Ministri i jashtëm i Serbisë, Nikola Selakoviç është takuar me Felix Ramon Plasencia Gonzalez, ministrin e jashtëm të Venezuelës.

Ai e ka falenderuar Gonzalez për mbështetjen e vazhdueshme që i kanë dhënë Serbisë, sidomos për një nga temat më të ndjeshme për ta siç është pavarësia e Kosovës. Selakoviç ka thënë se është falenderues ndaj Venezuelës për pozicionin e qartë të mosnjohjes së deklarimit të njëanshëm të pavarësisë së Kosovës.

Duket se keto deklarata vijnë pas tensioneve të krijuara mes Serbisë dhe Kosovës në veri të vendit, pas vendimit për reciprocitetin e targave të qeverisë Kurti si dhe përfundimit të rezolutës së katër shtatorit mes dy vendeve.

Më 4 shtator të vitit 2020, Kosova dhe Serbia, në prani të ish-presidentit Donald Trump nënshkruan disa marrëveshje bashkëpunimi. Një nga to ishte që Kosova të ndalte për një vit përpjekjet për anëtarësime në organizata ndërkombëtare, ndërsa për Serbinë ishte ndalja e lobimit për mosnjohjen e shtetit të Kosovës./albeu.com

The post Skadon marrëveshja, Serbia i rikthehet fushatës kundër njohjes së Kosovës appeared first on Albeu.com.

Ndërkohë që marrëveshja e firmosur nga Kosova dhe Serbia në SHBA nën administratën e ish-Presidentit Donald Trump, gjithashtu parashtronte që Serbia të mos vazhdonte fushatën e saj kundër Kosovës.

“Kosova (Prishtina) do të pajtohet që ta zbatojë një moratorium njëvjeçar, për të mos kërkuar anëtarësim të ri në organizata ndërkombëtare. Serbia (Beogradi) do të pajtohet ta zbatojë një moratorium njëvjeçar mbi fushatën e saj për çnjohje dhe do të përmbahet nga kërkesa zyrtare ose jozyrtare ndaj ndonjë vendi ose organizate ndërkombëtare, që të mos e njohë Kosovën (Prishtinën) si shtet të pavarur. Të gjitha marrëveshjet për të hequr dorë do të hyjnë në fuqi menjëherë”, thuhej në një nga pikat e marrëveshjes.

Në anën tjetër, përgjatë ditës Departamenti Amerikan i Shtetit ka kërkuar nga Kosova dhe Serbia që të vazhdohet moratoriumi lidhur me çështjet e njohjes.

“Në mënyrë që të mbështetet suksesi i dialogut dhe përpjekjeve të tjera, ne inkurajojmë të dy palët që të mbajnë moratoriumin e tyre mbi çështjen e njohjeve që komplikon përparimin në fushat teknike”, tha një zëdhënës i DASH-it gjatë së premtes.

Po ashtu, nga DASH-i kanë kërkuar respektimin e detyrimeve të dala nga Marrëveshja së Uashingtonit edhe këtë vit nga të dy shtetet.

Ndërkohë që ndaj kërkesës së DASH, qeveria Kurti nuk i është përgjigjur ende, por duke marrë parasysh se kjo e fundit i ka konstatuar disa nga pikat e marrëveshjes dhe se në Kuvend nuk kanë kaluar rezolutën për zbatimin e Marrëveshjes së Uashingtonit, marrëveshja mund të mos zgjatet më./albeu.com

The post Skadon nesër marrëveshja e Washingtonit mes Kosovës dhe Serbisë appeared first on Albeu.com.