Ndeshja Genoa-Napoli, e luajtur në kuadër të javës së parë të Serie A për sezonin 2026-2027, pritej të sillte një përballje mes dy futbollistëve shqiptarë.

Megjithatë, derbi shqiptar nuk u realizua, pasi trajneri i Genoa-s, Daniele De Rossi, vendosi ta mbajë Mario Mitajn në stol. Në krahun tjetër, Amir Rrahmani ishte protagonisti kryesor në fushë.

Napoli triumfoi me rezultatin 2-0, por paraqitja e qendërmbrojtësit shqiptar tërhoqi vëmendjen e veçantë. Rrahmani u shndërrua në një pengesë të pakalueshme për kundërshtarët dhe mori notën 9 nga “Flashscore”, vlerësimi më i lartë i ndeshjes, duke lënë pas edhe Kevin De Bruynen, i cili u vlerësua me 8.6.

Pas përfundimit të takimit, Amir Rrahmani publikoi në “story” të Instagramit një fotografi me Mario Mitajn. Ky ishte një moment i veçantë mes dy lojtarëve shqiptarë.

The post Amir Rrahmani shkëlqen në startin e Serie A, mbrojtësi shqiptar dominon në Genoa-Napoli dhe lë pas Kevin De Bruynen appeared first on Albeu.com.

Genoa dhe Napoli do të përballen sonte në “Stadio Luigi Ferraris”, duke nisur nga ora 20:45, në takimin e vlefshëm për javën e parë të Serie A.

Formacionet zyrtare të të dyja skuadrave tashmë janë bërë publike, ndërsa bie në sy se mbrojtësi i Kombëtares, Mario Mitaj, nuk është përfshirë mes titullarëve.

Pavarësisht se futbollisti shqiptar dha një asist në debutimin e tij me Genoan, trajneri Daniele De Rossi ka vendosur ta nisë ndeshjen me të në stolin e rezervave.

Në krahun tjetër, Amir Rrahmani është pozicionuar në qendër të mbrojtjes së Napolit, skuadër që drejtohet nga Max Allegri.

The post Asisti në Kupë nuk e bind De Rossin, Mario Mitaj lihet në stol ndaj Napolit (FORMACIONET ZYRTARE) appeared first on Albeu.com.

Mario Mitaj e nisi në mënyrë spektakolare aventurën e tij me Genoan. Në fillimin e pjesës së dytë të sfidës Genoa – Ascoli, e vlefshme për raundin e 1/32-ave të Kupës së Italisë, skuadra e drejtuar nga Daniele De Rossi kryeson me rezultatin 2 – 1.

Ascoli kaloi e para në avantazh në minutën e 25-të, falë golit të Silipos, por epërsia e saj mbeti vetëm për statistikë. Në minutën e 42-të, mbrojtësi i Kombëtares shqiptare ekzekutoi në mënyrë të përsosur me të majtën një goditje këndi, ndërsa Marcandalli dërgoi topin në rrjetë me kokë nga brenda zonës, duke vendosur përkohësisht baraspeshën 1 – 1.

Vetëm tre minuta pas golit të barazimit, Baldanzi finalizoi aksionin që kompletoi përmbysjen e madhe të Genoas. Në fraksionin e dytë të takimit, trajneri De Rossi vendosi ta nxirrte nga loja Mario Mitajn, duke aktivizuar në vend të tij Djibril Sow.

The post VIDEO/ Mario Mitaj shkëlqen në debutim, asistimi perfekt me të majtën nis përmbysjen e madhe të Genoas appeared first on Albeu.com.

Genoa ka bërë zyrtarizimin e Mario Mitajt si përforcimi më i ri i skuadrës. Mbrojtësi i majtë shqiptar u prezantua nga klubi italian përmes një njoftimi të publikuar në rrjetet sociale.

Kalimi i 22-vjeçarit nga Al Ittihad te Genoa është realizuar në formën e huazimit, për shumën prej 2 milionë eurosh. Marrëveshja përfshin gjithashtu edhe opsionin e blerjes në fund të sezonit, kundrejt 4 milionë eurove.

Pas dy vitesh në Ligën saudite, Mitaj nis një kapitull të ri në kampionatin italian, ku do të vihet nën drejtimin e trajnerit Daniele De Rossi.

The post Mario Mitaj rikthehet në Itali, zyrtarizohet transferimi te Genoa appeared first on Albeu.com.

Genoa ka arritur marrëveshjen për të marrë Mario Mitajn, ka bërë të ditur eksperti i merkatos Fabrizio Romano. Mbrojtësi shqiptar do t’i bashkohet klubit italian në formën e huazimit, me të drejtë blerjeje.

Para se të zyrtarizohet transferimi, 22-vjeçari pritet të udhëtojë drejt Italisë për të kryer vizitat mjekësore dhe për të firmosur kontratën.

Klubi i Serie A ka fituar garën për shërbimet e anësorit të majtë, pavarësisht interesimit të disa ekipeve portugeze. Kështu, Mitaj është pranë rikthimit në Europë dhe një kapitulli të ri në karrierën e tij.

Gjatë dy sezoneve me klubin saudit, futbollisti i Kombëtares zhvilloi gjithsej 55 ndeshje dhe fitoi një titull.

The post Fabrizio Romano konfirmon transferimin: Mario Mitaj kalon te Genoa në Serie A appeared first on Albeu.com.