Është një qendër komunitare që është shndërruar në një vend për festën pas rezultateve të Tubimit Kombëtar.

Ka dy ekrane gjigante, drita shumëngjyrëshe gati për t’u nisur festa, ndërsa muzika ushton me zë të lartë.

Dhjetra kamera televizive janë vendosur në podiumin ku pritet të flasë më vonë Marine Le Pen.

Më herët gjatë ditës ajo u kishte premtuar mbështetësve të saj jashtë qendrës së saj të votimit se do t’i takonte sonte.

E pyetur nga BBC nëse ishte e sigurt për fitoren, ajo u përgjigj: “Nuk më lejohet të komentoj para mbylljes së votimit”.

Megjithatë, ajo tha gjithashtu: “Unë jam një optimiste natyrale”.

The post Zgjedhjet në Francë/ Shampanja gati, në ambientet e partisë së ekstremit të djathtë përgatitje për festë appeared first on Albeu.com.

Ajo është sulmuar me vezë në mes të qytetit të Saint-Amand-les-Waters (Veri).

Mediet franceze shkruajnë se Le Pen ishte duke ecur në trotuar kur u shënjestrua nga një breshri vezësh.

?? FLASH – Marine Le Pen a été visée par un jet d’oeuf à Saint-Amand-les-Eaux, dans le Nord. (via @nicolasberrod) pic.twitter.com/gfuKVfFyWz

— Mediavenir (@Mediavenir) June 3, 2022

Shumë shpejt, shërbimi i saj i sigurisë e rrethoi për ta mbrojtur nga çdo “predhë” tjetër. Më pas, ajo u shoqërua brenda ambienteve të Guillaume Florquin, ku mundi të vinte në vete.

Autori është ende i panjohur, ndërsa Le Pen nuk ka folur për sulmin.

The post Marine Le Pen goditet me “breshëri” vezësh, sigurimi i rrethon me urgjencë deri sa merr veten (VIDEO) appeared first on Albeu.com.

Në një intervistë për Le Figaro ajo u shpreh se francezët e kishin zgjedhur atë si lideren e opozitës.

Le Pen theksoi se tre gara presidenciale përbëjnë një rezultat në vetvete. Një proces që e ka lejuar të rrisë idetë e saj nga 18% në 42%. Në një periudhë 10 vjecare ky rezultat është domethënës dhe se shpreson të shohë një elitë të re në vend deri në 2027-ën.

Ajo shtoi se pavarësisht humbjes dhe gënjeshtrave të rivalit të saj Emanuel Macron, francezët e kanë mbëshetur ndjeshëm. Nërsa për zgjedhjet e përgjithshme të muajit qershor për rinovimin e parlamentit francez, Le Pen ka objektiva të qarta: të paktën 60 deputetë të opozitës.

Presidenti Macron sipas Le Pen nuk mund të thotë se çdo gjë ndryshon dhe të quajë normale që partia më e madhe opozitare në pesë vitet e fundit të ketë vetëm 6 deputetë. Ajo nuk preferoi të japë një datë të saktë për zgjedhjet brenda partisë nga ku do të dalë lideri i ri i saj. Por premtoi se gjërat do të ndryshojnë.

Duke thënë se e ka një emër në mendje për pasardhësin e saj, Le Pen akuzoi Macron se dhe në mandatin e dytë presidencial ka zgjedhur të njëjtin ekip të vjetër bashkëpunëtorësh.

The post “3 humbje mjaftojnë”, Le Pen heq dorë nga presidenca appeared first on Albeu.com.

Votat për kampionin e Botës 2018, erdhën nga banorët e një fshati në lindje të Francës, Tallenay.

“L’Est Republicain” raporton se emri i 23-vjeçarit ishte pjesë e fletave të votimit gjatë raundit të dytë të zhvilluar të dielën.

Tifozët e superyllit francez të futbollit, i dhanë këtij të fundit 10 vota, nga 348 vota që kishte gjithsej fshati. Ata i kishin shtypur paraprakisht fletët e votimit me emrin e Mbappe-s dhe i kishin vendosur në zarfe.

Megjithatë, fletet e votimit u konsideruan të pavlefshme, duke pasur parasysh që gara zhvillohej mes presidentit aktual, Emmanuel Macron dhe kandidates së ekstremit të djathtë, Marine Le Pen.

Macron fitoi zgjedhjet dhe njëkohësisht mandatin e dytë në krye të Francës me 58.5% të votave.

Më herët mediat franceze kishin lajmeruar se Macron kishte hyrë në negociata me Mbappe-n, që ky i fundit të rinovonte kontratën me PSG-në. Kontratë e cila përfundon këtë verë dhe e ardhmja e sulmuesit është mes Real Madrid-it dhe parisienëve.

The post E pazakontë, Kylian Mbappe mori 10 vota në zgjedhjet presidenciale në Francë appeared first on Albeu.com.

Zoti Macron është në pozicion të mirë për t’i rizgjedhur për një mandat të dytë pesë-vjeçar, megjithatë epërsia e tij ndaj zonjës Le Pen, varet nga një pasiguri e madhe: votuesit që mund të vendosin të qëndrojnë në shtëpi.

Një fitore e zotit Macron, e cila mund të ketë ndikim të gjerë për drejtimin e ardhshëm të Evropës dhe përpjekjet perëndimore për të ndalur luftën në Ukrainë, do ta bënte atë presidentin e parë francez në 20 vjet që fiton një mandat të dytë.

Të gjitha anketat e ditëve të fundit flasin për një fitore të centristit 44 vjeçar pro-evropian, megjithatë diferenca ndaj rivales së tij nacionaliste 53-vjeçare ndyrhson në varësi të anketave. Ato parashikojnë gjithashtu një numër ndoshta rekord të lartë të njerëzve që ose do të hedhin një votë të pavlefshme ose nuk do të votojnë fare.

Të dy kandidatët po përpiqen të sigurojnë 7.7 milionë votat e një kandidati të majtë, që humbi në raundin e parë. Qendrat e votimit u hapën në orën 8 të mëngjesit të së dielës dhe mbyllen në orën 19:00. në shumicën e vendeve, përveç qyteteve të mëdha, që kanë zgjedhur t’i mbajnë vendvotimet e hapura deri në orën 20:00./VOA/

The post Franca në raundin e dytë të zgjedhjeve presidenciale, VOA: Një fitore Macron mund të ketë ndikim në drejtimin e ardhshëm të Evropës appeared first on Albeu.com.

Dy kandidatët në garë për postin e Kreut të Shtetit janë Emmanuel Macron dhe Marine Le Pen.

Qytetarët do të vendosin sot nëse do t’i japin Emmanuel Macron pesë vjet të tjera si president apo do ta zëvendësojnë atë me kandidaten e ekstremit të djathtë Marine Le Pen.

Pas një fushate zgjedhore thuajse përçarëse, Le Pen përballet me një betejë të vështirë me kundërshtarin e saj 44-vjeçar .

Për të fituar, ata të dy duhet të tërheqin votuesit që mbështetën kandidatët e tjerë në raundin e parë.

Por këto janë dy figura polarizuese në Francë dhe abstenimi është një faktor kyç.

Kundërshtarët e Macron e quajnë atë arrogant dhe president të të pasurve, ndërsa liderja e ekstremit të djathtë është akuzuar se ka lidhje të ngushta me presidentin rus Vladimir Putin.

Macron u ngrit në pushtet me një premtim të stuhishëm ndryshimi, por shumë ankohen se ende nuk e kanë parë atë.

Presidenca e tij është goditur nga protestat, pandemia Covid dhe tani kostoja e lartë e jetesës.

Ndërkohë, Marine Le Pen ka mësuar nga gabimet që bëri më herët në 2017 kur edhe u mposht.

Ndërkohë pjesa më e madhe e Francës është me pushime dhe pjesëmarrja mund të jetë historikisht e ulët, shkruan BBC.

Fushata ka qenë e shkurtër, por zgjedhja për votuesit është e qartë, midis një presidenti pro-evropian dhe një kandidati nacionalist që kërkon të ndalojë shaminë dhe të kufizojë imigracionin.

The post Macron apo Le Pen? Sot raundi i dytë i zgjedhjeve në Francë, qytetarët i drejtohen qendrave të votimit appeared first on Albeu.com.

Por tani, gjërat duket se janë pak më të vështira për presidentin francez. Qytetarëve u kërkohet të zgjedhin mes dy kandidatëve shumë të ndryshëm, në rrethana të reja. Emmanuel Macron, 44 vjeç, është një centrist dhe pro Evropës së Bashkuar. Nga ana tjetër, Marin Le Pen është 53 vjeçe, me bindje ekstreme të djathta dhe mban një qëndrim euroskeptik.

Ekonomia, imigracioni dhe madje edhe simbolet fetare janë të larta në agjendën e dy kandidatëve dhe të dy nuk janë dakord për qasjen e tyre. Macron, duke parë valën e saktësisë që shkakton acarim në shoqëri, angazhohet për të ndryshuar ekonominë dhe në të njëjtën kohë për të ruajtur përfitimet sociale. Nga ana tjetër, Le Pen premton të plotësojë nevojat e bizneseve të vogla dhe të mesme dhe në të njëjtën kohë thotë se do të mbajë një referendum për emigracionin, raporton albeu.com.

Sondazhet sugjerojnë se Macron është në krye. Ata vlerësojnë se diferenca nga Le Pen do të jetë rreth 6-15%. Diferencë më e vogël se në 17-ën kur presidenti francez kishte siguruar pushtetin me një fitore gjithëpërfshirëse ndaj saj. Por rezultati përfundimtar do të gjykohet nga abstenimi, shumë kanë frikë se do të shkojë në një përqindje të lartë. Nëse votojnë më pak qytetarë nga sa pritet, atëherë askush nuk mund të përjashtojë mundësinë e një ndryshimi dhe Le Pen përfundimisht del fitimtare.

Francezët, nesër, në orën 8 të mëngjesit, kur hapen qendrat e votimit, do të mund të zgjedhin mes dy fletëvotimeve me vetëm dy emra, Emmanuel Macron dhe Marin Le Pen. Qendrat e votimit do të qëndrojnë të hapura në qytetet e mëdha, ndërsa në ato më të vogla do të mbyllen rreth orës 6-7 pasdite. Rezultatet e para do të dalin pas orës 22:00. Megjithatë, rezultatet përfundimtare do të shpallen të hënën. Nëse diferenca është e vogël, atëherë nuk përjashtohet që shërbimet kompetente të shpallin rezultatin deri të martën. Betimi i fituesit, i cili premton ndryshimin e faqes në Francë, do të bëhet më 13 maj./albeu.com

The post Zgjedhjet në Francë: Nesër raundi i dytë vendimtar, cilat janë parashikimet që premtojnë Macron-Le Pen appeared first on Albeu.com.

Megjithatë, që nga viti 1958, francezët nuk kanë rizgjedhur kurrë një president që kishte një shumicë parlamentare.

Pse është kaq e pazakontë që kreu i shtetit të Francës të fitojë një mandat të dytë?

Një referendum në vitin 2000 shkurtoi mandatet presidenciale franceze nga shtatë në pesë vite. Pas reformave kushtetuese në 2008, liderët mund të shërbejnë vetëm për dy mandate radhazi.

Por kjo mesa duket nuk është zbatuar plotësisht. Vetë De Gaulle mori sërish detyrën në vitin 1965. Por ai u zgjodh fillimisht në vitin 1958 nga një kolegj elektoral i parlamentarëve, kryetarëve të bashkive dhe anëtarëve të këshillit të qytetit, jo nga populli, raporton abcnews.al.

Të vetmit presidentë që janë rizgjedhur janë François Mitterrand, një socialist, në 1988 dhe Jacques Chirac, në 2002.

Secili prej tyre arriti të fitonte një mandat të dytë falë një marrëveshjeje për ndarjen e pushtetit e njohur si “ bashkëjetësë”.

Diçka e tillë e bëri më të lehtë shmangien e fajit. Për më tepër, në një rezultat tronditës të raundit të parë, Shirak u përball në balotazh m Le Pen, udhëheqësi ksenofob i Ballit Kombëtar dhe babai i Marine Le Pen, kandidatja aktuale presidenciale.

Kjo ndeshje i rriti shanset e Chirac brenda natës. Asnjë president francez në detyrë nuk është rizgjedhur që atëherë. Numri i ulët i pjesëmarrjes tregon një masë të madhe të pakënaqësisë së votuesve. Abstenimi në raundin e parë të zgjedhjeve presidenciale u rrit nga 16% në 2007, në 26% më 10 prill të këtij viti.

Në Britani, ka ndodhur e kundërta: përqindja e pjesëmarrjes në zgjedhjet e përgjithshme u rrit nga 61% në 2005, në 67% në 2019.  Në raundin e parë të zgjedhjeve franceze të këtij viti, 58% e votuesve mbështetën një kandidat ekstremist ose populist, nga pak më pak se gjysma në vitin 2017 – megjithëse Emmanuel Macron, presidenti në detyrë,  mori 4% më pak të votave ketë vit.

Zhgënjimi francez duket se lidhet drejtpërdrejt me figurën e  presidentit. Pothuajse tre të katërtat e njerëzve kanë “besim” në kryebashkiakun e tyre lokal, sipas një sondazhi të Ifop; për presidentin, kjo përqindje bie në vetëm 41%, raporton abcnews.al.

Kreu i shtetit komandon forcat e armatosura, emëron kryeministrin dhe qeverinë, mund të shpërndajë Asamblenë Kombëtare, të vendosë nëse do të ndërhyjë në luftë dhe të ushtrojë kompetenca emergjente.

Kjo i jep një lideri të vetëm një përgjegjësi të madhe, ashtu edhe pritshmëri, të cilat shumë shpejt mund të kthehen në zhgënjim. Por pakënaqësia franceze me udhëheqësit e tyre duket se ka rrënjë më të thella. Në të vërtetë mund të jetë vetëm pjesë e karakterit kombëtar.

Vendi po përpiqet periodikisht të përmbysë regjimin e vjetër me protesta masive. Francezët madje kanë një shprehje për një rast të tillë: dégagisme, ose eleminimi i rendit të vjetër.

Kjo duket se përforcon modelet rebele të votimit. Udhëheqësit që sfidojnë shanset – siç kërkon të bëjë Macron janë një përjashtim i rrallë./abcnews.al

The post Pse është kaq e pazakontë që një president francez të rizgjidhet? appeared first on Albeu.com.

Pas “tërmetit politik” të raundit të parë, 44-vjeçari Macron, ish-drejtor ekzekutiv i një banke investimesh dhe i diplomuar në Shkollën Kombëtare të Menaxhimit (ENA), kërkon me ngul të fitojë sërish mandatin pavarësisht se qëndron në krye të sondazheve.

Macron ka qenë dikur një anëtar aktiv i Partisë Socialiste Franceze në vitet 2006-2009, teksa iu bashkua kabinetit të Presidentit socialist François Hollande, fillimisht si Zëvendës Sekretar i Përgjithshëm i Financave, më pas këshilltar i Presidencës Franceze dhe duke marrë përsipër detyrat ekzekutive, dhe në fund, si Ministër i Financave dhe Ekonomisë në gusht 2014, në vend të Arno Monteburg.

Prania e të panjohurit Macron në ambientin e presidentit socialist Hollande u dallua menjëherë pas vitit 2010. Ndër të përbashkëtat është marrëdhënia e mirë e të dyve me ekonomistin francez, ish-këshilltarin e François Mitterrand dhe një nga intelektualët më me ndikim në botë, Zhak Atali.

Ky i fundit e promovoi Hollande në Partinë Socialiste Franceze dhe më pas e ndihmoi Macron, duke i thënë presidentit Hollande, se ai ishte shumë i aftë për të punuar për Elysee.

Macron kishte punuar më përpara pranë Atalit. Që në atë kohë, Macron është treguar shumë ambicioz, megjithatë shfaqja e tij si një figurë qëndrore në skenën politike franceze ka rezultuar pozitive.

Kur Hollande në vitin 2014 njoftoi papritur uljen e taksave për kompanitë franceze, ai emëroi Macron në pozicionin e ministrit përgjegjës. Megjithatë, Macron nuk heziton ta përshkruajë vitin 2015 si të “vjetëruar” për objektivat e zhvillimit të vendit, orarin e punës 35 orë në javë, duke shkaktuar tronditje edhe brenda qeverisë.

Marrëdhëniet e tij me kryeministrin e vendit Manuel Valls po përkeqësohen në mënyrë dramatike. Në të vërtetë, më 16 nëntor 2016, Macron shpalli publikisht kandidaturën e tij për zgjedhjet presidenciale të vitit të ardhshëm.

Në një deklaratë të shkurtër të kandidaturës së tij, duke shprehur plotësisht qëndrimin e tij politik, Macron shpalli “daljen nga status quo-ja (politike)” e Francës.

“Franca është bllokuar nga korporatat dhe nuk po i mban më premtimet e saj”, tha Macron në atë kohë.

Përkundrazi, ai shpalli një “revolucion demokratik”, përmes një programi reformash gjithëpërfshirëse, me fokus ekonominë kombëtare, por edhe forcimin e pozitës së Francës në konkurrencën botërore.

Megjithatë, një javë para raundit të parë të zgjedhjeve, Macron lavdëroi pasardhësin e qendrës së djathtë të Nicolas Sarkozy në gazetën Le Figaro, e cila, së bashku me axhendën e tij teknokratike, kontribuoi në “votimin” e tij. E njëjta gazetë, megjithatë, akuzoi Macronin se ishte i neveritshëm ndaj radikalizimit të muslimanëve që jetojnë në Francë, qoftë si pasardhës të emigrantëve të gjeneratës së tretë nga Afrika e Veriut, qoftë si emigrantë dhe refugjatë, raporton abcnews.al.

Në nivel personal, Macron vlerësoi shtetin kozmopolit francez, si dhe rolin integrues të arsimit si një mburojë kundër prozelitizmit islamik, duke shpallur gjatë mandatit të tij një paketë kundër radikalizimit. Megjithatë, atentati ndaj mësuesit Sauel Pati, i cili sipas presidentit francez kishte të gjitha shenjat e një “sulmi terrorist islamik”, e ktheu opinionin publik francez në krahun e djathtë dhe ngjarjet e vitit 2015, shkaktuan probleme të mëdha për politikën e tij.

Numri i votuesve në raundin e parë, u rrit në 27.84%, pak më e lartë se 24.01% në 2017-ën, kryesisht nga votuesit e qendrës së djathtë mbi moshën 65 vjeç, por jo nga moshat 25-64 vjeç (elektorati për Marine Le Pen).

Përpjekja e Le Pen për të “detoksifikuar” trashëgiminë politike të babait të saj u intensifikua gjatë mandatit të Macron. Le Pen, gjithashtu ndryshoi emrin e partisë nga Balli Kombëtar në Miting Kombëtar.

Edhe pse në 2017, ajo premtoi një ulje drastike të emigracionit, deportim të të gjithë emigrantëve dhe kufizim të aksesit të tyre në përfitimet e strehimit dhe kujdesit shëndetësor, në këtë vit “fundamentalizmi islamik”, është në agjendën e saj politike.

Ajo ka premtuar zbutjen e efekteve të inflacionit por edhe të rritjes së çmimeve të karburanteve, duke “kopjuar” strategjinë e ish-presidentit amerikan Donald Trump. Në imazhin e saj të rinovuar publik, Lepen shfaqet si fqinja më e mirë, duke shëtitur fshatrat në të gjithë territorin.

Megjithatë, si nënë e tre fëmijëve (me dy divorce), ajo përpiqet të fshijë imazhin nga e kaluara e saj, fyerjet dhe sulmet ndaj emigrantëve dhe kopertinat e “Playboy”. Ajo ka deklauar se nëse zgjidhet presidente do të largohet nga administrata e plotë e NATO-s por nuk do të heqë dotë nga Neni 5 i Organizatës së Traktatit të Atlantikut të Veriut për sigurinë kolektive.

Macron ka mbështetur Ukrainën që nga fillimi i luftës duke dënuar sulmet ruse ndryshe nga Le Pen e cila ka deklaruar se Moska është shtylla kryesore e arkitekturës së sigurisë në Kontinentin e Vjetër.

Një vit më vonë, në mars 2017, Presidenti Putin mirëpriti Le Pen si kandidate për presidencën, ndërsa ajo refuzoi ta quante atë “kriminel lufte”, si dhe të mbështeste sanksionet ekonomike kundër Moskës.

Megjithë pozicionet e saj të së djathtës ekstreme janë të njohura tashmë gjithashtu edhe miqësitë e ngushta që ruan me liderët euroskeptikë si Victor Orban. Votuesit francezë kanë të gjithë informacionin dhe provat e nevojshme për të bërë një zgjedhje serioze, në lidhje me qëndrimin e tyre ndaj të keqes që përfaqëson Putin.

Franca, që ka bërë kaq shumë që nga Iluminizmi Europian, për të promovuar dhe mbrojtur lirinë, barazinë dhe vëllazërinë, është përfshirë sërish në një luftë për këto virtyte.

Lufta politike e Macron, është gjithashtu një luftë për demokraci. Nëse qytetarët francezë bëjnë zgjedhjen e gabuar më 24 prill, ata nuk do të kenë mundësi ta përdorin injorancën si një mjet mbrojtës./abcnews.al

The post Po nëse mikja franceze e Putinit mund Macron dhe zgjidhet presidente? appeared first on Albeu.com.

Në konfrontimin e tyre të vetëm kokë më kokë përpara balotazhit që do të mbahet të dielën, Macron tha se rivalja e tij nuk është personi i duhur për të udhëhequr fuqinë evropiane të armatosur me armë bërthamore, me një popullsi të larmishme dhe për t’u marrë me Moskën. Ai u përpoq ta portretizonte zonjën Le Pen si thelbësisht të pabesueshme, duke e akuzuar atë për pandershmëri dhe për përdorimin e shifrave të gabuara në premtimet e saj zgjedhore.

Ai tha gjithashtu se planet e kandidates kundër imigracionit dhe për të ndaluar gratë myslimane të mbajnë shami në publik do të shkaktonin “luftë civile” në vendin që ka popullsinë më të madhe myslimane në Evropën Perëndimore.

Le Pen, nga ana tjetër, u përpoq të tërhiqte votuesit e pakënaqur me çmimet në rritje, të shkaktuara nga lufta e Rusisë në Ukrainë. Ajo tha se ulja e kostos së jetesës do të ishte përparësia e saj kryesore nëse zgjidhet në postin e presidentes, që do ta bënte atë presidenten e parë të Francës, duke e portretizuar veten si kandidate për votuesit që nuk mund të përballojnë jetesën.

Ajo tha se presidenca e zotit Macron e kishte lënë vendin thellësisht të ndarë dhe ajo iu referua në mënyrë të përsëritur të ashtuquajturës lëvizje të “jelekëve të verdhë” që tronditi qeverinë e tij përpara pandemisë së COVID-19 me muaj të tërë protestash të dhunshme kundër politikave të tij ekonomike.

“Franca duhet të bashkohet sërish”, tha ajo.

Debati nxori në pah hendekun e madh politik midis dy kandidatëve që konkurrojnë sërish për postin e presidentit, pesë vjet pasi Macron mundi me lehtësi zonjën Le Pen në 2017.

Sondazhet sugjerojnë se Macron, një centrist pro-evropian, ka një epërsi në rritje dhe të konsiderueshme ndaj nacionalistes që mbështet politika kundër imigracionit, përpara votimit të së dielës. Por rezultati pritet të jetë më i ngushtë se pesë vjet më parë dhe të dy kandidatët po kërkojnë votat e atye që votuan kundër tyre në raundin e parë të zgjedhjeve më 10 prill.

“Unë nuk jam si ju,” tha Le Pen ndërsa ata u përplasën për nevojat e Francës për energji.

“Ju nuk jeni si unë”, tha Macron. “Faleminderit për kujtesën.”

Udhëheqësi francez ishte veçanërisht i ashpër në kritikat e tij për një kredi të marrë nga partia e zonjës Le Pen në vitin 2014 nga një bankë ruso-çeke. Ai tha se borxhi do të thoshte se, nëse zgjidhej presidente, zonja Le Pen do t’i kishte duart e lidhura në përballjet me Kremlinin.

“Ju po flisni me bankierin tuaj kur flisni për Rusinë, ky është problemi”, tha Macron në debatin televiziv.

Vetëm disa orë përpara debatit të së mërkurës, udhëheqësi i burgosur i opozitës ruse, Alexei Navalny ndërhyri në fushatën presidenciale franceze, duke u kërkuar votuesve të mbështesin zotin Macron dhe duke pretenduar se zonja Le Pen është shumë e lidhur me Rusinë.

Macron doli i pari në raundin e parë të 10 prillit. Por Le Pen, e cila ka fituar terren këtë vit duke shfrytëzuar zemërimin e votuesve mbi inflacionin, ka ngushtuar ndjeshëm hendekun në mbështetjen e publikut në krahasim me vitin 2017, kur humbi me 34% të votave ndaj 66% të atyre që mori zoti Macron.

Temat e debatit

Dy kandidatët u përballën me njëri-tjetrin për çështjet e kostos së jetesës, Rusinë, ndryshimet klimatike dhe emigracionin. Debati u transmetua në 2 rrjetet më të mëdha televizive si dhe kanalet e mëdha franceze të lajmeve.

Emmanuel Macron u pa gjerësisht si fituesi i debatit të vitit 2017, kur rivalja e tij u shfaq e tronditur dhe e papërgatitur. Por këtë herë, Marine Le Pen ishte gati që në fillim dhe shumë më e vendosur. Gjatë gjithë debatit, ishte Macron ai që u hodh në ofensivë, duke u shfaqur më shumë si një sfidues se sa një president, duke ndërprerë vazhdimisht rivalen e tij.

Kur filloi debati, Le Pen tha se 70% e popullit francez besonin se standardi i tyre i jetesës kishte rënë gjatë 5 viteve të fundit dhe se ajo do të ishte presidentja e paqes civile dhe vëllazërisë kombëtare. Por Macron tha se Franca kishte njohur një krizë të paprecedentë, fillimisht me Covid të ndjekur nga lufta në Evropë. Ai tha se e kishte drejtuar Francën përmes këtyre sfidave dhe synonte ta bënte Francën një vend më të fortë.

Pas një fillimi relativisht të qetë, debati u kthye shpejt në një “luftë”.

Si u zhvillua debati

Debati i organizuar nga gazetarët e njohur televizivë Léa Salame dhe Gilles Bouleau përfshinte 8 tema kryesore, nga kostoja e jetesës deri te çështjet sociale dhe ndërkombëtare, por ishin çmimet e energjisë dhe kostot e tjera në rritje që dy kandidatët donin qartësisht të trajtonin që në fillim.

Kjo është një nga pikat e forta të Marine Le Pen dhe ajo tha që në fillim se ishte prioritet: “Unë do ul përgjithmonë TVSH-në për energjinë. Do të ul gjithashtu taksat, pa taksë mbi të ardhurat për moshat nën 30”. Ajo akuzoi Macron se ka bërë që nivelet e pensioneve të bien edhe në terma realë.

Në krahun tjetër Macron tha se zgjidhja e tij ishte vendosja e një kufiri mbi çmimet, i cili ishte “2 herë më efektiv se ulja e taksave”.

Pas një fillimi të qetë, të dy kandidatët u bënë më të zjarrtë pasi nuk ranë dakord si mund të ulen çmimet e energjisë. Macron vazhdimisht i sfidoi propozimet e kundërshtares së tij si të pazbatueshme. Ajo u përgjigj: “Dua t’u kthej francezëve paratë e tyre”.

Marrëdhëniet ndërkombëtare

Lufta e Rusisë në Ukrainë ishte çështja e dytë e madhe e debatit. Emmanuel Macron tha se Rusia “po shkonte në një rrugë fatale” dhe roli i Francës dhe Evropës ishte t’i siguronin Ukrainës pajisje ushtarake dhe të pranonin refugjatët.

Le Pen, e cila është kritikuar për lidhjet e saj të ngushta me Kremlinin dhe për marrjen e një kredie bankare ruse për partinë e saj, paralajmëroi se dhënia e armëve Ukrainës mund t’a bëjë Francën një “bashkëluftëtare”. Megjithatë, ajo mbështeti politikën e kundërshtarit të saj për të mbështetur Ukrainën dhe për të pranuar refugjatët.

Në këtë pikë, Macron u hodh në sulm duke theksuar se ajo ishte një nga liderët e parë politikë në 2014 që njohu aneksimin e Krimesë nga Rusia.

“Ju flisni me bankierin tuaj, kur flisni me Rusinë” – tha ai.

Le Pen pranoi se kishte marrë para ruse pasi asnjë bankë franceze nuk do t’i jepte hua partisë së saj. Kur ajo argumentoi se iu desh të merrte para hua si miliona francezë, ai u kundërpërgjigj se francezët nuk kërkonin financa nga Rusia.

Bashkimi Evropian

Marine Le Pen e ka ndryshuar politikën e saj të largimit nga BE-ja duke kërkuar tashmë ndryshimin nga brenda të saj. Por Macron argumentoi se ideja e saj për një “Evropë të kombeve” do të thoshte fundi i BE-së dhe se “ajo po shet një gënjeshtër”.

Le Pen tha se në BE-në aktuale Franca po dështon të mbrojë interesat e saj dhe se do të ndalonte negociatat e marrëveshjeve tregtare që “dëmtojnë prodhuesit dhe fermerët francezë”.

Mosha e daljes në pension dhe pensionet

Më pas debati kaloi në një nga çështjet më të mëdha të zgjedhjeve. Emmanuel Macron ka thënë se Franca duhet të rrisë moshën e pensionit nga 62 në 65 vjeç brenda 9 viteve ndërsa Le Pen këmbëgul ta mbajë atë në 62 vjeç.

Le Pen tha se rritja e moshës së pensionit në 65 vjeç ishte “absolutisht e patolerueshme”.

Makron u përgjigj duke thënë se ajo po premtonte se do të ishte më bujare me pensionistët, por nuk shpjegoi se si do të paguante për këtë. Ajo argumentoi se rekordi i tij ekonomik ishte shumë i varfër dhe e ironizoi me një pseudonim të vjetër si “Mozarti i financave”.

Ndryshimet klimatike

Energjia e rinovueshme ishtë një tjetër çështje ku dy kandidatët janë diametralisht të kundërt dhe u bë një nga pikat më të ndezura të debatit. E vetmja gjë për të cilën ata bien dakord është ndërtimi i sa më shumë stacioneve të energjisë bërthamore.

“Ju jeni skeptike ndaj klimës, kjo është shumë e qartë”, – i tha Macron rivales së tij. Kujtojmë se i vetmi kandidat presidencial i Gjelbërve u ka kërkuar votuesve të tij që të mbështesin presidentin aktual.

Le Pen pretendoi se importimi i mallrave nga mijëra milje larg ishte shkaktar për ndryshimin e klimës dhe se prodhimi në vend do të ndihmonte në trajtimin e ngrohjes globale.

Ai kundërshtoi se politika e saj për t’u mbështetur në energjinë bërthamore dhe për të zëvendësuar lëndët djegëse fosile ishte “e paqëndrueshme” dhe burimet e rinovueshme duhej të ishin pjesë e planit.

“Turbinat me erë krijojnë vende pune”, – shtoi ai.

E ardhmja dixhitale

Teksa Emmanuel Macron foli për Francën si vendi më i madh i bizneseve të reja në Evropë, Marine Le Pen trajtoi problemet e njerëzve që jetojnë përtej qyteteve të mëdha, të cilët përbëjnë një pjesë të votuesve të saj kryesorë: “Është e vërtetë që njerëzit flasin për një Google evropian, por ka nga ata që na shikojnë dhe që ende nuk kanë mbulim me brez të gjerë ose internet.”

Ajo tha se sektori i teknologjisë kishte krijuar kryesisht vende pune me kosto të ulët dhe të pasigurt. “E vetmja rrugë drejt prosperitetit është industria, e cila është në rënie”, – shtoi ajo. Macron mohoi se ishte ky rasti.

Emigracioni dhe Islami

Marine Le Pen u hodh në sulm duke premtuar një referendum se kush duhet të qëndrojë dhe kush duhet të largohet nga Franca dhe duke dënuar atë që ajo e quajti “emigracion anarkik dhe masiv” që është shkaktar i një ndjenjë pasigurie.

Më pas ajo foli për ndalimin e mbajtjes së hixhabit në publik, duke argumentuar se gratë duhet të çlirohen nga “presioni islamist”. Macron kundërshtoi ashpër, duke thënë se është e gabuar të përzihet islami me islamizmin dhe se politika e saj ishte e pazbatueshme dhe një tradhti ndaj vlerave franceze:

“Do të kishim policinë të vraponte në rrugë pas vajzave me hixhabe dhe djemve të veshur me kipa”. Sipas tij do të ishte intolerante që ajo po dëbonte miliona bashkatdhetarë nga hapësira publike për shkak të fesë së tyre.

Rëndësia e debatit

Përplasjet televizive midis 2 kandidatëve kryesorë kanë qenë një pikë kryesore e zgjedhjeve presidenciale franceze për gati 5 dekada. Debati i fundit tërhoqi 16.5 milionë shikues në mënyrë që të mund të luante një rol vendimtar me votuesit e pavendosur.

Duelet televizive kanë rezultuar më vendimtare kur qendrat e votimit janë afër. Në vitin 1974, konservatori Valéry Giscard d’Estaing arriti të mundë socialistin François Mitterrand pasi doli më mirë në debatin mes tyre. Mitterrand doli më mirë në revanshin e vitit 1981 dhe fitoi në balotazh.

Kjo është hera e parë që nga ajo kohë që të njëjtët kandidatë përballen në dy zgjedhje radhazi.

Debati i vitit 2017 ishte një katastrofë për Le Pen dhe ajo u mposht në balotazh, duke fituar vetëm një të tretën e votave.

Këtë herë gara është shumë më e ngushtë dhe një performancë e fortë e zonjës Le Pen mund të tërheqë një pjesë të madhe të votuesve të pavendosur. Lë Pen e ndërpreu fushatën e saj të hënën për t’u përqendruar te debati.

Hendeku në sondazhet e opinionit është zgjeruar pak që nga votimi i raundit të parë në të cilin presidenti aktual fitoi 27.85% të votave dhe Le Pen doli e dyta me 23.15%. Por ato janë ende të luhatshme, duke sugjeruar se Macron do të sigurojë midis 53% dhe 57% të votave.

Marine Le Pen duhet të luftojë shumë më fort se në 2017 për të pasur një shans për fitore.

Çfarë përfaqësojnë kandidatët

Zgjedhja për votuesit është shumë më e qartë se 5 vjet më parë, kur Emmanuel Macron fitoi me shumë pak përvojë si politikan.

Politikat e tij të rrepta kundër Covid zemëruan shumë votues dhe ai është akuzuar se ka vepruar si “president për të pasurit”. Ai është më popullor në qytetet e mëdha, por ka siguruar mbështetjen e partive të tjera të majta dhe të djathta kryesore për pikëpamjen e tij liberale dhe globale pro-BE.

Ndërsa Marine Le Pen e ka zbutur retorikën e saj nacionaliste, anti-BE, por ajo ende planifikon të rishikojë marrëdhëniet e Francës me Bashkimin Evropian dhe NATO-n. Ajo është tradicionalisht më e popullarizuar në zonat rurale dhe më të varfra.

The post Përplasja në TV: Kush e fitoi debatin Macron – Le Pen? appeared first on Albeu.com.