Bëhet fjalë për çiftin e shumë komentuar Meghan Markle dhe Princ Harry. Ky i fundit nuk u mendua dy herë kur hoqi dorë nga familja mbretërore për sigurinë e bashkëshortes së tij.

Së fundmi në një intervistë për “Sot” Tyler Perry, një mik shumë i afërt i dyshes ka zbuluar më shumë detaje rreth marrëdhënies së tyre. Ndër të tjera ai u shpreh se dashuria e tyre është e vërtetë dhe e pamposhtur.

“Ajo që unë di për ata të dy dhe ajo që dua që bota të dijë, është se sa shumë e duan ata njëri-tjetrin,” tha ai. Më tej, shtoi: “Ata gjetën njëri-tjetrin, gjë që nuk kishte gjasa. Dashuria e tyre është me të vërtetë prekëse dhe thjesht doja të bëja gjithçka që mundja për t’i mbështetur.”

Kujtojmë që Perry ishte personi që iu shtriu dorën Meghan dhe Harry-t, pasi dyshja u shkëputën nga Britania e Madhe, për tu zhvendosur në Amerikë.

Harry, Meghan dhe djali i tyre, Archie, qëndruan në shtëpinë e Perry për tre muaj përpara se Duka dhe Dukesha e Sussex-it të blinin shtëpinë e tyre në Montecito, Kaliforni.

Sakaq në maj të këtij viti aktorja dhe Princi festuan përvjetorin e katër të martesës së tyre, ku janë edhe prindër të dy fëmijëve djalit, Archie dhe vajzës Lilibet.

The post “Dua që bota të dijë”, miku i ngushtë nxjerr “zbuluar” Harry-n dhe Meghan, si është marrëdhënia e tyre brenda shtëpisë appeared first on Albeu.com.