Me anë të një postimi në twitter, Peleg thekson se është mjaft e lumtur që kompania israelite ka nënshkruar një marrëveshje me “Western Balkan University”, e cila është e para këtij lloji në Shqipëri.

Sipas saj në këtë universitet modern dhe bashkëkohor do të studiojnë të rinj vendas dhe të huaj të cilët do të mund të marrin më shumë njohur dhe zhvillim në profesionet kibernetike dhe më gjerë.

“Urime: H.A.P.I nënshkrova dje një marrëveshje me #WesternBalkanUnivetsity  në #Tiranë për të krijuar të parin e këtij lloji në #Shqipëri – qendër #teknike ekselence në të cilën do të studiojnë studentë, vendas dhe QA, AI, int’l, , në zhvillim, profesione kibernetike dhe më shumë”, shkruan Peleg.

Një ditë më parë Universiteti “Western Balkans” në bashkëpunim me kompaninë izraelite Gold N’ Links themeluan Qendrën e Ekselencës së Teknologjisë.

Presidenti i Universitetit  Prof. Dr. Ferdinand Gjana dhe përfaqësuesi i kompanisë izraelite, Noam Frank nënshkruan marrëveshjen e themelimit.

Qendra e Ekselencës së Teknologjisë synon të sjellë në Shqipëri eksperiencën më të avancuar izraelite në fushën e teknologjisë.

Ajo do të ofrojë  një sërë shërbimesh si për sektorin privat dhe për atë publik, duke filluar nga teknologjia e informacionit, siguria kibernetike, shërbime financiare dhe administrative, ekspertizë ekzekutive dhe teknike në industrinë përkatëse.

Eksperti izraelit i teknologjisë dhe sigurisë kibernetike, Roi Matis Shaposhnik në një intervistë për ABC tregon: Kombinimi i njohurive tona  me njerëzit e  mrekullueshëm, të rinjtë, është një mundësi e rrallë për të ndërtuar një ekosistem të tillë në Shqipëri dhe në rajon. ËBU është një pikë shumë e rëndësishme që na shtyn të përcjellim idetë dhe moton tonë, të mendosh shumë për të çuar Shqipërinë drejt së ardhmes. Ne jemi vendi më i madh në botë kur bëhet fjalë për teknologjinë dhe inovacionin.  Do të kontribuojmë në sigurinë dhe stabilitetin e Shqipërisë  dhe do të aftësohemi  për të krijuar një të ardhme pa frikë për të gjithë. “

Kompania izraelite Gold N’ Links ofron zgjidhje teknologjike dhe produkte të personalizuara për mbrojtjen dhe sigurinë kibernetike si për koorporatat ashtu dhe për  institucionet qeveritare në mbarë botën.

The post WBU marrëveshje me kompaninë izraelite, reagon ambasadorja: Të rinjtë shqiptarë dhe të huaj do të marrin më shumë njohuri kibernetike appeared first on Albeu.com.

“Kjo është një arritje historike që do të forcojë sigurinë e Izraelit, do të sjellë miliarda për ekonominë e Izraelit dhe do të sigurojë qëndrueshmërinë e kufirit tonë verior,” tha zoti Lapid në një deklaratë.

Në Liban, presidenti Michel Aoun tha se kushtet e propozimit përfundimtar të Shteteve të Bashkuara ishin të kënaqshme dhe se ai shpresonte që marrëveshja të shpallej sa më shpejt që të ishte e mundur.

Pakti synon të zgjidhë një mosmarrëveshje territoriale në lindje të Detit Mesdhe, në një zonë ku Libani synon të bëjë eksplorime për gaz natyror. Izraeli nxjerr gaz natyror në fushat aty pranë.

Marrëveshja përcakton për herë të parë një kufi midis ujërave libaneze dhe izraelite dhe krijon një mekanizëm që të dyja vendet të marrin të ardhura nga një fushë gazi në det të hapur që ndodhet mes dy vendeve.

Marrëveshja nuk përfshin kufirin e përbashkët tokësor. Negociatori libanez Elias Bou Saab i tha agjencisë Reuters se varianti përfundimtar i marrëveshjes “merr parasysh të gjitha kërkesat e Libanit”. Izraeli ka bërë hapa përpara në drejtim të prodhimit dhe eksportimit të gazit natyror, por përpjekjet e Libanit janë penguar nga paraliza politike.

Gjetja e gazit do të ishte një ndihmë e madhe për Libanin, i cili është zhytur në krizë financiare që nga viti 2019 dhe mund të tejkalojë problemin e mungesës së prodhimit të energjisë elektrike të mjaftueshme për popullsinë e Libanit. Zoti Lapid, i cili përballet me zgjedhje më 1 nëntor, planifikon të kërkojë miratimin e marrëveshjes nga kabineti i tij i sigurisë të mërkurën dhe më pas nga qeveria, përpara se ajo të paraqitet në parlament. Një zyrtar izraelit tha se miratimi përfundimtar pritet brenda tre javëve të ardhshme.

Instituti për Studimet e Sigurisë Kombëtare i Universitetit të Tel Avivit, e quajti marrëveshjen “të favorshme”.

“Një marrëveshje mes Izraelit dhe Libanit do të përbëjë një zhvillim themelor pozitiv në marrëdhëniet mes dy vendeve dhe mund t’u hapë rrugën ndryshimeve të mëtejshme në marrëdhëniet midis tyre,” thuhet në një raport të tij./VOA

The post Marrëveshje historike Liban-Izrael për kufirin detar appeared first on Albeu.com.

Izraeli kishte mirëpritur një draft fillestar të paraqitur nga i dërguari amerikan Amos Hoxhstein, që ka për qëllim të zhbllokonte prodhimin e gazit në të dy shtetet, duke zgjidhur pretendimet mbi fushat e gazit.

Por, Izraeli javën e kaluar tha se do të kundërshtonte ndryshimet në këtë draft, që po i kërkonte Libani.

Negociatat vazhduan në ditët e fundit dhe Izraeli tha më 11 tetor se propozimi i fundit i Hochstein ka bërë që arritja e marrëveshjes të jetë afër.

“Të gjitha kërkesat tona janë plotësuar, ndryshimet që ne kemi kërkuar janë bërë”, tha përmes një deklarate këshilltari për siguri kombëtare i Izraelit, njëherësh kryenegociatori në këto bisedime, Eyal Hulata.

“Ne kemi mbrojtur interesat e sigurisë së Izraelit dhe jemi drejt arritjes së një marrëveshjeje historike”, shtoi ai.

Libani dhe Izraeli nuk kanë marrëdhënie diplomatike dhe kufiri i tyre tokësor patrullohet nga Kombet e Bashkuara. Të dyja shtetet, teknikisht ende janë në luftë.

Izraeli dhe Libani rinisën negociatat për kufirin detar në vitin 2020, por bisedimet kanë hasur në ngecje të vazhdueshme.

Izraeli tha se është i përkushtuar që të eksportojë më shumë gaz në Evropë për të ndihmuar në zëvendësimin e furnizimeve ruse, pas pushtimit të paprovokuar rus të Ukrainës./rel

The post Izraeli afër marrëveshjes “historike” me Libanin appeared first on Albeu.com.

Marrëveshja, e nënshkruar në një hotel me pesë yje në Kajro, nënkupton që Izraeli të dërgojë më shumë gaz përmes Egjiptit, i cili ka logjistikën për ta kthyer atë në gjendje të lëngshme dhe për ta eksportuar më pas përmes detit.

Presidentja e Komisionit Evropian Ursula von der Leyen tha se memorandumi i mirëkuptimit për gazin (MoU) i nënshkruar në Kajro me Egjiptin dhe Izraelin është një “marrëveshje historike”.

Ndër të tjera, Von der Leyen theksoi se “po ndërtojmë një infrastrukturë” e cila duhet të jetë e gatshme edhe për “transportin e energjisë së pastër të së nesërmes”, përkatësisht hidrogjenit.

Vitin e kaluar, Bashkimi Evropian importoi afërsisht 40 për qind të gazit nga Rusia, dhe për shkak të kësaj ka pasur vështirësi në vendosjen e sanksioneve ndaj Rusisë për pushtimin e saj në Ukrainë.

Ministrja izraelite e Energjisë Karin Elharrar tha se marrëveshja ishte rezultat i pushtimit rus të Ukrainës, i cili shkaktoi një krizë energjetike në mbarë Evropën. Ajo tha gjithashtu se kjo thekson rritjen e bashkëpunimit midis Egjiptit dhe Izraelit, dy shtete që kanë patur armiqësi mes tyre

“Kjo është një deklaratë për ata që shohin në rajonin tonë vetëm forca negative si përçarja dhe konflikti,” tha ajo. “Ky Memorandum Mirëkuptimi na tregon se ne po hapim një rrugë të re partneriteti, solidariteti dhe qëndrueshmërie.”

Ministri egjiptian i naftës Tarek el-Molla e përshkroi marrëveshjen si “një moment historik të rëndësishëm” për bashkëpunimin midis Egjiptit, Izraelit dhe BE-së. Ai tha se kjo do të çojë në bashkëpunim të mëtejshëm midis anëtarëve të Forumit të Gazit të Mesdheut Lindor, ku bëjnë pjesë Jordania, Izraeli, Qipro, Greqia, Egjipti, Autoriteti Palestinez, Franca dhe Italia.

Egjipti ishte vendi i parë arab që bëri paqe me Izraelin, në vitin 1979, por marrëveshjet ekonomike kanë qenë të diskutueshme në vendin më të populluar të botës arabe, ku mbështetja popullore për palestinezët është e lartë. Marrëdhëniet mes dy vendeve janë ngrohur vazhdimisht gjatë viteve të fundit.

Sipas marrëveshjes, gazi izraelit do të sillet nëpërmjet një tubacioni në terminalin LNG të Egjiptit në Mesdhe përpara se të transportohet me cisterna në brigjet evropiane, tha Ministri i Energjisë së Izraelit.

Izraeli ka dy fusha operative gazi në brigjet e tij mesdhetare që përmbajnë rreth 690 miliardë metra kub gaz natyror të kombinuar, dhe një platformë e tretë në det është në ndërtim e sipër. Tashmë Izraeli ka nënshkruar marrëveshje për eksportin e gazit me Egjiptin dhe Jordaninë fqinje./REL

The post BE-ja nënshkruan “marrëveshje historike” për gazin me Egjiptin dhe Izraelin appeared first on Albeu.com.