Daniele De Rossi ka shprehur vlerësime të larta për Mario Mitajn, duke e konsideruar mbrojtësin shqiptar një përforcim të aftë për t’i dhënë vlera të rëndësishme Genoas.

Sipas trajnerit italian, futbollisti i Kombëtares së Shqipërisë zotëron cilësitë e nevojshme për të ndikuar pozitivisht te loja e skuadrës italiane.

“Ai ka cilësi të shkëlqyera. Ofron shumë alternativa gjatë lojës, e ndihmon skuadrën të qarkullojë shumë mirë topin dhe di ta çojë ekipin përpara. Edhe në aspektin fizik, pavarësisht se nuk është një lojtar shumë i madh, është i shpejtë, e kontrollon mirë topin, luan me cilësi dhe avancon vazhdimisht. Për cilësinë dhe prekjen e topit që ka, ai do ta ngrejë nivelin e skuadrës sonë”, deklaroi De Rossi.

Tekniku i Genoas veçoi gjithashtu përshtatshmërinë taktike të Mitajt, pasi beson se ai mund të përdoret në më shumë se një rol në fushë.

“Kam përshtypjen se ai mund të luajë edhe në pozicione të tjera në fushë”, u shpreh trajneri italian.

Në fundin e muajit të kaluar, Mitaj përfundoi kalimin nga Al-Ittihad te Genoa në formë huazimi. Në përfundim të sezonit 2026/2027, klubi italian mund ta blejë kartonin e mbrojtësit shqiptar për 6.5 milionë euro.

Përmes këtij transferimi, Mitaj kërkon të hedhë hapin e ardhshëm në karrierën e tij dhe të tregojë aftësitë në futbollin italian.

The post De Rossi vlerëson Mario Mitajn: Do të rrisë cilësinë e Genoas appeared first on Albeu.com.

Mario Mitaj është në prag të një lamtumire zyrtare me Al Ittihad. Mbrojtësi duket gati për një rikthim në futbollin europian, duke i dhënë fund një eksperience gati dyvjeçare në kampionatin saudit.

Për ta bërë edhe më të qartë se aventura e tij po mbyllet, skuadra saudite ka mbyllur marrëveshjen me Neom për shërbimet e mbrojtësit të majtë Faris Abdi. Kjo lëvizje e bën të qartë se Mitaj tashmë po shqyrton ofertat për fazën e re të karrierës së tij.

Destinacioni më i mundshëm në këtë moment duket të jetë Genoa. Bisedimet mes palëve po vijojnë, ndërsa ato janë ende duke punuar për të gjetur akordin e plotë përfundimtar.

The post Al Ittihad konfirmon në heshtje largimin e Mitajt, klubi arab siguron pasardhësin e shqiptarit appeared first on Albeu.com.

Mario Mitaj është vendosur në radarët e Genoa-s dhe mund të largohet nga Al Ittihad për të vijuar karrierën në Serie A. Lajmi për interesimin e klubit italian ndaj 23-vjeçarit shqiptar është bërë i ditur nga eksperti i merkatos, Gianluca Di Marzio.

Sipas të njëjtit burim, realizimi i kësaj lëvizjeje pritet të jetë i ndërlikuar për shkak të përfitimeve që Mitaj ka në Arabinë Saudite. Drejtuesit e Genoa-s janë të gatshëm të nisin negociatat, por vendimi përfundimtar do të merret nga futbollisti me origjinë nga Malësia e Madhe.

Marrëveshja e Mitajt me Ittihad-in përfundon në verën e vitit 2028. Aktualisht, “Transfermarkt” e vlerëson kartonin e tij në 6 milionë euro, por kjo shumë nuk i përmbush pretendimet e klubit arab, i cili kërkon një shifër më të lartë për ta lënë të largohet.

The post Genoa interesohet për Mario Mitajn, eksperti i merkatos konfirmon lëvizjen appeared first on Albeu.com.

Genoa ka nisur bisedime të thelluara me klubin saudit Al-Ittihad për të siguruar shërbimet e mbrojtësit të kombëtares shqiptare, Mario Mitaj, i cili tashmë ndodhet shumë pranë një kalimi në kampionatin italian të Serie A.

Sipas burimeve nga e përditshmja sportive “Al-Riyadiyah”, palët po negociojnë një formulë huazimi që do të përfshijë edhe të drejtën e blerjes përfundimtare të kartonit. Të dyja klubet po punojnë intensivisht për të mbyllur me sukses operacionin në një hark kohor sa më të shkurtër.

Nga ana tjetër, drejtuesit e Al-Ittihadit duken të hapur ndaj idesë së largimit të lojtarit shqiptar, teksa prioriteti i tyre aktual në merkato është riformatimi i repartit të mesfushës. Në këtë kuadër, vëmendja e skuadrës arabe është përqendruar te nigeriani Raphael Onyedka, i cili aktivizohet me Club Brugge. Profili i 25-vjeçarit konsiderohet shumë i leverdishëm për trajnerin, pasi përveç rolit natyral në qendër të fushës, ai mund të përshtatet pa problem edhe në pozicionin e qendërmbrojtësit.

Raportohet se menaxhmenti i klubit saudit është në fazën e vlerësimeve përfundimtare për të gjithë kandidatët e mundshëm për mesfushën, përpara se të ndërmarrë hapin konkret. Megjithatë, duket gjithnjë e më e sigurt që ikja e Mitajt drejt Genoas po materializohet me shpejtësi.

Vlen të kujtohet se Mitaj ka qenë prej kohësh në radarët e klubeve të mëdha të futbollit italian. Në të shkuarën, gjiganti AC Milan kishte shfaqur interesim serioz për ta afruar, por në atë periudhë Al-Ittihad nuk pranoi të negocionte shitjen e talentit kuqezi.

The post Genoa në prag të marrëveshjes për kartonin e mbrojtësit shqiptar Mario Mitaj appeared first on Albeu.com.

Fakti është se Mitaj ka luajtur pak këtë sezon me Al-Ittihad dhe duket se ndjen se ka ardhur momenti të kthehet në Europë, ku do të kërkojë të rrisë nivelin e tij dhe të lërë gjurmë në arenat e mëdha të futbollit.

“Futbollisti profesionist i Al-Ittihad dhe njëkohësisht reprezentuesi shqiptar, Mario Metaj (23 vjeç), është pranë transferimit te një prej klubeve italiane që kërkojnë të sigurojnë shërbimet e tij për një shumë të konsiderueshme parash, e cila tejkalon dyfish vlerën e kontratës së tij aktuale.

Nëse marrëveshja finalizohet, përfitimet financiare do të derdhen në arkat e klubit saudit”, shkruan Mohammed Al-Bakiri.

Aventura e Mario Mitajt në Arabinë Saudite pritet të marrë fund gjatë kësaj vere. Gazetari arab Mohammed Al-Bakiri raporton se mbrojtësi i Kombëtares ka marrë një ofertë nga një klub italian, pa bërë të ditur emrin e tij.

The post Mario Mitaj drejt Serie A, zbulohen prapaskenat e largimit të mbrojtësit kuqezi nga Arabia Saudite appeared first on Albeu.com.

Trajneri Konseisao, po planifikon ndryshime në formacion për këtë sfidë. Gjasat janë që edhe Mario Mitaj të kthehet në skuadër.

Periudha prej katër ndeshjesh në tribunë është më e gjata, që mbrojtësi i Kombëtares ka provuar si zgjedhje teknike e trajnerit.

Konseisao është shprehu se gjithçka lidhet me numrin e lojtarëve të huaj që lejohet.

Bëhet fjalë për tetë lojtarë të huaj që lejohen. Mitaj nuk e ka parë vetën në këtë listë për katër ndeshjet e fundit. Mungesa e tij është ndjerë në pesë javë, por te e para ishte për shkak pezullimi nga kartonët.

The post Trajneri Konseisao merr vendimin e rëndësishëm për Mario Mitajn appeared first on Albeu.com.

Sot është raportuar në Arabinë Saudite, që një klub nga Europa ka ofruar 5 milionë euro për shërbimet e mbrojtësit shqiptar. Kjo shifër do t’i kthente Al Itihadit shpenzimet për huazimin dhe blerjen e kartonit nga Lokomotiva e Moskës.

Kampionët e Arabisë Saudite po shfaqen të pavendosur për të ardhmen e 22-vjeçarit. Fakt është se Mitaj rezulton jashtë planeve të Konseisaos, ndërsa po ashtu asnjë marrëveshje për t’u larguar nuk po shkon drejt konkretizimit. Deri tani çdo gjë ka mbetur në kuadër të zërave.

Mundësia që mbrojtësi të mbetet pjesë e Al Itihad po studiohet. Fakt i rëndësishëm është se vazhdon të jetë ndër lojtarët e huaj që sakrifikohen, duke mos u konsideruar as për stolin. /panorama sport/

The post Ofertë 5 milionë euro nga Europa për Mario Mitajn, Konseisao dhe arabët mbajnë “peng” appeared first on Albeu.com.

Pas ndeshjes me Neom SC më 31 dhjetor ku ishte i pezulluar për shkak kartonësh, mbrojtësi i Kombëtares nuk u preferua as në pankinë për dy sfidat e fundit të klubit arab.

Për këtë janë shtuar zërat që e largojnë nga ekipi aktual. Vetë drejtori sportiv i Al Itihad dha së fundmi detaje të reja, duke zbuluar se ka oferta nga Anglia dhe Spanja.

“Kemi oferta për Mario Mitajn në këtë merkato. Vijnë nga Spanja dhe nga Premier Ligë”, u shpreh Ramon Planes duke trazuar rrjetin së fundmi.

Drejtori sportiv i Al Itihad ishte iniciator, që Mitaj të transferohej në Arabi. Tashmë mbrojtësi shfaqet larg kampionëve të vendit, për këtë edhe po studiohen alternativat e duhura.

The post E ardhmja e Mario Mitajt, drejtori sportiv zbulon ofertat nga Premier Ligë dhe Spanja appeared first on Albeu.com.

Mitaj konsiderohet lojtari që ka bërë më mirë në krahun e majtë të mbrojtjes. Ekipi ndërkohë përbëhet nga yjet e Holandës, Anglisë, Portugalisë, Spanjës, Belgjikës dhe Francës.

Mitaj është me vlerësimin e përgjithshëm 7.62, për gjithë fushat kualifikuese. Mitaj luan tek Al Itihad dhe bie në sy si rast unik. Ndryshe nga pjesa tjetër, Mitaj nuk luan në Europë.

The post Mario Mitaj është unik, statistikat e vendosin si më të mirin për kualifikueset e Botërorit, krah tij janë yjet e futbollit në Europë ( FOTO) appeared first on Albeu.com.

Dyshja është pikë fikse e formacionit, por duke qenë se kanë nga një karton të verdhë dhe një ndëshkim tjetër i mundshëm do sillte mungesën e tyre në play-off, trajneri ka vendosur mos i ketë të gatshëm.

Klisman Cake dhe Adrion Pajaziti, janë rikthyer të gatshëm për këtë duel, teksa në Andorra qëndruan në tribunë.

Veç Mitajt dhe Shehut, edhe Ajeti, Manaj e Bajrami kanë nga një karton të verdhë, ndaj sot nuk pritet të jenë në fushë.

Trajneri Sylvinho dje për mediat foli për rotacion në ekip.

The post Sfida Shqipëri-Angli/ Nuk do jenë të gatshëm për ndeshjen e sotme, ja kë dërgon në tribunë trajneri Silvinjo appeared first on Albeu.com.