Se ka ngecje në këtë drejtim e kanë thënë edhe vet amerikanët, të cilët thanë pas takimeve me Albin Kurtin e Vjosa Osmanin se status quo nuk i konvenon as Kosovës e as Serbisë, duke vlerësuar se kjo do të shkonte ne favor të Rusisë.

Burime të Gazeta Blic kanë rrëfyer ekskluzivisht se në “darkën” në rezidencën e amabasadorit të ShBA-ve në Kosovë, që kanë pasur liderët e opozitës me ndihmësen Sekretaren për Çështje Evropiane dhe Euroaziatike Karen Donfried, aty liderët e isnstiticioneve të Kosovës janë kritikuar ashpër për “mungesën e vullnetit” për dialogun me Serbinë, e që do të rezultonte me një marrëveshje ligjërisht të njohur mes dy vendeve.

“Në takim nuk ka pasur diçka të re konkretisht – marrëveshja me Serbinë ‘nuk është përmendur’ me arsyetimin se nuk ka pas asnjë lëvizje nga qeveria në këtë drejtim. Delegecioni amerikan është shprehur i zhgënjyer me liderët institucional në lidhje me qasjen ndaj dialogut me Serbinë”, ka thënë një burim i Gazeta Blic.

Donfried theksoi se Kosova dhe Serbia duhet të riangazhohen urgjentisht në dialog duke theksuar se status quo-ja është e paqëndrueshme.

“Status quo-ja është e paqëndrueshme; jo vetëm që pengon të ardhmen evropiane të Kosovës dhe Serbisë, por është në dobi të Kremlinit. Rusia dëshiron të prishë çdo unitet dhe konsolidim demokratik në vendet e Ballkanit Perëndimor, duke siguruar që ju dhe fqinjët tuaj nuk mund dhe nuk mund të integroheni në institucionet evropiane dhe euroatlantike. Ai beson se një rajon ballkanik më i fortë, më i begatë dhe elastik demokratikisht është një kërcënim për ndikimin e tij”, tha ajo.

Ndihmëssekretarja amerikane tha se marrëdhëniet e mira në mes Kosovës e Serbisë janë kërcënim ndaj Rusisë.

 

“Marrëdhëniet më të mira mes Kosovës dhe Serbisë kërcënojnë aftësinë e Rusisë për të përçarë, për të krijuar frikë dhe për të nxitur kaos. Mënyra më e mirë për të kundërshtuar përpjekjet flagrante të Kremlinit për të destabilizuar rajonin është e thjeshtë: Kosova dhe Serbia duhet të bashkohen dhe të riangazhohen urgjentisht në Dialogun e lehtësuar nga BE-ja, me mbështetjen e fuqishme të SHBA-së”, deklaroi Donfriend. /BLIC/

 

The post Amerikanët të zhgënyjer me Albin Kurtin, asnjë lëvizje nga ana e tij për marrëveshjen me Serbinë appeared first on Albeu.com.