Fabrika është e trashëguar nga familjarët e saj.

Ajo ka qenë për vite me radhë e angazhuar në fushatë, për një sistem taksash më të drejtë në vendin ku jeton.

“25 milionë euro mund të rishpërndahen, sepse shteti nuk i rishpërndan, këto para janë mbledhur sepse nuk tatohen. Domethënë i kam sepse qeveria nuk ka përmbushur mandatin e saj për të siguruar që pasuria të shpërndahet në shoqëri në mënyrë të tillë që të mos përfundojë e pabarabartë në duart e mia vetëm sepse jam në këtë botë, në këtë familje të veçantë, me këtë mbiemër”, tha Marlene Engelhorn.

Asambleja do të përbëhet nga 50 qytetarë të zgjedhur në mënyrë të rastësishme.

Nën drejtimin e ekspertëve, ata do të vendosin se si dhe kujt duhet t’i ndajnë paratë.

Marlene, është shprehur se nuk do të ndërhyjë aspak në këtë proces.

The post Inspiruese, trashëgimtarja austriake shpërndan pasurinë, dhuron 25 milionë euro appeared first on Albeu.com.

Sipas mediave të hujaja bëhet me dije se e reja ka refuzuar një shumë të madhe parash të lënë trashëgimni.

Paratë do t’i jepeshin asaj pasi ishte mbesa e Traudl Engelhorn, një nga themeluesit e kompanisë BASF, kompania më e madhe kimike në botë.

Traudl renditet në vendin e 687 të njerëzve më të pasur në botë, sipas revistës Forbes, dhe ai donte që mbesa e tij të trashëgonte fitimet e bëra gjatë më shumë se një shekulli. Megjithatë, Marlene tha se do të heqë dorë nga 90 % e shumës totale. Marlene thotë se vendimi i saj bazohet në drejtësinë sociale dhe në faktin se ajo nuk ka nevojë për ato para. Përveç kësaj, ajo nuk dëshiron të përfshihet në problemin e mbajtjes së një pasurie me vlerë kaq të madhe.

“Kur gjyshja më tha gjithçka që do të ishte e imja, nuk dija çfarë të bëja me të, por më pas fillova t’i pyesja njerëzit përreth meje për këshilla, fola me ekspertë dhe arrita në përfundimin se nuk duhej të ishin të miat, kanë para për të cilat unë nuk kam punuar. Vërtet e mendova që nuk mund të isha e lumtur kështu. Nuk është çështje vullneti, por drejtësie. Nuk kam bërë asgjë për këtë trashëgimi. Ky është fat i pastër në shortin e lindjes dhe rastësi e pastër.”, tha Marlene.

The post Ndodh edhe kështu! Studentja refuzon trashëgiminë miliarda euroshe: Nuk i meritoj appeared first on Albeu.com.

Nuk është një histori përrallash, por vendimi i Marlene Engelhorn, një prej trashëgimtareve të gjigantit kimik Basf, kompani me 111 mijë punëtorë që ka shpikur dhe prodhuar ndër dekada nga ngjyrat kimike, tek acidi sulfurik, deri te teknologjia që përdorej në videokasetat. Edhe pse pjesë e mirë e aksioneve të Basf i përket tashmë fondeve ndërkombëtare, një pjesë i përket gjithsesi familjes së krijuesit të kompanisë, Friedrich Engelhorn.

Marlene, që ende studion, mendon se nuk i meriton të gjithë ato para. “Nuk është punë vullneti, por korrektësie, nuk kam bërë asgjë për këtë trashëgimi, jam thjesht rezultati i një lotarie genetike, rastësi totale. Nuk duhet të më përkiste mua vendimi sesi t’i shpenzojë paratë e familjes. “Jam një person që ka gëzuar pasurinë e familjes gjithë jetën, dhe e di sa i deformuar është modeli i sotëm ekonomik”, janë fjalët e saj.

Për këtë arsyeje, Marlene ka themeluar një lëvizje e përbërë nga trashëgimtarë të pasur që i kërkon shtetit të rrisë dukshëm taksat për familjet e pasura, e quajtur Taxmenoë.

Normalisht, Malene nuk është naive, dhe gjithsesi ka pranuar 10% të trashëgimisë, rreth 400 milionë euro, mjaftueshëm për një jetë përrallore për gjenerata. Por për trashëgiminë e plotë ajo thotë, nuk di vërtetë çfarë mund të bëja me to”.

Disa, më cinikë, mendojnë se trashëgimtarët e kompanisë që pothuajse në mungesë të çdo reklame fiton më shumë se 60 miliardë euro në vit, ka vendosur të tregojë një fytyrë më njerëzore, pas një të kaluare problematike.

Gjatë nazizmit, kompania ndërtoi fabrikën kimike më të madhe në botë në afërsi të Aushvicit, dhe prodhoi gazin Zyklon-B që shkaktoi vdekjen e qindra mijëra hebrenjve në kampet e përqendrimit .

Ende sot, sipas disa raporteve, si ai i universitetit të Masaçuset fabrika cilësohet si ndotësi i dytë më i madh në botë të ujërave, i katërti i ajrit.

The post ÇUDIA/ Studentja refuzon trashëgiminë 4 miliardë euro: Nuk kam bërë asgjë për t’i merituar appeared first on Albeu.com.