shoqëruar pas kafes që ka pirë me Deizi Arapin, për të cilën pretendon se e ka kërcënuar dhe provokuar. Më pas, thotë ai, e kanë shoqëruar në komisariat ku dhe është dhunuar dhe se Syzia ishte i dehur. “Ndihem i pasigurt” ka thënë ndër të tjerë Buci.

“Mbrëmë kam dalë për kafe dhe jam konfliktuar me fjalë me Deizi Arapin e cila me ka kërcënuar dhe provokuar që unë ta godisja por nuk kam reaguar. Pas debatit më njoftuan nga familja që policia po më kërkonte në shtëpi, erdha në banesë dhe më shoqëruan në komisariat. Atje, në zyrën e shefit të krimeve, ku ishte prezent edhe një punonjëse policie, shefi i krimeve pa asnjë shkak më ka goditur në pjesë të ndryshme të trupit me grushta dhe shkelma. Nuk kam reaguar dhe kam qëndruar i qetë derisa hyri në zyrë një tjetër punonjës policie i cili e qetësoi situatën. Më pas shkoj te drejtoria e policisë dhe bëj denoncimin në AMP. Ndihem i kërcënuar, jam shumë i prekur nga kjo situatë dhe ndihem i pasigurt dhe jo i qetë. Në komisariat mbrëmë mbërriti edhe avokati im, dhe deputeti i Bilishtit Bledjon Nallbati”, ka thënë Buci.

Nga ana tjetër, në një komunikim telefonik me shefin e krimeve Pashk Syziu, ai mohon kategorikisht akuzat, duke thënë se nuk janë të vërteta dhe se ka deshmitarë në zyrë që e vërtetojnë këtë gjë. Po ashtu edhe për akuzat e Marsel Buccit që shefi ka ofenduar Bledjon Nallbatin, edhe kjo mohohet nga ana e shefit të krimeve.

Tashmë priten të përfundojnë hetimet për të zbardhur plotësisht ngjarjen./albeu.com

The post “Deizi Arapi me ka kërcënuar dhe provokuar”, Marsel Buci flet pas pezullimit të shefit të komisariatit Devoll: Më goditi, ishte i dehur appeared first on Albeu.com.

Mbrëmjen e djeshme janë shoqëruar në komisariat shtetasja Deizi Arapi dhe shtetasi Marsel Buçi, të përfshirë në konflikt për djegien e makinës së këtij të fundit.

Gjatë konfliktit në komisariat mes palëve, familjarët e Marselit kanë telefonuar deputetin Bledjon Nallbati, (Marseli punon në biznesin e deputetit) i cili ka qenë prezent në ambientet e jashtme të komisariatit për t’u interesuar për ngjarjen.

Sipas burimeve nga policia, Marsel Buçi pretendon se shefi i krimeve e ka goditur në zyrë, ndërsa është bërë ankesë pranë AMP-së e cila po bën hetime lidhur me këtë rast.

Mësohet se shefi i krimeve është pezulluar për 3 ditë deri sa të vendoset përfundimisht nga hetimet nëse do të ketë shkelje të tij apo do të rikthehet në punë.

The post Çfarë ndodhi këtë herë? “Gangsterja” e Bilishtit, Deizi Arapi, shoqërohet sërish në polici appeared first on Albeu.com.

Pronari i mjetit të djegur, Marsel Buçi është shprehur se dyshon te motrat Arapi, pasi dy javë më parë ato e kishin akuzuar se ky u kishte djegur makinën.

“Nuk kam konflikte me persona të tjerë. Motrat më kanë akuzuar për djegien e makinës së tyre, por unë nuk kam gisht në këtë ngjarje. Makina mu dogj në orën që është djegur edhe makina e vajzave. Çfarë më bënë të mendoj që mesazhi për mua është i qartë” tha Buçi.

Ndërkohë, Diezi mësohet se është liruar pas dëshmisë së saj. Ajo është future live në Instagram, ku nuk ka bërë asnjë koment në lidhje me akuzat ndaj saj, ndërsa shfaqet duke kënduar e kërcyer.

The post Pas shoqërimit në polici, “gangsterja” Deizi Arapi shfaqet duke kënduar e kërcyer (VIDEO) appeared first on Albeu.com.