Të martën, më 11 mars, Komisioni Evropian do të prezantojë të ashtuquajturën “Direktiva e Kthimit” në Strasburg, një kuadër i ri ligjor që synon përshpejtimin e proceseve për riatdhesimin e azilkërkuesve të refuzuar në vendet e tyre të origjinës.

Kjo rregullore do të shërbejë si bazë për 27 shtetet anëtare të unionit. Ndër 52 nenet që përbëjnë rregulloren, duket se ka një propozim në lidhje me krijimin e qendrave të pritjes së emigrantëve në vendet e treta.

Sipas burimeve të BE-së, ende nuk dihet se kur do të prezantohet lista e re e cila do të listojë një nga një vendet e treta “të sigurta”, bazuar në kriteret e reja. Ndryshe nga dy rastet e tjera të përmendura, legjislacioni i BE-së në fuqi nuk parashikon asnjë afat për publikimin e kësaj liste të fundit, theksuan burimet.

Disa shtete anëtare ndër të cilat Italia, Greqia, Gjermania e Austria mbështesin ngritjen jashtë territorit të BE-së të qendrave të kthimit të azilkërkuesve të refuzuar, për të dekurajuar dyndjet masive nga toka dhe deti, që janë shndërruar në një problem serioz, dekadën e fundit.

Një model i ngjashëm është edhe kampi i Gjadrit, i ngritur sipas marrëveshjes së 6 Nëntorit 2023 në Romë mes kryeministrave Rama e Meloni. Plani parashikon dërgimin në Gjadër të deri 36 mijë emigrantëve që shpëtohen nga italianët në ujërat e Mesdheut dhe përpunimin aty të kërkesave për azil.

The post Marrëveshja Shqipëri-Itali si model, prezantohet të martën në Strasburg rregullorja e re për emigrantët appeared first on Albeu.com.

Nga raportimet në medie dhe nga vetë protestuesit bëhet me dije se policia ka penguar aktivistët për të vendosur çadrën “kamp” përpara Bashkisë Lezhë.

Kjo ka sjellë dhe përplasje mes aktivistëve dhe policisë, pasi këta të fundit e quajnë të paligjshëm diçka të tillë.

Intitucione që shkelin ligjin hapur. Në gjyq duhen çu. pic.twitter.com/V8JQdSoDdF

— Arbër Lleshi (@arbrixv) November 26, 2023

Porti i Shëngjinit do të shërbejë si qendër pritjeje për refugjatët që mbërrijnë në Itali nga vendet e treta. Marrëveshja u nënshkrua në Romë mes dy kryeministrave, Giorgia Melonit dhe kreut të qeverisë shqiptare Edi Rama.

Sipas protokollit të bashkëpunimit, kjo qendër pritet të jetë gati pranverën e vitit që vjen dhe do të trajtojë çdo muaj kërkesat për azil të rreth 3 mijë refugjatëve që mbërrijnë në Lampeduza nga Afrika dhe Lindja e Mesme dhe kanë mbipopulluar ishullin e vogël italian.

I gjithë procesi do të mbështetet financiarisht nga Italia, e cila do të bëjë njëherazi edhe seleksionimin e azilantëve.

The post Kundër marrëveshjes me Italinë, protestuesit duan të ngrenë çadër, policia e Lezhës i ndalon appeared first on Albeu.com.

Në draftkalendarin e punimeve për këtë periudhë është edhe marrëveshja e firmosur mes Italisë dhe Shqipërisë për strehimin e emigrantëve të ardhur nga Afrika.

“Për ratifikimin e protokollit, ndërmjet Këshillit të Ministrave të Republikës së Shqipërisë dhe Qeverisë së Republikës Italiane, për forcimin e bashkëpunimit në fushën e migracionit”, i depozituar nga Këshilli i Ministrave në datën 17 nëntor.

Pas shqyrtimit në komisionet parlamentare, pritet që votimi në seancë plenare për marrëveshjen me Italinë të bëhet në 21 dhjetor.

Më 6 nëntor 2023 kryeministri Edi Rama dhe kryeministrja italiane Giorgia Meloni nënshkruan në Romë marrëveshjen për ndërtimin në Shqipëri të dy qendrave për strehimin e emigrantëve. Sipas marrëveshjes për emigrantët porti i zbarkimit do të jetë Shëngjini, ndërsa Gjadri do të jetë kampi ku do të ndërtohet vendqëndrimi i tyre. Kapaciteti maksimal i numrit që do të presë qendra në Shqipëri nuk mund të jetë më shumë se 3 mijë emigrantë në muaj.

Emigrantët do të qëndrojnë në pritje të përgjigjes për azil nga autoritetet italiane në strukturën që do ndërtohet po nga italianët. Shpenzimet do të përballohen nga Italia dhe sipas përllogaritjeve shteti fqinj do t’i paguajë vendit tonë fondin e parë në shumën 16.5 milionë eurove brenda një 3-mujori.

Kohëzgjatja e marrëveshjes do jetë 5 vjet, por mund të shtyhet automatikisht edhe me 5 vite të tjera nëse ndonjëra nga palët nuk komunikon të paktën gjashtë muaj përpara afatit të përfundimit qëllimin e saj për të mos e rinovuar këtë protokoll. Marrëveshja pritet të kalojë dhe në kuvend./albeu.com

The post Miratohet kalendari i punimeve deri më 22 dhjetor! Kur do të kalojë për votim marrëveshja e emigrantëve me Italinë appeared first on Albeu.com.

“Memorandumi i Mirëkuptimit (MoU) midis Italisë dhe Shqipërisë për zbarkimin dhe përpunimin e kërkesave për azil, i përfunduar javën e kaluar, ngre disa shqetësime për të drejtat e njeriut dhe shton një prirje shqetësuese evropiane drejt eksternizimit të përgjegjësive për azil,” tha Dunja Mijatoviç, Komisioneri i Këshillit të Evropës për të Drejtat e Njeriut.

Mijatović tha se marrëveshja ngre pyetje në lidhje me ndikimin që do të kishte zbatimi i tij për të drejtat e njeriut të refugjatëve, azilkërkuesve dhe migrantëve. Këto kanë të bëjnë me çështje të tilla si zbarkimi në kohë, ndikimi në operacionet e kërkim-shpëtimit, drejtësia e procedurave të azilit, identifikimi i personave të cenueshëm, mundësia e ndalimit automatik pa një shqyrtim adekuat gjyqësor, kushtet e ndalimit, aksesi në ndihmë juridike dhe efektiviteti mjetet juridike.

Dunja Mijatoviç tha se memorandumi i mirëkuptimit krijon një “regjim azili ekstra-territorial ad hoc i karakterizuar nga shumë paqartësi ligjore.

“Në praktikë, mungesa e sigurisë ligjore ka të ngjarë të dëmtojë garancitë thelbësore të të drejtave të njeriut dhe përgjegjësinë për shkeljet, duke rezultuar në trajtim të ndryshëm midis atyre që aplikojnë për azil do të shqyrtohet në Shqipëri dhe ata për të cilët kjo do të ndodhë në Itali,” vazhdoi Mijatoviç.

Ajo shtoi se marrëveshja ishte “tregues i një përpjekjeje më të gjerë nga vendet anëtare të Këshillit të Evropës për të ndjekur modele të ndryshme të eksternizimit të azilit si një “rregullim i shpejtë” i mundshëm ndaj sfidave komplekse të paraqitura nga ardhja e refugjatëve, azilkërkuesve dhe emigrantëve”.

Ajo tha se masat e jashtme “rrisin ndjeshëm rrezikun e ekspozimit të refugjatëve, azilkërkuesve dhe migrantëve ndaj shkeljeve të të drejtave të njeriut.

“Zhvendosja e përgjegjësisë përtej kufijve nga disa shtete gjithashtu nxit të tjerët të bëjnë të njëjtën gjë, gjë që rrezikon të krijojë një efekt domino që mund të minojë sistemin evropian dhe global të mbrojtjes ndërkombëtare,” shtoi komisioneri.

“Sigurimi që azili mund të kërkohet dhe vlerësohet në territoret e vetë shteteve anëtare mbetet një gur themeli i një sistemi që funksionon mirë, në përputhje me të drejtat e njeriut, që ofron mbrojtje për ata që kanë nevojë për të. Prandaj është e rëndësishme që shtetet anëtare të vazhdojnë të përqendrojnë energjinë e tyre mbi përmirësimin e efikasitetit dhe efektivitetit të sistemeve të tyre vendase të azilit dhe pritjes, dhe se ato nuk lejojnë që diskutimi i vazhdueshëm rreth eksternalizimit të largojë burimet dhe vëmendjen shumë të nevojshme nga kjo. Në mënyrë të ngjashme, është thelbësore që shtetet anëtare të sigurojnë që përpjekjet e bashkëpunimit ndërkombëtar t’i japin përparësi krijimit të rrugëve të sigurta dhe ligjore që lejojnë individët të kërkojnë mbrojtje në Evropë pa iu drejtuar rrugëve të rrezikshme dhe të parregullta të migracionit”.

The post Këshilli i Evropës i shqetësuar për marrëveshjen Itali-Shqipëri: Mund të shkelen të drejtat e njeriut appeared first on Albeu.com.