marreveshja e prespes Archives - Albeu.com

Shkupi qetësohet pas paralajmërimit grek, Siljanovska-Davkova: E respektojmë Marrëveshjen e Prespës

Xh — Mon, 27 May 2024 19:25:57 +0000

Presidentja Gordana Siljanovska-Davkova konsideron se nuk e ka shkelur Marrëveshjen e Prespës kur dha deklaratën solemne në Kuvend dhe kur shqiptoi Maqedoni në vend të emrit kushtetues Maqedonia e Veriut.

“E kam respektuar Marrëveshjen e Prespës dhe e respektoj tani. Unë e firmosa deklaratën me emrin aktual, emër nga Marrëveshja e Prespës.

Megjithatë, unë besoj gjithashtu në lirinë e shprehjes së mendimit, lirinë e vetëidentifikimit dhe lirinë e vetëvendosjes, të cilat nuk mund të jenë vetëm kolektive dhe t’u referohen kombeve, por mund të jenë edhe individuale.

Pra, për mua, liria e mendimit si pjesë e Deklaratës Universale të Lirive dhe të Drejtave, si pjesë e Konventës për Mbrojtjen e Lirive dhe të Drejtave, si pjesë e Konventës së BE-së për të Drejtat Themelore, i lejon njerëzit të shprehin veten dhe unë nuk shikoj se këtu e kam shkelur Marrëveshjen e Prespës”, tha Siljanovska-Davkova.

The post Shkupi qetësohet pas paralajmërimit grek, Siljanovska-Davkova: E respektojmë Marrëveshjen e Prespës appeared first on Albeu.com.

KE-ja fton Shkupin dhe Athinën t’i përmbahen Marrëveshjes së Prespës

Xh — Mon, 20 May 2024 10:04:54 +0000

Zëdhënësi i Komisionit Evropian (KE) për Euractiv, tha se Marrëveshja e Prespës midis Greqisë dhe Maqedonisë së Veriut duhet të zbatohet nga “të gjitha palët” dhe me “vullnet të mirë”.

Kjo vjen pas mosmarrëveshjes së re midis Athinës dhe Shkupit për çështjen e emrit.

Kriza e re diplomatike midis dy vendeve shpërtheu pasi presidentja e re e Maqedonisë së Veriut, Gordana Siljanovska-Davkova, e cila vjen nga radhët e VMRO-DPMNE-së, refuzoi të përdorte emrin zyrtar të vendit gjatë inaugurimit të saj më 12 maj.

Siljanovska e quajti vendin “Maqedoni” në vend të “Maqedonia e Veriut”, emri zyrtar kushtetues pas marrëveshjes së vitit 2018 me Greqinë për ndryshimin e emrit, e njohur ndryshe si Marrëveshja e Prespës.

Incidenti ka ngjallur reagime në të gjithë Evropën dhe Shtetet e Bashkuara, të cilat kanë frikë nga një ringjallje e kontestit, e cila shihet si një plagë e hapur për rajonin e Ballkanit.

Komisioni Evropian thotë se “të gjitha palët” duhet t’i përmbahen marrëveshjes.

“Marrëdhëniet e mira fqinjësore dhe bashkëpunimi rajonal mbeten thelbësore për procesin e zgjerimit. Marrëveshjet ekzistuese dypalëshe duhet të zbatohen me mirëbesim nga të gjitha palët, përfshirë edhe Marrëveshjen e Prespës ndërmjet Maqedonisë së Veriut dhe Greqisë”, tha zëdhënësi i Komisionit Evropian për Euractiv.

Marrëveshja e Prespës i hapi rrugën Maqedonisë së Veriut për anëtarësim në NATO dhe fillimin e negociatave për anëtarësim në BE.

The post KE-ja fton Shkupin dhe Athinën t’i përmbahen Marrëveshjes së Prespës appeared first on Albeu.com.

“Është fyerje për ne”, ish- ministri i Jashtëm thirrje diplomatëve të huaj: Mos na quani “maqedonas të veriut”

E S — Sun, 07 Aug 2022 12:46:41 +0000

“Kohët e fundit është bërë më i shpeshtë përdorimi i termit inekzistent “Maqedonasit e Veriut” nga përfaqësuesit e vendeve – mike që mbështesin Marrëveshjen e Prespës”, shkruan ai.

Por një nga dy shtyllat kyçe të kompromisit të Marrëveshjes së Prespës është pikërisht vetëvendosja si maqedonas që flasin gjuhën maqedonase, diçka që vetë Marrëveshja e garanton.

Me fjalë të tjera, “Maqedonia e Veriut” është e mundur vetëm nëse në të jetojnë maqedonasit, së bashku me bashkëqytetarët e tyre dhe kjo duhet respektuar.

Prandaj, çdo përdorim i termit “Maqedonasit e Veriut” përveç që është fyerje për maqedonasit, është edhe cenim i Marrëveshjes së Prespës.(INA)

The post “Është fyerje për ne”, ish- ministri i Jashtëm thirrje diplomatëve të huaj: Mos na quani “maqedonas të veriut” appeared first on Albeu.com.