“Ishte një përvojë e re, një përvojë e këndshme. Sa më shumë të luaj në këtë ligë, aq më i fortë do të bëhem. Gjëja e rëndësishme ishte të nisnim me tre pikë”, tha ai, i cili aktualisht nuk është në formacionin titullar të Hansi Flik: “Nuk është problem, qëllimi mbetet i njëjtë, të fitojmë ndeshjen.”

Lidhur me fazën e adaptimit, Rashford i pranon vështirësitë, por mbetet i sigurt: “Po mësoj mjedisin e ri, ritmin dhe stilin e lojës. Do të bëj gabime, por do të përmirësohem. Dhe cilësia e shokëve të mi të ekipit e bën gjithçka më të lehtë.”

Ai lavdëron shokët e tij të ekipit, veçanërisht Jamalin: “Ai është një talent i jashtëzakonshëm, i habitshëm në pjekurinë dhe inteligjencën e tij futbollistike. Nuk kam parë kurrë askënd me një ndikim të tillë në moshën e tij, ndoshta vetëm Ronaldon Fenomeni. Është emocionuese të luash përkrah tij, ai ka një karrierë të jashtëzakonshme përpara.”

Lidhur me të ardhmen, Rashford është i qartë: “Jo vetëm Ligën e Kampioneve, ne duam të fitojmë gjithçka. Barça pati një sezon të shkëlqyer, por duhet ta përsërisim atë dhe të përmirësohemi.”

Së fundmi, ai kishte një mendim për trajnerin e ri Flik: “Ai është shumë i drejtpërdrejtë dhe kjo është thelbësore me kaq shumë lojtarë të rinj në skuadër. Motivimi i tij është tepër i lartë dhe ai frymëzon besim. Ai është një trajner i veçantë për një grup të veçantë.”

The post Rashford lavdëron Lamine Jamal-in: Eshtë i pabesueshëm, vetëm Ronaldo “Fenomeni” mund të krahasohet me të në moshën e tij… appeared first on Albeu.com.

Rashford ofron më shumë fleksibilitet në repartin ofensiv, pasi mund të luajë në të gjitha pozicionet e sulmit, ndryshe nga Williams, i cili është më i përshtatshëm për krahun e majtë.

Për këtë arsye, Barcelona po shqyrton mundësinë e transferimit të sulmuesit anglez këtë verë, në përpjekje për të përmbushur kërkesat e Flick.

Megjithatë, një marrëveshje me Manchester United nuk do të jetë aspak e lehtë. Klubi anglez preferon ta shesë përfundimisht Rashfordin, ndërsa Barcelona po synon një huazim me të drejtë blerjeje.

Një tjetër pengesë është paga e lartë e Rashford, i cili aktualisht përfiton rreth 430 mijë euro në javë – një shifër që Barcelona nuk mund ta mbulojë për shkak të kufizimeve të Fair Play Financiar.

Gjithsesi, raportet nga Anglia sugjerojnë se lojtari është i gatshëm të pranojë një ulje page për të bërë të mundur transferimin në “Camp Nou”.

The post Barcelona e ndjek Marcus Rashford, Flick e pëlqen shumë, por marrëveshja mbetet e komplikuar appeared first on Albeu.com.

Prioriteti kryesor i drejtuesve është afrimi i një sulmuesi të krahut të majtë, dhe sipas raportimeve të Mundo Deportivo, në tryezën e klubit janë tre emra: Luis Díaz, Nico Williams dhe Marcus Rashford.

Luis Díaz – Objektivi kryesor

Kolumbiani i Liverpoolit shihet si përforcimi ideal për skemën e trajnerit Hansi Flick. Megjithatë, transferimi i tij mbetet sfidues për shkak të kërkesave financiare të klubit anglez.

Barça shpreson që vetë lojtari të tregojë gatishmëri për të ndihmuar në arritjen e një marrëveshjeje, e cila do të përfshinte pagesa të shtyra – një element vendimtar për të bërë operacionin të përballueshëm.

Nico Williams – Opsion premtues

Ylli i Athletic Bilbaos është gjithashtu shumë i vlerësuar në ambientet e “Camp Nou”. Klauzola e tij e lirimit prej rreth 60 milionë eurosh përbën një pengesë, por klubi katalanas po shqyrton mundësinë e një marrëveshjeje të ndarë në këste.

Për këtë, është e domosdoshme që Nico të pranojë një ulje të ndjeshme të pagës dhe të ndikojë pozitivisht në negociatat me klubin e tij aktual.

Marcus Rashford – Një alternativë e hapur

Anglezi i Manchester United është në listë si një zgjidhje më e lirë, për shkak të rolit të tij të reduktuar në “Old Trafford”.

Barcelona do të konsideronte një huazim me të drejtë blerjeje, për sa kohë që Rashford është i gatshëm të ulë pagën në mënyrë domethënëse – një qasje që ai thuhet se e kishte pranuar edhe në muajin janar.

Barça pret lëvizje nga lojtarët

Pavarësisht interesimit të klubit, drejtuesit e Barcelonës janë të qartë: çdo lojtar që dëshiron t’i bashkohet klubit duhet të bëjë përpjekje të qarta për të lehtësuar transferimin.

Ata që tregojnë vullnet për t’u përshtatur me realitetin financiar të klubit, do ta kenë më të afërt ëndrrën për të veshur fanellën “blaugrana”.

The post Fillon operacioni për ‘yllin e majtë’: Barcelona nis punën për Diaz, Nico dhe Rashford appeared first on Albeu.com.

Rashford iu bashkua Aston Villës nga ‘Djajtë e Kuq’ në formë huazimi deri në fund të sezonit.

27-vjeçari ka qenë një lojtar kyç për Unitedin që prej se u bë pjesë e ekipit të tyre të parë, por në nëntor të vitit të kaluar, ai tha në një intervistë se është gati për një aventurë të re.

Ai nuk ka bërë ndonjë paraqitje për Unitedin që prej 12 dhjetorit, pavarësisht se ishte i gatshëm për lojë.

Welcome, Marcus 👋 pic.twitter.com/ml3EzsNlqq

— Aston Villa (@AVFCOfficial) February 2, 2025

Rashford ka shënuar shtatë gola në 24 ndeshje në të gjitha garat këtë sezon, përkundër mungesës së minutave.

Huazimi i Rashford i jep fund përkohësisht lidhjes së tij 20-vjeçare me klubin, ku gjatë kësaj kohe ai ka ndihmuar ata të fitojnë Ligën e Evropës, dy herë FA Cup dhe dy herë Carabao Cup.

Ylli anglez e kishte përfunduar sezonin 2022/2023 si golashënuesi më i mirë i ekipit me 30 gola, teksa numëron 60 paraqitje për kombëtaren angleze që prej se bëri debutimin e tij në vitin 2016.

Ai largohet duke lënë Unitedin në pozitën e 13-të në tabelë, për t’iu bashkuar Aston Villës të cilët momentalisht janë në pozitën e tetë dhe po garojnë në Ligën e Kampionëve. /Telegrafi

The post Marcus Rashford zyrtarisht bëhet pjesë e Aston Villës appeared first on Albeu.com.

Pavarësisht se mundi rivalët lokalë të Manchester City në finalen e FA Cup, United pati vështirësi në sezonin 2023/24, duke përfunduar i teti në Ligën Premier, përfundimi i tyre më i ulët që nga fillimi i garës në vitin 1992.

Pas një sezoni mbresëlënës në 2022/23, ku shënoi 30 gola, Marcus Rashford gjithashtu nuk arriti të bënte përshtypje sezonin e kaluar.

Në 43 paraqitje për United në sezonin 2023/24, anësori anglez shënoi vetëm tetë gola dhe shtoi pesë asistime.

Dhe Rashford tani mund të kërkojë të largohet nga klubi, pasi raportet nga Manchester Evening News kanë konfirmuar se vëllai i tij është takuar me një agjenci për të diskutuar menaxhimin e të ardhmes së sulmuesit anglez.

Dëaine Maynard ka qenë agjent i Rashford gjatë gjithë karrierës së tij, por mund të sjellë staf shtesë për të ndihmuar në negocimin e largimit të anglezit nga United.

26-vjeçari nënshkroi një marrëveshje të re prej 325 mijë funtesh në javë me United verën e kaluar, duke e mbajtur atë në klub deri në vitin 2028.

Dhe, ndërsa burimet e United i thanë mediumit se preferenca e tyre do të ishte e prirur për të mbajtur Rashford në klub, ata nuk përjashtuan lehtësimin e një lëvizjeje për shkak të marrëdhënies së dobët të lojtarit me Erik ten Hag.

Përplasja e tyre më e dukshme mes dyshes erdhi në janar pasi Rashford humbi stërvitjen për shkak të ‘sëmundjes’.

Më vonë u raportua se sulmuesi kishte bërë festë në Belfast, gjë që bëri që holandezi t’i dorëzonte Rashford një gjobë prej dy javësh pagash (650,000 funte) dhe ta linte atë jashtë ekipit në fitoren e tyre në FA Cup ndaj Newport County.

Për më tepër, shitja e Rashford do të rezultonte një fitim i pastër për Manchester United pasi ai u promovua në ekip nga akademia e klubit, të cilit iu bashkua në moshën shtatëvjeçare.

Raportet kanë sugjeruar se kampionët francezë, Paris Saint-Germain janë të interesuar të bëjnë një lëvizje për anglezin pas humbjes së yllit Kylian Mbappe në Real Madrid këtë verë.

Por, me United që mbetet i vendosur në çmimin e tyre të kërkuar prej 80 milionë funtesh, mbetet për t’u parë nëse një marrëveshje mund të arrihet mes dy klubeve.

The post Rashford mund të largohet nga Man United, klubi anglez i ka vendosur një çmim të ri sulmuesit appeared first on Albeu.com.

Teksa Anglia po përgatitet për dy miqësoret ndaj Brazilit dhe Belgjikës si pjesë e përgatitjeve për Euro 2024, Rashford qëndronë pranë një momenti historik dhe të pazakontë, por për tu futur në librin e rekordeve, ai nuk duhet ta nisë nga mintua e parë, por nga pjesa e dytë në të dyja ndeshjet.

Ai është afër që të barazojë një rekord që aktualisht mbahet nga ish-sulmuesi Jermain Defoe. Ish-lojtari i Anglisë mban rekordin si lojtari me më së shumti paraqitje nga banka rezervë për Anglinë, pasi këtë e bëri 35 herë në 57 ndeshje.

Rashford momentalisht numëron 33 ndeshje si zëvendësues deri më tash për shtetin e tij, dhe do i duheshin edhe dy ndeshje për të barazuar këtë rekord.

Në mesin e 10 lojtarëve me më së shumti paraqitje si zëvendësues për Anglinë, mesfushori Jordan Henderson radhitet përkrah Rashfordit.

Henderson ka bërë 26 paraqitje nga banka rezervë në 81 ndeshje të luajtura, duke shfaqur më së miri thellësinë e ekipit të Southgate.

Emrat e tjerë në këtë listë përfshijnë Emile Heskey, Phil Neville, Kieron Dyer, Owen Hargreaves, Joe Cole, James Milner dhe Peter Crouch./Telegrafi/

The post Rekordi i çuditshëm që Rashford mund ta thyejë në miqësoret ndaj Brazilit dhe Belgjikës appeared first on Albeu.com.

Në konferencën e tij për shtyp para ndeshjes, trajneri i Manchester United u pyet për të ardhmen e sulmuesit.

“Ne nuk e vazhduam kontratën sezonin e kaluar për pesë vjet me synimin për ta shitur tani”.

“Ai duhet të jetë pjesë e këtij projekti. Pra nuk është një temë për të cilën nuk flasim”, ka thënë Ten Hag.

Rashford ka kontratë deri në vitin 2028 në Old Trafford dhe ai është një nga lojtarët më vendimtar pavarësisht sezonit të tij të dobët.

Ai ka shënuar shtatë gola dhe ka edhe gjashtë asistime në 34 paraqitje në të gjitha garat – shumë më pak se 30 golat që shënoi në 2022/23.

Rashford ka ende kohë për t’i kthyer gjërat teksa përgatitet për t’u përballur me Liverpoolin në FA Cup. /Telegrafi/

The post Kërkohet nga PSG me ngulm – Ten Hag flet për të ardhmen e Rashford appeared first on Albeu.com.

Mbretërit po synojnë që të rinënshkruajnë me Takefusa Kubon për 30 milionë euro e më pas ta përdorin atë në një këmbim me Rashfordin, sipas Real Madrid Exclusivo – Spain.

Edhe më parë ishte përfolur për një transferim të anglezit te Reali, ndërkaq tani mund të ndodhë një gjë e tillë më shumë marrë parasysh raportin e komplikuar të javëve të fundit që ai e ka me klubin.

The post Real Madridi po planifikon ta transferojë Rashfordin appeared first on Albeu.com.

Sipas Sky Sports , Paris Saint-Germain nuk ka hequr dorë tërësisht nga ndjekja e Marcus Rashford .

PSG është përpjekur dhe ka dështuar të nënshkruajë me sulmuesin e Manchester United në të kaluarën dhe u pengua plotësisht kur ai nënshkroi kontratën afatgjate me gjigantin anglez.

Mes problemeve të tij të fundit në Man United, PSG thuhet se po i shijon sërish shanset e tyr vetëm dhe vetëm nëse Rashford tregon ‘një mendje’ se dëshiron të largohet nga Old Trafford.

Rashford ka probleme kohëve të fundit me klubin anglez kur ai gënjeu për mungesën e stërvitjes për shkak të festës.

Megjithatë , ai i kërkoi falje Erik ten Hag dhe që atëherë është kthyer në ekipin e parë.

Në 22 ndeshje në Ligën Premier, sulmuesi ka kontribuar me pesë gola dhe dy asistime deri më tani. /Telegrafi/

The post PSG do ta transferojë Marcus Rashfordin, por vetëm me një kusht appeared first on Albeu.com.

Rashford mungoi në stërvitje të premten, pasi Erik Ten Hag u konfirmoi gazetarëve se sulmuesi anglez ishte i sëmurë.

Megjithatë, këtu në fakt nuk qëndronte e vërteta, pasi videot të cilat u shpërndanë në rrjetet sociale shfaqën Rashford në një klub nate në Irlandën Veriore.

Raporti shtoi se Rashford kishte shijuar dy netë në Irlandë duke u argëtuar me miqtë e tij të ngushtë dhe me vëmendjen larg futbollit.

Ten Hag ende nuk e ka adresuar publikisht këtë problem, por më herët kishte qenë shumë i qartë rreth rregullave të disiplinës kur arriti në klub.

Kjo nuk do të jetë gjithashtu hera e parë që Rashford do përballet me një dënim të tillë, pasi që edhe më herët ai ka pasur raste që është përjashtuar nga ekipi për shkak të pjesëmarrjes në klube të natës dhe faktit që nuk kishte ardhur me kohë në stërvitje.

Para një dueli që duhet të fitohet patjetër, ky problem me Rashford nuk është ajo që i duhej teknikut holandez Ten Hag./Telegrafi/

The post Gënjeu se ishte i sëmurë dhe u argëtua në një klub nate, Rashford do të ndëshkohet nga klubi appeared first on Albeu.com.