Sipas tij, autoritetet kanë konfiskuar pajisjet e komunikimit të të dyshuarit dhe tani mbetet të verifikohet nëse ai ka pasur kontakte gjatë kësaj kohe, me kë ka komunikuar dhe çfarë përmbajtjeje kanë pasur ato komunikime.

“Marrja në pyetje është duke vazhduar. Pajisjet e komunikimit janë konfiskuar, le të shohim nëse ai mund të ketë pasur komunikim gjatë kësaj periudhe dhe me kë, cila është përmbajtja e atij komunikimi. Nuk do të nxitohesha të bëja ndonjë kualifikim nga fqinji ynë lindor”, tha sot kryeministri Hristijan Mickoski, duke komentuar rastin e personit që u vuri flakën dy automjeteve në Ambasadën bullgare, si dhe reagimet e partive politike dhe të udhëheqjes shtetërore në Bullgari.

Mickoski e dënoi sërish ashpër këtë incident dhe u shpreh se pret që të zbardhet plotësisht gjithçka që qëndron pas këtij rasti.

Ndërkohë, Prokuroria Themelore Publike në Shkup ka nisur procedurë ndaj një 44-vjeçari nga Shkupi, i dyshuar për veprën penale “Shkaktim i rrezikut të përgjithshëm”. Për të është caktuar masa e paraburgimit prej 8 ditësh.

The post Mickoski për të dyshuarin e zjarrit pranë Ambasadës bullgare: I janë marrë pajisjet e komunikimit, do të verifikohet me kë ka kontaktuar appeared first on Albeu.com.

“Ne propozojmë një zgjidhje me të cilën kryeministri Rumen Radev do t’i kërkonte BE-së që të ndalojë absolutisht të gjitha fondet evropiane që ndahen për Republikën e Maqedonisë së Veriut. Kjo është e vetmja zgjidhje funksionale që do ta detyrojë fqinjin tonë të ndërmarrë reforma reale, sepse shohim se ai nuk ka dëshirë për reforma dhe për t’u anëtarësuar në BE.”

Ai kritikoi edhe forcat politike në Bullgari, duke përmendur GERB, DPS dhe PP-DB, për të cilat tha se mbështetën heqjen e vetos ndaj Maqedonisë së Veriut, raportojnë mediat bullgare.

“Jemi dëshmitarë të parullave të zbrazëta të disa fajtorëve nga Bullgaria – GERB, DPS dhe PP-DB, të cilët mbështetën heqjen e vetos ndaj Maqedonisë së Veriut”, theksoi ai.

Sipas Georgievit, kjo situatë është e papranueshme, ndërsa përgjegjësinë për zhvillimin e politikës së jashtme ua atribuoi kryeministrit atje dhe Këshillit të Ministrave.

“Ne shohim se për vite me radhë, kjo politikë e jashtme dhe veprime të buta nuk çuan në asgjë pozitive, dhe situata po përkeqësohet. Rezulton se të gjithë taksapaguesit evropianë përfundojnë duke shpenzuar para për Maqedoninë e Veriut”, shtoi Georgiev.

Ai vlerësoi po ashtu se mosreagimi i BE-së po e nxit fushatën antibullgare./Telegrafi/

The post Georgiev paralajmëron propozim për Radev: Të kërkohet nga BE pezullimi i të gjitha fondeve për Maqedoninë e Veriut appeared first on Albeu.com.

Në një publikim në Facebook, Fondacioni thekson se synimi i kësaj bllokade është që kryeministrit Hristijan Mickoski t’i dërgohet një mesazh demonstrativ se, sipas tyre, nuk mund të vazhdojë persekutimi i bullgarëve në vend, sulmet ndaj tyre dhe vendimet gjyqësore që ata i cilësojnë si të sajuara kundër bullgarëve.

“A jeni gati të bllokoni në mënyrë demonstrative dhe paqësore tre pikat kufitare me Maqedoninë e Veriut dhe t’i tregoni Mickoskit se kjo nuk mund të vazhdojë dhe se ne do të reagojmë ndaj këtij agresioni që Shkupi po kryen kundër nesh! Le t’i tregojmë Mickoskit dhe regjimit të tij se nuk mund të vazhdojnë të tallen me Bullgarinë dhe popullin bullgar!”, deklaruan nga Fondacioni “Maqedonia”.

Ky zhvillim vjen dy ditë pasi në Ambasadën Bullgare në Shkup u dogjën dy automjete diplomatike, një ngjarje që është vlerësuar si formë terrorizmi. Sipas Fondacionit bullgar “Maqedonia”, bllokada nuk ka për qëllim të ndalojë qytetarët të kalojnë kufirin, por të tregojë se autoritetet në Shkup nuk mund të vazhdojnë me represionin ndaj Kryeministrit Mickoski./Telegrafi/

The post Fondacioni bullgar “Maqedonia” paralajmëron bllokim të tre pikave kufitare me Maqedoninë e Veriut këtë të diel appeared first on Albeu.com.