“E ftova edhe në emër të një kombi të vogël, por me një zemër të madhe si Nënë Tereza, mesazhi ynë nesër për në EU “më shumë dashuri edhe më shumë shërbim me përulësi”, shkruan Bushati.

Siç bën me dije ambasadori, Rubio ka pranuar ftesën me kënaqësi të vizitojë një vend që e vlerëson si kontributor në NATO, sidomos pas vizitës së fundit në Hagë.

“4 Korriku nuk është thjesht Dita e Pavarësisë së SHBA – është Deklarata e Lirisë & Demokracisë për gjithë Botën tonë”, shkruan Bushati më tej.

 

View this post on Instagram

 

A post shared by ERVIN BUSHATI (@ervin.bushati)

The post Ambasadori shqiptar në SHBA takohet me Sekretarin amerikan Marco Rubio/ Ervin Bushati: E ftova të vizitojë Tiranën appeared first on Albeu.com.

Drama u shpalos në një takim ku Trump u tha krerëve të kabinetit të tij se ata, jo Musk, e kanë fjalën e fundit për stafin dhe politikën në agjencitë e tyre.

The Times tha se Musk, i caktuar nga Trump për të eliminuar pjesë të mëdha të burokracisë federale, akuzoi Rubion se nuk e kishte shkarkuar askënd dhe se i rezistoi përpjekjes së Musk për reduktime të mëdha të stafit.

“Gjatë mbledhjes së kabinetit, Elon Musk thuhet se akuzoi Marco Rubio se nuk pushoi askënd në 45 ditë dhe pengoi planet e Musk për të reduktuar stafin federal në një shkallë masive”, thuhet në artikull.

Rubio ka thënë se 1,500 punonjës të Departamentit të Shtetit kishin marrë “oferta për pension të hershëm”, tha Times.

Aty thuhej se Rubio e pyeti me sarkazëm nëse Musk donte që ai t’i punësonte të gjithë ata njerëz vetëm që të mund të bënte një shfaqje duke i pushuar përsëri.

Takimi u mblodh pas ankesave për qasjen e ashpër të operacionit Musk nga krerët e agjencive te zyrtarët më të lartë të Shtëpisë së Bardhë, duke përfshirë shefen e shtabit Susie Ëiles. Zyra e Çështjeve Legjislative të Shtëpisë së Bardhë është përmbytur me thirrje ditët e fundit nga anëtarë të frustruar republikanë të Kongresit në të gjithë vendin, disa prej të cilëve janë përballur me zemërimin e votuesve në vend.

Trump e mohoi raportin e Times të premten kur u pyet për të gjatë një seance me gazetarët në Zyrën Ovale.

“S’pat përleshje, unë isha aty, ti je thjesht një ngatërrestar”, i tha ai një gazetari që e pyeti për raportin.

“Elon shkon mirë me Marcon dhe ata të dy po bëjnë një punë fantastike”.

Trump shtoi: “Marco ka bërë në mënyrë të pabesueshme si Sekretar i Shtetit. Dhe Elon është një djalë unik dhe ka bërë një punë fantastike”.

The post “Nuk ke pushuar askënd për 45 ditë”/ Elon Musk dhe Marco Rubio përplasje të fortë në mbledhjen e kabinetit ndërsa Trump i vëzhgonte appeared first on Albeu.com.

Siç njofton korrespondenti i Zërit të Amerikës, Steve Herman, republikani Rubio ka përfaqësuar shtetin e Floridës në Senatin e Shteteve të Bashkuara që nga viti 2011 dhe shërben në komisionin për Marrëdhëniet me Jashtë dhe komisionin për Zbulimin.

Senatori Marco Rubio, 53 vjeç, është bir emigrantësh nga Kuba. Nëse konfirmohet nga Senati, ai do të bëhet i pari sekretar shteti me prejardhje hispanike.

Zoti Rubio njihet për qëndrimet e ashpra ndaj regjimeve autoritare në Kubë, Nikaragua, Venezuelë dhe Kinë.

“Ka treguar vendosmërinë për një sërë çështjesh, sigurisht edhe Kina mes tyre”, thotë analisti Michael O’Hanlon me Institutin Brookings.

Senatori Rubio ka thënë se Kina është në një linjë me Iranin, Korenë e Veriut dhe Rusinë kundër Shteteve të Bashkuara.

Pas agresionit rus në shkallë të gjerë kundër Ukrainës në vitin 2022, zoti Rubio ishte një mbështetës i zëshëm i Kievit.

Kohët e fundit ai ka bërë thirrje për negociata për t’i dhënë fund konfliktit ndërsa në muajin prill votoi kundër një pakete ndihme prej 95 miliardë dollarësh.

“Qëllimi ynë, kur bëhet fjalë për Ukrainën, është që ta ndihmojmë në një mënyrë që nuk na shteron buxhetin, dhe nuk i dëmton aleancat tona në mbarë botën”, thotë zoti Rubio.

Senatorët që do të votojnë për konfirmimin, pritet që të shqyrtojnë bindjet e tij mbi politikën amerikane, thotë për Zërin e Amerikës analisti Michael O’Hanlon.

“Nëse do ta braktisnim Ukrainën, diçka që Rubio nuk e thotë, por nëse Ukraina do të pësonte disfatë, kjo do të bënte që shumë aleatë në mbarë botën të shtronin pyetjen nëse ne do t’i mbështesim ata.”

Tetë vjet më parë, zoti Rubio ishte një nga rivalët e zotit Trump në garën republikane për president. Në krye të Departamentit të Shtetit, zoti Rubio do të ishte përgjegjës për zbatimin e politikës së jashtme të Presidentit të zgjedhur Donald Trump.

Zëri i Amerikës bisedoi hulumtuesen e politikës së jashtme, Vilma Petrash, profesore në Kolegjin Miami-Dade.

“Pavarësisht pritshmërive, duhet të jemi realistë. Shtetet e Bashkuara do t’i japin përparësi interesave të tyre mbi ato të pjesës tjetër të botës”, shprehet ajo.

Kur bëhet fjalë për Lindjen e Mesme, zoti Rubio ka qenë një mbështetës i fortë i Izraelit, në të njëjtën linjë me republikanin Trump.

Senatori Rubio i ka bërë thirrje Izraelit që ta zhdukë Hamasin nga Gaza, ndërsa ka kundërshtuar armëpushimet, për të cilat ai thotë se do të mundësonin rigrupimin e Hamasit, që cilësohet si organizatë terroriste nga Shtetet e Bashkuara./VOA

The post Analiza e VOA-s: Kryediplomati i ardhshëm amerikan, Marco Rubio dhe politika e jashtme appeared first on Albeu.com.