Ministri i Punëve të Jashtme, Timço Mucunski, deklaroi se hetimi për rrjedhjen e notës diplomatike nga Bullgaria, që lidhet me udhëtimin e bashkëshortes dhe djalit të kryeministrit Hristijan Mickoski në qendrën e skive “Pamporovo”, duhet të zhvillohet atje ku ekziston njohuria më e madhe për këtë çështje.

I pyetur nga “Lokalno” nëse ministria do të hetojë mundësinë që nota diplomatike të ketë dalë nga ambasada e RMV-së në Bullgari, Mucunski tha: “Nga pikëpamja zyrtare, e kemi mbyllur temën me Sofjen dhe presim një përgjigje të përshtatshme nga ana e tyre. Sipas mendimit tim, nuk është në frymën e miqësisë dhe fqinjësisë së mirë të thuhet se ky është informacion i vjetër, nuk është mirë kur bëhet fjalë për komunikim diplomatik”.

Javën e kaluar, kryeministri Mickoski u shpreh se për këtë incident kishte njoftuar aleatët e NATO-s, pasi sipas tij bëhej fjalë për një rast që cenonte sigurinë e tij dhe të familjes së tij.

Në reagimin e saj fillestar, Sofja zyrtare mohoi që nota diplomatike të kishte rrjedhur nga Ministria e tyre e Punëve të Jashtme, duke arsyetuar se bëhej fjalë për një ngjarje të ndodhur kohë më parë. Rasti lidhet me një udhëtim të bashkëshortes së Kryeministrit në janar të këtij viti./Telegrafi/

The post Mucunski: Çështjen me Sofjen e konsiderojmë të mbyllur, tani presim reagimin e tyre appeared first on Albeu.com.

Marrëdhëniet mes Maqedonisë dhe Bullgarisë po vazhdojnë të tensionohen përmes episodeve të ndryshme diplomatike. Lidhur me këtë çështje foli historiani Naum Kajçev, një prej anëtarëve të Komisionit të Përbashkët për Çështje Historike dhe Arsimore.

Sipas mediave bullgare, Kajçev tha se zhvillohen takime dhe bisedime, por pa u arritur rezultate konkrete dhe pa vendime që mund të miratohen e zbatohen nga qeveritë e të dyja shteteve.

Ai rikujtoi se në periudhën kur Komisioni u formua, kishte vendime dhe tekste që ishin miratuar nga të dy qeveritë. Megjithatë, sipas tij, ato fatkeqësisht nuk po gjejnë zbatim. Po ashtu, ai theksoi se prej vitit 2019 puna e Komisionit ka mbetur “e bllokuar në një vend” dhe po “punon kot”.

Kajçev deklaroi se takimet vazhdojnë dhe se i fundit është mbajtur në fillim të qershorit, më 3-4 qershor të këtij viti në Shkup. Por, sipas tij, për fat të keq ende nuk po arrihet asnjë rezultat. Ai shtoi se nga pala tjetër mungon vullneti për të dëgjuar burimet historike dhe, mbi të gjitha, për të marrë vendime konkrete.

Historiani u shpreh gjithashtu se diplomacia evropiane e ka të qartë gjendjen reale në Maqedoni, ndërsa si dëshmi për këtë përmendi Raportin e Parlamentit Evropian.

“Vlerësimet për vendin nuk janë aspak lajkatuese. Theksohet se nuk ka pasur përparim vitin e kaluar. Ka edhe vërejtje në fushën e ekologjisë. Edhe sistemi politik i vendit vlerësohet vetëm si ‘i kënaqshëm’”, deklaroi Kajçev.

The post Kajçev: Komisioni i Përbashkët historik mes Maqedonisë dhe Bullgarisë ka mbetur i bllokuar dhe pa efekt appeared first on Albeu.com.

Në një deklaratë për agjencinë shtetërore bullgare “BTA”, MPJ-ja e Bullgarisë theksoi se, siç ishte bërë e ditur edhe më herët, nota e bërë publike ka të bëjë me ngjarjet e 6 janarit 2026. Sipas tyre, rrethanat e këtij rasti vazhdojnë të sqarohen, ndërsa është urdhëruar një inspektim për të përcaktuar të gjitha faktet që lidhen me trajtimin e notës brenda Ministrisë së Punëve të Jashtme.

Disa ditë më parë, diplomacia bullgare kishte mohuar se kishte shpërndarë informacion për udhëtimin e familjes së Mickoskit. Madje, ajo ishte distancuar nga rasti, me arsyetimin se bëhej fjalë për ngjarje të ndodhura kohë më parë dhe se, për këtë shkak, ato nuk mund të trajtohen si kërcënim i menjëhershëm për sigurinë.

Nga ana tjetër, Mickoski deklaroi në një intervistë për RTVM-në, me rastin e dy vjetëve të mandatit të Qeverisë, se pas provokimeve të ndodhura gjatë periudhës së fundit qëndron një fushatë e organizuar bullgare në vendin tonë. Sipas tij, qëllimi i saj është të promovojë gjëra të papranueshme përmes një ose dy figurave politike.

The post MPJ-ja bullgare paralajmëron verifikim për notën diplomatike që lidhet me familjen e Mickoskit appeared first on Albeu.com.

Duke folur në “Samo Intervju”, Mucunski tha se ishte “tmerrësisht i zhgënjyer” nga përgjigja që erdhi nga Sofja, në lidhje me njoftimin e djeshëm të Ministrisë së Punëve të Jashtme bullgare për publikimin e notës diplomatike lidhur me udhëtimin e anëtarëve të familjes së ngushtë të kryeministrit Hristijan Mickoski në Pamporovo në fillim të vitit.

Ai përsëriti se deklarata nuk përfshin një mohim të qartë se materiali është rrjedhur nga Ministria e Punëve të Jashtme Bullgare, por vetëm lë të kuptohet se ngjarja ka ndodhur kohë më parë.

“Përgjigjja ishte në thelb se ka ndodhur shumë kohë më parë. Nuk ishte as një mohim i qartë, por se incidenti ka ndodhur shumë kohë më parë”, shtoi Mucunski.

Mucunski thekson se minimumi që priste nga Sofja zyrtare ishte një dënim i publikimit të notës diplomatike, duke e krahasuar këtë me mënyrën se si veproi Ministria e Jashtme e RMV-së dhe institucionet në vend, të cilat dënuan menjëherë djegien e dy automjeteve diplomatike përpara ambasadës bullgare në Shkup, që ndodhi së fundmi./Telegrafi/

The post Mucunski: Jam thellësisht i zhgënjyer nga reagimi i Sofjes për publikimin e notës diplomatike për udhëtimin e familjes së kryeministrit në Bullgari appeared first on Albeu.com.

Ministri i Jashtëm i Maqedonisë së Veriut, Timço Muçunski, zhvilloi një bisedë me ambasadorin bullgar Angell Aleksandrov Angelov, pasi në mediat bullgare u publikua nota diplomatike e dërguar për udhëtimin e bashkëshortes dhe djalit të Mickoskit në qendrën dimërore Pamporovo në fillim të këtij viti.

Sipas Muçunskit, pala maqedonase nuk ka kërkuar vetëm sqarime, por edhe një hetim të plotë për mënyrën se si ai dokument përfundoi në opinion. Ai tha se deri në këtë fazë nuk kanë marrë asnjë sqarim dhe asnjë kërkimfalje. Ndërkaq, kryeministri Mickoski ka deklaruar se për këtë çështje ka informuar edhe NATO-n.

Nga ana tjetër, Ministria e Punëve të Jashtme e Bullgarisë mohoi se ka qenë e përfshirë në publikimin e një note diplomatike që lidhet me udhëtimin e familjes së Mickoskit në Pamporovë, duke theksuar se dokumenti nuk ka të bëjë me ndonjë kërcënim aktual, por me çështje të së kaluarës.

“Ministria e Punëve të Jashtme nuk ka shpërndarë notë diplomatike apo ndonjë korrespondencë tjetër zyrtare që lidhet me vizitën në Bullgari të anëtarëve të familjes së një përfaqësuesi zyrtar të një vendi tjetër. Informacionet që qarkullojnë në publik ditët e fundit kanë të bëjnë me një notë verbale të datës 6 janar 2026 dhe lidhen me ngjarje nga e kaluara e largët. Në këtë moment, ky informacion nuk mund të merret si bazë për përfundime se ekziston një kërcënim i drejtpërdrejtë për sigurinë e qytetarëve të Bullgarisë apo të ndonjë vendi tjetër”, tha Ministria e Punëve të Jashtme e Bullgarisë.

Ndërkohë, partia në pushtet OBRM-PDUKM vijon të kërkojë përgjegjësi dhe njëherazi akuzon edhe LSDM-në për heshtje ndaj asaj që e cilëson si skandal diplomatik. Sipas deputetit Brane Petrushevski, rasti përmban të dhëna të ndjeshme që lidhen me sigurinë e kryeministrit Mickoski dhe familjes së tij.

“Në vend të kërkimit të faljes dhe marrjes së përgjegjësisë nga Sofja zyrtare, publiku mori heshtje. Por edhe më e zëshme është heshtja e të dërguarit të posaçëm bullgar, Venko Filipçes. Personi i cili prej muajsh i relativizon qëndrimet bullgare dhe paraqitet si avokati i tyre më i zëshëm në Maqedoni, sot nuk ka asnjë fjalë apo dënim për këtë skandal diplomatik”, tha Brane Petrushevski – deputet i OBRM-PDUKM-së.

The post Sofja hedh poshtë publikimin e notës diplomatike, Shkupi kërkon shpjegime dhe përgjegjësi appeared first on Albeu.com.

Ministri Mucunski deklaroi se nga institucionet bullgare janë kërkuar sqarime për këtë rast, por deri tani, sipas tij, nuk është kthyer asnjë përgjigje.

Ai nënvizoi se, po të kishte ndodhur një situatë e tillë në Maqedoni, si ministër do të kishte kërkuar falje.

Në notën diplomatike jepen hollësi për itinerarin e ndjekur nga gruaja dhe djali i Mickoskit, përfshihen të dhënat e tyre personale, si edhe informacion mbi eskortën policore që i ka shoqëruar dhe armët që ajo posedonte. Po ashtu, në dokument kërkohet që Bullgaria të ofrojë siguri policore në Pamporovo dhe, nëse paraqitet nevoja, edhe mbrojtje gjatë gjithë qëndrimit./Telegrafi/

The post MPJ kërkon sqarime dhe hetim nga autoritetet e Sofjes për publikimin e notës mbi udhëtimin e familjes Mickoski appeared first on Albeu.com.

Pas takimit me homologun e saj nga RMV, Afrim Gashi, në kuadër të seancës së 13-të plenare të Asamblesë Parlamentare të Procesit të Bashkëpunimit të Evropës Juglindore, Dotsova theksoi se ky qëndrim nuk mund të rinegociohet dhe se janë të domosdoshme ndryshimet kushtetuese.

Ajo ngriti gjithashtu shqetësimet e Sofjes për atë që i cilësoi si demonstrata anti-bullgare, si edhe për djegien e automjeteve diplomatike të misionit diplomatik bullgar. Sipas saj, autori i krimit duhet të marrë një ndëshkim të drejtë.

Nga ana tjetër, Gashi e ftoi Dotsovën dhe delegacionin parlamentar për një vizitë në Maqedoni.

Siç është raportuar më herët nga kabinetit të Gashit, Kryetari i Parlamentit të Maqedonisë i ka thënë homologut të tij bullgar se krijimi i narrativave të përqendruara te e kaluara rëndon marrëdhëniet mes Maqedonisë dhe Bullgarisë.

The post Dotsova: Shkupi duhet të përmbushë konsensusin evropian të vitit 2022 për të vijuar procesin drejt BE-së appeared first on Albeu.com.

Sipas tij, në një periudhë të shoqëruar me sfida gjeopolitike, vendet e rajonit duhet të dëshmojnë përgjegjësi dhe pjekuri politike, ndërsa parlamentet, përmes diplomacisë, duhet të forcojnë besimin dhe bashkëpunimin mes tyre.

Gashi deklaroi se Maqedonia e Veriut vazhdon të jetë e përkushtuar ndaj marrëdhënieve të mira fqinjësore, duke nënvizuar se integrimi në Bashkimin Evropian përfaqëson një orientim strategjik të shtetit, i mbështetur prej dekadash.

Ai theksoi gjithashtu se vendi ka kaluar një proces të vështirë, duke marrë vendime dhe kompromise historike në funksion të rrugës së tij evropiane.

Duke folur për integrimin, Gashi u shpreh se Maqedonia e Veriut i ka plotësuar kriteret dhe ka marrë vlerësime pozitive, por shpesh është përballur me kushte dypalëshe, të cilat kanë krijuar ndjenjë padrejtësie te qytetarët.

Në këtë kontekst, ai kërkoi që procesi i anëtarësimit në BE të zhvillohet mbi baza të parashikueshme, të drejta dhe sipas kritereve evropiane, duke paralajmëruar se zvarritjet dëmtojnë besimin ndaj projektit evropian.

The post Gashi nga Sofja: Rajoni ka nevojë për dialog, ndërsa RMV kërkon eurointegrim të drejtë dhe të parashikueshëm appeared first on Albeu.com.

Ky shqetësim u paraqit në një letër të eurodeputetes Denica Saçeva, dërguar Presidentit Pablo Espan dhe anëtarëve të grupit EHP/HD PSSE, pak përpara nisjes së sesionit veror të asamblesë që mbahet në Strasburg nga 22 deri më 26 qershor.

Në letrën e saj, Saçeva vlerëson se djegia e dy automjeteve diplomatike përpara ambasadës bullgare në Maqedoni nuk duhet parë si një ngjarje e veçuar.

Sipas saj, ky incident bën pjesë në një varg më të gjerë dhe shqetësues sulmesh që, gjatë viteve të fundit, kanë shënjestruar institucionet, organizatat dhe qytetarët bullgarë në Republikën e Maqedonisë së Veriut.

Ajo solli në vëmendje edhe “sulmin ndaj Qendrës Kulturore Bullgare në Maqedoni në vitin 2023, vandalizmin ndaj Ambasadës Bullgare në janar 2026, zjarrvënien e Klubit Kulturor Ivan Mihajllov në Manastir dhe sulmin serioz ndaj Hristijan Pendikov, sekretarit të Klubit Kulturor Car Boris III në Ohër”.

Saçeva theksoi se këto episode, sipas saj, pasqyrojnë një prirje të vazhdueshme dhe shqetësuese armiqësie ndaj institucioneve, organizatave dhe qytetarëve bullgarë në Maqedoninë e Veriut. Ajo e lidhi këtë klimë me retorikën negative ndaj Bullgarisë dhe bullgarëve në disa debate politike dhe publike, me reagimin e pamjaftueshëm ndaj gjuhës së urrejtjes, si edhe me mungesën e parandalimit efektiv ndaj personave përgjegjës për veprime të tilla.

The post Bullgaria e çon në Këshillin e Evropës çështjen e djegies së automjeteve diplomatike në Maqedoninë e Veriut appeared first on Albeu.com.

Para gazetarëve, në takimin e sotëm, Gashi bëri të ditur se në fokus të bisedimeve do të jetë bashkëpunimi parlamentar, duke nënvizuar se deri tani ai nuk ka qenë intensiv. Sa u përket ndryshimeve kushtetuese, ai tha se do të ritheksojë qëndrimet që tashmë janë bërë publike, të cilat sipas tij përfaqësojnë si pozicionin shtetëror, ashtu edhe bindjen e tij personale.

“Duhet të flasim, duhet të ecim përpara, të gjejmë një mënyrë për të qenë së bashku në BE. Mendoj se e ardhmja duhet të na bashkojë, jo e kaluara, kështu që po shkoj me mendim pozitiv dhe dua të marr pjesë në përmirësimin e marrëdhënieve midis dy vendeve tona dhe dy parlamenteve”, tha Gashi.

Duke folur për raportet mes dy kuvendeve, ai theksoi se situata politike në Bullgari dhe zgjedhjet e shpeshta atje kanë pamundësuar deri më tani krijimin e një komunikimi të mirëfilltë dhe të drejtpërdrejtë me parlamentin bullgar.

“Tani po përpiqemi të krijojmë komunikim të mirë me përbërjen e re pas zgjedhjeve parlamentare atje”, tha Gashi.

Në takimin që po mbahet në Sofje tashmë janë të pranishëm dy deputetë, ndërsa Gashi do t’u bashkohet atyre nesër.

Një javë më parë, në kuadër të SEECP-së që u drejtua nga Bullgaria, në takime në Sofje morën pjesë edhe Presidentja Gordana Sijanovska Davkova dhe Ministri i Jashtëm Timcho Mucunski.

The post Gashi udhëton nesër drejt Sofjes për takim me kryeparlamentaren bullgare: Qasjet tona për ndryshimet kushtetuese mbeten të pandryshuara appeared first on Albeu.com.