Georgia Meloni, ka falenderuar kryeministrin Edi Rama dhe Shqipërinë, për ndihmën që i kanë dhënë vendit të saj në lidhje me zgjidhjen e situatës me emigrantët, duke nënshkruar marrëveshjen që çoi në krijimin e kampit në Gjadër dhe pikës së pritjes në Shëngjin.

Gjithashtu, ajo tha se shpreson që kjo marrëveshje, të jetë shembull edhe për vendet e tjera të BE.

Meloni foli edhe në lidhje me sulmet që janë ndërmarrë ndaj kryeministrit Rama dhe qeverisë së tij nga mediat italiane, veprime që u ndërmorën pas nënshkrimit të marrëveshjes.

“E lumtur që jam këtu dhe kam rastin të takoj kryeministrin Rama që pati mundësinë të verifikonte situatën ku ndodhen punimet.

Vendet tona janë dy vende mike, vende që historikisht kanë bashkëpunuar dhe ta falenderoja edhe popullin shqiptar për mundësinë dhe ndihmën që na dhanë që të realizonim këtë marrëveshje. Shpresoj të ketë shembull edhe për BE. Përsëris afërsinë mes dy vende, për sulmet që i janë bërë Ramës dhe qeverisë së tij. Qeveria shqiptare nuk ka bërë asgjë veçse na ndihmoi. Ishte një fushatë denigruese ndaj qeverisë shqiptare. Nuk është hera e parë që Rama e Shqipëria i ofrojnë bashkëpunim Italisë”, tha ajo.

The post Georgia Meloni: Shpresoj që marrëveshja për emigrantët të jetë shembull për BE, Rama dhe Shqipëria, shënjestër të një fushate denigruese appeared first on Albeu.com.

Duket se qeveria italiane, ndonëse përmes marrëveshjes së firmosur me shtetin shqiptar, ka kundërshtuar vetëveten për faktin se kur do të ishin gati këto dy qendra strehimi, atë në Gjadër dhe në Shëngjin.

Kujtojmë se puna për ndërtimin e këtyre dy kampeve nisi më 23 mars, ndërsa dorëzimi do të bëhet pas 233 ditësh, pra më 10 nëntor.

Media italiane i referohet një vendimi të Ministrisë së Mbrojtjes, që i besoi inxhinierëve ushtarakë ndërtimin e qendrave për emigrantët në Shqipëri.

Sipas tenderit drejtues që duhet të kishin hapur në maj, Ministria e Mbrojtjes pret dorëzimin e punimeve për strukturat në vjeshtë.

Po ashtu, thuhet se kostot rrezikojnë të arrijnë një miliard euro për 5 vite.

The post Marrëveshja për emigrantët/ Qeveria italiane: Kampi nuk hapet më 20 maj, pritet të jetë gati para nëntorit, kostoja 1 mld euro appeared first on Albeu.com.

Sipas marrëveshjes të dyja zonat, me sipërfaqe, gjithsej, 77700 m2 – njëra zonë ndodhet në portin e Shëngjinit, ndërsa zona e dytë në Gjadër, Lezhë – u jepen në përdorim pa kundërshpërblim autoriteteve italiane për 5 vjet (neni 3), me mundësinë e përtëritjes me heshtje edhe për 5 vjet të tjera.

Po kështu pala shqiptare i jep të drejtën palës italiane për të ndërtuar dhe menaxhuar strukturat e nevojshme në këto zona në përputhje me legjislacionin italian, pa pasur nevojë për leje ndërtimi ose formalitete të tjera të ngjashme të kërkuara nga legjislacioni shqiptar. Shpenzimet e bëra nga pala italiane për ndërtimin e strukturave përjashtohen nga taksat dhe detyrimet doganore.

Gjithashtu vëren dhe kufizim të veprimit të legjislacionit shqiptar dhe të juridiksionit të autoriteteve shqiptare në dy zonat ku do të zbatohet Protokolli për Migracionin, çka sjell kufizim të garancive kushtetuese dhe ndërkombëtare të të drejtave të refugjatëve në territorin shqiptar.

Ata rendisin 5 arsye

1 – Qeveria shqiptare i ka kaluar qeverisë italiane të drejtën e përdorimit të dy zonave territoriale, brenda të cilave autoritetet italiane autorizohen të ushtrojnë pushtet publik për çështjet që lidhen me migrantët, duke kufizuar/ndaluar njëkohësisht juridiksionin e autoriteteve shqiptare në këtë pjesë të territorit të vendit. Në vlerësimin tone, Protokolli për Migracionin është marrëveshje ndërkombëtare që ka të bëjë me territorin

2- Kufizimi i veprimit të legjislacionit shqiptar dhe i juridiksionit të autoriteteve shqiptare në dy zonat ku do të zbatohet Protokolli për Migracionin, sjell kufizim të garancive kushtetuese dhe ndërkombëtare të të drejtave të refugjatëve në territorin shqiptar.  Për rrjedhojë, në ndryshim nga shumica, vlerësojmë se Protokolli për Migracionin është marrëveshje ndërkombëtare që ka të bëjë edhe me të drejtat dhe liritë themelore të njeriut.

3- Në kushtet kur Protokolli për Migracionin ka natyrë politike, vlerësojnë se plotfuqia e lëshuar nga Ministria për Punët e Jashtme pas autorizimit të dhënë nga Kryeministri nuk është në përputhje me Kushtetutën, pasi në rastin konkret, autorizimi duhej të ishte dhënë nga Presidenti.

4- Traktati i Miqësisë nuk mund të shërbejë si bazë në drejtim të plotfuqive për negocimin dhe nënshkrimin e Protokollit për Migracionin, ndaj ai nuk mund të përdoret si argument i mjaftueshëm për kushtetutshmërinë e tij. Ai akt nuk ka parashikuar dhe nuk mund të parashikonte që pas 30 vjetësh flukset migratore të paligjshme nga vendet e treta të menaxhoheshin bazuar në atë traktat.

5- Zhvillimet e fundit migratore që po ndodhin në kufijtë e jashtëm të Evropës dëshmojnë se çështja e migrantëve ka marrë përmasa jetike, e cila u ka vendosur të gjitha shteteve barrën dhe presionin dhe ka shtuar vetëdijen e tyre për të gjetur forma dhe mjete për të përballuar vështirësitë. Çmojmë se në rastin konkret duhej gjetur balanca e duhur dhe mekanizmat më efikase për mbrojtjen e përshtatshme të tyre.

Ndërkohë gjyqtarja Elsa Toska ka pasur tjeter mendim ku argumenton se autorizimi për dhënien e plotfuqisë për negocimin dhe nënshkrimin e tij do të duhej të ishte lëshuar nga Presidenti i Republikës./albeu.com

The post Marrëveshja me Italinë për emigrantët, 5 arsyet pse 3 gjyqtarë të Gjykatës Kushtetuese votuan kundër protokollit appeared first on Albeu.com.

Me vendimin e fundit të Kushtetueses, tashmë i hapet rruga për ratifikim Kuvendit dhe Presidentit.

“Vendosëm deklarimin e Protokollit ndërmjet Këshillit të Ministrave të Republikës së Shqipërisë dhe Qeverisë së Republikës Italiane “Për forcimin e bashkëpunimit në fushën e migracionit” në pajtim me Kushtetutën dhe lejimin e ratifikimit të tij nga Kuvendi.

Ky vendim u njoftohet menjëherë Presidentit, Kuvendit dhe Këshillit të Ministrave dhe dërgohet për publikim në Fletoren Zyrtare.

Ky vendim është përfundimtar dhe hyn në fuqi ditën e botimit në Fletoren Zyrtare”, njofton Gjykata Kushtetuese.

Më 6 nëntor në Romë, krerët e dy qeverive, asaj shqiptare dhe italiane, Rama dhe Meloni firmosën një Protokoll për forcimin e bashkëpunimit në fushën e migracionit. Qëllimi i marrëveshjes është ngritja e një kampi refugjatësh në Lezhë, ku Italia të dërgojë 36,000 emigrantë të paligjshëm në vit. Aty emigrantët do të presin përgjigjet e aplikimit për azil. Marrëveshja kërkon që 3000 emigrantët që priten në një muaj, të jenë të gjithë burra.

Marrëveshja në Gjykatën Kushtetuese

Miratimi i këtij protokolli në parlament, që pritej të kalonte vetëm me votat e mazhorancës, u ndalua nga Gjykata Kushtetuese në 6 dhjetor 2023, deri në marrjen e një vendimi përfundimtar të saj (ditën e sotme, 19 shkurt 2024). Kjo pasi në Gjykatën Kushtetuese u depozitua kallëzim nga 30 deputetë të opozitës, për antikushtetutshmëri të kësaj marrëveshjeje.

Në 19 Janar Gjykata Kushtetuese mbajti seancën e parë për shqyrtimin e marrëveshjes, tashmë të njohur si “Rama – Meloni” por nuk doli me një vendim. Ajo i kërkoi qeverisë shqiptare dokumentin ku është bazuar kjo marrëveshje, Traktatin e Miqësisë dhe Bashkëpunimit mes republikës së Shqipërisë dhe asaj të Iltaisë.

Marrëveshja në fjalë parashikon ngritjen e dy qendrave pritëse, në Shëngjin dhe Gjadër, për emigrantët e paligjshëm të gjinisë mashkull që kapen në ujërat ndërkombëtare nga autoritetet italiane. Në qendrën e parë pritet të bëhet verifikimi i të dhënave personale të emigrantëve, ndërsa në të dytën, ata duhet të qëndrojnë deri në përfundim të procedurave për azil. Të dy qendrat parashikohet të jenë nën juridiksionin italian dhe ndërtimi dhe funksionimi i tyre do mbulohet financiarisht nga pala italiane./albeu.com

The post Gjykata Kushtetuese kalon marrëveshjen me Italinë për emigrantët, i hapet rruga për ratifikim Kuvendit appeared first on Albeu.com.

Marrëveshja për emigrantët, e nënshkruar nga kryeministri Edi Rama dhe homologia italiane Giorgia Meloni në Romë, mori dritën jeshile nga Gjykata Kushtetuese, pasi 30 deputetë të opozitës kërkuan rrëzimin e saj duke pretenduar se është antikushtetuese dhe shkel sovranitetin e vendit.

Gjykata argumentoi se kjo është një marrëveshje që nuk ndryshon integritetin territorial dhe se nuk cënon të drejtat e njeriut. Marrëveshja parashikon ndërtimin e dy qendrave në Gjadër për strehimin e emigrantëve. Kapaciteti maksimal i numrit të emigrantëve nuk do të jetë më shumë se 3 mijë.

Emigrantët do të qëndrojnë në pritje të përgjigjes për azil nga autoritetet italiane në strukturën që do ndërtohet po nga italianët. Shpenzimet do të përballohen nga Italia dhe sipas përllogaritjeve shteti fqinj do t’i paguajë vendit tonë fondin e parë në shumën 16.5 milionë eurove brenda një 3 mujori.

The post Senati italian miraton marrëveshjen për emigrantët me Shqipërinë appeared first on Albeu.com.

Marrëveshja, që pritet të ratifikohet nga Parlamenti i Shqipërisë të enjten (8 shkurt), do t’i lejojë Italisë të ndërtojë qendra të përpunimit të emigrantëve në territorin e kombit të Ballkanit Perëndimor, një nga më të varfrit dhe më pak të zhvilluarit në Evropë, shkruan agjencia.

Është shembulli i parë i një vendi jo të Bashkimit Evropian që pranon emigrantë në emër të një kombi të BE-së dhe është pjesë e një fushate në mbarë BE-në për të shtypur imigracionin e parregullt që ka nxitur një rritje të popullaritetit të së djathtës ekstreme.

Emigrantët që mbërrijnë në Itali do të dërgohen me varkë në ish-portin detar të Shëngjinit, tani një destinacion popullor turistik në bregdetin piktoresk të Adriatikut në Shqipërinë veriore. “E mirëpres këtë marrëveshje pasi e ndjej një detyrim shpirtëror sepse fëmijët e mi janë rritur në Itali”, tha Mhill Marku, një ish-oficer shqiptar nga Shëngjini, katër fëmijët e të cilit jetojnë në Itali.

“Italia ishte aty për ne në ditët më të vështira të historisë sonë në vitet ’90, u bë porta e Shqipërisë”, tha Marku duke iu referuar shumë bashkatdhetarëve të tij që emigruan në Itali për të ikur nga kolapsi ekonomik në Shqipëri pas rënies së sundimi komunist.

Emigrantët nga Shëngjini do të udhëtojnë me një makinë në brendësi të qytetit për në qytetin e vogël të Gjadrit, ku do të akomodohen derisa të përpunohen letrat e tyre. Të dy objektet në Shëngjin dhe në Gjadër do të kenë personel italian. Numri i përgjithshëm i emigrantëve të pranishëm në një kohë në Shqipëri nuk mund të jetë më shumë se 3000 sipas marrëveshjes.

Gjykata Kushtetuese e Shqipërisë vendosi më 5 shkurt se marrëveshja ishte “në përputhje me kushtetutën” dhe tha se ajo mund të vazhdonte të ratifikohej në Parlament. Komisioni Evropian ka thënë se skema nuk shkel ligjin e BE-së.

Megjithatë, ekspertët e të drejtave paralajmërojnë se mund të jetë e vështirë për gjykatat italiane që të përpunojnë menjëherë kërkesat për azil ose apelimet kundër urdhrave të ndalimit nga njerëzit e pritur në një vend tjetër dhe se procedurat e gjata mund të vënë një barrë të pajustifikuar mbi migrantët.

The post “Reuters” shkruan për bazën e Shëngjinit ku do të priten emigrantët: Vendi më i pa zhvilluar në Evropë bëhet shembull appeared first on Albeu.com.

Njoftimi:

Sot në datën 18.10.2024, Gjykata Kushtetuese mori në shqyrtim në seancë plenare mbi bazë të dokumenteve kërkesën e paraqitur nga 30 deputetë të Kuvendit të Republikës së Shqipërisë (kërkuesi), me objekt: “Deklarimi i papajtueshëm me Kushtetutën të Protokollit ndërmjet Qeverisë së Republikës Italiane dhe Këshillit të Ministrave të Republikës së Shqipërisë, “Për Forcimin e Bashkëpunimit në Fushën e Migracionit” dhe ndalimi i ratifikimit të tij nga Kuvendi. Pezullimi i procedurave për ratifikimin e Protokollit ndërmjet Qeverisë së Republikës Italiane dhe Këshillit të Ministrave të Republikës së Shqipërisë, “Për Forcimin e Bashkëpunimit në Fushën e Migracionit””.

Gjykata mori në shqyrtim pretendimet me shkrim të kërkuesit, prapësimet me shkrim të subjekteve të interesuara Kuvendi i Shqipërisë (Kuvendi), Këshillit të Ministrave të Republikës së Shqipërisë (Këshilli i Ministrave) dhe Avokatit të Popullit si edhe provat e paraqitura nga keto subjekte, ndersa konstatoi mungesën e prapësimeve me shkrim të Presidentit të Republikës.

Gjatë shqyrtimit të çështjes, Gjykata konstatoi se subjekti i interesuar Këshilli i Ministrave ka prapësuar se Protokolli i Bashkëpunimit është lidhur bazuar në Traktatin e Miqësisë dhe Bashkëpunimit ndërmjet Republikës së Shqipërisë dhe Republikës së Italisë i vitit 1995. Në këto rrethana, Gjykata bazuar në nenin 44/a të ligjit organik të saj vlerësoi se shqyrtimi i këtij Traktati është i nevojshëm për hetimin e plotë të çështjes, ndaj vendosi t’i kërkojë Këshillit të Ministrave paraqitjen e kësaj prove dhe për këtë shkak, seanca plenare e radhës do të zhvillohet në datën 24.01.2024, ora 11.30.

Sa i takon kërkesës së grupit të deputetëve për marrjen e opinionit këshillimor nga Gjykata Evropiane e të Drejtave të Njeriut, Gjykata vendosi të rezervohet për t’u shprehur në përfundim të shqyrtimit gjyqësor.

The post Marrëveshja me Italinë për emigrantët, Gjykata Kushtetuese i kërkon qeverisë paraqitjen e provave appeared first on Albeu.com.

Por për deputetin e PD, Gazment Bardhi kjo do të ishte një shkelje flagrante e ligjit për sa kohë që nuk është shprehur ende Gjykata Kushtetuese lidhur me këtë çështje.

Në një deklaratë për mediat Bardhi theksoi se Gjykata Kushtetuese ende nuk ka marrë vendim për kalimin në seancë gjyqësore të kërkesës së deputetëve të opozitës lidhur me marrëveshjen e Shqipërisë për Italinë, për refugjatët.

“Në një akt të paprecedent, me heshtje dhe në shkelje flagrante të Kushtetutës, Gjykata Kushtetuese ende nuk ka marrë vendimin për kalimin në seancë gjyqësore të kërkesës së deputetëve të opozitës lidhur me Marrëveshjen me Italinë për emigrantët, akt që shoqërohet me pezullimin e procedurës parlamentare të ratifikimit të saj nga Kuvendi. Shqyrtimi paraprak i kërkesës është një proces formal, që nuk kërkon shqyrtimin në themel dhe as kohë për analizë të thelluar.

Duke shfrytëzuar mosveprimin në kohë të Gjykatës Kushtetuese, nën dyshimin serioz të një koordinimi mes tyre, Edi Rama urdhëroi Kuvendin që të afrojë me një javë procedurën e miratimit nga Parlamenti, duke e përfshirë në Rendin e Ditës të seancës së nesërme, datë 14 Dhjetor 2023.

Edhe pse është njoftuar zyrtarisht për përshpejtimin e procedurave në Kuvend, mosveprimi në kohë i Gjykatës Kushtetuese për një çështje me natyrë urgjente, praktikisht asgjeson mundësinë e kontrollit kushtetuese mbi përmbajtjen e marrëveshjes, që detyrimisht shqyrtohet përpara ratifikimit.

Ky përbën aktin më të shëmtuar të dhunimit flagrant të Kushtetutës nga vetë Gjykata Kushtetuese, si një tjetër provë e kontrollit të plotë të saj nga Edi Rama. Asgjesimi i mundësisë së kontrollit kushtetuese, si një e drejtë kushtetuese e deputetëve të opozitës, është atentat ndaj shtetit ligjor dhe rrënon besimin e publikut tek paanësia dhe pavarësia e Gjykatës Kushtetuese.

Duke shprehur mospajtimin me mosveprimin në kohë të Gjykatës Kushtetuese dhe dhunimin flagrant të Kushtetutës prej saj, Grupi Parlamentar i Partisë Demokratike apelon anëtarët e Gjykatës Kushtetuese që ti përmbahen betimit për t’ju nënshtruar vetëm Kushtetutes dhe jo interesave apo porosive politike të Edi Ramës. Ata duhet të heqin dorë mënjeherë nga bllokimi i shqyrtimit paraprak në kohë të kërkesës së deputetëve të opozitës, duke urdhëruar përpara ratifikimit të nesërm pezullimin e procedurës parlamentare.

Zbatimi i Kushtetutës duhet të jetë i vetmi udhërrëfyes i veprimtarisë së anëtarëve të Gjyaktës Kushtetuese, dhe jo pengmarrja me projektligj apo premtimi korruptiv i Edi Ramës për rritje të shfrenuara të pagave të tyre, në këmbim të dhunimit flagrant të Kushtetutës dhe rolit që Gjykata Kushtetuese luan në një shoqëri demokratike”, tha Bardhi.

The post Marrëveshja për emigrantët votohet nesër në Kuvend, Bardhi: Shkelje flagrante e ligjit, nuk është shprehur Gjykata Kushtetuese appeared first on Albeu.com.

Kryetari i Bashkisë së Lezhës, Pjerin Ndreu, në një intervistë për “Vendi im” në Tirananews, shprehet skeptik se një gjë e tillë të ndodhë. Gjithsesi, Ndreu nënvizon se nëse ajo do të zbatohet, do t’i kërkojë qeverisë dy garanci. “Nuk kam gjë për të fshehur fare. Nëse do të ndodhë qeveria duhet të mendohet mirë se Lezha duhet të bëhet epiqendra e zhvillimit.

Nëse ja ka deleguar Lezhës këtë kosot, duhet të përballojë edhe koston e ndryshimit të këtij vendi që më shumë se çdo qytet tjetër ka nevojë dhe garancitë: 1- Sigurinë dhe 2- investimet. Në të dhënat që kam unë, ndoshta nuk do të ndodhë. Sepse ka disa procedura ligjore që do duhet të kalohen edhe në shtetin fqinj edhe tek ne. Por edhe nëse ndodh, duhen 2 garanci: Garancinë e sigurisë që mos të jenë në territorin e Lezhës të lirshën duke lëvizur, dhe e dyta, Lezha duhet të jetë qendra e investimeve për shkak të kontributit që jep dhe kostove që merr”, thotë kreu I Bashkisë së Lezhës

Kryebashkiaku Ndreu thekson se Lezha duhet të konsiderohet si pritëse nga qeveria italiane dhe të mbështetet. “Së pari kemi të bëjmë me qënie njerëzore në nevojë dhe e dyta është se shqiptarët kanë qënë vetë pjesë e këtij emigracioni, pjesë e kësaj problematike, pjesë e keqtrajtimit, pjesë e paragjykimit, pjesë e racizmit, pora kemi qënë vetë dhe shqiptarët nuk mund ta prodhojnë të njejtën gjë. Por standardi duhet të ruhet dhe nëse do vijnë, unë do kërkoj që Lezha të konsiderohet edhe si pritëse nga qeveria italiane, në idenë e mbështetjes me investime, të stimulimit të gjithçkaje që ka të bëjë me turizmin këtu. Dhe qeveria duhet të fokusohet në Lezhë, pasi është nje sakrificë që ne mund ta bëjmë, por jo pa kosto. Me koston e zhvillimi të qytetit”, thotë Ndreu.

Ai sqaron se porti dhe aeroporti i Gjadrit janë nën menaxhimin e qeverisë e jo të bashkisë dhe kërkon që të shmanget keqpërdorimi politik. “Dy gjëra duhet të shmangen në këtë histori. E para e punës keqpërdorimi politik dhe për pasojë racizmi. Pra, janë dy element të papranueshëm për mua. Pastaj diskutojmë për gjithçka, ka leverdi apo nuk ka. Nuk jam në gjendje ta them sot ka apo nuk ka leverdi, por nëse do të ndodhë – unë dyshoj se jo – por nëse do të ndodhë, do të kërkojë garancitë e mia si drejtues I pushteti lokal që sistemi i shërbimit në Gjadër të jetë shumë i fortë.

Në praktikën tonë në nuk kemi prurje dhe dalje masive të afrikanëve, sepse po t’i mbushet mendja, për 24 orë ta mbushin Shqipërinë dhe nuk I ndalon dot. Por nuk e shohin si opsion as të dalin jashtë as ardhjen në Shqipëri. Kjo është pozitive në kuptimin e frikës së disave dhe ka një shembull për këtë. Jemi këtu në Shëngjin ku ne kemi përpunuar 4000 vetë dhe nuk ka ndodhur asgjë. I njëtji debat u bë edhe atëherë”, deklaroi Ndreu.

The post Pjerin Ndreu skeptik për marrëveshjen e emigrantëve me Italinë: Ndoshta nuk do të ndodhë, do kërkoj garanci dhe investime appeared first on Albeu.com.

Ai theksoi se për asnjë arsye nuk ka se si të jetë antikushtetuese pasi i ka kaluar të gjitha fazat.

Manja: Marrëveshja me Italinë në dijeninë time është bërë publike dhe është marrëveshje që janë bërë publike edhe arsyet e nënshkrimit. Është e drejtë e gjithkujt ta çojnë në GjK, por nuk ka se si të jetë antikushtetuese kur ka kaluar të gjitha fazat. Ka kaluar të gjitha filtrat./albeu.com

The post Marrëveshja me Italinë për emigrantët, Manja: I ka kaluar të gjitha filtrat! appeared first on Albeu.com.