Marash Kumbulla pritet të vazhdojë karrierën te Rayo Vallecano. Sipas ekspertit të merkatos Fabrizio Romano, klubi spanjoll dhe Roma kanë arritur mirëkuptimin për transferimin e mbrojtësit në formë huazimi.

Për qendërmbrojtësin e Shqipërisë, kjo do të jetë eksperienca e tretë në futbollin spanjoll. Kumbulla ka luajtur më herët për Espanyol, ndërsa së fundmi ishte pjesë e Mallorca po përmes së njëjtës formulë marrëveshjeje.

Te Rayo Vallecano, 26-vjeçari do të bashkohet me Ivan Balliun, shokun e tij në Kombëtare. Përpara zyrtarizimit të Kumbullës nga klubi i ri kanë mbetur vetëm procedurat e fundit.

The post Marash Kumbulla pranë një klubi të ri, vijon aventurën në La Liga appeared first on Albeu.com.