Një valë lamtumirash ka përfshirë botën e futbollit, teksa emra të rëndësishëm kanë vendosur të mbyllin kapitullin e tyre me fanellat përfaqësuese pas këtij Botërori. Nga portierë legjendarë deri te sulmues ikonë, plot 11 yje kanë konfirmuar largimin nga skena ndërkombëtare.

Manuel Neuer, gardiani gjerman 40-vjeçar, ka vendosur t’i japë fund rrugëtimit me “Die Mannschaft”. Ai shkëlqeu në vitin 2010 në debutimin e tij në Kupën e Botës dhe preku majat katër vjet më vonë, duke u kurorëzuar kampion bote në Brazil. Fatkeqësisht, periudha e fundit nuk ka qenë po aq e ndritur për Gjermaninë dhe eliminimi me penallti kundër Paraguait shënoi ndeshjen e tij të fundit me përfaqësuesen.

Sulmuesi çek Patrik Schick, 30 vjeç, që mahniti publikun në Euro 2020, pati rastin të debutojë në një Botëror pikërisht këtë verë. Megjithatë, ai nuk arriti të lërë gjurmë në këtë turne, duke mbetur pa shënuar dhe Çekia u përshëndet që në fazën e grupeve.

Meksikani Guillermo Ochoa, 41 vjeç, mbetet një figurë emblematike për vendin e tij, sidomos pas paraqitjes monumentale në Botërorin 2014, kur neutralizoi të gjithë sulmin brazilian. Në këtë edicion, minuta e tij ishin të pakta, por ato 12 minuta në fushë ndaj Çekisë u shoqëruan me një përshëndetje prekëse nga bashkëlojtarët.

Për Riyad Mahrez, 35 vjeç, rrugëtimi në Kupat e Botës ishte i veçantë. Pasi kishte luajtur vetëm një herë në vitin 2014, atij iu desh të priste 12 vite për të shtuar minutat në këtë garë. Dy golat e tij kundër Austrisë nuk mjaftuan, pasi Algjeria u eliminua nga Zvicra në raundin e parë, në atë që ishte ndeshja e tij e fundit me kombëtaren.

Enner Valencia, 36 vjeç, ka qenë për vite një pikë referimi për Ekuadorin, duke realizuar gjashtë gola në gjashtë sfida gjatë turneve të 2014-s dhe 2022-shit. Në këtë Botëror, megjithatë, ai nuk arriti të tundte rrjetën dhe rrugëtimi u ndal përpara Meksikës në të njëjtin raund eliminimi.

Argjentinasi Nicolas Otamendi, 38 vjeç, ishte protagonist absolut në triumfin e Katarit 2022, duke luajtur çdo minutë të mundshme. Edhe pse debutimi i tij në Botëror datonte në vitin 2010, në Amerikën e Veriut hapësirat ishin më të reduktuara. Ai kishte paralajmëruar që në mars se ky do të ishte turneu i tij i fundit, dhe lamtumira në “La Bombonera” u bë edhe më e veçantë kur Lionel Messi i dorëzoi atij një penallti për ta ekzekutuar.

Për Marko Arnautovic, 37 vjeç, Kupa e Botës ishte njëkohësisht debutim dhe lamtumirë. Ai shënoi dy herë për Austrinë, por ekipi i tij u ndal në raundin e 1/32-ve nga Spanja, duke i dhënë fund historisë së tij me përfaqësuesen.

Senegalezi Sadio Mane, 34 vjeç, kishte marrë pjesë në Botërorin 2018, por një dëmtim e la jashtë katër vite më vonë. Pas daljes nga ky turne, ai dha njoftimin zyrtar me fjalë prekëse: “E dhashë gjithçka për këtë fanellë, sakrifikova maksimalisht. Gjithmonë kam luftuar për vendin tim”.

Portieri skocez Craig Gordon, 43 vjeç, përmbylli një karrierë kombëtare me 84 ndeshje, të nisur në vitin 2004. Edhe pse nuk zbriti në fushë në Botërorin e tij të parë, ai e pranoi fundin me emocion: “Asnjëherë nuk doja që të mbaronte, por kështu duhet”.

Mesfushori Jean Michaël Seri, 35 vjeç, debutoi në Kupën e Botës në fitoren 2-0 ndaj Curaçaos, në paraqitjen e tij të 64-t për Bregun e Fildishtë. Më pas, ish-lojtari i Fulham deklaroi: “Pas 11 vitesh me kombëtaren dhe një Botërori të luajtur, sot njoftoj mbylljen e karrierës ndërkombëtare”.

Neymar, 34 vjeç, u shfaq për herë të parë në një Kupë Bote në vitin 2014, duke realizuar dy gola në ndeshjen hyrëse. Problemet fizike e penguan të shkëlqejë në këtë edicion, ku luajti vetëm 55 minuta para se Brazili të eliminohej nga Norvegjia. Vetë ai e përmblodhi me një fjali: “Gjithçka filloi këtu në MetLife Stadium dhe këtu mori fund. Tani ka mbaruar”, duke evokuar debutimin e tij me “Seleçaon” në 2010-ën. Legjenda Zlatan Ibrahimovic, në rolin e analistit, e komentoi me respekt: “Një lojtar i jashtëzakonshëm, me aftësi marramendëse. Ky është një moment i hidhur për futbollin brazilian”.

The post Lamtumira e një epoke: 11 emrat e mëdhenj që mbyllën ciklin me kombëtaret pas Kupës së Botës appeared first on Albeu.com.

Kombëtarja austriake, si dhe i gjithë vendi, janë të shokuar pasi një 21-vjeçar kreu një masakër në një shkollë të mesme në Graz të martën, duke vrarë 11 persona.

Marko Arnautovic, i cili shënoi dy gola dhe asistoi një kundër San Marinos, ishte i dëshpëruar pas ndeshjes dhe mezi i mbajti lotët gjatë një interviste.

🎙️ Arnautovic dopo San Marino-Austria:
“Non mi interessa la doppietta, né i tre punti. Penso solo a quello che è successo a Graz. È un disastro. Se fosse stato per me, oggi non avremmo giocato.”
🖤 #Graz #Arnautovic #Austria #worldcupqualifiers2026 pic.twitter.com/4x2OZbWGYo

— San Marino RTV (@SanMarino_RTV) June 11, 2025

“Nuk më interesojnë dy golat, apo tre pikë. Nuk më intereson fare ndeshja, mendoj vetëm për atë që ndodhi në Graz”, ka fillimisht Arnautovic.

“Nëse do të kisha menduar, nuk do ta kishim luajtur fare këtë ndeshje. Kjo është brutale”.

“Nuk e di nëse jemi ende të sigurt në këtë botë. Mendimet e të gjithë ekipit janë vetëm me Grazin”, përfundoi sulmuesi i Interit.

The post “Nuk më interesojnë dy golat, apo tre pikët”, heroi i Austrisë mes lotësh thotë se mendjen e kishte te tragjedia e Grazit appeared first on Albeu.com.

Mediet italiane kanë raportuar se Inter dhe Bologna kanë arritur marrëveshjen mbi bazën e 10 milionë eurove duke përfshirë edhe bonuset, ndërsa sulmuesi austriak do të nënshkruajë një kontratë dyvjeçare.

34-vjeçari pritet në Milano në orët e ardhshme për t’iu nënshtruar vizitave mjekësore dhe më pas për të nënshkruar kontratën në selinë e “Viale della Liberazione”.

Kështu, Arnautovic rikthehet te Inter pas 13 vitesh dhe “zikaltërit” shpresojnë që ai të ecë në gjurmët e Dzeko-s, ndërsa Marko ka shënuar 24 gola në dy sezonet e fundit me Bologna-n në Serie A.

The post Inter gjen pasuesin e Dzeko-s, rikthen pas 13 vitesh sulmuesin austriak appeared first on Albeu.com.

Sipas Nicolo Schira, Juventusi po mendon për sulmuesin si një zëvendësues të mundshëm për Vlahovic nëse Moise Kean nëse vendos të largohet nga klubi torinez.

Për serbin deri më tani ishte i interesuar edhe Manchester United, një mundësi që ai e përjashtoi përfundimisht./albeu.com

The post Çfarë po ndodh me Arnautovic? Fillimisht United, tani Juventusi   appeared first on Albeu.com.

32-vjeçari, i cili ka shënuar një herë për Austrinë në Kampionatin Evropian të kësaj vere, është i bindur se dyshja Messi-Ronaldo kanë ardhur nga një planet tjetër për të marrë të gjitha trofetë dhe për të dominuar ligat e tyre përkatëse.

Duke folur për mediat përpara ndeshjes së 1/8-tës së Austrisë kundër Italisë të shtunën në mbrëmje, ish-sulmuesi i Interit u pyet për pesë herë fituesin e Topit të Artë, Ronaldo, i cili shënoi dy herë kundër Francës në Grupin F të mërkurën.Arnautovic pastaj solli në diskutim edhe rivalin më të madh të Ronaldos, Messin.

“Kur bëhet fjalë për Ronaldon, ne nuk po flasim për një qenie njerëzore. Çfarë mund të them më shumë për të?”, ka thënë fillimisht Arnautovic.

“Për mua, ata janë dy lojtarë që vijnë nga një planet tjetër. Ata kanë ardhur nga diku krejt ndryshe”.

“Ata kanë mbërritur këtu për një kohë të shkurtër për të nxitur të gjitha ligat dhe garat, për të marrë të gjitha trofetë me vete dhe më pas për të lënë. Ky është ai dhe Lionel Messi”, përfundoi austriaku.

The post Arnautovic: Messi dhe Ronaldo janë nga një planet tjetër appeared first on Albeu.com.