Marash Kumbulla do ta vijojë karrierën në La Liga si futbollist i Rayo Vallecano-s. Mbrojtësi i Kombëtares shqiptare e ka bërë vetë të ditur qëndrimin te skuadra spanjolle, duke publikuar në rrjetet sociale një postim ku shfaqet i buzëqeshur me fanellën e re.

Në mesazhin drejtuar tifozëve, lojtari kuqezi nuk e ka fshehur kënaqësinë për këtë etapë të rëndësishme të karrierës së tij. “I lumtur që jam këtu. Shumë i entuziazmuar që kthehem në La Liga dhe që bëj pjesë e një klubi të rëndësishëm. Një kapitull i ri fillon. Tani, është koha për të punuar”, ka deklaruar Kumbulla.

Kalimi te klubi nga Madridi i jep mbrojtësit shqiptar mundësinë të shtojë përvojën e tij në kampionatin spanjoll, ndërsa tashmë po përgatitet për sfidat e ardhshme me fanellën e Rayo Vallecano-s.

The post Marash Kumbulla konfirmon aventurën e re me klubin madrilen appeared first on Albeu.com.

Rayo Vallecano ka konfirmuar afrimin e Marash Kumbullës, i cili do ta vijojë sezonin e ri në La Liga në formën e huazimit nga Roma. Te skuadra madrilene, mbrojtësi i Kombëtares shqiptare do të jetë bashkëlojtar me Ivan Balliun.

Roma nuk e konsideronte më Kumbullën pjesë të planeve të saj dhe ka dhënë miratimin për largimin e tij përmes kësaj formule.

Kalimi në kampionatin spanjoll nuk përbën një eksperiencë të re për futbollistin shqiptar. Kumbulla ishte pjesë e Mallorca-s gjatë sezonit 2025-2026, ndërsa në sezonin 2024-2025 u aktivizua me Espanyolin.

The post Marash Kumbulla transferohet në La Liga, mbrojtësi shqiptar huazohet te Rayo Vallecano appeared first on Albeu.com.

Marash Kumbulla pritet të vazhdojë karrierën te Rayo Vallecano. Sipas ekspertit të merkatos Fabrizio Romano, klubi spanjoll dhe Roma kanë arritur mirëkuptimin për transferimin e mbrojtësit në formë huazimi.

Për qendërmbrojtësin e Shqipërisë, kjo do të jetë eksperienca e tretë në futbollin spanjoll. Kumbulla ka luajtur më herët për Espanyol, ndërsa së fundmi ishte pjesë e Mallorca po përmes së njëjtës formulë marrëveshjeje.

Te Rayo Vallecano, 26-vjeçari do të bashkohet me Ivan Balliun, shokun e tij në Kombëtare. Përpara zyrtarizimit të Kumbullës nga klubi i ri kanë mbetur vetëm procedurat e fundit.

The post Marash Kumbulla pranë një klubi të ri, vijon aventurën në La Liga appeared first on Albeu.com.