Në njoftimin zyrtar Departamenti Amerikan i Shtetit thekson se kredia do ta ndihmojë Shqipërinë të përmbushë angazhimin e miratuar në samitin e Hagës për rritjen graduale të shpenzimeve për mbrojtjen në 5% të Prodhimit të Brendshëm Bruto (PBB) deri në vitin 2035.

SHBA vlerëson gjithashtu Shqipërinë si një aleate të NATO-s, duke theksuar se ajo ka qenë e harmonizuar ngushtë me Uashingtonin në çështje kyçe të politikës së jashtme.

“Shtetet e Bashkuara janë krenare të njoftojnë ratifikimin dhe nënshkrimin nga Shqipëria të një kredie të re prej 302 milionë dollarësh për Financimin e Huaj Ushtarak (FMF), e cila do të mbështesë progresin e Shqipërisë drejt përmbushjes së Angazhimit të Mbrojtjes për të shpenzuar 5 përqind të PBB-së për mbrojtje deri në vitin 2035.

Kredia e FMF-së do të ndihmojë në modernizimin e forcave të armatosura të Shqipërisë duke mbështetur prokurimin e kapaciteteve kryesore me origjinë nga SHBA-ja dhe duke forcuar aftësinë e Evropës për të udhëhequr mbrojtjen e vet.

Si një aleate e NATO-s, Shqipëria është lidhur ngushtë me Shtetet e Bashkuara në çështje kritike të politikës së jashtme, duke përfshirë edhe rolin e anëtares themeluese të Bordit të Paqes të Presidentit Trump”, thuhet në njoftimin e DASH.

Reagimi i ministrit të Mbrojtjes

Për njoftimin e DASH reagoi edhe ministrin i Mbrojtjes, Ermal Nufi, i cili thotë se votë besimi strategjike e SHBA-së ndaj Shqipërisë është një hap historik në modernizimin e mbrojtjes shqiptare.

“Mirënjohje Shteteve të Bashkuara të Amerikës për partneritetin e palëkundur strategjik dhe mbështetjen e vazhdueshme në ndërtimin e një mbrojtjeje më të fortë për Shqipërinë, rajonin e më gjerë. Kjo mbështetje do të përshpejtojë modernizimin e kapaciteteve tona ushtarake, do të rrisë gatishmërinë operacionale dhe do të forcojë kontributin e Shqipërisë për sigurinë kolektive të Aleancës”, shkruan Nufi në Facebook.

Ratifikimi ne parlament mes debateve

Kujtojmë që Parlamenti shqiptar miratoi mes debateve huanë nga Shtetet e Bashkuara të Amerikës që synon rritjen e financimit të sektorit të mbrojtjes, duke synuar arritjen e objektivave buxhetore të NATO-s.

Kjo marrëveshje u ratifikua vetëm me votat e socialistëve, pasi PD nuk mori pjesë. Madje opozita e ka çuar në Gjykatë Kushtetuese procedurën e miratimit, pasi sipas tyre u bë në kundërshtim me Kushtetutën.

The post DASH njofton ratifikimin e Marrëveshjes me Shqipërinë për kredinë 302 milionë dollarë për mbrojtjen appeared first on Albeu.com.

Rreth 1 milion e 360 mijë udhëtime janë regjistruar në pikat doganore midis Shqipërisë dhe Kosovës gjatë muajit korrik, duke reflektuar një intensitet të lartë qarkullimi në të dyja anët e kufirit.

Brenda një harku të shkurtër dy-ditor, në katër vendkalimet kryesore — Morinë–Vërmicë, Qafë Prush–Gjakovë, Qafë Morinë–Gjakovë dhe Shishtavec–Krushevë — autoritetet numëruan rreth 22 mijë e gati 60 mijë shtetas që kaluan drejt territorit shqiptar ose atij kosovar.

Pjesa dërrmuese e trafikut është përqendruar te pika Morinë–Vërmicë, e cila shërben si arteria kryesore lidhëse mes dy shteteve dhe konsiderohet ndër më të ngarkuarat në kulmin e sezonit veror.

Ky intensitet i shtuar lidhet kryesisht me pushuesit kosovarë që orientohen drejt plazheve shqiptare, si dhe me valën e emigrantëve nga diaspora, të cilët rikthehen për pushime në vendlindje.

Për të administruar këtë vërshim udhëtarësh, autoritetet po zbatojnë marrëveshjen për lëvizjen e lirë mes Shqipërisë dhe Kosovës, e cila ka thjeshtësuar ndjeshëm procedurat e kalimit gjatë periudhës turistike.

The post Fluksi i pushuesve në kufirin Shqipëri-Kosovë shënon mbi 1 milion kalime gjatë korrikut appeared first on Albeu.com.

Pas zërave të së martës për një marrëveshje paraprake midis Lëvizjes Vetëvendosje dhe Lidhjes Demokratike të Kosovës për qeverisje të përbashkët, LVV-ja ka dalë me një reagim zyrtar.

Arlind Manxhuka, zëdhënës i partisë, bëri të ditur se po angazhohen me të gjitha forcat për të shmangur zgjedhjet e reja dhe për të gjetur zgjidhje për postin e presidentit.

“Angazhimi ynë është maksimal. Jemi proaktivë e konstruktivë në takime e diskutime, të hapur dhe të çiltër për një marrëveshje. Shpresojmë se opozita nuk do të fortifikohet në kundërshtim dhe të na shtyjë sërish drejt kutisë së votimit”, u shpreh Manxhuka.

Një ditë më parë, mediat raportuan se bisedimet LVV-LDK parashikojnë që LDK-së t’i besohen tri poste ministrore dhe karrigia e kryetarit të Kuvendit, ndërsa Vetëvendosjes do t’i njihet e drejta e propozimit për emrin e presidentit.

Këto informacione qarkulluan në një periudhë trazirash të brendshme në gjirin e LDK-së dhe vetëm pak ditë pasi u zhvillua takimi ndërmjet Albin Kurtit dhe Lumir Abdixhikut.

Pas atij takimi, të premten e kaluar, të dy liderët – si ai i LVV-së ashtu edhe ai i LDK-së – konfirmuan se janë pajtuar për takime të mëtejshme, por asnjëri prej tyre nuk përmendi se tashmë është arritur një marrëveshje për ndarjen e posteve apo për krijimin e një koalicioni paszgjedhor.

The post Manxhuka sqaron situatën: A ka marrëveshje mes LVV-së dhe LDK-së? appeared first on Albeu.com.

Në një postim në Facebook, ai ka vlerësuar se ekzekutivi ka refuzuar ta zbatojë Marrëveshjen e Uashingtonit, ndërsa ka pranuar Marrëveshjen e Ohrit, e cila, sipas tij, tashmë po trajtohet si obligim ndërkombëtar për Kosovën.

Hoti ka nënvizuar se Marrëveshja e Uashingtonit vazhdon të mbetet pa u zbatuar edhe gjashtë vjet pas nënshkrimit, duke përfshirë këtu edhe projektin për gazin amerikan.

“Marrëveshja e Uashingtonit nuk u zbatua tash e gjashtë vite. Edhe sot, kur gjithë Evropa është zgjuar në këmbë për të eliminuar plotësisht çdo varësi nga gazi rus, Kurti dhe sejmenët e tij e refuzojnë projektin e gazit amerikan duke përrallisur për alternativa të tjera të furnizimit me energji”, ka shkruar ai.

Sipas Hotit, qasja ka qenë krejt tjetër kur bëhet fjalë për Marrëveshjen e Ohrit.

“Por nuk kanë hezituar të pranojnë Marrëveshjen e Ohrit, e cila sipas Sorensenit tani përbën obligim ndërkombëtar të Kosovës”, ka shtuar ai.

Postimit të tij ai ia ka bashkangjitur edhe një fotografi nga deklarata e djeshme e Peter Sorensen, emisar i Bashkimit Evropian për dialogun Kosovë–Serbi. Gjatë Forumit të Dubrovnikut, Sorensen deklaroi se Marrëveshja e Ohrit përbën zotim ndërkombëtar dhe mbetet në fuqi edhe pse nuk është nënshkruar.

The post Hoti kritikon Qeverinë pas deklaratës së Sorensen në Dubrovnik: Pesë vite rënie diplomatike, u hodh poshtë Uashingtoni dhe u pranua Ohri appeared first on Albeu.com.

Në të njëjtën kohë, ai sqaroi se marrëveshja nuk është përfundimtare dhe paralajmëroi se Uashingtoni mund të kthehet në operacione ushtarake nëse përcakton se Teherani nuk po i përmbush angazhimet e tij.

Duke folur para gazetarëve, Trump përsëriti pikëpamjen e tij se marrëveshja SHBA-Iran është e fortë, pavarësisht se detajet e saj nuk janë bërë ende publike.

“Askush nuk e di saktësisht se çfarë përfshin, por është shumë e fortë”, tha ai.

“Nëse nuk më pëlqen mua, nëse nuk sillen mirë, do të kthehemi menjëherë duke hedhur bomba pikërisht në mes të kokës së tyre, në rregull, sepse janë sjellë keq për 47 vjet”.

The post Trump për marrëveshjen me Iranin: Nuk është përfundimtare, nëse nuk sillen mirë, do t’iu hedhim përsëri bomba mbi kokë appeared first on Albeu.com.

Takimi, i cili kishte në fokus shqyrtimin e marrëveshjes për zgjatjen e armëpushimit mes SHBA-së dhe Iranit, përfundoi pa një vendim përfundimtar.

Sipas burimeve amerikane, pavarësisht progresit të arritur në bisedime, palët vijojnë të mbeten të ndara për çështje thelbësore, veçanërisht sa i përket programit bërthamor iranian.

Sipas deklaratave të Trump, kuadri i marrëveshjes përfshin rihapjen e plotë të Ngushticës së Hormuzit për lundrim të lirë, eliminimin e minave detare në zonë, garancinë se Irani nuk do të zhvillojë armë bërthamore dhe dorëzimin e rezervave të uraniumit të pasuruar te Shtetet e Bashkuara.

Presidenti amerikan ka bërë të ditur gjithashtu se, është i gatshëm të heqë bllokadën amerikane në Ngushticën e Hormuzit, duke lejuar lëvizjen e anijeve që ndodhen të bllokuara në rajon.

“Nuk do të ketë transferim fondesh deri në një njoftim të ri. Çështjet e tjera, më pak të rëndësishme, janë dakordësuar”, ka shkruar Trump në rrjetet sociale.

Sipas zyrtarëve amerikanë, Uashingtoni dhe Teherani kanë arritur në parim një memorandum mirëkuptimi që parashikon zgjatjen e armëpushimit për 60 ditë dhe nisjen e negociatave për të ardhmen e programit bërthamor iranian.

Megjithatë, sipas raportimit të New York Times, Trump është larguar nga mbledhja pa marrë vendimin final që pritej.

Nga ana tjetër, Irani ka reaguar me skepticizëm ndaj deklaratave të presidentit amerikan. Agjencia iraniane Fars i ka cilësuar komentet e Trump si “një përzierje të së vërtetës dhe të pavërtetës”, duke theksuar se memorandumi nuk përfshin shkatërrimin e materialeve bërthamore.

Edhe zëdhënësi i Ministrisë së Jashtme iraniane, Esmail Baghaei, deklaroi se Teherani është i fokusuar te përfundimi i konfliktit dhe jo te negociatat për programin bërthamor.

“Jemi të përqendruar në përfundimin e luftës dhe nuk po zhvillohen negociata për çështjen bërthamore”, tha ai.

Në të njëjtën linjë u shpreh edhe kreu i ekipit negociator iranian, Mohammad Bagher Ghalibaf, i cili deklaroi se Teherani nuk u beson premtimeve të palës amerikane.

Ndërkohë, tensionet mbeten të larta në terren. Armëpushimi i vendosur më 8 prill është shoqëruar me akuza të ndërsjella për shkelje.

Të enjten, Garda Revolucionare Iraniane njoftoi se kishte goditur një bazë ajrore amerikane në Kuvajt, duke pretenduar se ajo ishte përdorur për sulme kundër qytetit-port iranian Bandar Abbas, pranë Ngushticës së Hormuzit.

Komanda Qendrore e SHBA-së (CENTCOM) e cilësoi sulmin si “një shkelje flagrante të armëpushimit”, ndërsa paralajmëroi se situata në rajon mbetet tepër e brishtë dhe e paqëndrueshme.

The post Marrëveshja me Iranin, Trump vendos kushtet: S’do të ketë dakordësi nëse nuk respektohen “vijat e kuqe” të SHBA-së appeared first on Albeu.com.

Zyrtarët thanë se shkëmbimi i teksteve me shkrim synon të sigurojë qartësi dhe përafrim pas një raundi të tensionuar hapjeje. Zyrtarët pakistanezë, duke folur në mënyrë anonime, thanë se udhëheqja politike dhe ushtarake e vendit po inkurajon të dyja palët të arrijnë një zgjidhje të favorshme, për të siguruar paqe të qëndrueshme rajonale.

Shkëmbimi i propozimeve dhe angazhimi teknik

Ekipet teknike iraniane dhe amerikane përfunduan një raund bisedimesh të drejtpërdrejta, me të dyja palët që vazhdojnë të shkëmbejnë tekste me shkrim për çështjet kryesore në diskutim. Mediat e përshkruan atmosferën si gjithnjë e më serioze ndërsa negociatat përparonin.

Mosmarrëveshja e ngushticës së Hormuzit dominon axhendën

Statusi i ngushticës së Hormuzit mbetet pika qendrore e grindjes. Sipas raportimeve, Irani ka refuzuar propozimet për menaxhim të përbashkët të rrugës ujore dhe këmbëngul në ruajtjen e kontrollit të plotë, duke përfshirë autoritetin për të vendosur tarifa tranziti.

Zyrtarët iranianë thanë se asnjë anije nuk do të lejohej të kalonte pa autorizim, ndërsa një zyrtar i lartë ushtarak pretendoi se një anije amerikane që përpiqej të kalonte ngushticën u detyrua të kthehej pas një paralajmërimi.

Operacionet ushtarake të SHBA-së dhe planet e korridoreve detare

Shtetet e Bashkuara kanë intensifikuar praninë e tyre detare në rajon. Komanda Qendrore e SHBA konfirmoi se shkatërruesit e raketave të drejtuara USS Frank E. Peterson dhe USS Michael Murphy kaluan ngushticën e Hormuzit dhe kryen operacione në Gjirin Persik.

CENTCOM tha se ka filluar të krijojë kushte për të pastruar minat detare që dyshohet se janë vendosur nga Korpusi i Gardës Revolucionare Islamike të Iranit. Forca shtesë dhe dronë nënujorë pritet të mbështesin operacionin.

Zyrtarët njoftuan gjithashtu planet për të krijuar një korridor të ri transporti në ngushticë, i cili do të ndahet me sektorin e transportit detar për të siguruar rrjedhën e sigurt të tregtisë.

Udhërrëfyesit e qytetit dhe lokalëve

Netanyahu zotohet për vazhdimin e veprimeve kundër Iranit
Kryeministri izraelit Benjamin Netanyahu tha se Izraeli do të vazhdojë fushatën e tij ushtarake kundër Iranit dhe aleatëve të tij rajonalë, pavarësisht armëpushimit të vazhdueshëm dhe përpjekjeve diplomatike.

Në një postim në platformën e mediave sociale X, Netanyahu deklaroi se Izraeli do të këmbëngulte në përballjen me atë që ai e përshkroi si “regjimi terrorist i Iranit dhe përfaqësuesit e tij”.

The post Përfundon faza e parë e bisedimeve për armëpushim SHBA-Iran në Pakistan appeared first on Albeu.com.

Njëdelegacion amerikan i udhëhequr nga zëvendëspresidenti J.D. Vance dhe një delegacion iranian i udhëhequr nga kryetari i parlamentit Mohammad Bagher Qalibaf u takuan veçmas me kryeministrin pakistanez Shehbaz Sharif në Islamabad.

Ende nuk është konfirmuar nëse do të zhvillohen bisedime të drejtpërdrejta midis Uashingtonit dhe Teheranit.

Sipas mediave të huaja, kushtet kryesore të vendosura nga Teherani përfshijnë çështje që lidhen me Ngushticën e Hormuzit, pagesën e dëmshpërblimeve të luftës, lirimin e aseteve të ngrira iraniane, si dhe arritjen e një armëpushimi më të gjerë në rajon.

Zëdhënësja e qeverisë iraniane Fatemeh Mohajerani tha se vendi duket i hapur për dialog, por theksoi se procesi po kryhet me kujdes të shtuar, për shkak të mungesës së thellë të besimit midis dy palëve

The post Nga dëmshpërblimet për luftën, te Ngushtica e Hormuzit, zbulohen 4 kushtet që Irani kërkon nga SHBA për armëpushimin appeared first on Albeu.com.

Trump akuzoi Teheranin për dështim në garantimin e kalimit të lirë të naftës në këtë pikë kyçe strategjike.

“Irani po bën një punë shumë të keqe dhe disa do të thoshin të pandershme në lejimin e kalimit të naftës përmes Ngushticës së Hormuzit. Kjo nuk është marrëveshja që kemi!”, është shprehur ai.

Megjithatë në një intervistë për NBC, Trump tha se ishte “shumë optimist” se një marrëveshje me Teheranin ishte e arritshme.

Ai pretendoi se udhëheqësit e Iranit “flasin shumë ndryshe kur je në një takim sesa me shtypin. Ata janë shumë më të arsyeshëm”.

Trump shtoi se; “ata po bien dakord për të gjitha gjërat për të cilat duhet të bien dakord. Mos harroni, ata janë pushtuar. Ata nuk kanë ushtri”.

The post Kalimet në Ngushticën e Hormuzit/ Trump: Irani po bën një punë shumë të keqe, kjo nuk është marrëveshja që kemi appeared first on Albeu.com.

“Të gjitha anijet, avionët dhe personeli ushtarak amerikan, me municione dhe armë shtesë… do të mbeten në vend brenda dhe përreth Iranit, derisa MARRËVESHJA E VËRTETË e arritur të zbatohet plotësisht”, tha Trump në platformën e tij Truth Social.

“Nëse për ndonjë arsye nuk është kështu, gjë që është shumë e pamundur, atëherë “Fillojnë të shtënat”, më të mëdha, më të mira dhe më të forta se kushdo që ka parë ndonjëherë më parë”, shtoi presidenti.

Irani kishte thënë më herët të mërkurën se do të ishte “e paarsyeshme” të vazhdonte me bisedimet për të arritur një marrëveshje të përhershme paqeje me Shtetet e Bashkuara, pasi Izraeli goditi Libanin me sulmet e tij më të rënda deri më tani të mërkurën, duke vrarë qindra njerëz.

Të dyja palët dukej se kishin shumë dallime në lidhje me programin bërthamor të Iranit, me Trumpin që tha se Irani kishte rënë dakord të ndalonte pasurimin e uraniumit, dhe kryetarin e parlamentit të Iranit, Mohammed Bager Qalibaf, që tha se lejohej të vazhdonte pasurimin e uraniumit sipas kushteve të armëpushimit.

The post Trump kërcënon me veprime ushtarake nëse Irani nuk i përmbahet marrëveshjes appeared first on Albeu.com.