Carney tha se Trump i kishte prezantuar idenë disa javë më parë, dhe qeveria kanadeze do të bëjë çfarë mundet për të lehtësuar dhimbjen e njerëzve në Gaza. “Ende nuk kemi mbyllur të gjitha detajet për strukturën, mënyrën e funksionimit dhe financimin e mundshëm…”, deklaroi ai për gazetarët nga Doha.

“Do t’i punojmë këto gjatë ditëve të ardhshme,” shtoi kryeministri kanadez.

Sipas një dokumenti që Reuters mori në dorë, drafti i statutit që iu dërgua rreth 60 vendeve nga administrata amerikane parashikon që shtetet anëtare të kontribuojnë me 1 miliard dollarë në para të gatshme, nëse duan që pjesëmarrja e tyre në Këshillin e Paqes për Gazën të zgjasë mbi tre vjet.

“Çdo shtet anëtar do të ketë një mandat që nuk tejkalon tre vjet nga hyrja në fuqi e statutit, me mundësi rinovimi nga Presidenti,” thuhet në dokumentin, raportoi fillimisht Bloomberg News.

The post Kryeministri i Kanadasë pranon ftesën e Trump për Këshillin e Paqes: Do bëjmë ç’të mundemi për të lehtësuar dhimbjen e popullit në Gaza appeared first on Albeu.com.

Në një postim në rrjetet sociale, Trump shprehu dëshirën e tij për të bashkëpunuar me udhëheqjen e re kanadeze, por nuk mungoi të qëllonte edhe ndaj vendit, duke folur për “privilegjet e tepërta” që, sipas tij, Kanadaja gëzon në kurriz të Shteteve të Bashkuara.

“Pres me padurim të takoj kryeministrin e ri të Kanadasë, Mark Carney. Dua vërtet të punoj me të. Por nuk mund ta kuptoj një të vërtetë të thjeshtë – pse Amerika subvencionon Kanadanë me 200 miliardë dollarë në vit, i siguron atij mbrojtje ushtarake falas dhe shumë më tepër?”, tha Trump.

Presidenti amerikan vazhdoi duke vënë në pikëpyetje rëndësinë e marrëdhënieve tregtare me vendin fqinj.

“Nuk kemi nevojë për makinat e tyre, nuk kemi nevojë për energjinë e tyre, nuk kemi nevojë për lëndën e tyre drusore, nuk kemi nevojë për asgjë që kanë – përveç miqësisë së tyre, të cilën shpresoj se mund ta ruajmë. Ata, nga ana tjetër, kanë nevojë për gjithçka nga ne!”, theksoi Trump.

The post Trump para takimit me kryeministrin e Kanadasë: Ata kanë nevojë për gjithçka nga ne appeared first on Albeu.com.

“Qëllimi im ka qenë gjithmonë t’i ngre këto çështje drejtpërdrejt”, tha Carney, duke theksuar se ai kërkon të diskutojë për çështjen urgjente të tarifave, ashtu si edhe për drejtimin afatgjatë të marrëdhënieve Kanada-SHBA.

Kur një gazetar e pyeti nëse Presidenti Trump nënkuptoi, gjatë telefonatës së tyre të fundit, se Kanadaja duhet të bëhet shteti i 51-të i Shteteve të Bashkuara (një koment që Trump e ka bërë vazhdimisht publikisht në muajt e fundit) Carney u përgjigj kategorikisht: “Jo, ai nuk e tha këtë“.

Kur u pyet nëse mendonte se administrata Trump po tregonte respekt ndaj Kanadasë, Carney tha: “Ne gjithmonë duhet të bëjmë dallimin midis dëshirës dhe realitetit“. “Mundësia që Kanadaja të bëhet shtet i Shteteve të Bashkuara nuk do të ndodhë kurrë”, shtoi ai.

Carney pranoi se takimi i tij me Trump nuk do të jetë i lehtë. “Nuk pretendoj se bisedimet do të jenë të lehta. Do të luftoj për marrëveshjen më të mirë të mundshme për Kanadanë”, tha ai.

Duke folur më vonë në frëngjisht, ai tha se diskutimet rreth tarifave do të ishin të ndërlikuara dhe se nuk kishte ndërmend të negocionte publikisht. Kur u pyet nëse pret negociata me mirëbesim në Uashington, duke pasur parasysh deklaratat e përsëritura të Trumpit në lidhje me “shtetin e 51-të”, Carney shmangu parashikimet, duke vënë thjesht në dukje se nga takimi nuk duhet të pritet “tym i bardhë“.

Në të njëjtën kohë, kryeministri kanadez premtoi të fillojë “transformimin më të madh të ekonomisë kanadeze që nga fundi i Luftës së Dytë Botërore”, në intervistën e parë që dha pas fitores së tij në zgjedhjet parlamentare të së hënës së kaluar.

The post Do të takohet me Trump, kryeministri i Kanadasë: Nuk do të bëhemi kurrë shtet i SHBA appeared first on Albeu.com.

Kreu i Shtetit, shprehet për forcimin e marrëdhënieve mes dy vendeve që ndajnë vlera të përbashkëta dhe që kanë si urë miqësie komunitetin shqiptar që jeton në Kanada.

“Urime për fitoren Mark Carney! Shqipëria dhe Kanadaja ndajnë vlera të përbashkëta demokratike dhe lidhen nga një urë e fortë miqësie: komuniteti shqiptar që jeton e punon në Kanada. Të punojmë së bashku për të forcuar marrëdhëniet midis dy vendeve!”, – shkroi Presidenti Begaj.

The post Presidenti Begaj uron kryeministrin e ri kanadez për fitoren: Të punojmë për të forcuar marrëdhëniet midis dy vendeve appeared first on Albeu.com.