Sallahu kishte paralajmëruar takimin me homologun e tij Agim Nuhiu, por edhe vizitën në burgun e Idrizovës për t’u informuar për gjendjen me të dënuarit për ter rorizëm në rastin e Kumanovës, që njihet si Grupi i Kumanovës, i përbërë nga ish-komandantë dhe luftetarë të njohur të UÇK-së, që ishin pjesë e përleshjes së armatosur që ndodhi majin e vitit 2015 në “Lagjen e Trimave” të Kumanovës.

Zyrtari i Qeverisë së Kosovës dy ditë më parë paralajmëroi në kanalin T7 se do të takohet me shtetasiy e Kosovës të dënuar me burgim të përjetshëm. Qëllimi i vizitës ishte informimi për kushtet në të cilat ata e vuajnë dënimin dhe nëse respektohen të drejtat e tyre, përcjell INA.

Por nikoqiri i tij, zëvendësministri i Drejtësisë Agim Nuhiu, argumentoi se një leje e tillë për të vizituar të burgosurit më të rrezikshëm as nuk kërkohej dhe as nuk lejohej. Procedura për një vizitë të tillë kalon nga Ministria e Punëve të Jashtme dhe Ministria e Drejtësisë.

Pasi ka përcjellë qëndrimin e autoriteteve maqedonase, siç mëson TV Telma, Sallahu mbrëmë vonë e ka telefonuar Nuhiun dhe e ka njoftuar se po e anulon vizitën./ina

The post Anulohet vizita e zëvendësministrit të Kosovës, a lidhet me pamundësinë e vizitës së Grupit të Kumanovës appeared first on Albeu.com.

Të drejtë vote, sipas Komisionit Shtetëror të Zgjedhjeve, (KSHZ) kanë 1,824.864 qytetarë, të cilët për herë të parë votojnë me sistemin e ri biometrik – identifikimin e votuesve përmes gjurmëve të gishtave, i njohur si “fingerprint”.

Qytetarët votojnë me protokolle shëndetësore për mbrojtje nga pandemia e koronavirusit. Maskat mbrojtëse, distanca dhe dezinfektimi janë kriteret kryesore për realizimin e procesit votues. Votimet do të mbyllen në orën 19:00 ndërsa rezultatet pritet të publikohen në faqen elektronike të KSHZ-së, ashtu siç arrijnë nga qendrat e votimit.

Për kryetarë të komunave garojnë 299 kandidatë dhe 577 lista këshilltarësh me 10,600 kandidatë. Për herë të parë ka numër të madh të kandidatëve të pavarur për kryetarë të komunave dhe lista për këshilltarët komunalë.

Zgjedhjet mbahen me dy rrethe zgjedhore. Nëse asnjëri nga kandidatët nuk merr mbi 50 për qind të votave në rrethin e parë, atëherë në balotazhin më 31 tetor kalojnë dy kandidatët me numrin më të madh të votave në rrethin e parë.

Gara kryesore në këto zgjedhje zhvillohet mes dy blloqeve politike; LSDM-së dhe BDI-së që janë në pushtet dhe partive opozitare VMRO-DPMNE dhe Aleanca për Shqiptarët dhe Alternativa. Partitë shqiptare garën do ta zhvillojnë për qytetet me shumicë shqiptare, si Tetovë, Gostivar, Çair, Kërçovë, Strugë, Dibrë si dhe disa komuna rurale.

Zgjedhjet do të mbikëqyren nga 1,100 vëzhguesit vendorë dhe 217 vëzhgues nga Organizata për Siguri dhe Bashkëpunim në Evropë OSBE-ODIHR. Vëzhguesit e tyre do t’i kenë edhe shumë ambasada të huaja të akredituara në vend.

The post Maqedonia e Veriut voton sot për pushtetin lokal appeared first on Albeu.com.