E këtë herë mundësia është për të gjithë publikun, sepse Mario Karaj ka sjellë një këngë ikonike, në mënyrën e tij. Parla più piano, më e famshmja këngë e dashurisë, që bëri historinë e kinematografisë botërore kur Nino Rotta e kompozoi për “Il Padrino”, është kënduar fort nga Karaj, por pa e humbur misterin e fshehtësisë që evokon teksti.

Fuqi, butësi, romanticitet, të gjitha në një këngë që rrëfen me fjalë, zë e figurë, e sjellë nga një bashkëpunim elitar. Për realizimin e këtij versioni të “Parla piu piano”, Mario, ka punuar me emra të njohur si me tenorin me famë botërore Josif Gjipali, Enis Mullaj dhe Henri Koçin.

Një dashuri e pëshpëritur fort, e sjellë në mënyrë autentike nga pasioni i një tenori, që në këtë rrugë e udhëheq zemra, ashtu si aq herë e ka treguar si Drejtor i Përgjithshëm i Spitalit Amerikan.

The post “Parla più piano”, tenori Mario Karaj rikthen këngën ikonike të dashurisë (VIDEO) appeared first on Albeu.com.